79
aidiyyəti olub-olmamasından asılı olmayaraq, hər bir
arzu edən istifadəçi özünün şəxsi səhifəsini yaratmaq,
bu səhifəyə istənilən informasiyanı daxil etmək, onu
internetdə yerləşdirmək və ya oradan çıxarmaq imka-
nına malikdir. Beləliklə, internet şəbəkəsində istənilən
informasiya təsadüfi şəkildə meydana gələ və yox ola
bilər. Ümumiyyətlə, informasiya ehtiyatlarının, o cüm-
lədən web-səhifələrin və ya saytların informasiya təmi-
natının təşkili prinsipləri serverlərin sahiblərinin arzu-
sundan asılı olaraq seçilir və həyata keçirilir. Məhz bu
baxımdan web-fəzada informasiya ehtiyatlarının sis-
temliliyini təmin etmək mümkün olmur.
- Natamamlıq, izafilik, ziddiyyət, doğruluq, adek-
vatlıq. Yuxarıda göstərilən səbəbdən, habelə infor-
masiya ehtiyatları internetdə müstəqil şəkildə, bir-
birindən asılı olmadan, müxtəlif vaxtlarda və yerlər-
də yaradıldığından, təbii ki, onların bir-biri ilə uzlaş-
dırılmaması problemi meydana çıxır. Bu baxımdan
web-fəzada informasiya ehtiyatlarında natamamlıq
və ya izafilik (həddən artıq bolluq), doğru olmamaq
və qeyri-adekvatlıq, eləcə də onlar arasında qarşılıq-
lı ziddiyyət hallarının olması mümkündür.
- Müxtəlif dillər və kodlar. İnformasiya ehtiyatları ayrı-
ayrı adamlar tərəfindən müxtəlif yerlərdə (şəhərlərdə
və ölkələrdə) müxtəlif məqsədlər üçün bir-birindən
fərqlənən kompüterlərdə və sistemlərdə yaradılması
səbəbindən informasiya ehtiyatlarının dillərinin və
kodlarının (xüsusən də milli informasiya ehtiyatları
üçün) müxtəlifliyi ilə bağlı əlavə problemlər yaranır.
- Terminologiyanın müxtəlifliyi. Müəlliflər tərəfin-
dən istifadə olunan terminologiya informasiya ehti-
yatlarının hazırlanması tarixindən, yaranma şəraitin-
80
dən və təyinatından, hazırlanmasına elmi-metodiki
yanaşmadan, müəlliflərin fərdi qabiliyyətlərindən və
bacarıqlarından və s. asılı olaraq dəyişir. Buna görə
də informasiya axtarışı və sənədlərin tematik pro-
fillər üzrə təsnifatı zamanı problemlər yaranır və
sorğu lüğətləri, tezaurus, assosiativ sözlər kimi əlavə
aparatın tətbiq edilməsi zərurətini yaradır.
- İnformasiyanın qiymətliliyi və həyat dövrü (yaşa-
ma qabiliyyəti). İnternetə daxil edilən və müəyyən
qiymətliliyi ilə seçilən informasiya ehtiyatları müəy-
yən müddətdən sonra öz əhəmiyyətini itirə və ya
köhnələ bilər. Bəzən internetə daxil edilən informa-
siya ehtiyatları onların müəllifindən başqa heç kəs
üçün maraq və əhəmiyyət kəsb etmir. Bəzən isə in-
formasiya ehtiyatları internetdə peyda olduğu anda
artıq qeyri-aktual və köhnəlmiş olur. Eyni zamanda
qeyd olunmalıdır ki, web-səhifələr və serverlər ayrı-
ayrı adamlar və təşkilatlar tərəfindən yaradılsa da,
sonradan onlara xidmət göstərilmir, yəni saytda və
səhifədə olan məlumatlar yenilənmir, tamamlanmır,
dəyişdirilmir və s. Başqa sözlə, onlar atılmış "infor-
masiya zibillərinə" çevrilirlər.
- Hiperistinadların istifadəsinin üstün və çatışmayan
cəhətləri. Hipermətn texnologiyasının tətbiqi bir tə-
rəfdən tematika üzrə yaxın olan bir serverdən digə-
rinə keçidi təmin etməklə işi xeyli asanlaşdırır, digər
tərəfdən o, düzgün olmayan istiqamətə («dalana»)
yönəldə və ya tamamilə lazım olmayan yerə göstər-
məklə çıxılmaz vəziyyətə gətirib çıxara bilər. Belə
ki, hiperistinadlar müəlliflərin subyektiv fikirlərinə
əsasən qoyulur. Ona görə də onlar lazımsız, heç bir
qiymətə malik olmayan, çoxdan köhnəlmiş, dəyişdi-
81
rilmiş, pozulmuş və başqa yerə köçürülmüş səhifələ-
rə və ya saytlara istinad edə bilərlər
İnternetdə olan informasiya sistemləri arasındakı fərq-
ləri nümayiş etdirmək məqsədilə informasiya ehtiyatla-
rının aşağıdakı növlərini sadalamaq kifayətdir:
- elektron nəşrlər – dövri elektron qəzetlər və jurnal-
lar, dissertasiyalar, avtoreferatlar, monoqrafiyalar,
icmallar, bülletenlər, konfrans, seminar və simpo-
zium materialları və s.
- elektron kitabxanalar və kataloqlar – ənənəvi kitab-
xanalara analoji olan elektron kitabxana fondları,
eləcə də hər iki növ (həm ənənəvi, həm də elektron)
kitabxana fondlarının elektron kataloqları və s.
- İnternetin informasiya massivi – web, FTP arxivlər,
Gopher ehtiyatları, Usenet xəbərlər sistemi və digər
informasiya sistemləri.
- xüsusi təyinatlı informasiya ehtiyatları – xidməti
məqsədlərlə kompüterə daxil edilmiş məlumatlar,
hesabatların mətnləri, elmi tədqiqatların nəticələri,
məqalələr, müxtəlif sənədlər və s.
2.5. İnformasiya ehtiyatlarının məzmunlarının təh-
lilinə əsaslanan empirik paylanma qanunları
İnsanlar tərəfindən hazırlanmış informasiya ehtiyatları-
nın (sənədlərin) məzmununun statistik tədqiqi nəticəsində
müəyyən edilmişdir ki, mətnlərində sözlərin istifadəsi və
paylanması ilə bağlı olan, müəyyən bibliometrik prin-
sipləri özündə ehtiva edən bir sıra qanunlar mövcuddur.
Bu qanunlara Şennon, Zipfin I və II, Bredford, Pareto,
Parkinson qanunlarını aid etmək olar.
82
İnformasiya axtarışı baxımından Zipf və Bredford qa-
nunları bilavasitə maraq kəsb edir.
Tədqiqatlar göstərir ki, insanlar tərəfindən yaradılmış
mətnlər bioloji və psixoloji amillərdən asılı olaraq müəy-
yən xüsusiyyətlərə malik olurlar. Belə ki, onlar mətn ha-
zırlayarkən özlərindən asılı olmadan müəyyən çərçivədən
kənara çıxa bilmirlər.
Zipf müəyyən etmişdir ki, mətnlərdə böyük uzunluğa
malik olan sözlər kiçik uzunluğa malik olan sözlərə nisbə-
tən daha az istifadə edilir, eləcə də terminlərin mətnlərdə
rast gəlinmə tezliyi ilə sənədlərin məzmununa uyğunluğu
arasında asılılıq mövcuddur. Bu postulat əsasında Zipf iki
universal mülahizə irəli sürmüşdür.
İnformasiya ehtiyatlarının məzmunlarının (mətnləri-
nin) statistik təhlili üçün irəli sürülmüş Zipf qanunları
mətnlərdə rast gəlinən sözlər çoxluğundan termin kimi
qəbul oluna biləcək daha yığcam altçoxluğu müəyyən et-
məyə, ümumiyyətlə, mətnlərin xarakteristikalarını aydın-
laşdırmağa imkan verir.
Bredford isə sənədlərin (məqalələrin, web-səhifələrin
və s.) məzmunları ilə onların müəyyən mənbələr (jurnal-
lar, web-saytlar və s.) üzrə paylanması arasında qanuna-
uyğunluq aşkar etmişdir.
2.5.1. Zipfin I qanunu – “ranq-tezlik” asılılığı
Zipfin I qanunun mahiyyəti aşağıdakından ibarətdir. Sənə-
din mətninin statistik təhlili aparılır. Mətndə rast gəlinən bü-
tün sözlərin sənədə daxilolma tezlikləri (sözlərin mətndə rast-
gəlinmələrinin sayı) müəyyən edilir. Aydındır ki, bir sıra söz-
lər eyni tezliyə malik ola bilərlər. Sözlər mətndə rastgəlinmə
Dostları ilə paylaş: |