Azərbaycan folkloru və milli-mədəni müxtəliflik
136
etnik qruplar antropoloji cəhətdən, fiziki tipcə, həm də mədəniyyətcə yekcins olmuş “etnogenezi
yerli - aborgen etnik mədəniyyət əsasında formalaşmışdır” [
13; 14; 28; 29; 31,92; 30] .
Hələ kommunist rus imperiyasının əzəmətli illərində korkoranə sifariş yerinə yetirərək prole-
tar, muzdur tarixçilərin türklərin Qafqaza gəlmə fikrinin tarixi və elmi həqiqəti ifadə etmədiyini
əsaslandıran beynəlxalq səviyyəli alimlər olmuşdur. Dünyada antropologiya elminin ən nüfuzlu nü-
mayəndələrindən Y.Y Roqinski yazırdı: “Digər tərəfdən, bəzi hallarda antrpoloji analizlər kütləvi
miqrasiya haqqında hipotizləri inkar edir. Belə ki, Azərbaycanın türkdilli əhalisində monqoloid əla-
mətlərinin olmaması türk dilinin Şərqi Qafqazda monqoloid irqinə məxsus işğalçıların hücumunun
nəticəsində yaranması fikrinin tamamilə inkar edilməsinə gətirib çıxarır” [
31, 340].
Antropoloq, SSRİ EA Antropologiya İnstitutunun direktoru akademik V.Alekseyev yazır:
Azərbaycanda qədim əhalinin antropoloji tipi hazırda necədirsə, eləcə də olmuşdur. Bunlar ensiz si-
fətli miniatür xəzərlər (kaspilər) idilər. Deməli, aqvanlar (albanlar) Azərbaycanlıların qohumları de-
yil, onların babaları və ulu babalarıdır” [
32,54].
Elmi müddəaları ilə nəinki keçmiş Sovet imperiyasında, elmin inkişaf etdiyi qabaqcıl ölkələ-
rində qəbul
edilən arxeoloq, tarix elmləri doktoru, professor İsmayıl Miriyev yazır ki, Şimali Qafqa-
zın eneolit və tunc dövrü mədəniyyətinin Ön Asiya, Şimali Mesopotomiya, Zaqafqaziya mədəniy-
yətinin təsiri altında formalaşması haqqında rus sovet tarixşünaslığında yetərincə məlumat verilmiş-
dir [
33, 30-31]. O, sözünə davam edərək yazır ki, dargin, ləzgi, avar, lak və b. bütövlükdə Qafqaz
dil mühitində olan yaşayış məntəqələrində Qarabulaq, Qazanbulaq, Soyuqbulaq və b. hidronim və
yer adları, mərkəzi Qafqazın 5000 m-dən yüksəklikdə yerləşən aşırımlarının, buzlaqlarının türkcə
adını verən tayfalar və onun dövrü dəqiq müəyyən edilməlidir [
33, 36]. Hələ ən qədim dövrdən Av-
ropa ilə Asiya arasında dağ səddinin adının
türkcə Qafqaz, onun zirvələri Elbrus, Kazbek və Dəmir-
çi adları türklərin burada aborigenliyinin təsdiqidir.
Milli həyatın bütün sahələri, bütün yaradıcılığı dildə ifadə olunduğu üçün multikulturalizm
doğuran hiss, tələbat və mənəvi dəyərlər də birinci növbədə dil vasitəsilə müəyyənləşdirilə bilər.
Böyük alman filosofu və dilçisi V.F.Humboldt hesab edir ki, dil ruhun və təfəkkürün fəaliyyətidir.
İnsan ruhunda gerçəkliyin əksi vardır. V.F.Humboldt ruhu ilkin hesab edir. Belə nəticəyə gəlir ki,
dil xalqın ruhundan doğur, dillərin müxtəlifliyi xalqların ruhunun müxtəlifliyindən asılıdır. O, dilin
yaranmasını bəşəriyyətin daxili tələbatı ilə şərtləndirir. O, təkcə insanların cəmiyyətdə xarici ünsiy-
yət vasitəsi deyil, insanların təbiətinin əsasında dayanır, onların mənəvi qüvvələrinin inkişafı, dün-
yagörüşünün əmələ gəlməsi üçün zəruridir [
34, 101-102].
Antropoloji və arxeoloji tədqiqatlar irqlərin üst paleolit - mezolit dövründə formalaşdığını
göstərir. Bütün xalqları bir kökdən hesab edən antropoloqlar irqlərin müxtəlif iqlimlərin təsirindən
yarandığını göstərirlər, Ön və Kiçik Asiyada yaranan
avropoidləri birinci irq, monqoloid və neq-
roidləri ondan ayrılandan sonra düşdüyü yeni iqlimin təsirindən formalaşan irq hesab edirlər. Avro-
poidlərin gözünün və saçının qara rəngini qafqazlılardan aldığını göstərirlər. Coğrafi vəziyyətə görə
Qafqazı Qərbi Avropa ilə müqayisədə insanın ilkin vətəni olmasını daha əsaslı hesab edirlər. Belə
ki, Qafqaz üç - Asiya, Avropa və Afrika qitəsinin kəsişməsində yerləşməklə ilkin insanın məskun-
laşması üçün vacib olan yüksək dağlarla daha zəngindir [
31, 365-368].
Yuxarıda oxucuya təqdim etdiyimiz antropoloji və arxeoloji tədqiqatlar Kiçik Asiya, Zaqafqa-
ziya, Xəzərətrafı bölgə vahid antropogenez zonası olmaqla, insan əcdadı - biososial varlığın, sosial-
mənəvi varlığa - insana çevrilib, onun fasiləsiz təkamülü prosesində ilkin etnosların yarandığı ərazi-
dir. Burada yaşayan xalqlar da məhz ilkin biososial - mənəvi təməlində yaranıb, yaşayıb, inkişaf
edib gəlib günümüzə çatan xalqlardır. Onlardan biri və ən böyüyü Azərbaycan türkləridir.
Azərbaycan türkləri arasında bugünkü və gələcək nəsillərin bir erməninin - E.V.Sevortyanın
“Türk dilinin etimoloji lüğəti” (M., 1974), rusların yazdığı “Qədim türk dilinin lüğəti” (M., 1969)
əsərlərinin ümidinə qalmasından utanc keçirib, məhz türk təfəkkürü zəminində türk dilinin yaranış
və inkişaf tarixini tədqiq edəndə bu dilin antropogenez zonasında qırılma, pozulma olmadan, ilkin
varislik zəminində ulu dilin dialektlərindən birinin təməlində yaranan və inkişaf edən dil olması
haqqında mülahizəmizin təsdiq olunacağına zərrə qədər şübhəmiz yoxdur.
Azərbaycan multikulturalizmindən bəhs edərkən ona görə birinci
Azərbaycan türkcəsindən
bəhs etdim ki, bu multikulturalizmin yaranmasında birləşdirici, vahidləşdirici, yaradıcı mənəvi əsas
Azərbaycan folkloru və milli-mədəni müxtəliflik
137
onun vasitəsi ilə qurulur. Azərbaycan türkcəsinə qarşı çıxmaq, burada multikulturalizmin tarixi
mövcudluğunu şübhə altına almaq, unutdurmaq, gələcəyinə kölgə salmaq məkrindən doğur.
Qafqaz dillərinin yaranması və inkişaf tarixi haqqında çoxsaylı mülahizələr var, onların bəzi-
lərinin gəlmə olması da deyilmişdir. Qafqaz dillərinin də yaranma və inkişafı tarixi əsasən sovet
imperiyasının ideoloji qəlibində yazıldığından gizli və açıq üsullarla bu dillərin gələcəyinə şübhə
yaratmaq məqsədi güdmüşdür. Sətirlərin müəllifi Qafqaz dillərini, o cümlədən Azərbaycan türk-
lərinin etnik tərkibində,
tarixində iştirak edən, onunla birlikdə bugünkü multikultural mədəniyyətin
yaradıcıları olan etnik qrupların dilini yerli, aborgen dil hesab edir.
Qafqaz-Azərbaycanda insanlığın biososial, mənəvi əsaslarının eyniyyətindən əlavə e.ə. IV
minilliyin ikinci yarısı, İlk Tunc dövründə, ilk etnosların yaranma çağında Azərbaycanın Kür-Araz
qovşağında yaranan bu adla adlandırılan mədəniyyət-etnik-mənəvi, ideoloji, sosial-iqtisadi münasi-
bət bütün Qafqaz-şimalda, Çeçen-İnquş, Şimali Osetiyaya qədər,
cənubda Cənubi Azərbaycan, İran,
qərbdə Şərqi Anadolu və Suriyaya yayıldı, etnomənəvi münasibətlərə yaradıcılıq impulsu verdi [
12,
98-120; 35, 104-113]. Artıq bu dövrdən ataxaqanlığın, ilk tayfa və tayfa ittifaqının yaranması
çağında Azərbaycan türk tayfalarının etnososial və mənəvi təsir gücü bütün Qafqazı əhatə edir,
xalqın yaranması üçün türk etnomədəni yadrosu formalaşır [
29, 38-56; 36].
Vahid məkan Qafqaz-Azərbaycanda müxtəlif tayfaların arzu və istəklərini, tələbatlarını, ehti-
yaclarını bir-birlərinə çatdırmaqla, ünsiyyətlərini qurmaqla etnomədəni-mənəvi özəyi yaradan və in-
kişafına mənəvi əsas verən türk dili idi. Hörmətli Mətanət xanımın Şəki-Zaqatala zonasında qeydə
aldığı aya sitayiş, salavat çevirmə, ay məbədi, günəşə sitayiş, günəş allahı, ibtidai pirlər, inam və
etiqadlar, andlar bütün Azərbaycanı əhatə edir. Dilindən, dinindən asılı olmayaraq, Azərbaycan
xalqının bütün etnik və etnoqrafik qrupların əziz tutduğu mənəvi dəyərlər bu dövrün məhsuludur.
Alban dövləti yaranana qədər əcdadlarımız olan müxtəlif dilli tayfalar arasında və Alban dövlətində
türk dilinin ümumünsiyyət vasitəsi olması haqqında çoxsaylı mənbələr və tədqiqatlar var.
Bunlar
arasında ən mükəmməli Q.Voroşilin“Azərbaycan dilinin yazıdan əvvəlki dövrünə dair tədqiqatlar”
(rusca, müştərək. B., 1986) və “Qafqaz Albaniyası” [B., 1993] adlı əsərləridir.
Qafqazda, Albaniyada çoxdillilik haqqında eradan əvvəlki və son dövrə aid mənbələrdə kifa-
yət qədər məlumat var. Strabon yazır ki, albanlar 26 dildə danışırlar [37,21].
X əsrdə ərəb müəllifləri Qafqazda 70-dən 360-a qədər xalq olması haqqında məlumat verir.
[
33, 12; 38, 111].
Mətanət xanım problemin dil aspektindən bəhs edərkən, maksimum həssaslığa, dəqiqliyə can
atsa da, yenə də Azərbaycan Sovet dilçiliyinin təzyiqi altında hazırlanmış konsepsiyanın təsirindən
çıxa bilmir, bu nəzəriyyədən çıxış edərək, fikirlərini əsaslandırmağa üstünlük verir: “Substrat dil
hadisəsi Şəki-Zaqatala bölgəsində yaşayan xalqların və etnik qrupların folklor örnəklərində geniş
şəkildə özünü göstərməkdədir” [
11, 51].
Hörmətli Mətanət xanımdan göstərdiyimiz misallar, nümunələr etnosun yaranması, etnomə-
dəni əlaqələri haqqında elmi müddəalar onu şərtləndirir ki, Şəki-Zaqatala zonasında Qafqaz dil
qrupu ilə Azərbaycan türkcəsi arasında münasibət substrat deyil, adstrat hadisəsidir.
İqtibas verdiyimiz səhifədə Azərbaycan türkcəsinin Gürcüstanda
və Ermənistanda adstrat,
Azərbaycan türkçəsində doğma xalqın etnik qrupunun dilinin substrat yaratmasına dair
mülahizənin [
30, 110] ağlabatan olmadığını düşünürəm. Multikulturalizm etnososial hadisə olduğu
üçün etnoloq olaraq bildirirəm ki, qalib, məğlub olan yerdə, şəraitdə multikulturlizm mümkün deyil.
Monogenez nəzəriyyəsini əsas kimi qəbul edən dilçi Azərbaycanın antropogenez zonasında
yerləşməsi, Azərbaycan xalqını təşkil edən etnoqrafik və etnik qrupların antropogenez zonasında
yaranmış vahid antropoloji tip olması, miqrasiyaların bu antropoloji tipi dəyişə bilməməsini
müvafiq elm sahələrinin birmənalı təsdiqi faktına söykənib, Azərbaycan türkcəsinə və etnik
qrupların dilinə, birinci növbədə antropogenez ocağında yaranan ulu - kök dilin müasir formaya
düşmüş nəticəsi kimi qiymət verməklə, nəticədən səbəbə doğru gedərək onun keçdiyi tarixi yolu,
zaman-zaman məruz qaldığı məzmun, forma, leksik, qrammatik, semantik
dəyişikliyi izləyə-izləyə
obyektiv nəticə əldə edə bilər. Əgər münasib hesab edərsə, dilçi kök dildən sözlər götürüb, ondan
doğan yeni budaqların hansı qrammatik, leksik, semantik dəyişikliklərlə müşayiət olunmasına
əsaslanmaqla, dil tarixi haqqında obyektiv mülahizə söyləyə bilər.