_________________Milli Kitabxana
________________
392
müəllim çıxış yolunu nədə görür. O, “nədə görür” məsələsini araşdırmalıydıq.
Burada mənim yanğım var və bir də mənim belə bir fikrim var: Mən həm Sabir
Yanardağı oxudum, həm Atanı — İnam Atanı oxumuşam və mən görürəm ki,
daha doğrusu, mənim görümümdə belədir ki, Sabir Yanardağın axtarışları gəlib
çıxmalıdır Asif Atanın peyğəmbərliyi məsələsinə. Peyğəmbərlik odur ki, o,
məsələləri həll eləyir, məsələlərin həlli yolunu göstərir. Əgər bu yol “yalanı
daha asan həzm eləyən bəşərdə” baş tutmursa belə, başqa yol yoxdur, çünki
elmi üsulnan, elmi gedişnən əmələ gələn tərəqqi əslində Sabirin özünün
dediyini də vermir və Safruhun dediyni də vermir. Mən ona görə orada Qərb
sivilizasiyasının — Batı uyqarlığının adını çəkirəm ki, orada insanlıq Sabiri
dəhşətə salan hallara gəlib çıxıb, həmin Tərəqqinin yoluynan. Və orada sanki
insan tükənir, o, ilan ki, qabığını dəyişmə zamanı gəlir — canı çıxır gedir,
qabığı qalır. İndi mənim yanlış, ya doğru təsəvvürümə görə, aldığım bəzi məlu-
matlara görə, bilgilərə görə, Qərbdə insan o vəziyyətdədir; daha doğrusu
İnsanilik. Onun qabığı qalıb, canı çıxıb gedib. Ona görə də Qərb sivilizasiyası
— Batı uyqarlığı, mənim ağlımca, insanlığı mədəni, kraxmallı, texnologiyalı
ormana qaytarır. İnsan ormana qayıdır. Bəşərin, insani bəşərin, daha doğrusu,
böyük humanistlərin, bu yolda canı çıxan, gözü çıxan, ömrünü qoyan və
insanlığın o böyük, ali, Sabir Yanardağların da yüksək qiymətləndirdikləri
dəyərləri yaradanların əməyi zay olub gedir, onların yaratdıqları puç olub gedir.
İnsan ormana qayıdır sanki. Deyə bilərlər ki, qayıdış yoxdur, gediş yalnız
irəliyədir. Ancaq İrəliyə — ormana! İrəliyə — Ormana! Gediş ona oxşayır! Bu
orman əvvəlki orman olmayacaq! Əvvəlki ormandakı bəzi gözəlliklər burada
kraxmalnan əvəz olunacaq, küçələrin düz xətlə çəkilməsiylə əvəz olunacaq,
divarların şirlənməsiylə əvəz olunacaq, idman yarışlarının fısqırıb Göyə
çıxmasıyla əvəz olunacaq!.. Bunları isə nə Sabir öyübdü, nə keçmiş böyük mü-
təfəkkirlər öyüblər; nə də mənim qəlbim əsla bunları öymür! Yatmır onlara!
İnsanın qəlbi Batı uyqarlığının — Batı sivilizasiyasının gedişiylə qəribliyə
düşür. Hər halda, mənim ağlımın, könlümün yetkinlik səviyyəsi mənə bunu
deyir. Bəlkə bu, gedişin insani həqiqətini görməməkdən irəli gəlir? Ola bilər!
Mən öz eşqimin, öz şəxsi istəyimin bu cürlüyünü görürəm, dərk eləyirəm,
amma o böyük, ali həqiqəti Asif Ata — İnam Ata məndən yaxşı dərk eləyərdi.
Mənə elə gəlir ki, Ata mənim qəlbimin harayını heç olmasa, qismən haqlı
sayardı. Sabirlə mənim bu söhbətim — bir hissədi. Elə bil ki, dörd paydı, onun
dörddə üçündə Sabirin gözəl araşdırmalarına, bənzərsiz araşdırmalarına mən
heyranlığımı bildirdim. Amma onun üçdə biri həcmcə, dörddə biri olan o biri
yarısı, o biri hissəsi — o edilməmiş qaldı. Mən Sabirə öz, ruhani, doğma
etirazlarımı, ehtiraslarımı, axtarışlarımı hələ bildirə bilmədim. Burada Sabir də
yorulmuşdu, ancaq həm də məsələ gəlib mükaliməyə, fikir alış-verişinə çıxanda
Sabir müəllim müəyyən qədər gərginlik göstərdi. Ona görə söhbəti yarıda da-
_________________Milli Kitabxana
________________
393
yandırdıq. Amma mən güman eləyirəm ki, biz onu davam elətdirəcəyik, əgər
davam elətdirməsək, mən öz qəlbimin həqiqətiylə gedəcəm!
Atamız var olsun!
18 Günəş (I ay), 24-il, Atakənd.
(18 mart 2002. Bakı).
_________________Milli Kitabxana
________________
394
SUNUŞ
Safruhun (Safruh Atalının – Əliyev Elman Ağa oğlunun)
"Yeni Oğuz Sözü", "Oğuz yönü", "İnama Doğru (Haraylar)"
kitabları haqqında
Bu kitablar "Mütləq" anlayışı və məzmunu ətrafında yazarın orijinal
düşüncələrindən – deyimlərindən yaranmışdır.
Yazar "Mütləq"in fəlsəfi, qnoseoloji, ontoloji anlamlarını, episte-
mologiyasını bir qırağa qoyur; əski və yeni Hind və Batı fəlsəfələrindəki,
habelə "dünya dinləri" və ya "səmavi" deyilən dinlərdəki, hətta özünün mənsub
olduğu Mütləqə İnam (İnam Ata – Asif Ata) fəlsəfəsindəki və ruhaniyyatındakı
yozumuna toxunmur. İnsanın Yer üzərində, yaxud başqa bir planetdə
yaşaması zərurətindən çıxış edir. Bu zərurətin özü də növün (insanın) öz
içindən gəlir, ondan qıraqda belə bir zərurət yoxdur. Bu da təqdim olunan
kitabların varlıq haqqında elm deyil, varlığa münasibət olduğunu göstərir.
Yazarın baxışında Mütləqin tərifi-təyini belə səslənir: İnsan -
yaşamalıdır. Mütləq – müzakirə olunmayan, son, daha doğrusu ilk, ilkin
dayanacaqdır, başlanğıcdır; ondan o yana heç nə yoxdur. Mütləq o nöqtə və ya
məqamdır ki, hələ nə yaxşı var, nə pis. İnsan – yaşamalıdır.
Bu zərurətə xidmət (kömək) edən tərpəniş müsbət (+), zərər verən tərpəniş
isə mənfi (-) işarələnir. Yazar "Atam-Mütləqim-Peyğəmbərim" deyə üz tutduğu
İnam Atanın (Asif Atanın) Mütləqə verdiyi tərifin yerinin yalnız bundan sonra
gəldiyini söyləyir (həmin tərif aşağıda veriləcək). Çünki "anlam" (məna)
deyilən şeyin varlığı yalnız İnsana bağlıdır; İnsandan kənarda ("İnsansız
dünyada") hər şey öz Anlamını itirir: nə baş verir versin; isti olsun, soyuq
olsun; sonlu olsun, sonsuz olsun; tikan olsun, çiçək olsun; ölsün, qalsın...
Əgər indiki meyarlarla əxlaqsızlıq sayılan tərpəniş "İnsan–yaşamalıdır"
Mütləqinə müsbət xidmət edirsə, o – əxlaqdır, məqbuldur; ona mənfi təsir
edirsə – əxlaqsızlıqdır; indiki meyarlarla zorakılıq sayılan tərpəniş Mütləqə
uyğundursa – məqbuldur, yaxşıdır – nəticə etibarı ilə. Ailəyə və ailəsizliyə,
millətçiliyə və kosmopolitikliyə, dinçiliyə və dinsizliyə, dövlətçiliyə və
başıpozuqluğa, sinfiliyə və sinifsizliyə, qütbiliyə (Doğu-Batı) və qütbsüzlüyə
və s. və i.a. baxış da bunun kimi. Ancaq bir an belə unutmamalı: Söhbət ayrı-
ayrı hallardan, çətin, mürəkkəb vəziyyətə, "ekstremal" şəraitə düşənlərdən
deyil, bütövlükdə növün (insanın) varolma şərtindən gedir. İnam Atanın
Mütləqi yazarın məntiqinə burada qoşulur: "Mütləq – bugündə nişanələriylə,
əbədi Sabahda bütöv varlığıyla aşkara çıxan, nisbi hadisələrin daxilində
yaşayan, ancaq onlara sığmayan, onları özlərindən kənara çıxarıb özünə
yaxınlaşdıran, Dünyaya, Həyata, İnsana Ali Daxili Qüvvə, İstiqamət və Meyar
olan bir Qüdrətdir". (Asif Ata. Mütləqə İnam, Bakı, 1999, s. 68). Bu o