Microsoft Word monitoring focal points az doc
Yüklə 362,13 Kb. Pdf görüntüsü
|
7
ilə bağlıdır (Pekin, 1995). 1994-cü ildə ölkə prezidentinin fərmanı ilə dövlət strukturlarının rəhbər vəzifələrində çalışan qadınların və qadın qeyri-hökumət təşkilatlarının liderlərinin daxil olduğu Milli Hazırlıq Komitəsi yaradılmışdır. Hazırlıq Komitəsinin vəzifələri aşağıdakılardan ibarət idi: SSRİ zamanında qadınların rolunun və durumunun qiymətləndirilməsi; keçid dövründə qadınların rolunun və ictimai durumlarının araşdırılması, eləcə də əsas maraq və fəaliyyət sahələrinin müəyyən edilməsi; qadın problemləri üzrə mövcud məsələlərin, statistik göstəricilərin, digər məlumatların araşdırılması və məlumat toplama sisteminin yaxşılaşdırılması və inkişaf etdirilməsi üzrə tövsiyələrin hazırlanması, qadın təşkilatlarının yaranmasına dəstək yolu ilə qadınların ictimai həyata cəlb edilməsinin aktivləşdirilməsi, cinslər arasındakı bərabərliyə nail olmaq və cəmiyyətdə qadınların statusunun artırılmasına yönəldilmiş proqramların işlənərək hazırlanması. 1995-ci ildə Azərbaycan BMT-nin “Qadınlara Qarşı Ayrı- Seçkiliyin Bütün Növ Formalarının Ləğv Edilməsi Haqqında” Konvensiyasını (CEDAW), 2001- ci ildə isə ona aid olan Fakültətiv Protokolu ratifikasiya etmişdir. 1998-ci ildə Komitənin “Qadınlara Qarşı Ayrı-Seçkiliyin Bütün Növ Formalarının Ləğv Edilməsi Haqqında” sessiyasında Azərbaycanı təmsil edən nümayəndənin məruzəsi dinlənilmişdir.
daşıyan dövlət mexanizminin yaradılması ilə başlamışdır. 1998-ci ildə Prezident Heydər Əliyevin fərmanı ilə Qadın Problemləri üzrə Dövlət Komitəsinin yaradılması və “Azərbaycanda Qadınların Rolunun Artırılmasına Dair Tədbirlər Haqqında” sərəncamının verilməsini fövqəladə əhəmiyyətli hadisə kimi hesab etmək olar. Bu gender siyasətinin dövlətin vacib strategiyalarından biri olduğunu göstərirdi. 1997-2000-ci illərdə Azərbaycan hökumətinin və BMT-nin “Gender və inkişaf” layihəsi üzrə İnkişaf Proqramının birgə fəaliyyəti başlanmışdır. Ölkənin 16 rayonunun icra hakimiyyətləri orqanlarının tərkibində gender problemləri üzrə şöbələr yaradılmış 3 , qadın problemləri üzrə Dövlət Komitəsinə və qadın QHT-nə isə böyük miqdarda təşkilati-texniki dəstək göstərilmiş, gender bərabərliyinə aid olan tədqiqatlar və vacib beynəlxalq sənədlər Azərbaycan dilinə tərcümə edilmiş və gender bərabərliyi mövzusunda bir sıra kaskad treninqlər keçirilmişdir. Məhz bu müddətdə Milli Məclis BƏT-nın Konvensiyasını ratifikasiya etmişdir, onlardan 4-ü birbaşa olaraq qadın əməyinə aiddir 4 .
Üçüncü mərhələ, hansı ki, gender bərabərliyi və siyasi qərarların qəbul edilməsində qadınların imkanlarının genişləndirilməsi sahələrində dövlət strategiyasının əsasının təməlini
3 Abbasov A. Azərbaycan Respublikasının sosil-siyasi fəaliyyət sahəsində gender analizi. Açıq Cəmiyyət İnstitutu- Yardım Fondunun Qadın Şəbəkəsi Proqramı üçün Texniki-İqtisadi Əsaslanma Fondu, 2004. С. 25
4 www.millimadjlis.-gov-az
8
qoymuşdur, Respublika Prezidentinin 6 mart 2000-ci il tarixli “Dövlət Qadın Siyasətinin Həyata Keçirilməsi Haqqında” fərmanı ilə başlanmışdır. Bu fərman qanunvericiliyin gender ekspertizasının keçirilməsini və ölkənin bütün dövlət strukturlarında qadınların təmsil olunma faizinin kişilərlə eyni səviyyədə olmasının təmin edilməsini nəzərdə tutur. Ölkənin bir çox nazirlik, idarə və müəssisələri öz fəaliyyətlərini aktivləşdirmək üçün qadın və iqtisadiyyat (yoxsulluq, mülkiyyət və s. problemləri), qaçqınlar və ölkə daxilində yerlərini dəyişmiş ailələr, qadınlar və səhiyyə sahəsi, qadınlar və idarəetmə, qadın əməyi, qadın hüquqları kimi ölkə üçün prioritet sayılan məsələlər üzrə (formal da olsa) təkliflərini irəli sürmək məcburiyyətində qaldılar. Fərmanın həyata keçirilməsini nəzarətdə saxlamaq funksiyası Qadın Problemləri üzrə Dövlət Komitəsinə tapşırılmışdı, o isə öz növbəsində hər il prezidentin fərmanının həyata keçirilməsi haqqında müvafiq nazirliklər, idarə və müəssisələrdən toplanmış məlumat əsasında hesabat hazırlayaraq Nazirlər Kabinetinə təqdim edirdi. 2000-ci ildə Nazirlər Kabineti 2000-2005-ci illər üçün qadın problemləri üzrə Milli Fəaliyyət Proqramını təsdiq etdi. Bu plan, ölkənin prioritetləri və hal-hazırkı durumu nəzərə alınmaqla, Pekin Fəaliyyət Platforması əsasında hazırlanmışdı. Bu sənəd nazirliklər, dövlət strukturları və qeyri-hökumət təşkilatlarının iştirakı ilə hazırlanmış və qadın problemləri ilə bağlı təxirəsalınmaz tədbirlərin keçirilməsini, dövlət proqramlarının hazırlanmasını nəzərdə tuturdu 5 .
Dövlət səviyyəsində və Milli Fəaliyyət Platforması çərçivəsində gender seqreqasiya statistikasının toplanması prosesi başlandı və 2003-cü ildə Dövlət Statistika Komitəsi ilk dəfə olaraq “Azərbaycanda ailə” statistik toplusunu nəşr etdi. Bu topluya “ailənin demoqrafik xarakteristikası, sağlamlığın qorunması, məşğulluq, həyat səviyyəsi, ev təsərrüfatının büdcəsi, cinayətkarlıq” kimi sahələr üzrə seqreqasiya statistikası daxildir 6 . 2000-2005-ci illər üçün nəzərdə tutulmuş Milli Fəaliyyət Planının həyata keçirilməsi və gender meynstriminqinin gerçəkləşdirilməsi məqsədilə Dövlət Komitəsi tərəfindən İdarələrarası Şura yaradılmışdı. Bu şuraya dövlət idarələrinin nümayəndələri, fokal mərkəzləri və qadın QHT- ları daxil olmuşdur. Koordinasiya funksiyasını isə Qadın Problemləri üzrə Dövlət Komitəsi yerinə yetirirdi. İnkar etmək olmaz ki, ciddi sosial problemləri (eləcə də yoxsulluğun aradan qaldırılması) əhatə edən qərarların planlaşdırılması və qəbul edilməsi prosesində qadınların iştirakının bütün reallıqlarını özündə əks etdirən hesablamaların təmin edilməsi üçün Qadın Problemləri üzrə Dövlət Komitəsi bir sıra addımlar atmışdır. Yoxsulluğun əsas səbəblərindən
5 Dövlətin öhdəliyi olan Pekin Platformasının (1995-ci il) həyata keçirilməsi ilə bağlı qaldırılan suala və BMT-nin Baş Assambleyasının (2000-ci il) 23-cü ssesiyasının qərarı ilə bağlı Qadın Problemləri üzrə Dövlət Komitəsinin məruzəsi, B: PD Əbilov və oğlu, 2005.С.3-4.
6
Yüklə 362,13 Kb. Dostları ilə paylaş:
|