198
sərvətlər axtarmaqla məşğul olmuşlar və demək olar ki, on-
ların hamısı Böyük Britaniya, Fransa və Hollandiya da daxil
olmaqla öz xarici təcavüzkar siyasətlərində narkotikləri öz
xərclərini ödəmək üçün ucuz vasitə kimi istifadə etmişlər.
Bununla əlaqədar İngiltərədə 1860-cı ildə opiumdan başqa
xəstəliklərə nisbətən iki dəfə çox insan ölmüşdür. Bu rəqəm
1880-ci ildə əhalinin 14%-ni təşkil etmişdir.
Xəstələrə ağrı kəsici kimi morfinin geniş tətbiq olunması
Rusiyada XIX əsrdə bu maddəyə həvəsi artırmış və onu
«əskər xəstəliyi» adlandırmışlar, morfinizm isə tipik
alkoqolsuz narkomaniya əhəmiyyəti daşıyırdı. 1937-ci ildə
Çində opium istifadəçilərinin sayı 4 milyon nəfərdən çox
olmuşdur. 1931-1942-ci illərdə Almaniyada dörd milyondan
çox narkoman qeydə alınmışdır (buraya alkoqolla xəstə
olanlar aid edilməmişdir). İkinci Dünya müharibəsindən
sonra ABŞ və Finlandiyada heroindən geniş istifadə olun-
ması müşahidə olunmuşdur. ABŞ Senatının xüsusi Komis-
siyası 1956-cı ildə ABŞ-da 600 mindən çox narkoman oldu-
ğunu (alkoqol xəstələr nəzərə alınmır) göstərmişdir. Bəzi
ekspertlərin hesablamalarına görə ABŞ-da o vaxtlar faktiki
olaraq 1 milyona qədər narkoman olmuşdur. Hindistanda
1952-ci ildə rəsmi olaraq iki milyondan çox xəstə insan
olduğu qeyd olunmuşdur. İndoneziya və Myanmada (Birma)
dəqiq olmayan rəsmi məlumata əsasən yarım milyona qədər
opium istifadə edən insan olmuşdur. BMT-nin narkotiklər
üzrə Komitəsinin məlumatına əsasən 1950-ci illərin əvvəl-
lərində opium istifadəsi ilə daha ağır vəziyyət İranda qeydə
alınmışdır. Orada əhalinin 20%-ə qədəri opium yetişdirmiş
və istifadəçisi olmuşlar. 1950-ci illərin sonuna yaxın İçveç-
rədə ağrıkəsici medikamentlərdən istifadə hərisliyi elə
artmışdır ki, o da alkoqolizm kimi kütləvi xarakter almışdır.
1980-ci illərin sonlarında Yaponiyada yarım milyona yaxın
narkoman olması göstərilmişdir.
199
ABŞ-da geniş qəşiş epidemiyası Vyetnam müharibəsi ilə
əlaqələndirilir. 1994-cü ildə Polşada müxtəlif qiymətləndir-
mələrə əsasən 10 mindən 21 minə qədər insan narkomaniya
ilə xəstə olub. Həm də ki, xəstələrin 90%-i narkotikləri vena
daxilinə yeritməyi üstün tutmuşlar.
1999-cu ildə Ukraynada tibb müəssisələrində nəzarətə
götürülmüş narkomanların ümumi miqdarı 83 min nəfərə
çatmışdır ki, onların da 4 mindən çoxu həd-buluğa çatmamış
gənclər olmuşdur.
Asiya ölkələri içərisində Hindistan xüsusi yer tutur. Bu
ölkə ərazisində, beynəlxalq razılaşmaya əsasən, hər il 678
tona qədər opium başqa ölkələrə satılmaq üçün istehsal
olunur. Hindistanda heroin istifadəçiləri əhalinin ümumi
sayınadan 1%-dən çox təşkil edir. Tayland və Birmanın
payına narkomanların 7%-i düşür.
Rusiyada narkotiklərin yayılmasının öz xüsusiyyətləri
vardır. Rusiyada uzun illər narkomaniyanın inkişafı zəif idi:
1965-ci ildə burada 10,0 min nəfər narkomaniya ilə xəstə
qeydə alınmışdı. 1975-ci ildə bu xəstələrin sayı 1,5 dəfə
artmış və 14,8 min nəfər, 1985-ci ildə narkormanların sayı
dəyişməmişdir. 1985-1988-ci illərdə keçmiş SSRİ-də narko-
maniya ilə xəstələnənlərin sayı 3,7 dəfə artmışdır. 1988-ci
ildə SSRİ-də 50 minə qədər insan qeydiyyatda olmuşlar.
1985-1991-ci illərdə narkomaniya ilə xəstələnənlərin sayı iki
dəfə artaraq, 1991-ci ilin əvvəlinə 28,3 min nəfərə çatmışdır.
XX əsrin sonuncu onilliyində Rusiya siyasi, sosioloji və
iqtisadi gərginliyə məruz qalmışdır. 1991-2000-ci illərdə
narkomaniya ilə xəstələnlərin sayı 9 dəfə artmışdır. Rusiya-
da narkomaniya ilə xəstələnənlərin sayı 270 min nəfərə
çatmışdır. 2000-ci ilin axırına Rusiyada 2 milyon insan
narkomaniya xəstəsi olub.
Yazılanlardan göründüyü kimi keçmiş əsrlərdən fərqli
olaraq XX əsrdə, xüsusilə onun sonlarında narkomaniyanın
200
ictimai təhlükə dərəcəsi xeyli artmış və dünyəvi xarakter
almaqdadır.
Bu proses xüsusilə gənclər arasında «Ağ ölümün» (tiryək,
həşiş, heroin, kakoin və s.) yayılmasına səbəb olmuşdur. Bu
xəstəliyin yayılma sürəti və coğrafiyası o, qədər sürətlə
dəyişir ki, bunların uzunmüddətli statistik rəqəmlərini belə
düzgün söyləmək çətindir.
Məlumdur ki, narkomaniya insanlara, xüsusilə gənc yaş-
larında çox böyük əxlaqi zərər vurur, onların mənəviyyatının
pozulmasına, müalicəsi çətin xəstəliklərə tutulmasına, ən
əsası isə ayrı-ayrı ölkə və regionlarda cinayətkarlığın və
digər xoşagəlməz proseslərin güclənməsinə səbəb olmuşdur.
Hazırda Kolumbiya, Əfqanıstan, İran, Tacikistan, Myanma,
Hindistan və s. kimi ölkələrin dağlıq ərazilərində istehsal
olunan narkotik maddələr ağılagəlməz yollar və üsullarla
dünyanın bütün ölkələrinə aparılır. Bu maddələrin Şimali
Amerika və Avropanın bir çox ölkələrinə, Rusiyaya və digər
regionlara daşınmasının getdikcə artması böyük təhlükə
doğurur. Narkotiklərin yayılması get-gedə daha yeni-yeni
ölkələri əhatə edir. Məlumdur ki, narkotik maddələr istehsal
edən regionlarda sosial-iqtisadi səviyyənin aşağı olması,
qeyri-siyasi vəziyyətin mövcudluğu bu biznesin daha geniş
vüsət almasına imkan yaradır. BMT narkotik maddələrdən
istifadə edənlərə nəzarət üzrə xüsusi fond yaratmışdır.
Əfsuslar olsun ki, Azərbaycan da bu dünyəvi, qlobal bə-
ladan xilas ola bilməmişdir. Azərbaycanın səlahiyyətli or-
qanlarının rəsmi məlumatına əsasən 2012-ci ilin sonuna
respublikada narkomanların sayı 27 min nəfərə çatmışdır.
Ən təhlükəlisi isə budur ki, son illər respublikada narkotik
xəstələrin yaşı xeyli cavanlaşmışdır. Mütəxəssislərin fikrin-
cə narkotik maddələrin istifadəçilərinin artması səbəblərin-
dən biri də respublikanın geosiyasi mövqeyi göstərilir. Belə
ki, Azərbaycan narkobiznesin kəsişmə nöqtəsində yerləşir.
Dostları ilə paylaş: |