56
2.3. İnternetin informasiya ehtiyatları
Yeni informasiya texnologiyalarının kütləvi tətbiqi
illərlə toplanmış ənənəvi informasiya ehtiyatlarının geniş
miqyasda elektron formaya keçirilməsinə və tamamilə
yeni şəkildə olan (o cümlədən multimediyalı) informasiya
ehtiyatlarının yaranmasına gətirib çıxarmışdır. İnforma-
siya ehtiyatlarının elektron formada təqdim olunması on-
ların daha geniş yayılmasına, əlverişli və səmərəli istifa-
dəsinə imkan yaradır.
Hazırda beynəlxalq aləmdə informasiya fəzasında həm
ixtisaslaşdırılmış, həm də ümumi təyinatlı informasiya
sistemlərinin yaradılmasında internet texnologiyanın is-
tifadəsi üstünlük təşkil edir.
Məlumdur ki, strukturuna görə internet nəhəng, lakin
kifayət qədər çevik informasiya şəbəkəsidir. O, müxtəlif
növ informasiya ehtiyatlarının yerləşdirilməsi üçün geniş
imkanlar açır və bu ehtiyatlara olduqca sadə giriş inter-
feysi təqdim edir. Bu gün internet şəbəkəsinin bazasında
onun istifadəçilərinə müxtəlif informasiya xidmətləri tək-
lif edən çoxsaylı informasiya sistemləri müvəffəqiyyətlə
fəaliyyət göstərir.
Müasir cəmiyyətin başlıca informasiya mənbələrindən və
təchizatçılarından biri olan internet şəbəkəsinin əsas infor-
masiya və telekommunikasiya xidmətləri aşağıdakılardır:
- WWW (World Wide Web) – dünya hörümçək toru;
- E-mail (Electronic mail) – elektron poçtu, məlumat-
ların göndərilməsi siyahıları;
- FTP (File Transfer Protocol) – faylların ötürülməsi
protokolu;
- Gopher – iyerarxik menyu;
57
- Telnet –uzaq məsafədən idarəetmə və sistemə
daxilolma;
- BBS (Bulletin Board System) – elektron elan lövhələri
- Usenet – telekonfrans (xəbərlər) sistemi;
- İnternetin interaktiv informasiya xidmətləri;
- İnternet-telefon, internet-radio və internet-televiziya.
Növbəti bölmələrdə internetin yuxarıda adları çəkilən
xidmətləri haqqında məlumat verilir. Qeyd olunmalıdır ki,
burada həmin xidmətlər proqram-texniki və texnoloji ba-
xımdan deyil, internet mühitində informasiya təminatını
həyata keçirən xidmət kimi baxılırlar.
2.3.1. WWW – dünya hörümçək toru
WWW – internetə qoşulmuş müxtəlif kompüterlərdə
yerləşən və bir-biri ilə hiperəlaqələrə malik olan sənədlərə
girişi təqdim edən paylanmış informasiya sistemidir.
WWW abreviaturası ilə yanaşı, W3 yazılışına da rast
gəlinir.
İlk hipermətn layihəsi 1989-cu ildə CERN-də proqram
təminatı üzrə məsləhətçi olan Tim Berners-Li tərəfindən
təklif olunmuşdur. O, həmçinin HTTP, URI/URL və
HTML texnologiyalarının da müəllifidir.
WWW (onu çox vaxt web-texnologiya adlandırırlar)
hipermətn texnologiyası üzərində qurulmuş geniş və rən-
garəng imkanlara malik informasiya xidmətidir. İnternetin
digər xidmətləri arasında web-texnologiya başlıca yer
tutur. Belə ki, internet istifadəçilərinin təxminən 79%-i bu
xidmətdən istifadə edir. Bu xidmətin imkanları, eləcə də
onun informasiya ehtiyatlarının həcmi astronomik sürətlə
artır.
58
Hazırda dünya hörümçək toru yüz milyonlarla web-ser-
verlərdən, milyardlarla web-səhifədən ibarətdir. 2014-cü ilin
sentyabrına olan məlumata görə dünyada web-serverlərin
sayı 1 milyardı ötüb keçmişdir.
Web-texnologiya istifadə üçün çox rahat və əlveriş-
lidir. O, adi mətnlərin, hipermətnlərin, cədvəllərin, qrafik
və audio-video multimediyalı məlumatların, proqram
kodlarının və digər informasiya ehtiyatlarının internet şə-
bəkəsində yerləşdirilməsinə, saxlanılmasına, istifadəsinə,
alınmasına və ötürülməsinə imkan verir.
Web-texnolgiyanın reallaşdırılmasında dörd əsas kom-
ponentdən istifadə olunur:
- HTML (Hyper Text Markup Language) – hiper-
mətnlərin təqdim edilməsi dili;
- URL (Universal Resource Locator) – ehtiyatların
(ehtiyatların) internetdə ünvanlarının müəyyənləş-
dirilməsinın universal üsulu;
- HTTP (Hyper Text Transfer Protocol) – hitermətnli
məlumatların mübadiləsi protokolu;
- CGI (Common Gateway Interface) – şlüzlərin uni-
versal interfeysi.
Web-serverlərdə informasiya ehtiyatları öz aralarında hi-
permətn istinadları ilə əlaqəli olan sənədlərdən ibarət olurlar.
Hipermətn texnologiyası əsasında hazırlanan belə sənədlər
web-səhifə adlanır. İnternet şəbəkəsinin bir qovşağında yerlə-
şən və hiperistinadlarla əlaqəli olan web-səhifələr toplusu
web-server və ya web-sayt adlanır. Hipermətn – özündə di-
gər mətnlərə, qrafik, audio-video və s. informasiyaya əlaqələ-
ri (hiperistinadları) saxlayan mətndir.
Web-səhifələrin yaradılması üçün istifadə olunan
HTML dili web-səhifələrə istənilən növ məlumatı daxil
etməyə, səhifənin bir hissəsindən digər hissəsinə, eləcə də
59
bir web-səhifədən digər web-səhifəyə istinadlar (hiperis-
tinad və ya hiperkeçidlər) qoymağa və digər funksiyaları
yerinə yetirməyə imkanı verir.
Hiperistinadlar web-səhifələrdə hər hansı sözə, sözlərə,
qrafik elementlərə, şəkillərə və digər növ elementlərə
bağlanır və həmin element haqqında daha geniş məlumatı
əks etdirən hissəyə və ya digər web-səhifəyə keçidi təmin
edir. Web-səhifələr arasında bu cür əlaqələr yalnız eyni
bir saytda olan sənədləri deyil, həmçinin, müxtəlif sayt-
larda, hətta dünyanın müxtəlif ölkələrində yerləşən sayt-
larda olan məlumatları bir-biri ilə əlaqələndirə bilər. Bu
cür yaradılmış "əlaqə telləri" son nəticədə hörümçək toru-
na oxşar web-əlaqələr torunu əmələ gətirir. Məhz bu ba-
xımdan web-fəzanı dünya hörümçək toru adlandırırlar.
Belə hiperəlaqələr üzrə bir informasiya ehtiyatından digə-
rinə keçid web-fəzada naviqasiyanı, yəni informasiya
ehtiyatları üzrə "gəzintini" təmin edir.
Web-saytlara qoşulmaq, saytlarda olan web-səhifələrə
baxmaq və onlar arasında naviqasiyanı həyata keçirmək
üçün brauzer (browser) adlanan xüsusi proqramlardan is-
tifadə olunur. Brauzer proqramları bir sıra funksiyaları
yerinə yetirir. Əvvəla, brauzer web-serverin müştəri proq-
ramı funksiyasını yerinə yetirir. O, web-serverlə əlaqə ya-
radır və ondan web-səhifəni tələb edir. İkincisi, brauzer
kompüterdə web-fəzanın pəncərəsi rolunda çıxış edir, in-
ternetdən alınmış sənədləri müəyyən olunmuş qaydada
ekranda əks etdirir. Brauzerlərin digər funksiyaları qis-
mində açılmış səhifələrin siyahısının saxlanılması, axtarı-
şın sadələşdirilməsi, faylların yüklənməsi və s. göstərmək
olar. Bu gün Microsoft Internet Explorer, Netscape Navi-
gator, Opera, Google Chrome, Mozilla və s. kimi brauzer-
lərdən daha çox istifadə olunur.
Dostları ilə paylaş: |