Vətən həsrətli, barıt qoxulu sətirlər
35
Hər tükümdə dərd nişanı,
Canım düşər indən belə.
Səftər Həsənzadə
36
Mən qocaldım qərib eldə,
Çox dastanlar yazdım - dildə,
Krımda, Rusda, hər eldə,
Dərd ötüşər indən belə.
Dəli könül qubar eylər,
«Vətən» deyə-deyə söylər,
Sərdərin atası Səftər,
Söz döyüşər indən belə.
20.VI.1943-cü ildə Kursk vilayətindən
Stalinqrada ön cəbhəyə gedərkən döyüşçü
yoldaşları ilə əlaqə yarada bilmədiyindən
bu şeiri cana doyub yazmışdır
KAĞIZ SƏNİ
Yazmaqdan cana gəlmişəm,
Necə yazım, kağız səni?!
Hirsimdən oda yanmışam,
Necə yazım, kağız səni?!
Sanki gedib çıxmayırsan,
Əhvalıma baxmayırsan,
Bilmirəm-harda qalırsan,
Necə yazım, kağız səni?!
Neçəsin yazıram birdən,
Ağlı, huşu alır sərdən,
Bu dağılmış qərib eldən,
Necə yazım, kağız səni?!
Bilirəm çətindir yolun,
Yazıram sizi mən qalın,
Gələrsənsə yola salım,
Vətən həsrətli, barıt qoxulu sətirlər
37
Necə yazım, kağız səni?!
Gətir cavab mənə eldən,
Süsəndən, sünbüldən, güldən,
Məni soruşan hər dildən,
Necə yazım, kağız səni?!
Söylə salamımı mənim,
Anama, bacıma həmin,
Necədir halı Vətənin,
Necə yazım, kağız səni?!
Şair Səftər salam eylər,
Hər sözünü dastan eylər,
Yanar mənə yerlər, göylər,
Necə yazım, kağız səni?!
5.VIII.1943-cü ildə Vətəndən, əzizlərindən
məktub almaması ilə bağlı yazılmışdır
MƏSNƏVİ
Ya ilahi, mənim ol dərdimə dərman verəsən,
Qutarıb, bəlkə məni vətən sarı göndərəsən.
Qalmışam mən avara bu çöllərdə tək-tənha,
Əzbərim çərxi fələk bəlkə yetişə pənaha.
İki ildi sürülür ya ilahi qanlı dava,
Qırılan bu millətin sayın kim alar hesaba.
Qırılır məzlum xalq hər tərəfli gör necə min,
Mən
necə təsvir edim, çarəsi yoxdur dilimin.
Səftər Həsənzadə
38
Qalıbdı necə gözü belə dünya mülkündə,
Nə üçün dava gedir quru torpaq üstündə.
Qılan yox imdadına bu binəva xalqımızın,
Qoymayır dinc otura bu milləti bir azğın.
Özü üçün qazanır bütün dünya varlığını,
Binava bu millətlər heç anlayırlarmı bunu.
Nə rəvadır ki, fələk, bir insana el qul ola,
Nanəçim nifaq sala yer üzünə, hökmü qıla.
Nəyçün qan tökülür, nədən isə mən bilməm,
Od açır özü üçün bir-iki alçaq adəm.
Nə dinə xeyri var, nədəki bir haqq yoluna,
Ya ilahi, gəl yetiş bu millətin fəryadına.
Yox ola bir dəfəlik qan içici yırtıcılar,
Mən qəribə şairəm, sənə eylərəm dualar.
30.VII.1943-cü ildə yazılmışdır
NƏDƏNDİ
Qadir Allah bu vurhavur, davanın,
Nahaq qanın bəs səbəbi nədəndi?!
Nədən ötrü millət qırır bir-birin,
Nahaq qanın bəs səbəbi nədəndi?!
Axır aralıqda qıpqırmızı qan,
Yoxdu bu millətin qaydına qalan,
Avam millət hər tərəfli qırılan,
Nahaq qanın bəs səbəbi nədəndi?!
Düşünməyir millət neynəsin ki, ax,
Vətən həsrətli, barıt qoxulu sətirlər
39
Özünü
böyüdür bir necə yaltaq,
Haçan millət bir daha anlayacaq,
Nahaq qanın bəs səbəbi nədəndi?!
Ulu Tanrı çat dadına millətin,
Özün yetiş imdadına millətim,
Bax dərdinə, bax oduna millətin,
Nahaq qanın bəs səbəbi nədəndi?!
Keçdi cavanlığım mənim orduda,
Beş ildi həsrətəm doğmaca yurda,
Dolandım bir qədər, gəzdim Krımda,
Nahaq qanın bəs səbəbi nədəndi?!
1943-cü ildə almanlarla sovetlər arasında
gedən müharibənin kimlərə xeyri və kimlərə
ziyanı olması, müharibədə məzlum xalqın
nahaq yerə qırılması ilə bağlı yazılmışdır
MƏNİM
Qadir Allah eşidəsən sözümü,
Atəş içindədir bədənim mənim.
Qurtarasan məni qərib ölkədən,
Qalıbdı uzaqda vətənim mənim.
Qəriblik çəkirəm mən xeyli zaman,
Yoxdu bir müsəlman, həmsöhbət olan,
Qalmışam tək-tənha elə beygüman,
Hanı yurdum, yuvam, məskənim mənim.
Sirdaş axtarıram söhbət eyləyəm,
Baməzə danışıb, şeir, söz deyəm,
Mən özgə bağında bilmirəm nəyəm,
Yoxdu harayıma yetənim mənim.
Səftər Həsənzadə
40
Həsrətəm – danışam ana dilimdə,
Qalıb min bəlanın yükü belimdə,
Oxuna vətəndə, doğma elimdə,
Hanı daha gəlib-gedənim mənim.
Sağ-salamat gedəm çıxam elimə,
Sataş gələm öz bağımda gülümə,
Qələmi-çernili alam əlimə,
Sonra hazır ola kəfənim mənim.
Cağırıram səni qadiri sübhan,
Sən çıxardın o, Yusifi quyudan,
Tapam dörd bacımı, qardaşım, anam,
Tapıla gülşənim, çəmənim mənim.
1943-cü ildə anasını, bacılarını,
qardaşını, xanımını və oğlu Sərdəri
düşünərkən bu şeiri qələmə almışdır
A MƏNİM QAFQAZIM, AZƏRBAYCANIM
A mənim Qafqazım, Azərbaycanım,
Ax ana torpağım, doğma Şilyanım.
Necə gəlir düşür mənim yadıma,
Beş ildi çıxmışam, həsrətəm ona.
Həsrətəm görmürəm bir gələn-gedən,
Yoxdu Vətənimdən bir xəbər verən.
Yazıram elimə məktub çatmayır.
Heç kim əllərimə əl yetirməyir.
Nə bilim ki, çatır o cansız kağız,
Bəlkə heç qalmayıb nə oğlan, nə qız.
Yazıban göndərə mənə xəbərlər,
Çırpınan ürəyim necə dincələr,
Çəkirəm keşiyin indi ölkəmin,