63
tərəfindən redaktə edilməsinə qadağa qoyulması, yeni
daxil edilən məqalələrin peşəkar redaktorlar tərəfindən
rəy verildikdən sonra saytda nəşr edilməsi ideyası forma-
laşmağa başladı. Bu da yeni platformaya keçid zərurətini
doğurdu. Beləliklə, 2007-ci ildə Web 3.0 termini barədə
internetdə məlumatlar yayılmağa başladı.
Web 3.0 – Web 2.0 texnoloji platforması bazasına peşə-
karlar tərəfindən yüksəkkeyfiyyətli məzmun və xidmətlər
yaratmağa imkan verən platformadır. Başqa sözlə, Web 2.0
mahiyyət etibarı ilə texnoloji platformadır, Web 3.0 isə bu
texnoloji baza üzərindən peşəkarların köməyi ilə (istifadəçi-
lərin daxil etdikləri məlumatları peşəkarların süzgəcindən
keçirməklə) yüksək keyfiyyətli, maraqlı və faydalı məzmun
(kontent) yaratmağa imkan verən platformadır.
Bloq – əsas məzmunu müntəzəm olaraq istifadəçilər tə-
rəfindən daxil edilən, mətn, şəkil və mültimediya məlu-
matlarını özündə birləşdirən yazılardan ibarət web-sayt-
dır. Bloq sözü ingiliscə “ Web log” ( Blog) sözlərindən
əmələ gəlmişdir, internet gündəlik və ya hadisələrin inter-
net jurnalı mənasını daşıyır. Bloqları yaradan və aparan
şəxslər bloqçu (bloqqer) adlanır.
Bloqlara, bir qayda olaraq, müvəqqəti əhəmiyyətə malik
olan qısa yazılar daxil edilir. Bu yazılar xronoloji baxımdan
(daxil edilmə tarixinə görə) əks ardıcıllıqla nizamlanır. Ən
son daxil edilmiş yazı birinci olur. Ənənəvi gündəlikdən
fərqli olaraq, bloqlarda olan yazılar ümumi (ictimai) istifa-
də təyinatlı olur və burada onların kənar istifadəçilər (oxu-
cular) tərəfindən oxunması imkanı nəzərdə tutur. Kənar
oxucular yazının müəllifi (bloqun sahibi – bloqqer) ilə mü-
zakirəyə (polmikaya) qoşula bilər. Ona görə də bloqlarda
müəyyən obyektlər, hadisələr, proseslər və s. haqqında
məlumatlar, bilgilər toplanır.
64
Wiki layihə – məzmunu və strukturu istifadəçilər tərə-
findən müstəqil şəkildə dəyişdirilə bilən web-saytdır.
Məzmunun və strukturun dəyişdirləməsi üçün alətlər hə-
min sayt tərəfindən təqdim olunur. Wiki saytlar istifadəçi-
lərə adi web-brauzerdən istifadə etməklə istənilən səhifəni
redaktə etməyə və ya yeni səhifə yaratmağa imkan verir.
Bu məqsədlə mətnlərin strukturlaşdırılması, hiperistinad-
ların qoyulması, formatlaşdırılması və s. imkanlar yara-
dan wiki nişanlama “dilindən” istifadə olunur.
Wiki layihələr Web üzərindən olduqca böyük infor-
masiya massivlərinin formalaşmasına gətirib çıxarmışdır
(məsələn, Wikipedia, WikiLeaks). Lakin wiki saytlarda
toplanan məlumatların doğruluğuna və həqiqiliyinə zəma-
nət vermək mümkün deyil. Ona görə də rəsmi mənbə ki-
mi onlara istinad etmək tövsiyə olunmur.
Sosial şəbəkə – istifadəçilər arasında sosial qarşılıqlı
əlaqələrin qurulması, əks etdirilməsi və təşkili üçün nə-
zərdə tutulmuş platforma, interaktiv (online) xidmət və ya
web-saytdır. Sosial şəbəkələr aşağıdakı imkanların real-
laşdırılması ilə xarakterizə olunur:
- istifadəçi tərəfindən özünün açıq və ya yarımaçıq
profilinin yaradılması və idarə edilməsi;
- istifadəçi müəyyən əlaqəsi olan digər istifadəçilərin
siyahısını şəbəkəyə verə və ya dəstəkləyə bilər;
- müxtəlif üzvlük kriterilərinə uyğun olaraq istifadəçi
qruplarının formalaşdırılması;
- sistem daxilində istifadəçilər arasında mövcud olan
əlaqələrin baxılması və yoxlanması.
Bu gün internetdə çoxlu sayda sosial şəbəkələr fəaliy-
yət göstərir. Daha məşhur sosial şəbəkələrin istifadəçilə-
rinin sayına görə statistik göstəricilər 2014-cü ildə belə
olmuşdur:
65
- Facebook – 1,4 milyard;
- YouTube – 1 milyard;
- WhatsApp – 600 milyon;
- Google+ – 540 milyon;
- Twitter – 500 milyon;
- Linkedin – 260 milyon;
- Vkontakte – 230 milyon;
- Instagram – 200 milyon;
- Odnoklasniki – 205 milyon və s.
Web forum – web-saytın istifadəçilərinin qarşılıqlı ün-
siyyətinin təşkili məqsədilə reallaşdırılan web-proqram-
dır. Web-forum – saytın qonağı (istifadəçisi - sayta daxil
olan) tərəfindən öz məlumatını daxil etməyə və saxlamağı
imkan verən bölməsidir. Bu zaman saxlanılan məlumatlar
digər istifadəçilər tərəfindən də oxuna bilər.
Forumlar müzakirə üçün bölmələr toplusunu təqdim
edir. İstifadəçilər bu bölmələrdə mövzular yaradırlar və
həmin mövzular çərçivəsində müzakirələr aparırlar. Hər
bir mövzu tematik qonaq kitabını xatırladır. Yəni möv-
zuya daxil olan bütün istifadəçilər (qonaqlar) orada öz
məlumatlarını yaza bilərlər.
Ümumiyyətlə, web-forumun iyerarxiyası “bölmə - möv-
zu – məlumat” şəklində olur. Burada hər bir məlumat
“müəllif-mövzu-məzmun-tarix/vaxt” şəklində informasiya
daşıyır. Məlumat və ona cavablar mövzunun qolunu (bu-
dağını) təşkil edir. Forumun ilkin müzakirə mövzusundan
yayınma forumun qaydaları ilə qadağan olunur. Qaydala-
ra riayət olunmasına müəyyən bölmə və ya mövzu çərçi-
vəsində yad məlumatları redaktə etmək, başqa yerə daşı-
maq və pozmaq imkanlarına malik olan moderatorlar və
administratorlar nəzarət edirlər.
66
Forumlarda məlumatlara girişin məhdudlaşdırılması
əlahiddə dərəcədə çevik şəkildə həyata keçirilə bilər. Belə
ki, bəzi forumlarda istənilən qonağa (iştirakçıya) yeni
məlumatların oxunması və yaradılması imkanları verilir,
digər forumlarda isə qabaqcadan qeydiyyat tələb olunur.
Bəzən qarışıq variant da tətbiq edilir. Əksər web-forumlar
qeydiyyatdan keçmiş istifadəçilərə fərdi ünsiyyət qurma-
ğa imkan verən şəxsi məlumatlar sisteminə malik olurlar.
Qeydiyyat zamanı iştirakçılar öz profillərini yarada bi-
lərlər. İştirakçı profili – onun haqqında məlumatları özündə
əks etdirən web-səhifədir. Burada iştirakçı özü haqqında
məlumat verə, şəklini daxil edə, onun məlumatlarına əlavə
olunan imza yarada bilər. İmza mətn və ya qrafik (təsvir)
şəklində ola bilər.
Beləliklə, web-forumlarda bölmələr, mövzular, məlu-
matlar, onlara cavablar, eləcə də mövzuların müəllifləri
və iştirakçılar (qonaqlar) haqqında məlumatlar (onların
profilləri) toplanır.
İnternet mağaza (ticarət) – internetdə malların alqı-
satqısını həyata keçirən web-sayt olub istifadəçilərə sayt-
da təqdim olunan malların alınması üçün sifariş tərtib et-
məyə, ödəmənin və ünvana çatdırmanın formasını seç-
məyə imkan verir. İnternet mağazalar müxtəlif mağazalar,
ticarət və kommersiya təşkilatları, yayım və satış mərkəz-
ləri və s. tərəfindən təqdim olunan məhsullar (qida, ge-
yim, kitab, mebel, texnika, proqram məhsulları və s.) haq-
qında geniş məlumatları özündə saxlayır.
İnternet auksion – internet vasitəsilə həyata keçirilən
auksiondur. İnternet auksion qiymətlər kütləvi və açıq
ticarət zamanı sorğu və təkliflərə əsasən qoyulan internet
ticarət sahəsidir.
Dostları ilə paylaş: |