Geoloji kəsilişdə
az və orta abrazivliyə,
çox bərk, bərk və orta bərkliyə malik süxurları (əhəngdaşı,
argillitlər, gilli qumdaşları, mergellər, anhidritlər, brekçiyalar, mərmərlər, dolomitlər, dolomitli qum daşları və
s) qazımaq üçün bu baltalardan istifadə edilir. Almazlı baltanın matrisi üzərində texniki almaz dənələri radial və
pilləli şəkildə yerləşdirilir.
Almazlı baltalar almazların növü, ölçüləri, forması, dənələrinin matrisadan çıxması, mərkəzi və ətraflarının
quruluşu, matrisanın bərkliyi, abrazivliyə qarşı dayanıqlığı
və nəhayət, yuma kanallarının
quruluşu ilə bir-
birindən fərqlənir.
Almazlı baltalar quyu dibini bütövlükdə qazıyan və ya süxur nümunəsi götürən sütuncuqlu baltabaşı
şəklində istehsal edilir.
Kəsici dişlər bir-birindən fərqli dörd tip almazdan hazırlanır.
1.Almaz mədənlərindən çıxarılan təbii almazlar. Bu almazlar müxtəlif ölçülərə və tərkiblərə malikdir; çox
xırda almazlar (almaz qırıntıları), xırda almazlar (ölçüləri 1mm-dən kiçik) və nisbətən iri almazlar (ölçüləri
1mm-dən böyük).
2.Sintetik almazlar çox xırda olur (almaz qırıntıları). Bu almaz qırıntıları, əsasən, PDS tipli baltaların kəsici
elementlərini hazırlamaq üçün istifadə olunur.
3.Yarımkristallik almazlar (PDS) süni şəkildə yaradılır. Belə məhsulların üstün cəhəti onların
forma və
ölçülərinin (bir neçə millimetrdən iki düymə qədər) balta dişlərinin tətbiq sahələrindən asılı
olaraq
dəyişməsidir.
4.İstiliyə davamlı almazlar (TSD) və ya istiliyə davamlı yarımkristallik almazlar (TSP). Özlüyündə sintetik
almazlardır. Bu material çox kövrəkdir və istiliyə davamlıdır (1000
0
C-dən yüksək temperaturda dağılma baş
verir).
Dostları ilə paylaş: