Microsoft Word Zahid ikinci kitab
Yüklə 2,17 Mb. Pdf görüntüsü
|
- Bu səhifədəki naviqasiya:
- Milli Kitabxana
Milli Kitabxana
35
Balıqçılar yüyürüşüb gəldilər. Ancaq qayıq çayın düz ortasında idi. Ayı qorxusundan özünü itirmişdi. Balıqçılar əlləri ilə işarə edirdilər ki, ayı qayığı sahilə — onlar tərəfə sürsün. Lakin ayı ömründə birinci dəfə idi ki, qayıq sürürdü. Nə qədər əlləşdisə qayığı sahilə çıxara bilmədi. Xeyli gedəndən sonra burulduğu yerdə su qayığı sahilə çıxardı. Balıqçılar yüyürə- yüyürə, meşəyə səs sala-sala qaçırdılar. Dələlər ağacın başından bu qəribə əhvalata baxırdılar. Sağsağanlar gülməkdən uğunub getmişdilər. Kolların arası ilə çətinliklə qaçan, arabir yıxılıb-duran balıqçılar axır ki, qayığa yetişdilər. Lakin qonur ayı balası utandığından onları gözləmədən çıxıb getmiş, meşənin qalın yerlərində gizlənmişdi.
Milli Kitabxana
36
GÜNƏŞI QOPARMAQ ISTƏYƏN AYILAR
ayızın ikinci ayında günəşin istisi xeyli azalmışdı. Ayı balası yerdə eşələnə-eşələnə günəşə baxırdı. Birdən qulağını qaşıyıb dərin fıkrə getdi. Öz- özünə dedi: "Gəlsənə günəşi qoparıb öz kahamıza gətirəm. Onda hamını qızdırmaq əvəzinə bütün istisini bizə verər. Gör canımız necə qızar ey!" O başına gələn bu fikrin təsirindən elə sevindi ki, iki dəfə mayallaq aşdı. Sonra atasının yanına gəlib ondan məsləhət istədi. Atası qulağının dibini elə bərk qaşıdı ki, qoz boyda şiş yarandı. —Ağıllı fıkirdir. Lap ağıllı. Gedək baba ilə məslə- hətləşək. Onlar qoca ayının yanına gəldilər: —İstəyirik günəşi qoparıb öz kahamıza gətirək. Qoy təkcə bizimki olsun. Baba qulağının dibini necə qaşıdısa ordan qan çıxdı. Ayılar o saat başa düşdülər ki, baba lap dərindən fıkirləşir. Haçandan-haçana dilləndi: —Olduqca ağıllı fikirdir. Gedək günəşi gətirməyə. Baba qabaqda, ata onun arxasında, nəvə isə lap arxada yola düşdülər. Gəlib Kəpəzin ətəyinə çatdılar. Baba dedi: —Dağın lap zirvəsinə çıxa bilsək əlimiz günəşə çata- caq. Baba qabaqda, ata onun arxasınca, nəvə arxada ağzıyuxarı yortmağa başladılar. Kəpəzin lap zirvəsində qabaqlarına sıldırım bir qaya çıxdı. Dayanıb fikrə gеtdilər ki, bu sıldırımı necə çıxsınlar. Ayı balası qulağının dibini bərk- Milli Kitabxana
37
bərk qaşıdı. Ata ayı qulağını necə qaşıdısa bayaqkından da böyük şiş yarandı. Baba qulağını qaşıyanda qan necə fəvvarə vurdusa xeyli əlləşdikdən sonra onun qulağının qanını kəsdilər. Baba dedi:
Bərk tutun ki, yıxılmayasınız. Onlar çıxdılar, çıxdılar. Sıldırımın qurtarhaqurtarında baba dedi: —Uşaqlar ayağımdan bərk tutun əlimə tüpürürəm. Onlar babanın ayağından lap bərk yapışdılar. Baba əlinə tüpürmək üçün tutduğu qayanı bir anlıq buraxdı. Ayıların üçü də sıldırımdan aşağı yumalandılar. Bir müddətdən sonra özlərinə gəldilər. Ayaqları, belləri tamam əzilmişdi. Onlar yıxılmalarının səbəbini başa düşmədikləri üçün donquldana-donquldana öz kahalarına qayıtdılar.
Milli Kitabxana
38
HAMIYA NAĞIL DANIŞMAQ İSTƏYƏN QIZ əli, bəli qətiyyən təəccüblənməyin. Bu qız eşitdiyi bir nağılı hamıya danışmaq istəyirdi. —Bəs necə, — deyirdi, — qoy hamı görsün ki, qəşəng nağıllar bilirəm. —Nağılı gecə danışarlar, hamı bir yerə yığışanda, amma sən elə günün günorta çağı da danışırsan. Camaatın işi- gücü var axı. —Bilirsiniz, mənim nağıllarım, onların işləməyinə qətiyyən mane olmur. Daha neynəmək olardı?! Gərək harda gəldi bu qəşəng qızın nağıllarına qulaq asaydılar, yoxsa inciyə bilərdi. Bir dəfə dörd yol ayrıcının tən ortasında dayanıb maşınlara yol göstərən polis işçisi gördü ki, ağ bantlı qız ona yaxınlaşır. Polis fıkirləşdi ki, yəqin uşaq yolu azıb, ondan söz soruşmaq istəyir. Qız ona yaxınlaşanda əlini papağının günlüyünə aparıb farağat dayandı. Qız günəşdən qamaşan gözlərini qırpa-qırpa dedi: —Biri varmış, biri yoxmuş bir polis varmış. Polis işçisi fıt çaldı. Polis dilində bu o demək idi ki, danışma. Amma qız heç elə bil polisin fitini eşitmədi. Nağılını davam etdirdi. —İstəyirsiniz sizə maşın yeyən qızın nağılını danışım? Bax bu doğrudan da maraqlı idi. Doğrudur, polis bu saat iş başındaydı, maşınlara yol göstərirdi. Amma maşın yeyən qızın haqqında eşitmək də pis olmazdı. —Yaxşı, danış, qulağım səndədir, — deyə farağat vəziyyətində dayandı.
Milli Kitabxana
39
—Hə, bu qız maşın yeməyə onun təkərlərindən başlayır. Əvvəlcə təkərin birini ağzına soxur, sonra bütün maşını udmağa çalışır. Amma siz narahat olmaym, qız nə qədər əlləşirsə maşından bir tikə də qoparda bilmir. —Niyə? — deyə polis təəccüblə soruşdu. —Axı onun dişləri yoxdu. Başa düşdüm. O qədər maşın yeyib ki, dişləri tökülüb. —Yox canım, dişləri hələ çıxmayıb. Buna görə də hələlik maşınlardan heç nə qopara bilmir. Dişləri çıxandan sonra yəqin ki, sağ maşın qoymayacaq. Polis əmi nədənsə fıt çaldı və maşınlara yol göstərdi. Sonra çevrilib baxdı ki, qız süd mağazasının satıcısına şirin bir nağıl danışır.
Yüklə 2,17 Mb. Dostları ilə paylaş:
|