33
təfəkkürünü əks etdirir. Ona görə də yazılan toplayarkən
onlara əl gəzdirməyi, yenidən işləməyi, hətta müəyyən
cəhətdən bu günlə səsləşməyən nüansları ixtisar etməyi
məqbul saymadım. Ona görə də kitaba daxil edilmiş bu
yazıların hər birinə öz dövrünün ab-havası çöküb.
Tarix təkcə hadisələrin müəyyən xronologiya üzrə
düzülməsi deyil, həm də bu hadisələrin ruhunun, mahiyyətinin
açılması, insanların həmin dövrü öz duyğu və
düşüncələrindən keçirərək yaşamasıdır. Bu yaşantılar isə
təkcə bədii əsərlərdə yox, həm də publisistikada özünü
göstərir. Bu mənada bizim hər birimiz tarixin adi günlərini
yaşayır və dövrümüzün ruhunu, həyatımızın nəbzini həm də
qəzetlərdən, publisistik materiallardan duymağa çalışırıq. Axı
heç bir vətəndaş, ilk növbədə isə ziyalı cəmiyyətdə yaşayıb,
onun qayğılarından, problemlərindən kənarda qala bilməz. O,
mütləq bu problemlərə münasibətini bildirir. Vaxtaşırı dil,
ədəbiyyat, incəsənət, mədəniyyət problemləri ilə bağlı
mətbuatda dərc etdirdiyim çoxsaylı məqalə və müsahibələr də
mənim öz axarı ilə gedən hadisələrə münasibətimdir. Uzun
müddət çalışdığım təhsil ocaqlarında görkəmli yazıçılar və
alimlərlə ünsiyyətdə olmuş, onların bəziləri haqqında xatirə-
məqalələr çap etdirmişəm. Bundan başqa, Azərbaycanın bir
sıra görkəmli elm adamları, Rusiyanın, İranın, Türkiyənin
mədəniyyət xadimləri ilə görüşlərim, bir sıra qəzet, jurnal
əməkdaşları ilə, alimlərlə müsahibələrim də olub. Bütün
bunlar əksəriyyət etibarilə mətbuatda öz izini saxlayır. Çünki
həqiqətən, bizim dövrümüzdə problemləri publisistik
materialların vasitəsilə aşkarlamaq və xalqın ictimai şüuruna
bu yolla nüfuz etməkdən təsirli vasitə yoxdur…
«Zamanın axarı ilə» kitabının II cildinə isə son dövrlər
qələmə aldığım elmi-publisistik məqalələrim, müxtəlif
qəzetlərdə çap olunmuş müsahibələrim, bir sıra elmi əsərlərə
34
verdiyim rəylər, Milli Məclisdə etdiyim bəzi çıxışlar,
televiziya filmlərinə yazdığım ssenarilər daxil edilmişdir.
Biz bu yazıları tarixi xronologiyaya görə deyil,
mövzulara görə qruplaşdırmağa üstünlük vermişik. Buna
baxmayaraq, kitabda verilmiş materiallar toplusuna, müəyyən
mənada, həm də son dövr tariximizin kiçik bir salnaməsi kimi
baxırıq.
Əziz oxucu! Belə hesab edirəm ki, «Zamanın axarı ilə»
kitablarının həm I, həm də II cildləri hansı mövzuya
toxunmasından asılı olmayaraq, öz dövrünün məhsuludur.
Deməli, bu kitabları vərəqləməklə biz həm dünənimizə
bağlanacaq, həm də sabahımız haqqında düşünə biləcəyik.
35
MƏQALƏLƏR,
MÜSAHİBƏLƏR
36
MÜASİR AZƏRBAYCANIN QURUCUSU
«Həyat çox və yaxud az yaşamaqdan ibarət
deyil. Onun mənası bu həyatda öz yerini tutmaq,
mövqeyini müəyyən etmək, ləyaqət göstərmək və
başqaları üçün nümunə olmaqdır».
Heydər Əliyev
Sorağı tarixin dərinliklərindən gələn ən qədim yurd
yerlərindən biri Azərbaycan, ən ulu xalqlardan biri
Azərbaycan xalqıdır. Böyük xalq, böyük millət – sayının
çoxluğunda yox, soykökünün qədimliyində, mənəvi
dəyərlərinin zənginliyində, bəşəriyyətə bəxş etdiyi tarixi
şəxsiyyətlərinin olmasındadır.
Təbii ki, bir ölkəni nefti, pambığı ilə yox, böyük
alimləri, şəxsiyyətləri, liderləri, sərkərdələri ilə tanıyarlar. O
insanlarla ki, onlar təkcə mənsub olduqları xalqın, millətin
deyil, bütün bəşəriyyətin taleyində müəyyən rol oynaya,
tarixdə iz qoya bilirlər.
Heydər Əliyev xalqımızın dünya tarixinə bəxş etdiyi elə
qüdrətli dövlət xadimlərindəndir ki, insanlar, yeniləşən
nəsillər zaman-zaman onun ömür yoluna müraciət edəcək,
zəngin irsini araşdıracaq, təhlil edəcək, öyrənəcək, liderlik
məktəbindən dərs alacaqlar. Və hər dəfə də bu dahinin
zamana belə qalib gələn ideyaları və əməlləri qarşısında
heyrətlərini gizlədə bilməyəcəklər. Onun haqqında söz
deməkdən böyük fəxarət duyacaqlar. Amma unutmaq olmaz
ki, siyasət dünyasının bu nəhəngi haqqında deyilən hər bir
söz, yazılan hər bir kəlam elə bu böyüklüyə layiq olmalıdır.
37
Xilaskar və xilaskarlıq missiyası
HEYDƏR ƏLİYEV – ölkəmizə 35 illik rəhbərliyi
dövründə Azərbaycanı, Vətənimizi, xalqımızı bütün dünyaya
tanıdan, özü isə insanlığın zirvəsinə ucalan, dünyanın ən
nəhəng siyasətçiləri sırasında dayanan BÖYÜK
AZƏRBAYCANLI.
Azərbaycana əbədi müstəqillik bəxş edən,
dövlətçiliyimizi bütün təhlükələrdən xilas edən DAHİ
İNSAN.
Azərbaycançılıq ideyasının, azərbaycançılıq fəlsəfəsinin,
azərbaycançılıq məfkurəsinin müəllifi və böyük carçısı,
müasir Azərbaycanın memarı və qurucusu…
İllər, əsrlər keçəcək, nəsillər dəyişəcək, amma bütün
zamanlarda, bütün dövrlərdə Heydər Əliyevə hansı prizmadan
baxırsansa-bax, O, həmişə ən uca zirvədə olacaq. O öz
xalqının yaddaşında artıq çoxdan ÜMUMMİLLİ LİDER kimi
əbədilik qazanıb… O, Tanrı elçisi idi. İnsanlığa xidmət etmək
üçün yerə göndərilmiş xarizmatik bir qüvvə idi. Azərbaycana
isə xilaskar kimi gəlmişdi. Azərbaycanı bütün təhlükələrdən
qorumağa, qurub-yaratmağa, xalqımızın səsini bütün dünyaya
yaymağa gəlmişdi. Gəldi və öz xilaskarlıq missiyasını
ləyaqətlə, şərəflə, böyük qətiyyətlə, heyrət ediləcək məharətlə,
yüksək səviyyədə yerinə yetirdi, xalqın sabaha inamını bərpa
etdi, milləti öz taleyüklü problemlərinin həlli yönündə
fədakarlığa ruhlandırdı, dövlət qarşısında duran vəzifələrin
uğurla həyata keçirilməsinə möhkəm zəmin yaratdı və
yenidən göylərə ucaldı. Ucaldı və indi də göylərdə qərar
tutmuş sönməz Günəş kimi öz parlaq şüalarını Azərbaycana
səpələyir…
Ulu öndər Heydər Əliyevin Vətənimiz və xalqımız
Dostları ilə paylaş: |