20
illəri, müəllimləri haqqında xatirələrini o qədər canlı,
oxunaqlı bir dillə, üstəlik, böyük səmimiyyətlə qələmə alıb ki,
onun zəngin təxəyyülə malik gözəl bir yazıçının qələmindən
çıxdığına əmin olursan.
Bəs görəsən, bu qədər uğur qazanmağın səbəbi nədir?
Bu barədə suala alim özü belə cavab verir: «Bilirsiniz, mən
belə düşünürəm ki, həyatda hər şey zəhmətlə, əməklə bağlıdır.
İstedad dediyimiz o məfhumun özü də 99 faiz tər tökməkdən,
çalışmaqdan ibarətdir. Rəhmətlik atam həmişə deyərdi ki,
çəkilən zəhmət üz ağardar, zəhmətdən, əməkdən
qorxmayın…»
Nizami Xudiyev 1996-cı ilin sentyabr ayında Azərbaycan
Dövlət Teleradio Verilişləri Şirkətinə sədr təyin olunur. Bu
vaxt artıq o, ölkəmizdə və ondan kənarda görkəmli dilçi-alim,
ictimai xadim, nüfuzlu ziyalı kimi tanınırdı. Lakin bu təyinat
həm 40 yaşlı televiziyanın «ömrü»nə, həm də alimin özünün
yeni araşdırmalarına, yeni uğurlarına təkan verir, ekran-
efirin problemlərinin həllini daha da tezləşdirir, bu mühüm
ideoloji mərkəzə yenilik, təzə yaradıcılıq ab-havası gətirir.
Özü bu vəzifəyə təyinatını belə yada salır: «…Heydər Əliyevin
elmimizə, təhsilimizə, müəllimlərə, ziyalılara qayğısı hədsiz
idi və bu qayğıdan mənə də pay düşüb. Xoşbəxtəm ki, 1996-cı
ildə Heydər Əliyevin fərmanı ilə məsul dövlət vəzifəsinə –
Dövlət Teleradio Verilişləri Şirkətinin sədri vəzifəsinə təyin
olunmuşam, o dahi insanın xeyir-duasını almışam. Həmin
günü ömrümün ən unudulmaz günü hesab edirəm. Əlbəttə,
xalqımızın ümummilli lideri, görkəmli dövlət xadimi, dahi
şəxsiyyət, müdrik insan, dünyanın siyasi elitasında çox yüksək
mövqedə dayanan mərhum Prezidentimiz Heydər Əliyevin
mənə göstərdiyi bu böyük etimaddan şərəf duyuram. Və elə o
vaxt da yaxşı bilirdim ki, bu etimadı doğrultmalıyam. Başqa
cür də ola bilməzdi. Heydər Əliyevin Azərbaycanı dünya
21
ölkələri sırasına çıxarması, dövlətçiliyimizin qorunmasındakı
və möhkəmləndirilməsindəki əvəzsiz xidmətləri,
respublikamızda yaratdığı sağlam mühit, elmə, təhsilə,
mədəniyyətə
yüksək qiymət verməsi hər kəsi səfərbər
etməliydi. Elə teleşirkətdə aparılan struktur dəyişikliyi, yeni,
müasir texnoloji avadanlıqlar hesabına dünyanın hər
guşəsində yayımlanan və az qala hər gün təkmilləşən,
yeniləşən proqramlarımız bu məqsədə, bu amala xidmət edir».
Həqiqətən də, Nizami Xudiyevin ideyası, məsləhəti,
xeyir-duası ilə həyata keçirilən böyük telelayihələr, ekran-
efirə vəsiqə qazanan yeni-yeni verilişlər, radio və televiziyaya
aid yazdığı son dərəcə sanballı kitablar, bir sıra irihəcmli
teleproqramların və aktual mövzuda sənədli filmlərin
ssenarisi onun bu etimadı ləyaqətlə doğrultduğunu sübut etdi.
Nizami Xudiyev Teleradio Verilişləri Şirkətinə gəldiyi ilk
gündən televiziya və radio verilişlərinin keyfiyyətinin
yüksəldilməsinin, forma cəhətdən zənginləşməsinin qayğısına
qaldı və buna nail oldu. Televiziya və radiomuzun beynəlxalq
nüfuzunun artması, ekran və efir dilinin zənginləşməsi,
saflaşması, verilişlərdə ədəbi dil normalarının gözlənilməsi,
yüksək nitq mədəniyyəti tələblərinə əməl olunması da
professor Nizami Xudiyevin adı və fəaliyyəti ilə bağlıdır.
Ekran və efirdən çoxmilyonlu auditoriyaya yönəldilən
«Xəbərlər», «Səhər», «Dialoq», «Ailələr, talelər», «Molla
Nəsrəddin», «Türk abidələri», «Turan», «Axşamınız xeyir»,
«Respublika», «Şəbəkə», «Xudafərin» və digər verilişlər
tamaşaçı və dinləyicilərin maraqla izlədikləri proqramlara
çevrildi.
Nizami Xudiyevin daha böyük xidmətlərindən biri də
Dövlət Teleradio Verilişləri Şirkətində aparılan böyük
quruculuq, abadlıq işləri, onun dünya standartlarına, müasir
tələblərə uyğunlaşdırılması, son dövrün texniki nailiyyətlərini
22
özündə əks etdirən avadanlıqlarla təminatına nail olması,
yaradıcı və texniki işçilərin problemlərinin həlli istiqamətində
həyata keçirdiyi müsbət və təqdirəlayiq işlər idi. Nizami
Xudiyev televiziya və radionu həm də öz dəyərli, sanballı
kitablarında işıqlandırdı, uzun illər ömürlərini radio və
televiziyaya həsr etmiş insanların əməyini qiymətləndirdi,
əmək haqları, qonorarlar artırıldı. Teleradio Verilişləri
Şirkətinin çoxlu sayda əməkdaşı məhz onun diqqəti və
təqdimatı ilə dövlət mükafatlarına, fəxri adlara, təqaüdlərə
layiq görüldü.
Dövlət Televiziya və Radiosu Azərbaycan həqiqətlərinin,
dövlətimizin uğurlu daxili və xarici siyasətinin bütün dünyaya
çatdırılmasında böyük rolu olan bir ideoloji mərkəzə çevrilib.
Dövlət Televiziyasının verilişləri dünyaya yayımlanır.
Azərbaycan radiosunun səsi planetimizin çox yerində eşidilir.
Bu radionun efirindən xarici ölkələrə, ərəb, fars, türk, ingilis,
alman, fransız, rus dillərində verilişlər yayımlanır.
«Beynəlxalq Azərbaycan radiosu» gün ərzində 50 saata qədər
veriliş yayır. Bu proqramlar müstəqil Azərbaycanın səsinə
çevrilib. Bu verilişlərdə yayımlanan həqiqətlər uzaq
Amerikada, Qərbi Avropada, Mərkəzi Asiyada, Yaxın Şərqdə,
bir sözlə, uzaq ölkələrdə eşidilir. İndi sərhədlərimizdən
uzaqda Azərbaycanın səsini eşidən ən azı iki milyonluq
dinləyici auditoriyası var. Buna görə də radionu həm də
respublikamızın xaricə açılan pəncərəsi hesab edən professor
Nizami Xudiyev öz əsərlərində xalqımızın azadlıq
mübarizəsini, dövlət quruculuğu sahəsindəki uğurları,
cəmiyyətdə gedən demokratik dəyişiklikləri əks etdirən
verilişlər, proqramlar haqqında da geniş söhbət açır.
Qeyd etdiyimiz kimi, Nizami Xudiyev, həmçinin
radioteleviziya ilə bağlı sanballı tədqiqat əsərləri də yazıb.
Professorun Azərbaycan radiosunun 75, Azərbaycan
Dostları ilə paylaş: |