Microsoft Word Zamanin axari 2
Yüklə 1,64 Mb. Pdf görüntüsü
|
14 türk etnos və dillərinin qədim və aparıcı mövqeyini işıqlandırarkən İran və qafqazdilli tayfaların bu ərazidəki tarixi rolunu da unutmayıb, Professor Qəzənfər Kazımov Nizami Xudiyevin bu kitabını Azərbaycan ədəbi dilinin hərtərəfli elmi tədqiqi sahəsində nailiyyəti hesab edərək yazır ki, o, xalqın tarixinin və dilinin minilliklər boyu keçdiyi həqiqi, təbii inkişafın tədqiqi sahəsində böyük yenilikdir, həmçinin tarixçi və dilçilərin tədqiq və araşdırmalarını çox uğurlu şəkildə ümumiləşdirməklə xeyirxah bir niyyətə xidmət edən dərslik kimi çox dəyərlidir. «Heydər Əliyev və Azərbaycan dili» kitabında isə professor Nizami Xudiyev həm ədəbi dilimizin vüsətini, həm də öz parlaq nitqləri ilə ayrı-ayrı üslubların valehedici vəhdətini göstərən və sözün həqiqi mənasında, dövrümüzün ictimai-siyasi natiqlik məktəbi sayılan Heydər Əliyevin mükəmməl natiq obrazını ustalıqla, təbii və canlı boyalarla yaratmışdır. Bu əsər bir tərəfdən Nizami Xudiyevin daim Azərbaycan dilinin qayğısını, təəssübünü çəkən Heydər Əliyev kimi fədakar və nəhəng bir şəxsiyyətə alim, vətəndaş ehtiramıdırsa, digər tərəfdən, elmi məzmunuma, aktuallığına, predmetinə orijinal yanaşma tərzinə görə təkcə dilçiliyimizdə yox, bütövlükdə mədəniyyətimizdə mühüm hadisədir. Professor Nizami Xudiyevin siyasət nəhəngi olan Heydər Əliyevin natiqliyi barədə yazmasının iki səbəbi var. Əvvəla, Heydər Əliyevin siyasi məsləkdaşı kimi onunla daim təmasda olub, bu böyük şəxsiyyətin alovlu, məntiqli çıxışlarını ardıcıl izləyib və onun natiqlik təcrübəsini ümumiləşdirib yaymaq ehtiyacı müəllifi bu vacib işə sövq edib. Digər tərəfdən, dil tarixi ilə məşğul olanlar ayrı-ayrı dövrlərdə yaşamış görkəmli şəxsiyyətlərin dilin inkişafındakı xidmətlərini daha dəqiq və düzgün qiymətləndirə bilirlər. Bu mənada, professor Nizami
15 Xudiyevin məhz Heydər Əliyev dilinə müraciət etməsi çox qanunauyğun bir haldır. Kitabda, həmçinin Heydər Əliyevin gənc nəslin ana dilini düzgün, hərtərəfli, elmi əsaslar zəminində mənimsəməsi ilə bağlı dəyərli məsləhətlərinə, o cümlədən ana dilinin hər bir şəxsin mənəvi inkişafında, sosial-psixoloji cəhətdən formalaşmasında, mükəmməl insan-şəxsiyyət kimi yetişməsində rolu məsələlərinə xüsusi diqqət yetirilir. Ümummilli liderimiz Heydər Əliyevin Azərbaycan dili haqqında fikirləri, mülahizələri, qeydləri, onun dil siyasəti, dil quruculuğu sahəsində gördüyü işlər, hər bir azərbaycanlıya ana dilini qorumaq, işlətmək və yaymaq haqqında tövsiyələri ümumiləşdirilir. Bu cür əsərlər məhz ana dilinə, öz xalqına, onun müdrik rəhbərinə sonsuz məhəbbət bəsləməyin nəticəsində yarana bilər. Professor Nizami Xudiyevin «Sabaha inamla» kitabı isə ümummilli liderimiz Heydər Əliyevin siyasi kursunu ləyaqətlə davam etdirən, artıq bütün dünyada ciddi simalı dövlət başçısı, siyasi lider kimi qəbul olunan, Azərbaycanın tərəqqisi, yüksəlişi, dünya inteqrasiyası yolunda böyük işlər görən Azərbaycan Respublikasının Prezidenti İlham Əliyevə həsr olunub. Müəllif yazır: «…Məncə, xalqımız üçün son dərəcə misilsiz, heç bir tarixi şəxsiyyətlə müqayisəyə gəlməz dərəcədə böyük işlər görən Heydər Əliyevin Azərbaycana bəxş etdiyi ən qiymətli, ən əvəz olunmaz xidmətlərdən, yadigarlardan biri də İlham Əliyevdir. O, müasir Azərbaycan gəncliyinin, yeni Azərbaycan dünyasının ümidlərini, arzu və istəklərini, «əbədi və dönməz» dövlət müstəqilliyimizlə, milli istiqlalımızla bağlı daha böyük, daha xoşbəxt perspektivlərini təmsil edir. Onun istiqlalçı, islahatçı təfəkkürü, sarsılmaz milli mövqeyi Heydər Əliyevin kursu, platforması ətrafında birləşir…»
16 Onu da qeyd edək ki, Nizami Xudiyev «Sabaha inamla» kitabını 2002-ci ildə yazıb. Zaman, dövr isə görkəmli alimin fikirlərinin qədər məntiqli, nə qədər obyektiv, nə qədər dəqiq olduğunu sübut etdi. Fikrimizcə əlavə şərhə ehtiyac yoxdur. Alimin son illərdə işıq üzü görmüş «Xalqın tarixi haqqı: dilimiz, varlığımız», habelə «Zamanın axarı ilə» (I cild) kitabları da ədəbi ictimaiyyət tərəfindən böyük diqqət və maraqla qarşılandı. «Xalqın tarixi haqqı: dilimiz, varlığımız» kitabı xalqımızın soy kökünə, dilimizə, varlığımıza ayna tutur, bu böyük mənəvi dəyərlərimizə vurulan zərbələrə tutarlı cavab verir. Professor Nizami Xudiyev bu kitabı ilə bir daha göstərdi ki, qədimdən-qədim düşmənlərimizin işğalçı olduğunu sübuta yetirməyin ən doğru yolu Azərbaycan xalqının tarixi haqqını keçmiş zamanın dərinliklərindən üzə çıxarmaq, xalqın kökünə endirilən baltalara öz sözünü, əsərini sipər etməkdir. «Xalqın tarixi haqqı: dilimiz, varlığımız» kitabına «Vətəndaş qayələri və elmi səriştə» adlı ön söz yazan görkəmli yazıçı Elçin də belə bir cəhəti vurğulayır ki, ictimai fikrimizi formalaşdırmaq işığında olan qələm sahiblərimiz yaranmış münbit zəmində – müstəqilliyimizin verdiyi imkandan ciddi elmi vətəndaş qeyrəti ilə istifadə etməli, fədakarlıq nümunəsi göstərməlidirlər və artıq professor Nizami Xudiyev belə bir nümunəni göstərib. Həqiqətən də Azərbaycan xalqının milli-mənəvi sərvətləri uğrunda elmi mücadilə dil tariximizi və ümumiyyətlə, tariximizi saxtalaşdırmaq cəhətlərinə kəsərli elmi cavab verməkdir. Və bu cür bacarıq ««Xalqın tarixi haqqı: dilimiz, varlığımız» kitabında özünü qabarıq şəkildə göstərir. Elə bu baxımdan da professor Nizami Xudiyevin kitabı müstəqil Azərbaycan Respublikasının dünya birliyində
Yüklə 1,64 Mb. Dostları ilə paylaş:
|