341
əxlaqı müxalifət forması kimi davamını şərtləndirdi. Sənaye inqilablarına
qədər bu müxaliflik dinin daxili intriqaları idi.
3. Lakin sənaye inqilabi və maarifçilik dövründə təhsilin inkişafı
ədəbi yaradıcılığı dini fəaliyyət formalığından və dini monopoliyadan
çıxardı. Savadlı adamlar sırf dini fəaliyyətlə məşğul olmadan da maddi
dolanışıq mənbələri tapa bildilər və bu onların müstəqilliyi ilə nəticələndi.
Ona görə intibah dövründə bədii yaradıcılıq dini və kommersiya fəaliyyəti
arasında olan bir şeyə çevrildi.
Dini ədəbiyyatın birmifliyi prinsipi öz yerini maarifçi ədəbiyyatın
çoxmifliliyi prinsipinə verdi. Ədəbiyyat fərdi mifyaratmaya çevrildi, lakin
öz mifoloji təbiətini itirmədi. Müəlliflər Bibliya süjetləri məngənəsindən
çıxdılar: bütpərəst yunan mətnləri köməyə gəldi və yunan ədəbiyyatı
cavan milli dillərə tərcümə olunmağa başladı. Milli dillər təkcə qədim
dillərin rəqibi deyildi: bu dillər dinin monopoliyasından və cəzalarından
kənarda qalaraq yaradıcılıqla məşğul olmaq üçün bir sfera idi.
Milli dillərin ədəbi dil kimi işlənməsi həm də müqəddəs kitabların
yaradıcı həyatda, mənəvi həyatda monopoliyasının sonu idi. Qədim dillər,
ilk növbədə, bu kitabların dili idi. Ədəbi yaradıcılığın mərkəzi monastır-
lardan, dini akademiyalardan saraylara, iri feodalların malikanələrinə,
kitabxanalara və milli dillərdə yaradılan təhsil ocaqlarına keçdi.
Maarifçilik dövründə sözün mistik hakimiyyəti dağılmağa başlayır.
Söz sahibi olan yazıcılar mənəvi hakimiyyətdən imtina edir və onun
əvəzinə mistikasız dünyəvi hakimiyyətə, maddi varlanmaya və ya öz
ehtiyaclarını ödəməyə üz tuturlar. Mənəvi fəaliyyətin mərkəzində və
əsasında duran allah ideyası öz mövqelərini itirir. Ədəbiyyat çoxmifli olur
və mifyaratma forması olmağa qayıdır.
Lakin müasir maarifçilik erasının ədəbi mifyaratması artıq antik
mifyaratma da deyildir: antik mifyaratmanın utilitarizmi tayfa bütlərindən
utilitar istifadə üçün yaradılırdı. Lakin müasir ədəbi mifyaratma əsas iki
şey üçün: maddi fayda götürmək və yenə maddi fayda mülahizələri ilə
sözün, ədəbi mətnin yaratdığı mənəvi hakimiyyətdən utilitar istifadə üçün
yaradılırdı. Lakin müasir mətnyaratma və ədəbi yaradıcılıq digər adamlar
və onların bədii və estetik ehtiyaclarının ödənilməsi üçün yaradılır.
Beləliklə bütpərəstlik zamanı meydana çıxan ədəbi mətnin mifliyi,
fərdlər tərəfindən reallıq kimi qəbul edilməsi müasir ədəbiyyatda da qalır.
Amma bu dəfə qavrayışın oyunu kimi davam edir, şərtilik kimi, bütpərəst
mif mistikasının sublimasiyası kimi davam edir.
Yazıcı öz əsərinin ancaq süjet olduğunu aydın dərk etsə də öz fərdi
aləmində bu süjeti reallığın variantı kimi yaradır, yazı prosesində özü də
bu reallığa inanır. Sonradan oxu – bədii qavrayış prosesində oxucu da sərti
342
bir süjet, mif oxuduğunu dərk edərək belə onun qavrayışını real həyat
qavrayışı kimi yaşayır.
6.7. Yaradıcı şəxsiyyət. Ədəbi mətnyaratmanın
fərdi xüsusiyyətləri
Yaradıcı şəxsiyyət problemi ədəbiyyat elmi tarixində ən qədim
zamanlardan müzakirə olunmuşdur. Yazının mistikləşdirilməsi və yazılı
mətnə belə əlamətlərin şamil edilməsi yazı ilə məşğul olan insanların da
mistikləşdirilməsi ilə nəticələnmişdir. Qədim mədəniyyətlərdə şairlik və
peyğəmbərlik peşələri daim yanaşı xatırlanır. Lakin dini mətnlərdə ən
qədim dövrlərdən şairlərlə peyğəmbərləri fərqləndirməyə çalışırdılar.
Hesab edilirdi ki, peyğəmbərlərə verilmiş Allah elçiliyi, allahla adamlar
arasında vasitəçi olmaq kimi bir xüsusiyyət şairlərdə yoxdur. Quranda
yalançı peyğəmbərliyə həsr olunmuş ayrıca “Şairlər” surəsi vardır.
Amma qədim dini kitablar, monoteist mətnlər də şairə Allah tərəfin-
dən, sonralar isə təbiət tərəfindən xüsusi yazmaq qabiliyyəti verildiyini
qəbul edirdilər. Görünür qədim maarifçi peyğəmbərlər də yazının və
insanların yazı vərdişinin Allahdan verilmə olduğunu təkzib etməkdə
maraqlı deyildilər. Bu, peyğəmbərliyin özünü də gözdən sala bilərdi. Xalq
dastanlarında el şairlərinə yuxuda buta verilməsi epizodu təkrarlanır. Bu
da şairliyin Allahla əlaqələndirilməsidir, onun tək-tək seçmə şəxslərə
verdiyi vergi kimi təqdim edilməsidir. Qədim cəmiyyətlərdə istedadlı
şairlərin qazandıqları misilsiz nüfuz və hörmət də şairlik qabiliyyətinin
mistikləşdirilməsi ilə nəticələnmişdir.
İstedad nədir?
Birinci, istedad insanları bir-birindən fərqləndirən hansısa fitri tə-
bii xüsusiyyətlərdir. Belə xüsusiyyətlər həm irsiyyətdən, həm valideyn-
lərin irsiyyətinin çarpazlaşmasından, onların həyatının təbii və sosial
şəraitindən gələ bilər. İnsanın fitri təbii xüsusiyyətləri onun instinkt və
emosiyalarının, vərdiş və qabiliyyətlərinin keyfiyyətinə və davamlılığına
təsir göstərir. Ədəbi istedaddan danışanda onun bir qayda olaraq irsi savad
və yazı qabiliyyətləri ilə bağlı olduğunu da nəzərə almaq lazımdır. Biz
irsiyyət deyəndə atadan oğula keçən xüsusiyyətləri yox, insanlarda irsiy-
yətin təbii təsadüflərlə şərtlənən ən müxtəlif təzahürlərini nəzərdə tuturuq.
İstedadın ikinci xüsusiyyəti yaradıcı şəxsiyyətdə emosional və
fiziki enerjinin qüvvəsi ilə bağlıdır. Emosional sabitlik istedadların
mühüm xüsusiyyətidir. Onlar məhz bunun sayəsində bir əsər üzərində
343
yorulub bezikmədən illərlə işləyə bilirlər. Belə sabitliyin nəticəsində
yaradıcı şəxsiyyətlərdə ömür boyu davam edən qopmaz emosiyalar və
qopmaz ideyalar olur. Yazıçılarda qopmaz emosiyalar daha davamlı olur.
Onlar tapdıqları süjet və ya mövzunun verdiyi emosional ovqatın təsiri
altında həftələr, aylar, hətta illərlə yaşaya bilirlər. Yaradıcı şəxsiyyət
balaca və az əhəmiyyətli ideyanı belə illərlə qəlbində gəzdirib onu
genişləndirir, onda mənalar və emosional çalarlar tapa bilirlər.
Emosional sabitlik həm də yaradıcı şəxsiyyətin yaradıcı işinin
keyfiyyəti üçün vacibdir. Ona görə yazıcı və şairlər yeni əsərləri üzərində
hər gün işləyirlər. Fasilələrin verilməsi isə müəllifin emosional sabitliyinin
pozulması və nəticədə əsərin bədii bütövlüyünün şübhə altında qalması ilə
nəticələnir. Ona görə yazıçılar yaza bilmədikləri günlərdə əlyazmasının
hazır hissələrini köçürür və bu yolla yaradıcı ovqatdan çıxmamağa
çalışırlar.
Yazıçının həyat tərzindəki emosional sabitlik onun öz şəxsi tələbat
və istəkləri ilə bağlı fərdi mübarizəsinin fasiləsizliyi ilə tamamlanır.
Yaradıcı adamın dünya və mühitlə fərdi mübarizəsini yaradıcı adamın
şəxsi dramı adlandırmaq olar. Şəxsi dram insanın seksual meylləri, sosial
dəyərləri, özünü təsdiq etmək ehtirasları ilə bağlıdır. Bütün bu istəkləri
şəxsiyyət tam dərk etməsə belə, onun şəxsi həyatının məzmunu bunların
reallaşdırılması ilə bağlıdır. Bunların reallaşdırılması uğrunda insanın
şüuraltı və şüurlu mübarizə və fəaliyyətlərinin məcmusu onun şəxsi dra-
mıdır. Yaradıcılığın əsas stimulları bütün hallarda həyat dramının dərk
olunmayan dərinliklərində olur. Yazıçının məhsuldar yaradıcılıq fəaliyyəti
üçün bu dramım davam etməsi, yazıçının şüuru üçün aktuallığı çox vacib-
dir. Şəxsi dramı bitən və ya bu istiqamətə maraqlarını itirəndən sonra ya-
zıçılar adətən yaza bilmirlər və yaradıcılıq potensialını itirirlər. Çünki hə-
yatla davam edən fasiləsiz yarışüurlu mübarizə və dram yaradıcılıq enerji-
sinin əsas stimul və mənbələrindən biridir, bəlkə bu mübarizənin fərdi
miflər səviyyəsində və şəklində davamıdır. Deyirlər ki, bioqrafiyası olma-
yan adamlardan yazıçı olmur. Bu doğrudur, çünki fərdi yaradıcılıq prosesi də
həyatla dramın bir şəkli, onun digər səkildə, sublimativ formada davamıdır.
Bu mənada Ziqmund Freydin yaradıcılıq prosesi barədə sublimasi-
ya nəzəriyyəsində böyük həqiqət vardır. İnsanların sağlam daxili fərdi
həyatında şüuraltı meyllərin aparıcı rolunu aşkar edən Freyd bir sıra
fundamental psixi xəstəlik və problemlərin şüuraltı meyllərin idarə
edilməsi ilə bağlı olduğunu irəli sürür. Şüuraltı seksual meyllərə istisna bir
əhəmiyyət verən alim bunların reallaşa bilməyən hissəsinin nevroz və
psixi gərginlik yaratdığını əsaslandırır. Bu gərginliyin nəticəsində reallaş-
mayan seksual meyllər insanın digər fəaliyyət sahələrində özünü büruzə
Dostları ilə paylaş: |