336
illərində qafiyəsiz salon şeirinə təqlid edən eybəcər cərəyan var idi və
onun Azərbaycan poeziyasında izi qalmadı.
Elmdə ədəbi forma termini çox zaman ədəbi əsərin ayrıca atributu
kimi işlənir. Lakin bu dəqiq deyildir: ədəbi əsərin forması onun süjet, janr,
kompozisiya, obraz və vəziyyət kimi xüsusiyyətlərinin məcmusudur. Ona
görə forma termini çox şərtidir.
Obraz və vəziyyət yaddaşından istifadə də ədəbi əsərin yaradılma-
sında mühüm rol oynayır. Müəyyən obraz və vəziyyətlər ədəbi əsərlərdə
geniş təkrar oluna bilir. Vəziyyətlərin təkrarı dram janrı üçün daha
xarakterikdir. Ayrılmalar, ölüm, xəyanət, məhəbbət, intiqam, məhkəmə,
duel və s. səhnələr bu qəbildəndir.
Roman janrında atalar və oğullar, sevgi üçbucaqları fəhlə, kəndli,
inqilabçı, kapitalist, fahişə və s. obrazları daha səciyyəvidir. Hollivud
ssenarilərində kişi və qadın qəhrəmanların paralelliyi bir qaydaya çevrilib.
Bu mənada maarifçi və romantik ədəbiyyatın əz şablon qəhrəman tipləri
vardır və onlar elmi ədəbiyyatda geniş işlənmişdir. Maarifçi ədəbiyyatda
tərbiyəçi və şagird, romantik ədəbiyyatda dünyaya qarşı duran üsyankar
qəhrəmanlar və onların məhəbbəti əsas yer tutur. Dini ədəbiyyatın əsas
qəhrəmanları allahlar və dindar insanlardır.
Azərbaycan satirik ədəbiyyatında fırıldaqçı dindarlar, qırmızı
saqqal tacirlər, savadsız kəndlilər, mülkədar obrazları əsas yer tuturdu.
6.6. Ədəbi variantyaratmanın
tarixi-psixoloji mərhələləri
Ədəbiyyat tarixindən yaradıcılığın qədim tarixə malik olduğu
məlumdur və biz irəlidə bu barədə müxtəlif münasibətlərlə danışmışıq.
Yaradıcılıq prosesinin bütün mürəkkəbliyini və dilin təbiətindən gələn
mistikliyini sona qədər izah etmək üçün yenidən bu məsələyə qayıtmalı-
yıq. Ədəbi əsərin qavrayışı fəslində biz əsəri oxuma prosesinin mistik tə-
rəflərini göstərməyə çalışmışıq. Bu mistikliyin əsas mənşəyi bir tərəfdən,
fərd üçün sözün obrazlı təbiətinin mistik keyfiyyət olması ilə bağlıdırsa,
ikinci tərəfdən sözün mistikliyi duyğusunun yaradıcı adamın yazısı
prosesində iştirak etməsidir. Bu iştirakın 1/ çoxallahlıq 2/ monoteist və 3/
maarifçilik epoxalarındakı təzahürünü qısaca səciyyələndirmək vacibdir.
1. Çoxallahlıq dövründə söz obrazın utilitar mistikliyi ortaya gəlir
və inkişaf edir. Qədim cəmiyyətlərdə, məsələn, Yunanıstanda savad ancaq
quldar sinfin seçmə nümayəndələrinə aid idi, yəni nadir bir hadisə idi.
337
Qullar və azad tayfa üzvləri savadsız idi. Belə vəziyyət savadlı bütpərəst
kahinlər üzərinə əsas mifoloji maarifçilik vəzifəsi qoyurdu. Mifoloji
maarifçilik dini bir vəzifə idi. Bəs din nədir?
Yazılı fonetik dilə və kitab mədəniyyətinə qədər dünya insanlar
üçün ancaq maddi təbiətdən ibarət idi. İnsanların öz əcdadları barədə
yaddaşları belə yox idi. Nə üçün? Ona görə yox idi ki, əcdad haqqında
təsəvvürün olması üçün əcdadı bildirən sözlər meydana gəlməli idi.
Lakin biz artıq demişik: insanların sözləri bilmək və omlardan istifadə
etmək qabiliyyəti onların genetik kodunda, instinktləri sırasında yoxdur.
Dil də insanların dünyanı özlərinə uyğunlaşdırma prosesində əldə etdikləri
vərdişlərdən, qazanılma qabiliyyətlərdən biridir. Ona görə bu vərdişlər
formalaşana qədər mistika yox idi. İnsanlarda instinktiv qorxu var idi.
Amma sosial qayğılarla, anlayışlarla, sözlərlə bağlı qorxu yox idi. Bu
qorxu insanların söz-obrazlar vasitəsi ilə yaradılan əcdad (ilkin doğulma ,
başlanğıc) obrazından və onun izahından yarandı.
Din – fonetik dildə formalaşan dünya obrazının mistikasıdır.
Dini mistikanın əsas forması söz idi, daha dəqiqi ad-sözlər idi. Ad sözlər
bütün metafizikanın başlanğıcı oldu. Yəni dünyanın gerçək maddiliyindən
başqa sözdən ibarət obrazı da yarandı və insanların başında, yaddaşında
özünə yer tutdu. İlk belə obrazlar fiziki doğulmanın başlanğıcı kimi
təsəvvür olunan totem-əcdadların adlarını bildirən sözlər oldu. Ad-sözlər
insana bənzər və diri subyekt kimi təsəvvür edildi, yəni fonetik sözlə
mif pulun iki üzü kimi ayrılmaz oldu. Beləliklə ayrılıqda heç nə
bildirməyən ad-sözlər insanın başında subyektlik keyfiyyəti aldı. Əslində
təbiətdə mövcud olmayan bu subyektlik haqqında təsəvvür sözün mistik
təbiətinin nəticəsi idi, onun maddi dünyanın davamı olan ikinci dini mistik
aləm barədə təsəvvür şəklinə düşməsi idi. Bu, həm bütpərəstlikdə, həm də
təkallahlıqda dini təsəvvürlərin əsas obrazı oldu.
Biz bilirik ki, sözlər insanların udlaqda tələffüz etdikləri sərti işarə-
lərdir. Konkret adamın yaddaşından kənarda götürülən söz yazıda şərti
işarə sırasıdır, nitqdə isə səslənib yox olan səsdir. Müasir dillərdə milyon-
larla olan bu sözlər təsadüfi və ixtiyari sərti işarələrdir və bundan başqa
heç nə deyildir. Lakin sözün subyektliyi, mifliyi sözlərlə sistemləşən və
idarə olunan fərdi yaddaşın, təfəkkür qabiliyyətinin ayrılmaz xüsusiyyəti
kimi insanların kollektiv təsəvvürünə daxil olub yaşadı. Həm də nəinki
yaşadı, yazı bilən adamların bir qismi ancaq öz yaddaşında olan mifik
dünya obrazlarını maddi həqiqət kimi təbliğ etməyə başladı. Bu, dünyanı
anlamaq, düzgün yaşamaq və təşkil etmək üsulu kimi təbliğ olundu.
Bütün yunan ədəbiyyatı yunanların tayfa bütlərini təbliğ edən,
onları dünyadakı maddi məntiqin subyekti kimi təbliğ edən dini ədəbiyyat
338
idi. Bu ədəbiyyatın diniliyi, ilk növbədə, onun mistik fəaliyyət növü
olması ilə şərtlənirdi. Beləliklə, insanlar dünyanın sözlərlə ifadə olunan
mənzərəsi ilə birgə onun ikinci mistik obrazını da yaratdılar və ona
inandılar. Metafizika, təbiətdən sonra insanların sözlər vasitəsi ilə
tanıdıqları, bildirdikləri, təsəvvür etdikləri hər şey mistika idi.
Bəs nə üçün insanlar bütpərəst mistikaya belə meylli oldular? Ona
görə ki, mistik mifləri, subyekt kimi sözləri də insanlar istifadə etdikləri
alətlərdən biri kimi görür və onları utilitar məqsədlərlə mənimsəyirdilər.
Yunan mifologiyasında Allahlara pərəstişin özü utilitar, əməli fayda
qazanma məntiqinin daşıyıcısıdır. Bütpərəst allahların təbliği, tanıdılması
onların gücündən istifadə etmək, onların himayəsini qazanmaq məqsədi
daşıyır. Burada hələ Allah qorxusu yoxdur.
“İlliada”nın özü bir kitab kimi bəşəriyyətin bütün sonrakı dini
kitablarının özülüdür. Burada allahların yaşadığı Olimp və insanların fəa-
liyyətdə olduğu Troya müharibəsi səbəb və nəticə münasibətindədir.
İnsanların həyatı, Troya müharibəsinin gedişi buradan – Olimpdən idarə
olunur. Bu səbəbiyyətin, dünya məntiqinin ilk dini konsepsiyası idi. Əsas
allah olan Zevs də təkallahlığın başlanğıcıdır. Büt-Allahlardan istifadə
təşəbbüsü ilə onların ən güclüsünün seçilməsi bütpərəstliyin ilkin inkişaf
xətti idi.
Yunan müəllifliyi hələ kahinlik fəaliyyətidir, bütlərin dünya səbə-
biyyətinin əsası kimi təbliği dövrüdür. Yeni eradan əvvəl dördüncü əsrdən
başlayaraq yunan-Roma mühitində allahların məbədləri yaranır və bizim
yunan və Roma yazıçıları kimi tanıdığımız adamlar Zevs, Paseydon və s.
kimi əsas allahların məbədlərinin xidmətçiləri olurlar.
Yunan mifologiyasında maddi və sosial dünyanın şəcərəsi ilk dəfə
ortaya çıxır və adamların gerçək fəaliyyətindən ayrılmaz bir şey kimi
təsəvvür olunur. Mifoloji kitab ənənəsi miflərin ələkdən keçirilməsi,
iyerarxiya yaradılması prosesini, yəni monoteizmə doğru keçidi
sürətləndirir. Lakin bütpərəstliyin qızıl dövrünü Yunan allahlarının hey-
kəllərinin və məbədlərinin yarandığı yeni eradan əvvəlki 3-2-ci əsrləri
hesab etmək olar. Zevsin və digər Allahların heykəlləri ən ciddi
simmetriya, ən gözəl tərzdə yaradılır. Bu allahlar şübhəsiz ki, yunanların
özlərindən gözəldir, çünki onlar etalon kimi yaradılırdılar və bütün o
zamankı əhalinin onlar kimi gözəl olduğunu düşünmək səhv olardı.
Tövratda isə gözəlliyin Allahdan insanlara verilməsi bir ehkam oldu.
Beləliklə, bütpərəstlik dövründəki ədəbi yaradıcılıq – variantyarat-
ma prosesi dini bir fəaliyyət idi. Amma bu mərhələdə dini fəaliyyətin
mistik tərəfi onun utilitar cəhətindən zəif idi. Bütlər müharibələrdə
qoruyucu və qələbə gətirici bir qüvvə kimi mistikləşdirilirdilər. Təsadüfi
Dostları ilə paylaş: |