Microsoft Word Suleyman Rustam -3 cild doc
Yüklə 2,71 Kb. Pdf görüntüsü
|
_____________Milli Kitabxana________________ 231 Q o r x m a z o v. Çək görüm necə çəkirsən! Tez bayıra!.. G ü l a r a. Yoldaş, rica edirəm, buyurun gedək. Hər şey düzələr. Gedirlər. Q o r x m a z o v. Yanıram, Dilavər... rəhbər mənəm, yoxsa o Gülara? D i l a v ə r. Bişək siz. Q o r x m a z o v. Dilavər, mən onun başını əkməsəm, o mənim başımı əkəcək. O çoxdan mənim yerimə göz dikib... İşçilərimizin çoxu da ona meyl bağlayıb. Belə söhbətlər də gedir ki, guya onu mənim yerimə qoyacaqlar. Yox, yox, mən hələ ölməmişəm. Mən onu ləkələr, çirkablar içində boğmasam o məni boğacaq. Yaxşı... (Telefon eləyir.) Kombinatın kadr şöbəsidir? Abbas Əli Baxşəliyeviç, sənsən? Salam. Mənəm, mən... Arvadınız paltosunu dünən apardı, razıdır? Çox şadam. O gecə niyə bizə gəlmədin, sənsiz içdik, sənin sağlığına. Ürəyimdə böyük dərdim var, sex müdiri Gülara Sadıqzadə yenə məni qurdalayır axı... Mənim kimi bir vətənbaza badalaq gəlir, özü də əxlaqdan. Necə, məşğul olan var? Mən ölüm orden məsələsində sən də göz-qulaq ol, qorxuram. Telefonun milləri vasitəsilə öpürəm səni. Sağ ol! (Telefon dəstəyini asır.) Dilavər, gördün gücümün zərbi-dəstini?! D i l a v ə r. Pəh, pəh, ölmə-ölmə... comərdsiniz, comərd! D ə m i r o v (tələsik gəlir). Yoldaş Qorxmazov, gələn malları yığdılar anbara. Sizin ikinizi də çağırırlar. Q o r x m a z o v. Gedək Dilavər... (Gedirlər. Pəncərə qarşısında Nadiri görür.) Nadir, get kabinetimdə məni gözlə! Saninlə sözüm var. Nadir içori girir. Qorxmazovun şəklinə baxıb gülümsünür. Gülara da gəlir. G ü 1 a r a. Nadir, kimi gözləyirsən? N a d i r. Qorxmazovu. Gülara, sən Qorxmazova necə baxırsan? G ü 1 a r a. Bura gələni ancaq özüylə məşğuldur. N a d i r. Tək özüylə məşğul olsaydı dərd yarıdır. Deyəsən, səninlə də məşğul olmaq fikrindədir. G ü l a r a. Qoy bizi görək... Sən də qısqanmağa adam tapdın. Mənim qəlbimdə yalnız bir ad yaşayır ki, onu sən özun məndən yaxşı tanıyırsan. Elə deyilmi, Nadir? _____________Milli Kitabxana________________ 232 N a d i r. Elə də olmalıdır. Ancaq mən istəyirəm ki, sənin adına güldən ağır bir söz deməsinlər. G ü l a r a. Necə məgər? N a d i r. Heç... G ü l a r a. Bilirəm... yenə də... nəzərində Qorxmazovu tutursan. N a d i r. Yox, yox, Gülara, bax gör Qorxmazovun karikaturasını necə çəkmişəm. Özü də məndən çox razı qalıb. Bu karikatura bizə lazım olacaq. G ü l a r a (gülür). Başa düşürəm. Onu nişanımıza çağırmadığımıza görə yaman pərtdir. N a d i r. Onun bizim məclisdə nə işi var. G ü 1 a r a. Onun haqqında mən əlaqədar təşkilatlara müraciət etmişəm. İş, əlbəttə, bizim xeyrimizə olacaq. Lakin hələlik onu müdafiə edənlər də var. N a d i r. Bilirəm. G ü l a r a. Mən getdim. Sonra hər şeyi söz eləyərlər. (Gedir.) Q o r x m a z o v (gəlir).Hə, yoldaş qarğaturist, karnaval dəm-dəsgahı hanı? N a d i r. Buyurun. (Paketi açıb müqəvva eskizlərini nümayiş etdirir.) Q o r x m a z o v. Pah atonnan. Adə, sən burda heyvanxana aşmısan ki... Bu nədir adə?.. (Müqəvvaları sifətində yoxlaytr.) N a d i r (gülərək). Ta qədimdən qayda belədir... Karnavalda gərək hərə bir heyvan şəklinə girə! Q o r x m a z o v. İnteresni, adə, yəni bu it-pişik, at-eşşək maskasını utanmayıb taxan olacaq?! N a d i r. Əlbəttə... Q o r x m a z o v. Nə bilim vallah... Daha adamlarda həya, abır qalmayıb. Yoldaş rəssam, karnaval dəm-dəsgahını təsdiq eləyirəm. (Eskizlərə itnza atır.) N a d i r. Mən getdim. Q o r x m a z o v. Bir dəqiqə! Bayaq qanmı qaraltmaq istəmədim. Gülaranı çoxdanmı tanıyırsan? N a d i r. Üç ay olar, necə məgər? Q o r x m a z o v. Heç... N a d i r. Sözlü adama oxşayırsınız. Q o r x m a z o v. Sözüm odur ki, sizdən qabaq başqasıyla gəzib- eləməyib ki? _____________Milli Kitabxana________________ 233 N a d i r. Gəzəndə nə olar ki? Q o r x m a z o v. Çox şey... Yaxşı, o, kurorta niyə getmişdi? N a d i r. Xəstə idi. Q o r x m a z o v. Xəstəliyi nə idi axı... N a d i r. Bir az açıq danışın. Q o r x m a z o v. Sözün açığı odur ki, dünən bi rməktub almışam. N a d i r. Kimdən? Q o r x m a z o v. Naməlum bir Allah bəndəsindən... (Stolun yeşiyindən bir məktub çıxarır.) Yazır ki, sizin sex müdiri Gülara Sadıqzadə əxlaqdan... N a d i r. Sus!.. Q o r x m a z o v. Adama yaxşılıq yoxdur. N a d i r. Ver məktubu, özüm oxuyum. Q o r x m a z o v. Onu görməyəcəksən. N a d i r. Mən onu yazanı və yayanı məsuliyyətə çəkdirərəm. (Əlindən almaq istəyir.) Q o r x m a z o v. Geriyə çəkil, sən bir bundakı cürətə bax. Mən heç məktub almamışam. (Məktubu cırıb səbətə atır.) N a d i r. Sən onu ləkələyə bilməzsən! (Hirsli gedir.) Q o r x m a z o v. Yavaş yeri... Gülara gəlir. G ü 1 a r a. Yoldaş Qorxmazov, bu nədir, bunu kim yazıb? Q o r x m a z o v. Ver baxım. (Oxuyıır.) Bəli, hamısı düzdürdə. Mən prikaz vermişəm. Dilavər də yazıb. G ü l a r a. Planı 90 faiz doldurduğumuz halda, 130 faiz yazmağa nə ixtiyarınız var? Q o r x m a z o v. Ay qız, əlimizdə hələ 20 gün var, ya yox? Əvvəl- axır mənim rəhbərliyim altında bir 40 faiz də artıracağıq, ya yox? G ü l a r a. Bunu siz yox, vicdanlı işçilərimiz artıracaq. Q o r x m a z o v. Bəs mənim rəhbərliyim? Başa düş, yuxarıya burda yazdığımızın yekunu lazımdır, itoq yekunu ... G ü l a r a. Mən yuxarı təşkilatlara yalançı, saxta sənəd göndərməyə yol verməyəcəyəm. Q o r x m a z o v. Sən kimsən ki, yol verməyəsən? Bir də başa düş, bu gün-sabah orden əhvalatı olacaq deyirlər... Belə lazımdır. Sən mən deyənə qulaq as... Sən gərək mənim avtoritetimi yerə vurmayasan. Yüklə 2,71 Kb. Dostları ilə paylaş:
|