¹2(3) èéóí 2012
68
N. NOVRUZ
ATAMI OĞULSUZMU BİLİRSİNİZ?
Yoldaşlıq,
dostluq etdiyim, yaşda məndən xeyli böyük olan biri ilə
qonşu kəndə yolumuz düşmüşdü. Payızın ortaları idi. Bu vaxtlar bu
yerlər üçün ənənəvi olan duman, çiskin başlamamışdı, hələ yağış
yağmamışdı. Havalar quraqlıq keçirdi.
Günortaya yaxın həmin kənddə yaşayan qohumumuzun evinə getdik. Hava günəşli və
mülayim olduğundan açıq eyvanda əyləşdik. Ev sahibi qabağımıza çay qoydu. Yenicə söhbətə
başlamışdıq ki, otuz, otuz beş evdən ibarət olan bu dağ kəndinin ortasından keçib,
onu iki yerə
bölən yolun ortasında hay-haray səsi qalxdı. Dava düşmüşdü. Qarşılıqlı kişi söyüşləri qadınların
çığırtılarına qarışırdı. Ev sahibi dedi ki, qayınlarıdı, Həzərxanı döyürlər. Yol yoldaşım “axı niyə?”
soruşanda ev sahibi Həzərxan kolxozun sahə gözətçisidir, yəqin yenə mal-qara ziyanlığa girib
mızıldansa da, arxasını deməyə onun macalı, dinləməyə bizim hövsələmiz çatmamışdı, həyətə
çıxmışdıq. Bir az eşiyə çıxıb təqribən üç yüz metr aralıda döyülən kişinin söyüş qarışıq qışqırığının
gücləndiyi yeri, davanın gedişini, nəticəsini görmək, seyr etmək istəyirdik.
Bu
məqamda əynində uzun don, üstündə sırıqlı pencək geymiş, başı yaylıqlı, uzaqdan çəlimsiz
görünən (qışqırdıqca səsi titrəyirdi) bir qız kəndin kənarından qaratikandan hörülmüş çəpərləri
tullanaraq keçib gəlirdi. O, kəndin ortasındakı yola çatanda axırıncı aşdığı çəpərdən dartıb bir paya
çıxartdı.
-Eheyyy! Namərd uşağı namərd! Atamı qardaşsız, oğulsuzmu bilirsiz, başınıza oyun açacam, -
deyib qışqırırdı. Bu çağırış yox,
haray idi, çox təsir ediciydi, adamın tüklərini ürpəşdirən haray. Bu
duyğunun təsiri altında biz də onunla daban-dabana dalaşanların yanına çatdıq.
Ətraf qarışıqlıq idi. Belə məqamları yəqin ki, çox görmüş yaşlı yoldaşım mənə sarı baxaraq
dedi ki, araya girmə, qarışıqlıqdır, güdaza gedərik, araya salıb vurarlar, kənara çəkil,
biz qoşulan iş
deyil.
Həzərxan yerdə idi, qalxmağa təşəbbüs etdikcə vurub yerə salırdılar. Zarıldasa da dili
susmurdu, söyüşünə ara vermirdi.
Mən gözümü qızdan çəkmirdim. O çəlimsiz qız atasını necə müdafiə edəcəkdi? Amma o,
atasını döyənlərin səfini yarmış, onların arasına keçmişdi, daha doğrusu, onların qarşısını kəsmişdi.
Bayaq uzaqdan gördüyüm əynindəki sırıqlı pencəyi çıxarıb sol qoluna dolamışdı, çəpərdən
çəkdiyi paya isə sağ əlində idi. Müəyyən qədər güc toplayan Həzərxan sir-sifəti qan içində ayağa
durmuşdu, həqiqətən ölümünə layiq söyüşlərinə davam edirdi ki, bu qarşı tərəfin əks həmlələrinə
səbəb olurdu. Qız qeyri -adi bir cəldliklə irəli keçib zərbə endirmək istəyəni ağacla vururdu. Bu
anda böyür tərəfdən bir neçə gəncin yaxınlaşdığını gördüm. Həmyaşıdlarının arasında əynində əsgər
paltarı, çiynində “SA” yazısı olan biri də var idi. O, irəli çıxmaq istəyirdi.
Kənardan kimsə oğlana
dedi ki, sən qarışma, hələ qonaqsan, özləri bilərlər.
Yəqin ki, Həzərxanın növbəti söyüşü oğlanı yerindən qopardı. O, yanındakılardan birinin əl
ağacını alıb Həzərxanın üstünə cumdu, qızı yayındırıb zərbəni çıyninə endirdi, Həzərxan təzədən
yerə sərildi. Yəqin ki, huşunu da itirmişdi. Qız bir addım kənara sıçrayıb bağırdı:
-Sənə orada bunumu öyrədiblər?! İndi gör başına nə oyun açacam!-
deyib oğlan toparlanmağa
macal tapmamış əlindəki payanı onun üzərinə endirdi. Zərbə oğlanın sifətini, almacıq sümüyünü
tutmuşdu, qan axırdı.
Döyüşün aktiv iştirakçılarından biri, hündürboy, cüssəli kişi:
-
Fatma! Sənin... – pis bir söyüş söyüb ağacı onun təpəsinə endirmək üçün qaldırdı.
Fatma:
Ðöáëöê ÿäÿáèééàò äÿðýèñè
69
-Dayı! Qeyrətin olsun! - deyib əgər dəysə kəlləsini dağıdacaq zərbədən yayınmaq üçün cəld
kənara sıçradı. Dayı hədəfdən yayınmış zərbəsi ilə bərabər ağzı üstə yerə gəldi. Fatma namərd
dayıya qəddini düzəldib dikəlməyə macal vermədi. Qarşısına tullanıb çiyninə endirdiyi
sərrast zərbə
ilə onu yerə, oğlunun yanına sərdi.
Son hədd idi. Dayandırılmasa növbəti həmlədə yəqin ki, faciə olacaqdı. Adamlar çoxalmışdı.
Araya girənlər, sakitlik yaradanlar, çılğınlıq edənləri tutub kənara çəkənlər var idi. Davanın
sorağına qonşu kənddən sovet sədri də özünü çatdırmışdı.
Harayçılar dayılar tərəfi qırağa çəkdilər.
Mən maraqdan qeyri-adi vəziyyətdən heyrətlənmiş, hər hansı təhlükəni unudaraq lap yaxına
gəlmişdim. Gözlərimi qızdan çəkə bilmirdim. İlahi! Bu qırğın, həyəcan, təlaş onun gözəl simasının
qeyri-adi, məsum cizgilərini poza bilməmişdi.
Yola düzəlmişdik. Qayıdırdıq. Düşdüyümüz evə də dönməyə daha lüzum qalmamışdı. Ətrafda
adamlar hələ danışırdılar. Hərə özünəməxsus formada bir tərəfi yamanlayır, digərlərinə haqq
qazandırırdı.
Qıraqdan birisi dedi:
-Burhan oğlunu (dayı Burhan imiş) rayon mərkəzinə milisə şikayətə aparır. Odu e, dərəni
keçib gediblər.
Fatma əzik-üzük edilmiş atasını çiyninə alıb
bizim yolumuzun üstündə, təpənin qarşısındakı
çökəkdə olan üstü lığlı evlərinə apara-apara “indi hara gedirlər, qoy getsinlər” deyirdi.
Dayılar sifəti qanamış, çiynində “SA” hərfləri yazılmış əsgər köynəyi geyinmiş oğlanlarını
rayon mərkəzinə milisə şikayətə aparırdılar. Bacılarının qızından, Fatmadan şikayətə gedirdilər.
* * *
Aradan bir neçə il keçmişdi. Yenə yolum həmin kəndə düşmüşdü. Qohumumuzun, həmin
tanış şəxsin evinin açıq eyvanında oturmuşduq. Ev sahibi ilə olandan-keçəndən söhbət edirdik.
Buradan Həzərxangilin evi aydın görünürdü. Yadıma bir neçə il əvvəlki hadisə düşdü.
Fatmanı soruşdum.
-O dava yadınızdadı? Qız atasını necə qorudu, nə qədər qoçaq və məsum qız idi. İndi necədi?
Hardadı?
Ev sahibi:
-Ərə getmişdi, hamiləydi, doğuş zamanı öldü, - dedi.
Çox məyus oldum. Gərək heç soruşmayaydım. O qızı ölmüş bilmək istəməzdim. Yəqin ki,
dayıları da dəfnində iştirak etmişdilər.
İBO SEL
TOY GÜNÜ
Alaqaranlıq məğlub oldu, artıq alatoranlığın hökmranlığı başladı.
Ağarmaqda olan dan yerini sərçələrin civiltisindən xırdaca
dalğalar
bürüməkdədir. Təpənin döşündəki çiçəklər şəndir və üfüqdəki buludların
aralarından günəş şüaları axmaqdadır. Bu zaman biz heç şey barədə
düşünmədən, əzgin-əzgin yerimizdən qalxırıq.
Yaylaqda səhər tezdəndən ayrı bir ehtiras vardı. Böyük uşaqlar daha çilingağac oynamırdılar,
mağarda görüləcək işləri öz aralarında bölüşdürürdülər. Balaca uşaqlar sevinclə o tərəf-bu tərəfə
qaçışırdılar ki, bəs axşam toyda oynayacağıq. Tayfanın qız-gəlinləri toplaşaraq həyətdə yır-yığıs
edirdilər.