Microsoft Word M. Suleymanov doc
Yüklə 2,17 Mb. Pdf görüntüsü
|
80 10 üzümçülükdə, heyvandarlıqda, tikinti-abadlıq sahəsində həqiqətən böyük nailiyyətlər qazanmısınız. Taxılın məhsuldarlığını dəmyə şəraitdə hər hektardan 48 sentnerə, üzümün məhsuldarlığını isə 129 sentnerə çatdırmısınız. Keçən il hər inəkdən 3817 kiloqram süd sağmısınız, dövlətə satılan hər qaramalın çəkisini 420 kiloqrama yüksəltmisiniz. Bir sözlə, hər sahədə yüksəlişə nail olmusunuz. Kalinin adına kolxoz bu gün əsl təcrübə məktəbidir. Bu, iqtisadiyyatı intensiv yüksəltdiyiniz üçündür ki, belə gözəl qəsəbədə, belə abad və yaraşıqlı evlərdə yaşayırsınız. Respublika heyvandarlarının seminar-müşavirəsinin kolxozunuzda keçirilməsi isə o demək olacaqdır ki, siz bütün respublikanın diqqət mərkəzinə çevriləcəksiniz. Hələ sizin işinizdən çox söhbət gedəcək. ...Sonra H.Ə.Əliyev yoldaş Soltankəndə gedərək Böyük Vətən müharibəsində həlak olanların xatirəsinə ucaldılmış abidəyə öz adından gül çələngi qoydu. Bu abidə Vətən uğrunda canlarından keçən həmyerlilərinizin xatirəsinə bəslədiyiniz böyük məhəbbətin təcəssümü kimi qiymətlidir. Bunun üçün çox sağ olun. Bir dəqiqəlik sükutla Vətən uğrunda həlak olanların xatirəsi yad edildi. Dağların qoynuna sığınan, gündən-günə öz sərhəddini böyüdən, bina-bina dörd yana addımlayan İsmayıllı şəhəri getdikcə gözəlləşir, öz simasını dəyişir. Xüsusilə onuncu beşillikdə şəhərdə gedən tikinti və quruculuq işləri bütün əvvəlki illərin işini qat-qat üstələyə bilmişdir. Burada yeni yaşayış evləri, ticarət və ictimai iaşə obyektləri tikilmiş, park salınmış, çoxlu binalarda yenidənqurma işləri görülmüşdür. İndi ticarət mərkəzi adlandırdığımız yaraşıqlı Lenin prospektində sıralanmış obyektlər, mağazalar tamamilə yeni görkəm alıb. 80 11 Şəhər zəhmətkeşləri tərəfindən hərarətlə, alqışlarla qarşılanan H.Ə.Əliyev yoldaş məhz ilk dəfə şəhərimizin Lenin prospekti ilə tanış oldu. O, veteranlar mağazasına, kitab və bir sıra mağazalara baxdı. Ticarət məktəbini, satıcılıq kurslarını bitirib, indi alıcılara nümunəvi xidmət göstərən gənc satıcı qızlarla səmimi söhbət etdi, rayon mərkəzini gəzdi. Şəhərimizin yuxarı hissəsində tikilib yenicə istifadəyə verilən ikimərtəbəli "Zəka" kitab evinin açılışında qırmızı lenti əziz qonağımız H.Ə.Əliyev yoldaş kəsdi. O, kitab evi ilə tanış olduqdan sonra öz xoş arzularını bildirdi: - Yoldaşlar, yaraşıqlı, həm daxili, həm xarici gözəl olan, xüsusi zövqlə tikilmiş bu kitab evinin istifadəyə verilməsi münasibətilə inşaatçılara öz razılığımı bildirirəm. Düzdür, tikmisiniz, indiki işin xeyri və gələcək səmərəsi bu kitab evindən necə istifadə edəcəyinizdə özünü göstərəcək. Onu bilməlisiniz ki, bu kitab sərgisi deyil, bu ev istifadə edilmək üçün, kitabı təbliğ etmək üçündür. Kitab evi siyasi ədəbiyyatı yaymaqda, xüsusilə təşəbbüskar olmalı, bədii, elmi-texniki kitabların təbliğatı sahəsində çox iş görməlidir. Mən arzu edərdim ki, bu kitab evi sizin mədəni həyatınızda, mənəvi dünyanızda böyük rol oynasın, sizi cəmiyyətimizin ən xeyirli adamı olmağa çağırsın, yaxşı işləməyə səsləsin. H.Ə.Əliyev yoldaş İsmayıllı - Muğanlı yolunun tikintisi ilə də maraqlandı. O, Girdimançay üzərində qurulan körpünün tikintisində çalışan inşaatçıların da yanında oldu. Respublika avtomobil yolları tikintisi və istismarı naziri R.R.Xələfov yol çəkilişinin və körpü tikintisinin gedişi barədə H.Ə.Əliyev yoldaşa məlumat verdi. İnşaatçılar adından onu əmin etdi ki, İsmayıllı - Muğanlı yolunun çəkilişi 1982-ci ilin üçüncü rübündə başa çatdırılacaqdır. Rayonun 80 12 partiya, sovet təşkilatları bu sahədə bizə yaxından köməklik göstərirlər. H.Ə.Əliyev yoldaş inşaatçıların iş şəraiti ilə tanış oldu. Onlarla söhbət etdi: - Siz çox xeyirxah iş görürsünüz. Diqqət verin ki, tikdiyiniz körpüdən bütün illər uzunu milyonlarla insan keçib gedəcəkdir. Gərək çalışasınız ki, işiniz keyfiyyətli olsun. Tikdiyiniz körpüdən keçən hər kəs sizə əhsən desin. H.Ə.Əliyev yoldaş rayonu gəzərkən onu Azərbaycan KP MK-ın katibi İ.Ə.Məmmədov, rayon partiya komitəsinin birinci katibi Q.N.Aslanov və bir sıra nazirliklərin və dövlət komitələrinin rəhbərləri müşayiət etmişlər. * * * H.Ə.Əliyev yoldaş həmin gün rayonun partiya-təsərrüfat fəallarının yığıncagında böyük nitqlə çıxış etmiş, Kalinin adına kolxozda keçirilmiş təntənəli yıgıncaqda təsərrüfata Qırmızı Əmək Bayrağı ordenini təqdim etmişdir. İyulun 24-də isə Kalinin adına kolxozun mədəniyyət evində keçirilmiş respublika heyvandarlarının seminar-müşavirəsində çıxış etmiş, kolxozun fermalarını gəzmiş və heyvandarlarla söhbət etmişdir. "Zəhmətkeş " qəzeti 25 iyul 1981. 80 13 İSMAYILLI RAYON PARTİYA-TƏSƏRRÜFAT FƏALLARININ YIĞINCAĞINDA H.Ə.ƏLİYEV YOLDAŞIN NİTQİ Yoldaşlar! On birinci beşilliyin birinci ilinin yarı hissəsi keçmiş, ölkəmizin hər yerində beşilliyin birinci ilinin planlarını layiqincə həyata keçirmək üçün XXVI partiya qurultayının qərarlarını, qurultayda irəli sürülən vəzifələri yerinə yetirmək üçün ciddi mübarizə gedir. Bu mübarizə bizim respublikada da gedir. İlin əvvəiindən bəri Azərbaycan Respublikasının zəhmətkeşləri partiyamızın "XVI qurultayının qərarlarını, Azərbaycan Kommunist Partiyasının XXX qurultayının qərarlarını həyata keçirərək böyük müvəffəqiyyətlər əldə etmişlər. 1981-ci ilin birinci yarısının plan və öhdəlikləri iqtisadiyyatın bütün sahələri üzrə artıqlaması ilə yerinə yetirilmişdir. Sənaye işçiləri planı vaxtından xeyli qabaq yerinə yetirib. Əvvəlki illərdə olduğu kimi, sənaye istehsalını yüksək sürətlə təmin edirlər. İnşaatçılarımız ilin birinci yarısında daha yaxşı işləmiş, böyük nailiyyətlər əldə etmişlər. Kənd təsərrüfatı sahəsində ilin birinci yarısında böyük işlər görülmüş, xüsusən respublikanın heyvandarları maldarlıq məhsullarının tədarükünə aid bütün planları ilin birinci yarısında artıqlaması ilə yerinə yetirmiş və keçən ilin müvafiq dövrünə nisbətən xeyli artıma nail ola bilmişlər. İndi kənd təsərrüfatı işlərinin qızğın vaxtıdır. Pambıq tarlalarında, üzüm və meyvə Yüklə 2,17 Mb. Dostları ilə paylaş:
|