80
45
Böyük Vətən müharibəsinin iştirakçısı, Lenin ordenli, gənclərin
hami tərbiyəçisi Qriqori Voropayevin briqadası daim respublika
taxılçıları yarışının liderləri sırasında olur (Gurultulu alqışlar).
Keçən il bu briqada hər hektardan 51,3 sentner taxıl götürmüşdür,
indi isə 53 sentner məhsul uğrunda mübarizə aparır. Biz əminik ki,
bu zirvə də fəth ediləcəkdir (Gurultulu alqışlar). Rəşadətli əməyə
görə Oktyabr İnqilabı ordeni ilə təltif elilən sağıcı Anastasiya
Minnikova Azərbaycanda yaxşı tanınır (Gurultulu alqışlar).
Keçən il o, hər inəkdən 5063 kiloqram süd sağmışdır (Alqışlar).
Briqadirlər Pavel Kazakov, Qriqori Dubrovin, Timofey
Kozlovstsev, sağıcılar Qalina Kazakova, Anna Buzlukina,
maldarlar Mixail Fatayev, Nikolay Novosetsev, ferma müdirləri
İvan Kazlovtsev, İvan Smorodin, nəslən mexanizatorlar
Prokofyevlər və Akimovlar, qoyunçular Güləliyevlər və İsayevlər,
inşaatçılar Panfyorovlar və başqaları əla işləyirlər (Gurultulu
alqışlar).
Qırmızı Əmək Bayrağı ordeni ilə qeyd edilən diqqətəlayiq
qələbə bütün kollektivin zərbəçi əməyinin bəhrəsidir (Gurultulu
alqışlar). Vətənin bu gün kolxoza təqdim edilən yüksək mükafatı
haqlı olaraq ivanovkalıların bütün nəsillərinə məxsusdur. Biz
kolxozun təməlini qoyanları, cəbhələrdə vuruşanları və arxada
çalışıb qələbə gününü yaxınlaşdıranları minnətdarlıqla xatırlayırıq.
Biz kolxozçuların yeni nəsillərinə, öz ata və babalarının ənənələrini
göz bəbəyi kimi qoruyub zənginləşdirən, kolxozun salnaməsinə
yeni-yeni səhifələr yazan nəsillərinə hədsiz dərəcədə minnətdarıq
(Gurultulu alqışlar). Biz şübhə etmirik ki, siz böyük partiyamızın
planlarını həyata keçirmək uğrunda ümumxalq mübarizəsinin
həmişə önündə gedəcəksiniz (Gurultulu alqışlar).
80
46
Bu təntənəli gündə biz kolxozun inkişafında rayon partiya
təşkilatının səmərəli rolunu xüsusi qeyd etmək istəyirik. İsmayıllı
Rayon Partiya Komitəsi təsərrüfatın idarə heyəti və partiya təşkilatı
ilə daim işgüzar əlaqə saxlayır, qarşıda duran vəzifələrin yerinə
yetiriləmsində və vaxtı çatmış problemlərin həllində onlara əməli
yardım göstərir. Biz bu düzgün yolda rayon partiya komitəsinə yeni
nailiyyətiər arzulayırıq. (Gurultulu alqışlar).
Kalinin adına kolxoz çoxmillətli Azərbaycanın, onun partiya
təşkilatının beynəlmiləl ənənələrini təcəssüm etdirir. Bu ənənələr
kolxozun və bütün İsmayıllı rayonunun əməkçilərinin işində parlaq
ifadəsini tapır; burada bir çox xalqların nümayəndələri bir ailə kimi
yaşayır və işləyirlər (Alqışlar). Müxtəlif millətlərdən olan
adamların dostluq və qardaşlıq əlaqələrini möhkəmlətmək, onların
sıralarını daha sıx birləşdirmək, kommunizm ideallarının təntənəsi
uğrunda birgə mübarizəyə səfərbərliyə almaq partiya təşkilatının
müqəddəs borcudur (Gurultulu alqışlar).
Yoldaşlar! Doqquzuncu və onuncu beşilliklərdə Kalinin adına
kolxozun müvəffəqiyyətləri bütün respublikamızın kənd təsərrü-
fatının diqqətəlayiq nailiyyətlərinin tərkib hissəsidir. Partiyanın
aqrar siyasətinin ardıcıl həyata keçirilməsi, yetkin sosializm
mərhələsində Azərbaycan kənd təsərrüfatının dinamik inkişafına
onun daimi qayğısı yetmişinci illərdə respublikada əkinçilik və
heyvandarlığın əsaslı yüksəlişini təmin etmişdir. On il ərzində
Sov.İKP Mərkəzi Komitəsi və SSRİ Nazirlər Soveti respublikanın
kənd təsərrüfatına dair üç fundamental qərar qəbul etmişlər, həm də
axırıncı qərar, "Azərbaycan SSR-də kənd təsərrüfatı istehsalını
daha da ixtisaslaşdırmaq, üzümçülüyü və şərabçılığı
80
47
inkişaf etdirmək tədbirləri haqqında" 1979-cu il 22 fevral tarixli
qərar uzun bir dövr üçün, əslində ta iki mininci ilədək fəaliyyət
proqramımızı müəyyən etmişdir. Kalinin adına kolxozun Qırmızı
Əmək Bayrağı ordeni ilə təltif edilməsi respublikamızın kənd
təsərrüfatı əməkçilərinə partiya və hökumətin qayğısının yeni
təzahürüdür (Gurultulu, sürəkli alqışlar).
Azərbaycan kənd əməkçiləri partiyaya, hökumətə, özlərinin
hədsiz minnətdarlığını bütün göstəricilər üzrə planları və sosialist
öhdəliklərini hər il tamamilə və artıqlaması ilə yerinə yetirməklə
ifadə edirlər (Gurultulu alqışlar).
Yoldaşlar, icazə verin, bu fərəhli bayram günündə
yığıncağımızın iştirakçıları, Azərbaycan kəndinin bütün əməkçiləri
adından bir-daha Sov.İKP Mərkəzi Komitəsinə, MK Siyasi
Bürosuna, Sovet hökumətinə, Azərbaycan üçün, onun xalqının
tərəqqisi üçün qayğısına görə səmimi minnətdarlığımızı bildirim.
(Gurultulu, sürəkli, ardı-arası kəsilməyən alqışlar, hamı ayağa
qalxır).
Yoldaşlar, biz az iş görməmişik. Lakin qarşıda daha mürəkkəb
və məsul vəzifələr durur. Sov.İKP XXVI qurultayındakı
məruzəsində L.İ.Brejnev yoldaş ərzaq proqramının əsası olan kənd
təsərrüfatını daha da yüksəltmək və ən əvvəl ət və başqa
heyvandarlıq məhsulları istehsalını artırmaq lüzumunu xüsusi qeyd
etmişdir ki, xalq təsərrüfatının başqa sahələrində olduğu kimi, kənd
təsərrüfatı istehsalının da qarşısında duran başlıca problem
səmərəliliyi və keyfiyyəti yüksəltmək problemidir. "Söhbət onun
haqqında gedir ki, torpaqlardan, xüsusən melorasiya tədbirləri
görülmüş torpaqlardan, maşınlardan, gübrələrdən, yemlərdən
istifadə olunmasının səmərəliliyi qəti surətdə yüksəldilsin, bütün
bitkilərin məhsuldarlığı artırılsın".
Dostları ilə paylaş: |