Vətən həsrətli, barıt qoxulu sətirlər
11
orada el-oba adətimizlə mənə ölüm qismət elə. İndi o
gözəgörünməz də mənim səsimi, yalvarışımı eşidib, canımı
Vətənimdə alır. Bu, mənimçün şərəfli ölümdür. Mən bu
mübarək ölüm günümü çoxdan gözləyirdim. Ağlamayın».
Anam deyir ki, sonra biz Səftərin əlyazmasında hə-
qiqətəndə onun belə istəyinin olduğunu əsərlərindən, xü-
susən «Məni» şeirindən oxuduq:
Ana vətənimdə alasan canım,
Qala el-obamda bəlkə nişanım,
Oxuna üstümdə «Yasin Quran»ım,
Çatdır öz obama, elimə məni.
Elə beləcə də oldu. Ana Vətəni Azərbaycana yetişdi.
Cismi Şilyanda torpağa tapşırılarkən üstündə «Yasin»
oxundu. Bununla da cəsədi Ana Vətənində uyudu, rahatlıq
tapdı. Yeri cənnətlik oldu…
Səftər Həsənzadənin səngərdə qələmə aldığı bütün şeir-
lərində, qəzəllərində, məsnəvilərində Vətən eşqi, Ana mə-
həbbəti xüsusi şəkildə əks olunur. Bu istər «Sən mənə»,
«Mənim», «Qafqaz dağları», «Yurdumun», «Qafqaz dağla-
rında», «Ay qış», «A tutbit», «Vətən», «İndən belə», «Kağız
səni», «Nədəndi» kimi şairin burnunun ucunu göynədən,
özünü əlindən alan ümumi mövzulu şeirlərdə olsun, istərsə
də konkret ünvana müraciətlə yazılmış şeirlər də - onların
hamısında şairin hiss və duyğularını dilləndirən,
emosiyalarını nostalji-motivlərlə zənginləşdirən yenə də
doğma Vətənə, elə, obaya, kəndə, yaxınlara həsr edilmiş
şeirlərin mayasında Vətən həsrəti, yurd sevgisi dayanmışdır.
Biz bunu Səftər Həsənzadənin «Unutmusan daha məni,
Xəlilim», «Tavadım», «Mənim Tağım», «Ana», «Xəbər ver»
və s.şeirlərində apaydın görə bilirik.
Səngərlərdə vuruşa-vuruşa şairin əli tətikdə, gözü
düşməndədirsə, hissləri, duyğuları, fikri-zikri vətənlədi, el-
Səftər Həsənzadə
12
oba ilədi. Məsələn, «Xəbər ver» şeirində hisslər daha qa-
barıq, daha relyeflidir:
Başına mən dönüm sahibi Şilyan,
Doğmaca vətəndən mənə xəbər ver,
Nə namə yazan var, nə bir hal soran,
Bu dərdli könlümə dərman xəbər ver.
Xəbər ver, könlümü elə bir halı,
Söylə görüm necə Şilyan mahalı,
And verirəm sənə böyük Allahı,
Qoca anam, Sərdarımdan xəbər ver.
Qınayır-qınasın qoyun el məni,
Qəmli sözlər şair edib sinəmi,
Arzularam ana, bacı, həmdəmi,
Öz sevgimdən, öz yarımdan xəbər ver.
Şair uzun müddət eldən, obadan ayrı düşməsinə bax-
mayaraq, doğmalarından, əzizlərindən məktub almır. Dərd
içini oyum-oyum oyur, heç kim də ona bir təsəlli məktubu
ünvanlamır. Elə ona görə də tez-tez yuxuda Vətəni, kəndi,
eli-obanı, qohum-əqrəbanı, yeganə oğlunu, yaxınlarını
görür, hətta bəzilərinin dünyalarını dəyişdiyini də bilir. Bu,
ona sanki əyan olur. Elə «Bəkir Bəşiroğlu və Cəbrayıl
Doluxan oğlunun ölümünə heyfislənmə»də bu münasibətlə
qələmə alınmışdır:
Yatmışdım yuxuda gördüm vətəni,
Nədənsə titrəmə tutdu bədəni.
Ayılıban durdum bir dəm yuxudan,
«Vətəndən kağız var», - deyə qışqıran.
Bir nəfər yoldaşın səsin eşitdim,
Alıb kağızları birbəbir öpdüm.
Doğrudur, vətəndən gəlmişdi kağız,
Vətən həsrətli, barıt qoxulu sətirlər
13
Mənimlə söhbətə başladı cansız.
Dedi: «Nə yatmısan, qəflətdən ayıl,
Ölüb Bəkir dayın, əmin Cəbrayıl»!…
Oxudum bunları nə isə qandım,
Biləsiz hirsimdən alışdım-yandım.
Artıq bilirəm ki, yox daha onlar,
İki söz ustası o, iki dülgar.
Gedibdi dövranım, gedibdi dəmim,
Ölüb qoca dayım, ölübdü əmim.
Yox olub gedibdi iki sənətkar,
Mahir söz sərrafı, iki bənnalar.
Bax, şair səngərdən yuxuda doğma elinə, obasına
beləcə «baş çəkir», onları yad edir, həyatda, insanlar arasın-
da onların söz sərrafı olduqlarını özünəməxsus poetik ciz-
gilərlə təsvir edir. Yeri gəlmişkən qeyd edək ki, Səftər
Həsənzadə dayısı Bəkirin və əmisi Cəbrayılın ölümündən
yalnız iki il sonra xəbər tuta bilmişdir. Bu xəbər onu çox
göynətmiş və Kursk vilayətinin Voropayev kəndində bu
şeiri səngərdə 25 iyul 1943-cü ildə qələmə almışdır.
Türk xalqlarının poetik təfəkküründə «durnalar»
daimi mövzulardandı. Bu mövzuda Vidadi, Vaqif, Q.Zakir,
S.Vurğun və başqaları şeirlər yazmışlar. Hamısında da
durnalar öz niskili, öz tənhalığı, öz yetimliyi, öz dərbədər-
liyi ilə seçilir. «Durnalar» mövzusuna şairlər əlləri hər
yerdən üzüləndə müraciət etmişlər. Səftər Həsənzadə də,
demək olar ki, analoji hisslər baş qaldırmışdır, o da durna-
ları 1943-cü ilin 17 iyununda özünəməxsus vəsf etməyə
çalışmışdır:
Deyin görüm, səfəriniz hayana,
Şamaxıya, ya Bakıya, Səlyana.
Səftər Həsənzadə
14
Aparın naməmi atın Şilyana,
Çıxıbdır
sevincim yoxa, durnalar.
Başlayıb əjdaha bizimlə cəngi,
Yeridir döyüşə şiri, pələngi,
Toplayır gətirir fini, firəngi,
Allah üzümüzə baxa, durnalar.
Coşub qəmli könlüm - nə eyəyir xun,
Didəmdən tökülən göz yaşım ceyhun,
Bilmirəm Fərhadam, yainki Məcnun?!
Dönüb yalvarıram dağa, durnalar.
Səftər Həsənzadə yaradıcılığında ənənəvi mövzular-
dan biri də «Ana» mövzusudu. Ananı şairlərdən
hər biri öz
bildiyi kimi, qələminin gücünə söykənməklə təsvir etməklə,
ona məhəbbət və sevgisini ifadə etmişdir.
Biz Səftər Həsənzadənin doğmalarına ünvanladığı bü-
tün məktublarında daim anasını sormasını, ondan muğayat
olmanı ismarladığını görürük. Məsələn, ömür-gün yoldaşı
Tavad xanıma ünvanladığı məktublarında Tavadı şeirlə vəsf
etdikdən sonra o, aşağıdakıları qeyd edir: «İstəkli Tavadım,
mənim bu aşiqanə sözlərimdən, əlbəttə, bir mətləb
anlayacaqsan. Mən hələ, həmd olsun Allaha ki, salamatam.
Ancaq sənə tapşıracağım anama mənim əvəzimdə qulluq
etməyini səndən xahiş edirəm. Mənim anamdan muğayat ol.
Sərdəri isə (Səftər Həsənzadənin yeganə oğlu idi - N.T)
tapşırmaq istəmirəm. Çünki sənin özünündür». İndi «Ana»
şeirindən bir parçaya diqqət yetirək:
Salam sənə məndən mehriban ana!
Xeyli zamanlardı həsrətəm sana.
Görməyirəm neçə ildir ki səni,