5
Belə bir sual meydana çıxır: konkret elmlər sahəsində bir neçə
kəşflər edən Ömər Xəyyam necə olmuş ki, ancaq kiçik rübailəri ilə dünya
şöhrəti qazanmışdır? Bu suala cavab vermək istəyən Şərq və Qərb
tədqiqatçıları çox haqlı olaraq qeyd etmişlər ki, Xəyyamı klassik dünya
şairləri zirvəsinə qaldıran rübailəri misilsiz dərəcədə sənətkaranə yazılmış
və dörd sətir içərisində, cildlərlə kitaba yerləşən dərin, fəlsəfi fikirlər ifadə
etmişdir. Xəyyam rübailərinin bizdə təkrar – təkrar çap edilməsinin bir
səbəbi də onun materialist, atesit dünya görüşünün bu rübailərdə inikası
olmuşdur.
Xəyyamın bütün rübailəri dərin fəlsəfi fikirlərlə doludur. O hər
şeyin əsl mahiyyətini bilməyə çalışan,
həqiqət axtaran, onu tapmadıqda
məyus olan bir filosof – şairdir. Xəyyamın hər rübaisi insanı fikrə daldırır,
onu ayıldır, onu bu dünyaya bağlayaraq, o biri dünyanın boş vədlərindən
uzaqlaşdırır. Buna görə də müftilər, din xadimləri Xəyyamı kafir
adlandıraraq, onu lənətləndirirdilər. Lakin Xəyyam ona etiraz edən belə
müftilərə cavab olaraq, qorxmadan onları qaniçən adlandırır və yüksək
səslə deyirdi:
Ey şəhər müftisi, səndən pərgarıq!
Bunca
sərxoşluqla səndən huşyarıq.
Biz şərab içirik sən xalq qanını,
İnsaf et, hansımız daha qəddarıq?
Ömər Xəyyam Bağdada xəlifələrinin hələ fitva verdiyi tarixi
şəraitdə yaşayıb yaradırdı. Bu zaman hər adam materialist ideyalar irəli
sürmək, ateist fikirlər söyləmək qüdrətinə malik ola bilməzdi. Bu zaman hər
kəs islamiyyəti bir cür şərh etməyə çalışaraq, onu hakim feodal dövlətinin,
daha yararlı surətdə xidmətinə vermək istədiyi halda, ancaq Xəyyam kimi
cəsur bir filosofa yaraşardı ki, onlara gülərək desin:
Məzhəb, din düşünür bir yığın insan,
Bir yığın da «şəklə» «yəqində» heyran.
«Qafillər, yol nə o, nə budur!» - deyə
Pusqudan
qışqırır biri nagahan.
O, din xadimlərinin səsini batıraraq, deyirdi:
Cənnət – cəhənnəmə girən yox, könül,
Gedib
o
dünyanı görən yox, könül.
Ümid və qorxumuz o şeydəndir ki,
6
Onlardan
heç
nişan verən yox, könül.
Buna
görə də Xəyyam hər kəs üçün nəsib olan bu az ömrün mənalı
və şadlıqla keçməsini təbliğ edirdi. O hər şeyin ancaq bu dünyada
olduğunu, öləndən sonra hər şeyin bitdiyini dərk edirdi. Xəyyam o dünyaya
köçüb gedənlərin çox olduğunu və hər kəsin də qayıtmadığını göstərərək,
oxucularını öyrədirdi ki;
Şad ol,
ömrü çarpma kədərlə daşa,
Bu
zalım dünyada sən adil yaşa.
İndi ki, dünyanın sonu yoxluqdur,
Zənn et, yoxsan, ömrü azad vur başa.
Xəyyam cənnətin də, cəhənnəmin də bu dünyada olduğunu belə
izah edirdi:
Dünya
–
ömrümüzdən keçən bir andır,
Ceyhun
–
gözümüzdən axan neysandır;
Cəhənnəm – boş əməl qığılcımıdır,
Cənnətsə xoş keçən rahat zamandır.
O,
başqa bir rübaisində naəhl və yaramaz admlarla söhbəti
cəhənnəm adlandırmışdır. Beləliklə, aydın olur ki, Xəyyam çox kəskin bir
surətdə dinin əleyhinə olmuş və bu dünyada hər səadəti insanın zəhmət və
iradəsində görmüşdür. O, fəlakətlərin insandan gücsüz olduğunu öyrədərək
(rübai 222), allahın varlığını inkar etmək dərəcəsinə qədər yüksəlirdi.
Xəyyam deyirdi: «Hər şey allah əlindədirsə bəs nə üçün o, yer üzündə bu
qədər ədalətsizliklər yaratmışdır, nə üçün o öz yaratdığını belə nöqsanlı
etmişdir? Yaxud nə üçün o (allah) bütün əməllərini əvvəlcədən alnına
yazdığı bəndəsinə nöqsan tutaraq, onu bu dünyada etdiyi işlərinə görə
cəhənnəmdə yandırır?» (rübai 226, 228, 331)
Nəhayət, Xəyyam dini ehkamlara böyük bir zərbə vuraraq, bu
dünyanın çox eybəcər yarandığını elan edirdi. Zülm, sitəmlə göylərə
yüksələn həşəmətli sarayların uçulub gedəcəyini, onun xarabaları üzərində
bayquşların ötəcəyini deyən Xəyyam öz dövrünün bütün qanunsuzluq və
ədalətsizliklərinə bir ittihamçı kimi səsini yüksəldərək deyir:
Əlimdə olsaydı əgər iqtidar
Bu
köhnə fələki kökündən yıxar,
Təzədən elə bir fələk qurardım
7
Ki, hər kəs yaşardı azad, bəxtiyar.
Şübhəsiz ki, belə ateist fikirlər Xəyyamın materialist görüşlərindən
doğurdu. O, varlığın (maddənin) əbədiyyətini təsdiq edir, onun nə ibtidası,
nə də sonu olmadığını anlayırdı. O, insan şüurundan asılı olmayaraq,
mövcud olan obyektiv varlığı qəbul edirdisə də, bu varlığın nədən ibarət
olduğunu hələ kamil surətdə dərk edə bilmirdi. Bir çox rübailərində
Xəyyam özü verdiyi suallar qarşısında aciz qaldığını bildirir, bu «əvvəli və
sonu bəlli olmayan, dairəvi dövr edən dünyada heç kəsin bizim haradan
gəlib, haraya getdiyimizi» bilmədiyini irəli sürərək (rübai 21), bir aqnostik
kimi varlığın əsl mahiyyətini bilməyin hətta mümkün olmadığı qənaətinə
gəlirdi (rübai 13). Xəyyamın materializmi, mahiyyət etibarilə, nöqsanlı və
sensualist bir materializm idi.
Belə olduğu təqdirdə, şair bu dünyada vaxtını nəşədə keçirməyi və
ömrünü dərd, ələm içində keçirməməyi məqsədə müvafiq bilirdi. Xəyyamın
əsərlərində tez – tez təsadüf edilən nəşə, şərab, gözəl meyxana, çəng, saqi,
çəmən, saz, nəğmə və s. bu kimi sözlər onun məhz bu fikri ilə bağlıdır.
Təəssüf ki, bəzi tədqiqatçılar Xəyyamın çox şərab içməkdən və gözəllərlə
vaxt keçirməkdən bəhs etməsinə əsaslanaraq, haqsızcasına onu əyyaş və
sərsəri adlandırmışlar. Bu fikir kökündən səhvdir. Xəyyam özü bir
rübaisində şərab içməkdən nə məqsədi olduğunu belə izah etmişdir:
Mey iç sən, möhkəm ol, ağıldan qaçma,
Cahillik
eyləyib söyləmə, saçma.
İstəyirsən sənə mey halal olsun,
Kimsəni incitmə, vurma, əl açma.
Yaxud:
Mey içmək, şad olmaq ayinim mənim,
Bilməməkdir küfrü din, dinim mənim.
Dünya gəlininə dedim: « - Kəbinin?»
Dedi:
«
-
Şad könlündür kəbinim mənim».
Buradan
aydın olur ki, Xəyyam, bütün həyatı zövqləri unudaraq,
şərab içib özündən gedən sərxoş və pozğun bir əyyaş deyil, bəlkə, həkimanə
və gözüaçıq bir surətdə ayıq yaşamağı, başqalarına əziyyət verməməyi,
xeyirxah olmağı təliğ etmişdir. Ona görə də xalq arasında «Xəyyamanə
mey içməyi hər adam bacarmaz» - deyə bir məsəl də vardır. Xəyyam
8
əvvəlcədən duyurdu ki, onu bir çoxları düzgün anlamayacaqlar, buna görə
də bir rübaisində hər tayfanın onu öz qabiliyyəti daxilində dərk edib
qiymətləndirəcəyini xəbər verirdi.
* * *
Xəyyamın rübailərinin miqdarı haqqında müxtəlif fikirlər vardır.
Bəziləri bu irsi ancaq 121 rübaidən ibarət hesab etdikləri halda, bəziləri
onun sayını minə qədər artırmışlar. Tarixində ilk dəfə olaraq məşhur rus
şərqşünası V.Jukovski Xəyyam rübailərini tədqiq edərək, onun çox
qarışdırıldığını aydın faktlarla sübut etmiş və hətta Xəyyam adına çıxan 82
rübainin Xaqani, Ənvəri, Sədi, Hafiz kimi məşhur şairlərə aid olduğunu da
göstərmişdir. Buna görə də Xəyyamın görüşlərindən bəhs edən zaman
başqa şairə məxsus olan rübailəri əsas götürmək olmaz. bəzi Avropa
şərqşünasları məhz Xəyyamın qələminin məhsulu olmayan rübailərdən
çıxış edərək, səhvən onu sufi şair adlandırmışlar. Halbuki Xəyyam bütün
dinləri inkar etdiyi üçün, islam dini daxilində yaranmış bütün təriqətlərə də
yabançı idi.
Xəyyamın rübailəri ilk dəfə XIX əsrdə Fizcerald tərəfindən ingilis
dilinə tərcümə edildikdən sonra, böyük sürətlə Avropada şöhrət qazandı və
bir – birinin ardınca müxtəlif dillərə (fransız, alman, italyan, rus, türk və s.
dillərə) gah nəsrlə, gah nəzmlə tərgümə edildi. xəyyamı dünyanın məşhur
filosofları olan – Höte, Heyne, Volterlə müqayisə etmişlər. Təsadüfi
deyildir ki, Xəyyam şərq mənbələrində «həkim» adlandırılmışdır. Bu ləqəbi
almaq tarixdə hər şairə nəsib olmamışdır. Ömər Xəyyam öz dövründə
naəhl adamların onu əhatə etdiyindən şikayətlənərək, hələ bir çox mənaları
deməyib, qəlbində basdırdığı acı – acı qeyd etmişdir.
Lakin
Xəyyamın demiş olduğu fikirləri də onu böyük bir şair kimi
qiymətləndirməyə haqq verir.
Xəyyam rübailəri hələ bu gün də başqa – başqa dillərə tərcümə
edilməkdədir. Onun rübailər kitabçası gözəl bir bayram hədiyyəsi kimi
əldən – ələ gəzir, məclislərdə şən səslənən bir təmtəraqla oxunur, onun
həyatı sevməyi, azad sevgini və mənalı yaşamağı təbliğ edən bu rübailəri
ölməz bir qüvvəyə malikdir.
Xəyyamın rübailəri ilə Azərbaycan xalqı hələ XII əsrdən tanışdır.
Dahi Nizami, Xaqani, Füzuli və başqa Azərbaycan klassikləri Xəyyamı
sevə – sevə oxumuşlar. Onun rübailəri Azərbaycan xalqının dilində əzbər
olmuşdur. Xəyyamın rübailəri bir neçə dəfə Azərbaycan dilinə tərcümə və
nəşr edilmişdir.
M.S.Sultanov,