¹2(3) èéóí 2012
62
qəpik-quruş gətirməsinə göz yumur, bəzən hətta sevinirdi. Suçu Vəli kimi. Özgələrin əkinlərini
oğlunun
köməyi ilə, dərsdən ayırmaq hesabına suvarırdı.
Əslində kasıb-kusub balalarına daha artıq can yandırır, daha ciddi yanaşırdı. İstəyirdi yaxşı
oxusunlar, istitutlara, universitetlərə qəbul olunsunlar, ucalsınlar, cəmiyyətdə yüksək mövqe tutsun-
lar. Heyf, çox zaman bunu yanlış başa düşür, hərdən xoş niyyəti pis nəticə verirdi. Yadındadı, bir
dəfə nə soruşdusa, traktorçu Qulu qayıtdı ki, o da sözgəlişi, Fazil düz bir il gecikdi, müəllim, gecik-
məsəydi, filan iş filan olardı. “İki” verdiyini, sinifdə saxladığını dilinə gətirmədi. Nədi-nədi qınaq,
töhmət sayar, xətrinə dəyərdi.
Tərslikdən qurbanı yenə kasıb-kusub balası idi. Sinifdə saxlamağa hazırlaşdığı suçu Vəlinin
oğlunun da gələcəkdə hardasa, nədəsə gecikməsinə bais olacaqdı. Həm də istəmədən.
Birdən müəllim yoldaşlarından birinin atmacası yadına düşdü: “Sənin də gücün elə kasıb-ku-
subun balalarına çatır.”
Bayaqdan islaq paltarın içində üşüyən bədəni birdən-birə qorlandı.
Yavaşca Fazilin qoluna
toxundu.
- Maşını geri döndər, bacıoğlu!
- Nə olub, müəllim? - Fazil təəccübləndi.
İsrar edəndə ayağını qazdan çəkib maşını ağzıgeri döndərdi.
Yağış eyni qaydada yağırdı. Şüşəsilənlər güclə çatdırırdı. Sanki göyün yerə qəzəbi tutmuşdu.
Hirsini-havasını sel-suyu ağzıaşağı əndərməklə soyudurdu.
Fazil bayaq müəllimini götürdüyü yerə çatanda çönüb ona sarı baxdı.
- Məktəbə sür!.. - dedi.
Bu saat müəllimi allahından dönüb desəydi, maşını dünyanın o başına sür, sürəsiydi. Çünki
birdən-birə qəribə, qeyri-adi bir hiss varlığına hakim kəsilmişdi. Bığlı-saqqallı, arvad-uşaqlı Fazil
bu sehrli hissin təsiri ilə müəlliminin qarşısında illər öncəki saf, təmiz ürəkli, sadəlövh məktəbli
Fazilə çevrilmişdi. Çox da bir zaman “iki” vermiş, sinifdə saxlamışdı. Keçdiyi həyat məktəbi
çoxdan hər şeyi saf-çürük eləmiş, müəlliminə bəraət qazandırmışdı.
Məktəbin qabağında maşından düşdü. Yağışa-filana əhəmiyyət vermədən gümrah addımlarla
darvazadan içəri girdi.
Müəllimlər otağında rübün, ilin yekununa həsr olunmuş pedaqoji şura yekunlaşmaq üzrəydi.
Onu sel-suyun içində görəndə hamı yerində dondu.
Dinməz-söyləməz yaxınlaşıb jurnallardan birini açdı. Suçu Vəlinin oğlunun adını axtarıb
tapdı. Qarşısında bir “üç” yazdı. Gəldiyi kimi də dinməz-söyləməz qayıdıb qapıdan çıxdı.
Maşına eyni yüngüllüklə, quş kimi atılıb mindi. Yerini rahatlayıb dərindən nəfəsini dərdi.
- Fırtışəli, yolçu yolda gərək, atını tərpət, getdik!..
Heç nə başa düşməyən Fazil sorğu-sualsız maşınını işə saldı. Bir azdan köhnə “Qaz-53”
asfalt
yolda şəhərə tərəf buruldu. Yağış səngisə də hələ yağırdı.
ASLAN QULİYEV
QAN DAVASI
Əmim Rusiyətə getdi, soyuq ölkədəki həmyerlilərimizdən fərqli
olaraq bazarda göy, meyvə satmadı, taksavatlıq da eləmədi, göy
satanların, taksavatlıq eləyənlərin krışası da olmadı, vəhşi heyvanları
əhliləşdirməyə, onlara təlim keçməyə başladı. Həm də elə-belə, adı it
dəftərində olmayan vəhşi heyvanlara yox, şirlərə! Əmim arvadının
deməyinə görə əmim qırmancını havada şaqqıldadadır, adı gələndə adamın bədəninə vic-vicə
Ðöáëöê ÿäÿáèééàò äÿðýèñè
63
düşən vəhşi heyvanlar stolların üstünə sıçrayır, orda bardaş qurub oturur,
adamlara baş əyir, hələ bir
əmimi qucaqlayıb nəhəng pəncələri ilə saçlarını qarışdırır, belini sığallayırmışlar.
Əmim ildə bir dəfə vətənə gəlir, on beş gün qalırdı, bu on beş günü də arvadını əhliləşdirməyə
sərf eləyir, ona təlim keçirdi, şirlərə təlim keçməkdə nə qədər uğur qazanmışdı, deyə bilmərəm,
amma arvadına təlim keçmək sahəsində bircə addım da irəliləyə bilmirdi. Təlim prosesində təkcə
qırmancını şaqqıldatmır, yumruqlarını da işə salır, qaydasız döyüş növlərinin bütün üsullarından
istifadə eləyir, bildiyi və təzəlikcə öyrənməyə başladığı bütün təlim qaydalarını sınaqdan çıxardır,
amma ciddi nəticəyə nail ola bilmirdi. Bunu mənə də etiraf eləyirdi, qardaş oğlu, əlimə nə cür şir
düşdüsə, əhliləşdirdim, təlim keçdim, birinin də əlində aciz qalmadım, amma bununla bacarmadım,
əhliləşdirə bilmədim. Etiraf eləyəndə əmimin yanaqları ilə iki damla göz yaşı gilələnirdi,
etiraf
eləmək mərasimi bir qayda olaraq göz yaşları ilə müşaiyyət olunurdu. Əmim arvadı əhliləşmək
əməliyyatına isti münasibət bəsləmirdi, elə buna görə də əmimi gələndə necə sevinclə qarşıla-
yırdılarsa, gedəndə də elə sevinclə yola salırdılar.
İşlər beləcə gedir, günlər beləcə keçirdi. Günəş dənizdən könülsüz halda ayrılıb tənbəl-tənbəl
dağlara doğru gedir, səmada yellənir, yırğalanır, dağların üzərində bir anlığa dayanıb çölləri,
təpələri, adamları qızılı rəngə boyayır, sonra şüalarını yığıb-yığışdıraraq yumalanıb dağın arxasına
düşürdü.
Əmim orda neylədisə, şirlərin xətrinə necə dəydisə, günlərin birində şir əmimin başını ağzına
saldı, havaya qaldırıb, göydə bir-iki silkələdi və kənara atdı. Əmim hələ yerə dəyməmiş, yəni
göydəcə ruhunu tapşırdı, öldü.
Hər nə isə, göydə, ya yerdə, fakt buydu, ölmüşdü, həm də öz
əcəliylə yox, onu şir öldürmüşdü.
Əmimi gətirib dəfn elədik, yeddisini verdik, qonaqlar dağılışandan sonra əmim arvadı məni,
mənimlə yaşıd olan əmimoğlu Bilonu
- (Türməyə düşənə qədər Bilal idi, amma ordan Bilo kimi
qayıtmışdı. Bazarda bir inəyi çırpışdırmışdı, həm də necə ustalıqla çırpışdırmışdısa,
indiyə qədər də
nə inək sahibləri, nə də bazardakılar əmimoğlunun günün-günortaçağı, bu qədər adamın gözü
qarşısında inəyi necə aparmasını başa düşə bilmirdilər. Hətta məhkəmədə inək sahibi şikayətindən
vaz keçmiş, halaldı belə oğula, buraxın, getsin, demişdi. Inək sahibi vaz keçsə də, hakim vaz
keçməmişdi, əmimoğluna bir il iki ay iş vermişdilər. Ordan qayıdandan sonra təkcə adını yox,
təhər-töhürünü, danışığını, yerişini də dəyişmişdi. Sözünü də «Panyatkalı cahillər…» kəlməsi ilə
başlayırdı) - otağa salıb, qapını bağladı. Dedi, bilirsiz də, kişini öldürüblər, nəslinizin kişiləri bu
qanı
yerdə qoysalar, qeyrətlərinə düşən ləkəni təmizləməsələr, gərək adam arasına çıxmayalar, ya
da başlarına yaylıq bağlayalar. Sözün düzü arvadın nə dediyi mənə çatmırdı, panyatkalı cahil də
balıq udubmuş kimi dümbədüz dayanmışdı, sağ əlinin baş barmağını açıb yumur, əliylə havada
qövs cızırdı.
Əmim arvadı bir bağlama gətirib otağın ortasına qoydu, bağlamanı açanda gözlərim kəlləmə
çıxdı, indiyə kimi bu qədər pulu bir yerdə görməmişdim, hamısı da dollar idi. Belə çıxırdı şirin
əmimin boynunu sındırmaq üçün bəs qədər səbəbləri var imiş, kişi şirlər üçün ayrılan pulların
hamısını evinə gətirirmiş. Dedi, götürün, nə qədər istəyirsiz, gedin Moskvaya, tapança alın. Kişinin
işlədiyi həmən sirkdə şirə adama iki güllə vurun. Mütləq alnının ortasından vurun, yoxsa ölməz.
Qanınıps alın, qeyrətinizə düşən ləkəni təmizləyin, kişi kimi qayıdın vətənə.
Əmim arvadına qulaq asdıqca gözlərim kəlləmdə qalmağına
davam eləyirdi, nə danışdığındı,
dedim, şir öldürmək sənə asanmı gəlir? Şirin sahibi yoxdumu, ruslar imkan verərlərmi biz gedib
onların şirini öldürək? Ağılsız-şüursuz heyvandı, heyvana baş qoşmağa dəyməz. Əmimi kimsə
öldürmüş olsaydı, başqa məsələ. Əmim bu il gələ bilmədi, şir imkan vermədi, sənin təliminin vaxtı
keçir deyə belə danışırsan.
Arvad dedi, nə danışdığını bilməyən biri varsa, o da sənsən. Necə yəni şüursuz heyvandı,
şüursuz olsaydı, əmini yeyərdi, mən də deyərdim, şir acıbmış, kişini yeyib. Amma şir əmini
yeməyib, sadəcə başını ağzına salıb, silkələyib, boynunu sındırandan sonra atıb bir tərəfə. Yəni
ağılla, şüurla qisas alıb. Siz də qisasınızı almalısınız. Götürün pulları, günü sabah yola düşün.