Azərbaycan Tarixi
85
mülklərindəki
keşişləri nə qova bilərdi, nə də vəzifədən götürə
bilərdi. Yepiskoplar da zadəganların razılığı olmadan keşişləri
nə təyin edə bilərdilər, nə də vəzifədən götürə bilərdilər.
Ağuyen ali dini məclisi Alban kilsəsinin əsasnaməsini də
qəbul etdi və kilsənin iyerarxiya quruluşunu müəyyənləşdirdi.
Alban kilsəsinin başçısı ilk çağlar arxiyepiskop adlanırdı.
Sonralar bu vəzifə katolikos adlandırıldı. Alban kilsəsinin
başçısının iqamətgahı əvvəllər Qəbələ şəhərində yerləşirdi. VI
əsrdə isə xəzərlərin Albaniyaya tez-tez baş verən yürüşləri ilə
bağlı olaraq Alban kilsəsi başçısının iqamətgahı dövlətin pay-
taxtı Bərdə şəhərinə köçürülür. Dini mərkəzin Bərdəyə köçürül-
məsi tarixinin M.Kalankatuklunun verdiyi bir məlumatla də-
qiqləşdirmək olar. O, yazır ki, “...
xəzərlər Albaniya ölkəsini
əsarət altına aldılar. Kilsələr və müqəddəs kitablar yandırıldı.
Sonra şahlar şahı Xosrovun padşahlığının iyirminci ... ilində öl-
kəyə soxulmuş İsa xaçının düşmənlərinin talanları nəticəsində
Alban katolikosluğunun taxtı Çola şəhərindən ölkənin paytaxtı
olan Bərdə şəhərinə köçürüldü". Məlumdur ki, Sasani şahı I
Xosrov Ənuşirəvan 531-579-cu illərdə hökmranlıq etmişdir.
Onun hakimiyyətinin iyirminci ili 551-ci il edir. Deməli, Alban
kilsəsinin mərkəzinin Bərdəyə köçməsi 551-ci ilə təsadüf edir.
Alban kilsəsi yeparxiyalara bölünürdü. Onların başında
yepiskoplar dururdular. Ona görə də yeparxiyalara çox vaxt
yepiskopluq da deyilir. V əsin sonunda Alban kilsəsi 8 yepis-
kopluqdan ibarət idi: Qəbələ, Bərdə, Girdman, Balasakan (Bey-
ləqan), Amaras, Şəki, Lpi və Çola. Sonralar Alban kilsəsinə ta-
be olan yepiskopluqların sayı 10-a çatdı. Əvvəlki yepiskopluq-
lara Baharat və Böyük Kolman yepiskopluqları da əlavə olun-
du. VIII əsrdə isə Alban kilsəsinə artıq 12 yepiskopluq tabe idi.
Yepiskoplar katolikos, yaxud arxiyepiskop, yəni baş yepiskop
tərəfindən təyin edilirdilər. Kilsə yerarxiyasında yepiskopdan
aşağıda keşiş gəlirdi. Keşişlər yepiskop
tərəfindən təyin edilir
və ona tabe idilər.
Qəzənfər Rəcəbli
86
IV əsrin sonlarına yaxın Albaniyada artıq özünəməxsus
zəruri subardinasiya olan kilsə iyerarxiyası yaranmışdı. Bu isə
alban ruhanilərinə imkan verirdi ki, Alban kilsəsinin
rəhbərlərini özləri müəyyənləşdirib seçsinlər. Müqəddəs
Qriqorisə qədər Alban katolikosları təyinatı Yerusəlimdən
alırdılar. Ondan sonra isə 340-cı ildən başlayaraq “əlqoyma”
mərasimini Alban yepiskopları özləri icra edirdilər.
Beləliklə, Alban kilsəsi artıq 340-cı ildən aftokefal, yəni
müstəqil kilsə olmuşdu. Demək olar ki, ilk başçıları qədim
Yerusəlim patriarxlığı tərəfindən təyin
edilən Alban kilsəsinin
çox erkən aftokefal olması üçün Alban dövlətinin siyasi statusu
şərait yaratmışdı.
6.3. Alban xristian kilsəsinin inkişafı və tənəzzülü. VI
əsrin ikinci yarısında Alban xristian kilsəsi xeyli güclənir.
Onun Azərbaycanın ictimai-iqtisadi və siyasi həyatında
mövqeyi möhkəmlənir və rolu artır. Bu vaxt Alban kilsəsini
başçısı katolikos Abbas idi. O, 44 il (552-596-cı illərdə) Alban
kilsəsinə başçılıq etmişdi. Onun dövründən başlayaraq Alban
kilsəsinin başçısı hüquqi olaraq arxiepiskop deyil katolikos
adlanmağa başladı. Alban kilsəsinin başçısı faktiki olaraq, xeyli
əvvəldən bu titula sahib idi. Ali kilsə rütbələri – patriarx,
katolikos və arxiyepiskop Albaniyada eyni mənalı terminlər
kimi işlənilirdi. Halbuki yunanlarda patriarx, katolikos və
arxiyepiskop rütbələrinin hər biri ayrılıqda ali kilsə iyerarxiya
rütbələri idilər. Müqəddəs Abbasdan
başlayaraq Alban kilsəsi-
nin başçıları rəsmi olaraq “Albaniya, Lpi və Çolanın kato-
likosu” titulunu daşıyırdılar.
Abbasdan sonra Alban kilsəsinin katolikosu Viro olmuş-
dur. Lakin o, 603-cü ildə Albaniyada Sasanilərin hakimiyyətinə
qarşı baş vermiş üsyanda iştirak etməkdə ittiham olunaraq həbs
edilir və əsir kimi İrana aparılır. Viro əsirlikdə olarkən
Ktesifonda şah sarayında göz dustağı kimi saxlanılırdı. O, 25 il
əsirlikdə qalır. Bu müddətdə Viro sarayda şahzadə vəliəhd Xos-
rov ilə dostluq edir və onun hörmət və etibarını qazana bilir.
Azərbaycan Tarixi
87
Xosrov şah taxtına çıxdıqdan sonra, 628-ci ildə Viroya Vətənə
qayıtmağa icazə verir. Viro Albaniyaya qayıdarkən özü ilə
birlikdə Gidman hökmdarı Varaz Qriqor üçün onun bütün
Albaniyanın hökmdarı təyin olunması haqqında şah fərmanını
gətirir.
Varaz Qriqor hələ 627-ci ildə Ktesifona
gedib Viro ilə
gizli surətdə görüşmüş və onun tərəfindən xaç suyuna çəkilərək
xristianlığı qəbul etmişdi. Görünür onların arasında gizli
razılaşma olmuşdu və bu razılaşmaya görə Varaz Qriqorun
xristianlığı qəbul etməsi müqabilində Viro onun ölkənin
hökmdarı təyin olunmasına kömək edəcəyinə söz veribmiş.
Sasanilər xristianlığın düşməni olduqlarına görə Varaz Qriqor
xristianlığı qəbul etməsini gizli saxlayırdı. 628-ci ildə Bizans
imperatoru İrakli Gürcüstandan Albaniyaya hücum edir. O,
Albaniya torpağına daxil olduqda Varaz Qriqor indiki Şəmkir
yaxınlığında onu qarşılayır və onlar görüşürlər. Bu görüş
zamanı Varaz Qriqor imperator İraklinin əli ilə ikinci dəfə xaç
suyuna çəkilir və rəsmi surətdə leqal xristian olur. Mehranilər
sülaləsindən olan Varaz Qriqor on il (628-638-ci illər)
tarixə
Girdman dövləti adı ilə daxil olan Alban dövlətinin hökmdarı
olur. Varaz Qriqorun və ondan sonra Girdman hökmdarı olmuş
oğlu Cavanşirin Alban xristian kilsəsinin möhkəmləndirilmə-
sində, onun iqtisadi və siyasi qüdrətinin artmasında rolu böyük
olmuşdu.
Alban xristian kilsəsinin hüquqi vəziyyəti faktiki olaraq
451-ci ildə Xalkidonda çağırılmış IV Ümumdünya kilsə qurul-
tayında qanuniləşdirildi. Bu vaxt xristian dünyasında Şərq və
Qərb kilsələri arasında, monofizitlərlə diofizitlər arasında doq-
matik ideya mübarizəsi başlamışdı. Xakidon mübahisələrində
Alban kilsəsi fəal iştirak edə bilməmişdi. Çünki bu vaxt Albani-
yada zərdüştiliyə qarşı kəskin mübarizə gedirdi və kilsə xadim-
lərinin başı bərk qarışıq idi.
Alban kilsəsi ilk üç Ümumdünya kilsə qurultaylarının qə-
rarlarını qəbul etmişdi. 325-ci ildə Nikedə keçirilən I
Qəzənfər Rəcəbli
88
Ümumdünya kilsə qurultayı Arinin küfrlərini mühakimə etmiş,
bəzi əlavə düzəlişlərdən sonra xristianlığın rəmzini qəbul
etmişdi. Arinin təliminin əksinə olaraq bu rəmz İsanı Allahın
oğlu və Allah – Ata ilə eyni mahiyyətli sayırdı. Bu rəmz Alban
kilsəsi tərəfindən də qəbul edilmişdi. 381-ci ildə Konstantino-
polda çağırılmış II Ümumdünya kilsə qurultayında yalnız Şərq
kilsələrinin nümayəndələri iştirak etmişlər. Qurultay Arinin
küfrlərini daha da inkişaf etdirən və Müqəddəs Ruhun xəlq
edildiyini sübuta çalışan Makedonun küfrlərini mühakimə etdi.
Qurultay Müqəddəs Ruhun Allah – Ata və Allah – Oğulla eyni
mahiyyətliliyi haqqında Üç Üquma təlimini bir daha təsdiq
etdi. Konstantinopol kilsə məclisinə görə Roma patriarxından
sonra patriarxlar arasında ikinci yeri Konstantinopol patriarxı
tutdu. Bu da daha qədim olan Şərq patriarxlarının narazılığına
səbəb oldu. 431-ci ildə Efesdə keçirilən
III Ümumdünya kilsə
qurultayında Nestorun təlimi – nestorianlıq mühakimə edildi.
Antioxiyalı keşiş Nestor 428-ci ildə Konstantinopol patriarxı
seçilmişdi. Nestor İsa peyğəmbərdə iki təbiətin - insani və ilahi
təbiətin bir-birindən ayrılıqda mövcudluğu haqqında təlimi
qəbul edərək, İsus Xrustosun Allah kimi deyil, insan kimi
doğulduğunu iddia edirdi. Nestorun təlimini Asiya, Pont və
Suriya yepiskopları müdafiə edirdilər. Suriyanın əhalisi
Nestorun təlimini vergi əsarətinə qarşı etiraz bayrağına
çevirmişdilər. Bizansda təqib olunan Suriya nestorianları Şərqə
qaçırdılar. Nestorianlıq Efesdə də dəstəklənirdi. Burada İran
xristianlarının məktəbi təşkil olunmuşdu. Bu məktəbdə
Azərbaycan xristianlarının uşaqları da oxuyurdular.
Elə bu vaxtlar Bizans kilsəsinin özündə,
xüsusilə
İskəndəriyyədə nestorianlıq əleyhinə yeni təlim yarandı. Bu
monofizit təlimi idi. Sonralar Alban kilsəsi də bu təlimə
qoşuldu. 551-ci ildə Alban kilsəsi Bizans kilsəsi ilə əlaqəni
kəsib hüquqi cəhətdən avtokefal oldu və diofizit təlimindən
imtina edib monofizit təlimini qəbul etdi. Sasani şahları
monofizitləri dəstəkləyirdilər. Qafqazda Gürcü kilsəsi isə