Azərbaycan folkloru və milli-mədəni müxtəliflik
9
PLENAR İCLASDA EDİLƏN MƏRUZƏLƏR
Mübariz Əhmədzadə
Zaqatala Rayon İcra Hakimiyyətinin başçısı
Azərbaycan, Zaqatala
MÜHÜM ƏHƏMİYYƏTLİ TƏDBİR
Hörmətli tədbir iştirakçıları, əziz zaqatalalılar! Azərbaycanın dilbər güşələrindən biri və qızıl
güllər diyarı olan Zaqatalada sizi bir daha salamlayır və hər birinizə qızıl gül təravəti, can sağlığı
arzulayıram. Bilirsiniz ki, Zaqatalada belə möhtəşəm tədbirlərin keçirilməsi ilk növbədə Zaqatalalı-
ların bu tədbirlərə həssas yanaşması və orada fəal iştirak etməsi ilə bağlıdır.
Bu gün keçirilən tədbirimiz də əhəmiyyətinə görə seçilir. Çünki bu tədbir bir deyil, bir neçə
strukturu əhatələyir. Belə ki, Prezident yanında Bilik Fondu, AMEA Folklor İnstitutu, Mədəniyyət
və Turizm Nazirliyi, Bakı Beynəlxalq
Multikulturalizm Mərkəzi, Dini Qurumlarla iş üzrə Dövlət
Komitəsi, o cümlədən Zaqatala RİH-inin birgə təşkilatçılığı sayəsində bu gün bu tədbir burada hə-
yata keçirilir.
Təşkilatçı qurumların konfransda iştirak edən rəsmi nümayəndələrini sizlərə təqdim edirəm:
Bilik Fondunun aparat rəhbəri İsaxan Vəliyev, Folklor İnstitutunun direktoru, AMEA-nın müxbir
üzvü Muxtar İmanov, Dini Qurumlarla iş üzrə Dövlət Komitəsinin sədr müavini Səyyad Salahlı. Bir
neçə xarici ölkədən, o cümlədən qardaş Türkiyədən gəlmiş nümayəndə də bu gün keçirilən
konfransımıza qatılmışdır.
Məlumat üçün deyim ki, həmçinin iyirmiyə yaxın xalqın nümayəndəsi
bu konfransda iştirak edir. Konfransımızın işinə uğurlar, iştirakçılarına isə can sağlığı arzulayıram!
Hər birimiz bilirik ki, 10 yanvar 2016-cı il tarixində 2015-ci ilin (sosial həyatının) yekunları
ilə bağlı keçirilən tədbirdə Cənab Prezident 2016-cı ili «Multikulturalizm ili» elan etdi. Həmin ayın
11-də (yəni 2016-cı ilin yanvarında) Cənab Prezident “Multikulturalizm ili” ilə bağlı tədbirlər
planını və qarşıda duran vəzifələri bir daha bəyan etdi.
Azərbaycan özünün multikultural dəyərlərə münasibəti ilə hər zaman, istər sovetlər dönəmin-
də, istərsə də ondan sonrakı dönəmlərdə seçilmişdir. Özəlliklə, müstəqillik
dönəmində Ulu öndəri-
mizin bilavasitə rəhbərliyi altında bu sahəyə daha artıq diqqət yetirilməyə başlanıldı. Azərbaycanın
əsas sakinləri Azərbaycan türkləri olsa da, müxtəlif millətlərin nümayəndələri – o cümlədən tatlar,
talışlar, avarlar, ləzgilər, ingiloylar və bir sıra xırda xalqların nümayəndələri burada birgə, yəni mul-
tikultural şəraitdə yaşayır,
bir-birlərinə can deyib, can eşidirlər. Çıxışımın əvvəlində də qeyd etdim
ki, yanvar ayında Cənab Prezident sərəncam imzaladı və 2016-cı ili «Multikulturalizm ili» elan
etdi. Bu, bir daha Ulu öndərimizin layiqli davamçısının, onun həqiqi varisinin multikultural
dəyərlərə olan münasibətini göstərir. Çünki həmin andan etibarən bu sahəyə diqqət daha da
dərinləşdi və bu hərəkat geniş vüsət aldı.
Bizim dilbər guşəmiz olan Zaqatalanın özü elə multikultural dəyərlərin ifadəsi üçün bariz bir
nümunədir. Bariz bir nümunə dedim, ona görə ki, Zaqatalada ümumən 126 min əhali yaşayır ki, on-
ların da 68%
Azərbaycan türkləri, 21%-i avarlar, 10% saxurlar və 1%-i də müxtəlif xalqların nüma-
yəndələrindən ibarətdir. Hələ ki, bu günkü günə qədər problemsiz və söz-söhbətsiz onlar Zaqatalada
güzəran keçirirlər. Azərbaycanın bu sahədəki inkişafında, mən deyərdim ki, Zaqatala modeli ən
önəmli yerdədir. Bu ideyanın daha da inkişaf etdirilməsi üçün məkan kimi Zaqatalanın seçilməsi
heç də təsadüfdən olmamışdır. Buranı ona görə seçmişik ki, (bayaq dediyim kimi)
burada millətlər
bir-birilə olduqca mehriban şəraitdə yaşayırlar. Bu da ondan qaynaqlanır ki, onlar ünsiyyətdən baş-
qa, həm də bir-biriləri ilə qohumluq əlaqələrinə girmiş, bir-birilərinə qız verib, qız almışlar. Azər-
baycanlı avarla, avar saxurla, saxur azərbaycanlı ilə qohum olmuşdur və yüzlərcə belə qarışıq ailə-
ləri misal gətirmək olar. İndi də onlar bir-birlərinin xeyrində, şərində yüksək səviyyədə iştirak et-
məkdədirlər. Bu məkanda sən avarsan,
sər saxursan, sən ləzgisən kimi yanaşmalar olmayıb və ümid
edirik ki, bundan sonra da olmayacaqdır. Multikulturalizm elə bir böyük mövzudur, dəyərdir ki, bu
sahədə saatlarla danışmaq olar, amma mövzu tükənməz. Odur ki, vaxtın da darlığını nəzərə alıb, bu-
günkü tədbiri açıq elan edirəm və sözü çox hörmətli Muxtar müəllimə verirəm.