Azərbaycan Tarixi
93
VII FßSÈL
AZƏRBAYCAN XALQININ
İSLAMI QƏBUL ETMƏSİ
7.1. Azərbaycan Sasanilər imperiyasının tərkibində.
Azərbaycanın, xüsusilə Cənubi Azərbaycanın III-VII əsrlər
tarixi, tərkibinə daxil olduğu Sasanilər imperiyası ilə bağlı
olmuşdur. Fars mənşəli Sasanilər sülaləsinin əsası 226-cı ildə
şahənşah (şahlar şahı) Ərdəşir tərəfindən qoyulmuşdur.
Sasanilər imperiyası 226-651-ci illərdə mövcud olmuşdur.
Sasanilər tərəfindən işğal edilmiş Atropaten dövlətinə son
qoyulur və Cənubi Azərbaycan Sasanilər dövlətinin vilayətinə
çevrilir. IV əsrin sonlarında isə Bizans imperiyasının nüfuz
dairəsində olan Qərbi Gürcüstan istisna olmaqla bütün Cənubi
Qafqaz, o cümlədən, Şimali Azərbaycan Sasanilərə tabe edilir,
İberiya ilə birlikdə Albaniya Sasanilər imperiyasının vassal
dövlətlərinə çevrilirlər.
Sasanilərin hakimiyyəti dövründə Azərbaycan Sasani və
Bizans imperiyaları arasında rəqabət obyektinə çevrilir. 603-cü
ildə başlanan növbəti Sasani – Bizans müharibəsi 628-ci
ilədək
davam etmişdir. Tərkibində azərbaycanlıların olduğu sasani
qoşunları 622-ci ilədək müvəffəqiyyət qazanaraq Yerusəlim və
Misir torpaqlarını tutur, hətta Bizansın paytaxtı Konstantinopo-
lu uzun müddət mühasirədə saxlayırlar. 622-ci ildə Sasanilər
Şərqdə türk xəqanlığı ilə müharibə etdikləri üçün qərb
cəbhəsində zəyifləyirlər. Bizans imperatoru İrakli Sasani
şahənşahı II Xosrovun qoşunlarını məğlub edərək Anadoluya
daxil olur, Ermənistanı işğal edir və Azərbaycan torpaqlarına
girir. Cənubi Azərbaycanın Qazaka, Urmu və b. şəhərlərini
Qəzənfər Rəcəbli
94
işğal etdikdən sonra Bizans qoşunları Naxşıvanı tutub
dağıdırlar. Yalnız 626-cı ildə II Xosrovun Sasani qoşunları
hücuma keçərək Azərbaycanı ələ keçirir
və bütün Anadolunu
tutub Konstantinopola qədər irəliləyirlər.
626-cı ildə Bizansın müttəfiqi olan Xəzər xaqanlığı da
Dərbənd keçidi vasitəsilə Cənubi Qafqaza hücum edib
Albaniyanın paytaxtı Bərdəni tutdu. Xəzərlər 627-ci ildə
Cənubi Azərbaycana da yürüş edib ölkənin bir hissəsini
tutdular. 628-ci ildə isə hələ də Cənubi Azərbaycanda olan
Bizans imperatoru İrakli Sasani hökmdarı II Xosrovun
ölümündən sonra taxta çıxmış şahənşah II Qubad ilə barışıq
bağlayıb ölkəni tərk etdi.
Beləliklə, Cənubi Azərbaycanda 628-ci ildə Sasanilər
hakimiyyəti bərpa olur. II Xosrov öldürüldükdən sonra taxta
çıxmış onun oğlu II Qubad cəmi 6 ay şahlıq edir. II Qubadın
ölümündən sonra onun varisləri arasında Sasani taxt-tacı
uğrunda kəskin mübarizə gedir. 4 il ərzində on şahənşah
dəyişilir. Nəhayət, 632-ci ildə III Yəzdigərd Sasani hökmdarı
olur. Onun dövründə Cənubi Azərbaycanı Sasanilərin
hakimiyyəti altında olan mərzbanlar (sərhəd qoruyucuları
deməkdir) idarə edirdilər. Albaniya
isə Xəzər xaqani Cebunun
hakimiyyəti altında idi. Onu şad idarə edirdi (Xəzər türklərində
xaqanın vəliəhd oğlu, “şad” adlanırdı və o baş sərkərdə hesab
olunurdu). Xəzər türk xaqanlığı Albaniyada vaxtlı-vaxtında
vergilərin yığılmasıına nəzarət edirdi. 630-632-ci illərdə Xəzər
xaqanlığında baş vermiş həyəcanlara baxmayaraq, Albaniya
xaqanlığın siyasi təsiri altında qalırdı. Bu dövrdə Albaniyada
yerli siyasi hakimiyyət Mehranilər sülaləsinə mənsub idi.
Albaniyada Mehranilər sülaləsinin
hakimiyyəti VI əsrin
əvvəllərindən başlayır. M.Kalankutuklunun qeyd etdiyi
rəvayətə görə, sülalənin banisi hesab edilən Mehran Sasanilər
sülaləsi ilə qohum nəsildənmiş. Bizans imperatoru Mavrikinin
dəstəyi ilə taxt-tacına qayıtmış şahənşah II Xosrov atası IV
Hörmüzdün devrilməsində əli olan adamlara qarşı amansız cəza
Azərbaycan Tarixi
95
tədbirləri görməyə başlayır. Qəsddə iştirak etmiş Mehran,
qorxuya düşərək, təxminən 30 min nəfərə yaxın adamları ilə
türk xaqanlığına sığınmaq məqsədilə Albaniyaya qaçır. Onun
türk xaqanlığına qoşulmasından ehtiyat edən şahənşah II
Xosrov əyanların məsləhəti ilə ona məktub göndərir. Məktubda
deyilirdi: “Mənim əziz qardaşım, sən məni kinlə tərk etmə.
Əgər sən mənim yanımda yaşamaq istəmirsənsə,
onda mənim
məktubum sənə çatan yerdə ayaqla keçə bildiyin qədər özünə
mülk götür.” Guya bu məktub dağ ətəyində yerləşən Girdman
vilayətində Mehrana çatmış və o, öz adamları ilə birlikdə həmin
yerdə məskunlaşmışdır. O, vaxt Girdman 591-ci il İran-Bizans
müqaviləsinə əsasən Tiflis və Dvinə qədər Sasanilərin
hakimiyyəti altında qalmış Albaniyanın vilayətlərindən biri idi.
Mehranilər sülaləsinin nümayəndələri gah Sasani, gah Bi-
zans, gah da Xəzər xaqanlığı meylli siyasət yeridərək öz haki-
miyyətlərini qoruyub saxlaya bilmişdilər. Gürcü qaynaqlarının
məlumatına görə imperator İrakli vasitəsilə sonralar xristian-
lığın diofizit təlimini qəbul etmiş Girdman hökmdarı Varaz
Qriqoz Bizans imperiyasının təsiri altına düşür.
Bu zaman
Xəzər türk xaqanlığı Bizansla ittifaqa girmişdi və Sasanilərə
qarşı mübarizə aparırdılar. Hələ Alban katolikası Viro
tərəfindən xristianlığın monofizit təlimini qəbul etmiş Varaz
Qriqor Sasani şahənşahı II Xosrovun fərmanı ilə Albaniyanın
hökmdarı təyin olunmuşdu.
633-cü ildə Xilafət ordusu Sasanilər dövlətinə hücum
etdikdə, ərəblərin hücumlarını dəf etmək üçün şahənşah III
Yəzdigərd vassal dövlətlərin hökmdarlarından hərbi kömək
istəyir. Albaniya hökmdarı Varaz Qriqor öz dörd oğlunun
ikincisi olan Cavanşirin sərkərdəliyi altında Albaniya ordusunu
Xilafətə qarşı müharibəyə göndərir. Cavanşir
Xorasan hakimi
sərkərdə Rüstəmin başçılıq etdiyi İran ordusunun tərkibində
634-cü ildən ərəb qoşunlarına qarşı döyüşlərdə iştirak edir.
636-cı ildə Kadisiyya yazıqlığında baş vermiş döyüşdə şücaəti
ilə seçilən Cavanşiri baş sərkərdə Rüstəm şahənşah III
Qəzənfər Rəcəbli
96
Yəzdigərdə istedadlı sərkərdə və cəsur döyüşçü kimi təqdim
edir. Şah Cavanşirin qəhrəmanlığını layiqincə qiymətləndirir və
dəyərli hədiyyələr verir. 637-ci ildə Xilafət ordusu Sasanilərin
paytaxtı Ktesifonu mühasirəyə aldıqda Cavanşir 3 minlik
qoşunla onun müdafiəsində iştirak edir. Şəhər 4 ay müqavimət
göstərsə, də İran
ordusu məğlub olur, şahənşah III Yəzdigərd
Cavanşirin köməyilə mühasirədən çıxa bilir və Dəclə çayı
sahilindəki qalalardan birində gizlənir. Sasanilərin Xilafətə
qarşı uğursuz müharibəsinin son aqibətini görən Cavanşir
639/640-cı ildə Albaniyaya qayıdır.
Varaz Qriqor qəhrəman olduğunu təntənə ilə qarşılayır və
hakimiyyətindən imtina edərək hökmdar taxt-tacını Cavanşirə
verir. Cavanşir dövlətin paytaxtını Qəbələdən Partava
(Bərdəyə) köçürür. Cavanşir 680/681-ci ilədək Albaniyanın
hökmdarı olmuşdur. O, sui-qəsd nəticəsində öldürülmüşdür.
Cavanşirin sərkərdəlik məharəti və Xilafət ordusuna qarşı
döyüşlərdə göstərdiyi qəhrəmanlıq M.Kalankatuklunun “Alban
tarixi” kitabında yağlı boyalarla təsvir və tərif edilmişdir.
7.2. Azərbaycanın Xilafət tərəfindən işğalı. Sasani
ordusunu məğlub etdikdən sonra Xilafət ordusu 639-cu ildə
Cənubi Azərbaycana daxil oldu. Cənubi Azərbaycan dinc yolla
Xilafətə tabe edilmişdir. Xəlifə Ömərin əmri ilə 639-cu ilin
avqustunda başlanmış Mesopotamiyanın işğal prosesində
sərkərdə Huzayfa ibn Yəmənin qoşunları Cənubi Azərbaycan
torpağına daxil olduqda buranın mərzbam İsfəndiyar çoxlu
xərac verərək ölkəni talandan xilas etmişdir. Ərəblərin
Azərbaycanı istilası Azərbaycan xalqının İslam
dinini qəbul
etməsi ilə əlamətdar olmuşdur.
İslam dini VII əsrin əvvəllərində Ərəbistanda yaranmış-
dır. Bu dinin tərəfdarları “müslüm” (Allaha itaət edən), cəm ha-
lında isə “müsəlman” adlanırdı. İslam dinin banisi Məhəmməd
(s.) olmuşdur. Məhəmməd (s.) ibn Abdulla, 570/571-ci ildə Hi-
caz ölkəsinin Məkkə şəhərində anadan olmuşdur. O, Qureyşilər
qəbiləsinin Bəni Hasim nəslindəndir. Məhəmməd (s.) 594-cü