Microsoft Word M. Suleymanov doc
Yüklə 2,17 Mb. Pdf görüntüsü
|
- Bu səhifədəki naviqasiya:
- (Gurultulu, sürəkli alqışiar).
- (Gurlutulu, sürəkli alqışlar).
- (Sürəkli alqışlar).
80 14 bağlarında, taxıl zəmilərində - kənd təsərrüfatının bütün sahələrində respublikanın zəhmət adamları, kolxozçular, sovxoz fəhlələri gərgin iş aparır və 1981 -ci ilin yüksək öhdəliklərinin layiqincə yerinə yetirilməsi üçün canla-başla çalışırlar. İlin əvvəlindən respublikamızda çox iş görülüb. Planların və öhdəliklərin artıqlaması ilə yerinə yetirilməsi üçün yaxşı təməl qoyulub. Ancaq kənd təsərrüfatı sahəsində bizim bütün müvəffəqiyyətlərimiz və onun müqəddəratı yayın bu günlərində və qarşımızda olan müddətdə həll olunur. Ona görə də İsmayıllı rayonunun partiya-təsərrüfat fəallarının yığıncağının məhz bu vaxt keçirilməsi, mən belə güman edirəm ki, həm indiyə qədər əldə olunan nailiyyətlərə yekun vuracaq, həm də bundan sonra görüləsi işlərə təkan verib, daha da yaxşı çalışmaq üçün lazımi əsas yaradacaq. Bir sözlə, yoldaşlar, respublikamızda on birinci beşilliyin birinci ili müvəffəqiyyətlə başlanmışdır. Və bildiyiniz kimi, bu müvəffəqiyyətlərin böyük əsası vardır. Bu əsas da ondan ibarətdir ki, respublikamız doqquzuncu, onuncu beşilliklər dövründə yüksək sürətlə irəliləmiş və böyük müvəffəqiyyətlər əldə etmişlər. Respublikamızın bu müddətdə əldə etdiyi böyük müvəffəqiyyətlər sizə məlumdur. Bildiyiniz kimi, biz 1980-ci ilin aprel ayında ölkəmizin bütün qardaş xalqları ilə birlikdə Sovet Azərbaycanının 50 illik yubileyini bayram etdik. Altmış ildən artıq bizim qədim Azərbaycan torpağında Sovet hakimiyyəti bərqərar olmuşdur. Və bu müddətdə Azərbaycan xalqı, respublikanın bütün zəhmətkeşləri böyük yol keçmiş, böyük nailiyyətlər əldə etmişlər. Ancaq təəssüf ki, müəyyən mərhələdə bizim respublikada işlər zəif getmiş və respublikamız get-gedə geriyə qalmışdır. Doqquzuncu, onuncu 80 15 beşilliklərdə biz artıq bu geriliyə son qoymuşuq və respublikamız indi irəlidə gedən respublikalar cərgəsində, ümumittifaq miqyasında sosialist yarışında qabaqcıllar cərgəsindədir (Gurultulu, sürəkli alqışiar). Kənd təsərrüfatı sahəsində doqquzuncu-onuncu beşilliklərdə çox böyük nailiyyətlər əldə olunmuş və bu müvəffəqiyyətlər bizim hamımızı sevindirir, ruhlandırır. Respublikanın və xalqımızın nüfüzu get-gedə artır, şan-şöhrəti həm ümumittifaq miqyasında, həm də dünya miqyasında daim yayılmaqdadır. Bütün bu əldə olunan nailiyyətlər partiya və hökumət tərəfindən yüksək dərəcədə qiymətləndirilmişdir. İndi biz hamımız artıq böyük iftixar hissi ilə dönə-dönə təkrar edirik ki, respublikamız on bir ildir ki, Ümumittifaq sosializm yarışının qalibləri cərgəsində durur və on bir ildir ki, dalbadal ölkənin Qırmızı bayrağını almağa nail olur (Gurlutulu, sürəkli alqışlar). Azərbaycanın hər bir vətəndaşının, hər bir zəhmət adamının ürəyi qürur hissi ilədoludur. Ona görəki onuncu beşilliyin yekununa görə, bizim respublikamız ümumittifaq miqyasında ən yüksək göstəricilər əldə etmiş və müttəfiq respublikalar arasında birinci olaraq onuncu beşilliyin planlarını 4 il 2 ay yarım müddətində yerinə yetirmiş və böyük əmək qəhrəmanlığına görə bizim respublikamız ölkədə yeganə olaraq Lenin ordeni ilə təltif olunmuşdur (Sürəkli alqışlar). Yoldaşlar, bütün bu nailiyyətlər şübhəsiz ki, asanlıqla əldə olunmamış, 70-ci illər Azərbaycan Respublikasının partiya təşkilatı üçün, Azərbaycan zəhmətkeşləri üçün böyük mübarizə illəri olmuş, böyük zəfər illəri olmuş və gərgin mübarizə ilbəil, dalbadal bizi pillədən-pilləyə qaldırmışdır. Bizim ən böyük nailiyyətimiz ondan ibarətdir ki, respublikamızın bütün guşələrində 80 16 və bütün sahələrində sağlam əhval-ruhiyyə, siyasi-mənəvi iqlim yaranmış və ədalət, düzlük, təmizlik Azərbaycan partiya təşkilatının işində tam bərqərar olmuş, hər bir zəhmət adamı üçün hər bir əmək kollektivi üçün, yaxşı işləmək, özünü göstərmək, irəlidə gedənlər sırasına çıxmaq üçün şərait yaranmışdır. Bu şəraitdə respublikanın zəhmət adamları - fəhlələr, kəndlilər, ziyalılar böyük təşəbbüslərdə bulunaraq öz yaradıcılıq şücaətini artırmağa nail ola bilmişlər və bunların hamısının nəticəsində respublikamız ümumiyyətlə, böyük nailiyyətlər əldə etmişdir. Bax, belə bir şəraitdə yaxşı işləmək istəyən adam, hökumətin, xalqın, Vətənin qarşısında sədaqət göstərmək istəyən kollektiv həmişə şübhəsiz ki, məqsədinə nail ola bilmişdir. Bunu sizin rayonun timsalında da biz yaxşı görürük. Sizin rayon bildiyiniz kimi, respublikamızın ərazisində təbiət etibarı ilə, iqlim etibarı ilə, torpaq etibarı ilə gözəl guşələrdən biridir və böyük tarixə, böyük ənənələrə malik olan bir rayondur. İsmayıllı rayonunun tarixi sizə yaxşı məlumdur. Əsrlərdən-əsrlərə keçmiş tarixi abidələr, arxitektura abidələri, həm Lahıc, həm Basqal kəndlərinin timsalında, bütün sizin rayonun ərazisində olan başqa tarixi abidələrin timsalında özünü göstərir. Sizin rayondan qabaqcıl, mütəfəkkir adamlar, partiya, dövlət xadimləri, irəliyə çıxmış Sovet hakimiyyəti dövründə əmək qəhrəmanları, Vətən müharibəsində qəhrəmanlıq göstərən adamlar əvvəl də, indi də az olmamışdır. Elə bu gün burada, sizin bu fəallar yığıncağında həmyerliniz, Böyük Vətən müharibəsinin qəhrəmanı, Sovet İttifaqı Qəhrəmanı Bəhyəddin Mirzəyev iştirak edir. Respublikanın bir neçə qabaqcıl inşaatçısı və Sosialist Əməyi Qəhrəmanı adına layiq olmuş inşaatçıları da sizin həmyerlilərinizdir, Yüklə 2,17 Mb. Dostları ilə paylaş:
|