Microsoft Word Zamanin axari 2
Yüklə 1,64 Mb. Pdf görüntüsü
|
26 qələm» (2001), «Abdulla Şaiq» (2001), «Həsən bəy Zərdabi» (2004), Azərbaycan Respublikası «Vektor» Beynəlxalq Elm Mərkəzinin «İlin ziyalısı» beynəlxalq diplomu (2004) və s. Nizami Xudiyev Azərbaycan Respublikasının əməkdar elm xadimi, Lülfi Zadə adına Amerika Beynəlxalq Müasir Elmlər Akademiyasının həqiqi üzvü (2001) və Nyu-York Elmlər Akademiyasının həqiqi üzvüdür (2001). İngiltərənin Kembric Beynəlxalq Bioqrafiya İnstitutu Azərbaycan alimini yüksək elmi nailiyyətlərinə görə XX və XXI əsrlərin tanınmış iki min ziyalısı arasından seçərək 2001-ci il üçün «İlin beynəlxalq ziyalısı» etan etmiş və onu qızıl medala layiq görmüşdür. Eyni zamanda Kembric Beynəlxalq Bioqrafiya İnstitutu professor Nizami Xudiyevi 2002-ci ildə «XXI əsrin intellektualı» seçərək onu xüsusi medal və diplomla təltif etmiş, adı «XXI əsrin ən görkəmli ziyalısı» (ilk nəşr) kitabına daxil edilmişdir. Nizami Xudiyey həmçinin elmi uğur və fəaliyyətinə görə Kembric Beynəlxalq Bioqrafiya İnstitutu baş direktorunun müavini vəzifəsinə (2002) seçilmişdir. Görkəmli alim 2002-ci ildə Amerika Birləşmiş Ştatları Bioqrafiya İnstitutunun da üzvü seçilmiş və adı «XXI əsrin böyük ziyalıları» (ali nəşr) kitabına daxil edilmişdir. Professor Nizami Xudiyev 2004-cü ildə Ankara şəhərində keçirilən Türk dili qurultayında «Türk dilinə xidmət» ödülü ilə mükafatlandırılmışdır. Həmçinin Amerikanın Dünya Ədəbiyyatı Akademiyasının «Humanitar və fəlsəfə elmləri üzrə Sokrat sədri» (2004) seçilmiş və Kembric Beynəlxalq Bioqrafiya İnstitutunun «Beynəlxalq şərəf ordeni» ilə (2004) təltif olunmuşdur. O, dəfələrlə Maarif, Ali məktəb, Elmi İdarə İşçiləri Həmkarlar İttifaqı Respublika Komitəsinin üzvü, Azərbaycan Həmkarlar İttifaqının XVI qurultayında gənclər arasında iş
27 komissiyasının sədri, Ümumittifaq Maarif, Ali Məktəb, Elmi İdarə İşçiləri Həmkarlar İttifaqının qurultaylarının, Azərbay- can müəllimi qurultaylarının, Dünya azərbaycanlılarının I və II qurultaylarının nümayəndəsi olmuşdur. Bu sıranı Nizami Xudiyevin redaksiya heyətinin üzvü olduğu nüfuzlu qəzet və jurnalların adlarını sadalamaqla xeyli uzatmaq olar. Bəli, müdriklər elm və insanı üz-üzə dayanaraq bir- birlərini əbədi əks etdirən parlaq güzgüyə bənzədirlər. Bu prizmadan yanaşsaq, hər bir alimin araşdırmaları, tədqiqatları, kitabları da bir aynadır və həmin aynada elm adamının intellekti, xarakteri və istedadı çox aydın əks olunur. Nizami Xudiyevin elmini, çoxşaxəli fəaliyyətini əks etdirən ayna isə çox parlaq və şəffafdır. Professor Nizami Xudiyevin ləyaqətli ömür yolu gənc nəslə əsl örnək olası bir ömürdür. Onun bir xidməti də gənclərə diqqət və qayğı ilə yanaşmasıdır. O, harada işləməsindən asılı olmayaraq, gəncləri həmişə diqqətdə saxlayır, düzgün həyat yolu seçmələrində onlara yardımçı olur. Görkəmli alimin bugünkü gənclər haqqında fikri belədir: «Gənclik ömrün elə bir çağıdır ki, ondan səmərəli istifadə olunmasa, sabah üçün heç nə qazanmaq olmaz. Müdriklərin fikridir: «Gənclik ay işıqlı gecələr kimidir, ağıllı adamlar bu gecələri yatmazlar, həm də ona görə ki, cavanlıqda dözümü olan qocalıqda xoşbəxt olar». Gəncləri sabaha istiqamətləndirmək işində isə böyüklərdən çox şey asılıdır. Onlara qarşı tələbkar, amma həm də diqqətli, səmimi olmaq lazımdır. Bu gün çox yaxşı haldır ki, Azərbaycanın ləyaqətli, ağıllı, tərbiyəli gəncliyi var. Hər şeyi çox məsuliyyətlə dərk edən gənclərimiz az deyil. Belələrinə irəli getmək, özlərini təsdiq etmək üçün kömək etmək lazımdır. Onların yolunda yaşıl işıq yandırmaq gərəkdir. Hər alim çalışmalıdır ki,
28 özümdən sonra tələbəsi onun yolunu davam etdirsin. Hər bir müəllim elə etməlidir ki, ömrünü həsr etdiyi şagirdi sabah özünü doğrultsun. İndi elmi-texniki tərəqqi dövrüdür, inkişaf dövrüdür. Zamanla ayaqlaşmaq, zamanın nəbzini tutmaq lazımdır. Gənclərə sözüm budur ki, işdən qorxmasınlar, öyrənmək heç vaxt gec deyil. Keykavusun oğluna nəsihətlərindən biri belədir: «Bədənini elm və sənət kəsb etməyə öyrət. Bilmədiyin şeyi öyrənməyə çalış. Bunun sənə iki faydası ola bilər: ya bildiyin şeyi təcrübədən keçirmiş olarsan, ya bilmədiyin şeyi öyrənərsən». Bir də qoy gənclərimiz ana dilimizi sevsinlər, Vətənimizi sevsinlər, adət-ənənələrimizə, mənəvi dəyərlərimizə hörmət qoysunlar, tariximizi öyrənsinlər». Vətənpərvər ziyalı, Azərbaycanımızın heç bir dərdinə, probleminə biganə qalmayan professor Nizami Xudiyev də bu gün torpaqlarımızın erməni tapdağında olmasından narahatdır, bu dərd bir vətəndaş kimi onun da qəlbini göynədir. İndi Qarabağla bağlı xatirələri onu xəyalən o yerlərə aparır. Alim hərbi xidmətini Xankəndində keçirib. Əsgərlikdə olarkən atasının onu görmək üçün Xankəndinə gəlməsi, onu Şuşaya aparması, birlikdə Cıdır düzünü gəzmələri onun üçün indi əlçatmaz, amma əziz xatirələrdir. O, həmin xatirələri həm də böyük ağrı ilə xatırlayır: «…Atam icazə alıb hərbi hissədən məni Şuşaya apardı. Amma bundan əvvəl həmişə məktublarında mənə yazırdı ki, Nizami, Qarabağ ulu mədəniyyətimizin qədim mərkəzlərindəndir, Şuşa bütöv bir tarix kitabıdır, Azərbaycan tarixinin qan yaddaşıdır, imkan olanda Şuşanı gəz, Gövhər ağa məscidinə, tarix-diyarşünaslıq muzeyinə, Bülbülün, Üzeyirin, Nəvvabın muzeylərinə get, Vaqifin məqbərəsini ziyarət elə, Xan qızı Natəvanın çəkdirdiyi bulağa bax, Şuşanın tarixini öyrən… İndi budur atamla, bir də onun vaxtilə institutda, Partiya məktəbində birgə oxuduğu
Yüklə 1,64 Mb. Dostları ilə paylaş:
|