~ 12 ~
Güclə qüdrət təhsildədir deyiblər,
Kitablara hörmətlə baş əyiblər,
Çox alimlər elmindən don geyiblər,
Deyilənlər deyil yalan təhsilim.
Sən Zakirlə birgə ömür yaşadın,
Sərvətini xəzinəmə daşıdın,
Elmin ilə həyatımı oxşadın,
Mənə ən xoş nəğmə çalan təhsilim.
Zakir Bayramlı bu kitabında ilk dəfə olaraq təhsil sahə-
sində təlim-tərbiyənin tərkib hissəsi olan fiziki tərbiyə, idman
və digər tədbirləri ayrıca bölmədə işıqlandırır. Sevindirici
haldır ki, təkcə 2005-2016-cı illərdə məktəb, onun müəllimləri
və məzunları bu sahə üzrə 76 dəfə Fəxri fərman, diplom və
rəsmi təşəkkür almışdır.
Kitabda məhəbbət mövzusu Zakir Bayramlı yaradı-
cılığının şah mövzularındandır. Onun elə bir kitabı yoxdur ki,
orada sanki kitab özü insan kimi dil açaraq bu müqəddəs, ali
və ülvi hissdən söhbət açıb danışmasın. “Məhəbbət təranələri”
adlı şeirin bir parçasına diqqət yetirsək görərik ki, şair elə ilk
misrasından məhəbbəti “Həyatın tacı”, hər bir insanın ona
daim “möhtac” olduğunu göstərir. Dünyamızı bəzəyən, onu
daha da canlandıran, toy-busat bəxş edən bu bənzərsiz hissi
özünə məxsus poetik dillə və incəliklə qələmə alıb. İnsanın
ömrüylə bu hissin rolunun bitmədiyini və onun yolunun əbədi
dünya ilə bağlı olduğunu oxucuların diqqətinə çatdırır:
Hər hansı bir adla yaşatsa irsin,
Adı məhəbbətdir bu ülvi hissin.
Məhəbbət Tanrının sirri, hikməti,
İnsana əvəzsiz dünya neməti.
~ 13 ~
Bütün canlılara olsa da məhrəm,
Yalnız insan bilir nədir bu məlhəm.
Sevib- sevilməyə sövq edər bizi,
Hamının qəlbinə salar bu izi.
Fəqət çox olsa da odu, alovu,
Salmaz aramıza nifaqı, lovu.
Nadanlar axtarır onu özündə,
Aqillər yaşadır müdrik sözündə.
İnsanın ömrüylə bitməyir rolu,
Əbədi dünyayla bağlıdır yolu.
Məhəbbət olmasa insan doğulmaz,
Məhəbbət olmasa həyat da olmaz.
Müəllifin “İstəmirəm məhəbbətsiz yaşamaq” şeirini isə
həyəcansız oxumaq olmur. Bu şeirdə şair-publisist məhəbbəti
sanki uca və ulduzlu göylərə qaldırır. Ona Nizami, Füzuli və
Əlağa Vahid dili ilə yaranışın özəyi, insanların bəzəyi,
şairlərin isə söz meyi kimi yüksək qiymət verir:
Sevgi dolu bir dünyadır həyatım,
Haqdan doğur nəğmələrim, bayatım.
Mən sevgisiz necə qalxım, boy atım?
Ağır yükdür, çox çətindir daşımaq.
İstəmirəm məhəbbətsiz yaşamaq.
Yaranışın özəyidir məhəbbət,
İnsanların bəzəyidir məhəbbət.
Şairlərin söz meyidir məhəbbət,
Qəlbdən silib olmur onu boşlamaq.
İstəmirəm məhəbbətsiz yaşamaq.
~ 14 ~
Məktəb həyatına yaxından bələd olan Zakir müəllim
uşaqların, yeniyetmələrin və gənclərin tərbiyəsində valideyn,
müəllim əməyini və ictimaiyyətin səylərini yüksək qiymət-
ləndirir. Həyata yenicə qədəm basmış gül balaların düzgün
tərbiyə edilməsində valideynlərin özünün də pis vərdişlərdən
uzaq olmasını tövsiyyə edir. Gəlin şeirdən bir parçaya diqqət
yetirək:
Gəlin gəlbimizi saxlayaq dincə,
Ona məlhəm olsun sağlam düşüncə.
Bununçun çalışaq, hər şeydən öncə
Zərərli vərdişdən uzaq olaq biz.
Yararsız hər işdən uzaq olaq biz.
Zakir, çox gözəldir, inan bu dünya,
Saf ömür bənzəyir günəşə, aya.
Çalışaq şad günlər gəlməsin saya
Zərərli vərdişdən uzaq olaq biz.
Yararsız hər işdən uzaq olaq biz.
Kitabda Zakir müəllim Şabran ( keçmiş Dəvəçi ) şəhər 4
saylı tam orta məktəbin təkcə müəllimlərindən deyil, məzun-
larından da söz açmağı unutmur. O, bu məktəbin səsi-sorağı
dünyanı dolaşan ağıllı, bilikli, bacarıqlı və zirək məzunları ilə
fəxr edir, onlarla qürür hissi keçirir. Müəllifin “Məzun “şeirinə
diqqət yetirsək, onun keçirdiyi çox möhtəşəm, olduqca çılqın,
lakin ürəkdən gələn zərif və ülvi hisslərin şahidi olarıq:
Bitib həyatının məktəb illəri,
Təhsil karvanını apar irəli.
Sahib ol hər elmə, öyrən dilləri,
Qarşıda hələ çox yollar var, uzun.
Vətənin arxası, dayağı məzun.
~ 15 ~
Xoşbəxtlik günəşi doğar üzündə,
Elmdən bir soraq olsa sözündə.
Qorxu yaratmasın zəhmət gözündə,
Düşərsən hörmətdən, enər nüfuzun.
Uca zirvələrin fatehi məzun.
Xalqın ümid yeri özü də sənsən,
Elin uzaq görən gözü də sənsən.
Bu günün, sabahın sözü də sənsən,
Sözündə nur olsa sönməz ulduzun.
Vətənin layiqli övladı məzun.
Z.Bayramlı bu kitabı ilə sözə yenə yüksək dəyər verir,
onu hər şeydən üstün sayır. Sözü ilahidən gələn bir güc,
qüvvət hesab edir. İnsanlara verilən ən şirin bir nemət sayır.
Yalan danışanlara, söz verib unudanlara, dediyi yalanı əsassız
müdafıə edən dil pəhləvanlarına nifrət edir. İnsanları ilahidən
gələn bu nadir hikmətə hörmət etməyi,onu ucuz tutmamağı
tövsiyyə edir:
Söz var dildən qaçar, ziyan gətirər,
Söz var toxumları tikan bitirər.
Söz var nüfuzunu salıb itirər,
Söz də var hər yerdə qurar divanı,
Qoruyar haqsızdan haqlı insanı.
Söz var boş-boşuna söyləmək olmaz,
Söz var kimə desən yadında qalmaz.
Söz var kimsə onu yadına salmaz,
Söz də var milyonlar olar heyranı,
Nurlu bir aləmə salar insanı.
Zakirin yaradıcılığı da elə suyu yerin altı ilə dağlardan
axıb gələn düzənliklərdə yer üzünə çıxan bir bulağa bənzəyir.
Dostları ilə paylaş: |