__________________Milli Kitabxana_________________
360
-Ha... ha... ha... dərmanın hazırmış ki...
-Bəs necə bilirsən, aadə...
-Sən mənə "aadə" deyə-deyə məni yaman günə qoydun, aadə?!
- deyən Cavadın gözlərində minlərlə cin oynayırdı. Şair dostuna sataşmaq üçün
zarafatı qəsdən uzatdı:
-Aadə, mən haçan sənə "aadə"demişəm, aadə?
Məhz şirvanlılara, şamaxılılara xas olan bu ifadə hamıya tanış idi; odur ki,
yığılanlar uğunub getdilər. Cavad yenidən dilləndi:
-Hə, yaxşı, bə mənə əlborcu verməknən necəsən, Ağa, cəddüvə təsəddüq olum,
cavab vermədin axı...
Seyid bir an duruxdu və Cavadın cavabını farsca indicə dodaqlarına gələn bir
qəzəlindəki bu beytlə verdi:
Mən Hüseyni-əsr həstəm, simu zər abi-Fərat,
Guiya mən abra dər Kərbəla qəm gərdəəm'.
Cavad, şairin sözlərini yığılanlara başa salandan sonra yenə də dinc durmadı:
-Ağa, dedi, - pənah pərdə tutana, nə olar, onda bir məsləhət ver,görüm bu
başıbəlalı beş manatı hardan tapım?
Seyid Əzim nədənsə qəlbinə çökməyə başlayan kədəri udub, dostunun
cavabında dilləndi:
-Nə məsləhət eləyim, Cavad? Bizlərdə deyillər ki, "keçəl çarə bilsə, öz başına
elər".
Hamı güldü, şair isə sözünə davam etdi:
-Ərəblər də deyərlər ki, "la təşvərü mən leysə fı beyti dəqiqün".Yeni, evində bir
ilin'un azuqəsi olmayan adamla məsləhətləşmə!
Bizim dilcən yəni o adam kişi deyil ki, öz ruzusunu tədarük eləməyib,təndürüst
eləməyib. O day özgəyə nə məsləhət verəcək? Mənim də evimdə ruzi necə deyərlər
o söz... Ruzi atlı, mən piyada...
Yenə də gülüşən oldu, amma bir çoxu bu dərdi yaxşı başa düşürdü, çünki özləri
də eyni vəziyyətdə idilər... Cavad nə düşündüsə birdən dedi:
-Aga evdən təzə çıxmısan?
-Yox çoxdan, necə ki...
__________________Milli Kitabxana_________________
361
-Heç, dedim bir əvvəl Əlmuxtarın pitisindən adama bir bardağ buyurtduraq,
sonra sənə bir allahı sözüm də var idi...
Seyyid gülümsədi, başa düşdü ki, Cavad onunla tək qalmaq istəyir, amma
özünü o yerə qoymadı:
-Dostum Cavad, Nəvayi rəhmətlik buyurub ki, istəyirsən səhhətin olsun, az ye,
istəyirsən sözünün kəsəri olsun az de.
-Hə, deyirəm axı. Neyşə bəs bu şirvanlılar xurma xörəkdi? Yeddi adama Nanəli
budaqda beş yumurtanın soyutmasın yeyərlər, özü də and içərlər ki, "söləsən,
meyitüvü görüm nıx deyincən yemişəm".
Yenə də qəhqəhə qopdu.
-Sizə məlumdur ki, mən məşriq-zəminin bir çox tanınmış şəxsiyyətləri ilə
dostluq eləyirəm, onlarla yazışıram. Onların içərisində elələri var ki, heç üzünü
görməmişəm. Qiyabi yazışıram. Məktublaşıram.
Belə qiyabi dostlarımdan birisi də Mərənddə yaşayan mərsiyə şairi Molla
Süleyman idi. Yaxşı yadımdadır; bir dəfə İran səyahətlərimdən birində yolum
Mərəndə düşdü. Burada bir neçə gün dincəlmək, nəhayət ki, Molla Süleyman
dostum ilə görüşüb danışmaq istəyirdim.
Şəhərə gecə yandan ötəndə varid olduq. Kişini axtarıb tapmağı səhərə qoydum.
Heç kəsi narahat etmək istəmirdim. Karvansaraya düşdüm.Gecə yorğun-arğın idim
deyə çox şirin yatmışdım. Səhər yuxudan oyananda gördüm ki, "lat-lüt, ya qərib
imam Riza" qalmışam. Bütün şeylərim oğurlanıb. Yəni əslində nəyim də var ki, bir
üst geyimdən başqa.
Alt paltarımda necə vardımsa, eləcə də hücrədən çayxanaya endim.Çayxananın
yarımqaranlıq bir guşəsində oturub vəziyyətimi düşünürdüm. Öz-özümü həm
danlayırdım, həm də görkəmimə gülürdüm. Gözləyirdim görüm işin içindən necə
çıxacam. Molla Süleymanı tapıb ondan,ya başqasından necə yardım istəyəcəm.
Elə bir o qədər keçməmişdi ki, çayxana dolmağa başladı. Məhərrəm ayının
əvvəli idi. Birdən içəri bir molla girdi. Çayçı şagirdi mollanı görən kimi, hörmətlə
ona taxt üstündə yer göstərdi, döşəkçə saldı. Molla çayxana sahibi və müştərilərlə
salamlaşıb əyləşdi. Görünür buralarda nüfuzlu adammış. Bir azacıq keçməmiş,
müştərilərdən biri dedi:
-Molla, gəlsənə bir mərsiyə deyəsən... savabdı. Elə boş-bekar oturmuşuq.
Allaha da xoş gedər, bəndəyə də...
Molla etiraz eləmədi. Boğazını arıtlayıb mərsiyəyə başladı. Babət də səsi var
idi. Mərsiyəni eşidən kimi bildim ki, bu elə mənim üzünü görmədiyim dostum
Molla Süleymanın mərsiyəsidir. Hələ bəlkə oxu
__________________Milli Kitabxana_________________
362
yan da onun özüdür. Qərəz, nə başınızı ağrıdım; kişi mərsiyəni əzbərdən
deyirdi. Birdən "Sal bir nəzər bu ərseyi-meydana, ya Əli!" -deyib, duruxdu. Dalını
gətirə bilmədi. Görünür ki, yadından çıxmışdı. Bir neçə kərəm "Sal bir nəzər bu
ərseyi-meydana, ya Əli!" deyib təkrarladı. Dilim dinc durmadı. Oturduğum
küncdən səs verdim: "Eşşək satan mərəndli Süleymana, ya Əli!" deyib səsləndim.
Hamı başını çevirib mənə tərəf baxdı, qəzəblənmişdilər. Bircə Molla Süleymanın
özündən başqa! Birdən kişinin üzü güldü, elə bil çiçəyi çırtladı. Boylandı, küncdə
məni görən kimi yerindən qalxdı. Adamları basa-basa üstümə cumdu. Gələ-gələ də
deyirdi:
-Vallah, sim vallah, sən cənab Hacı Seyid Əzim Şirvanisən. Bunu ancaq və
ancaq Seyyid deyə bilər... Bu cavabı təkcə o verə bilər. Bir zihəyat, bədahətən,
misranın dalını Seyiddən başqa heç kim belə tondürüst deyə bilməzdi.
Öpüşüb görüşdük. Çəkib apardı məni evinə. Neçə gün qonaq saxladı. Çayçının
vasitəsilə şey-şüyümü əxz eləyəni də tapdırıb aldı və gətirib özümə qaytardı.
Dedim:
-Molla qardaş, nə kələk işlətdin ki, oğru şeyləri qaytardı? Dedi:
-Seyyida, gümanım gələn oğruya xəbər çatdırdım ki, sən öləsən bu gələn və
malı oğurlanan qərib, məşhur şair Hacı Seyid Əzim Şirvanidi. Əgəmləri malını
tapıb özünə qaytarmasaq, bir elə həcv yazar ki, Mərəndi ilələbəd biyabır eləyər.
Sən demə o da yaman Mərəndpərəst, vətənpərəst oğru imiş. Vətəninin biabır
olmağına, həcvə düşməyinə qayil olmayıb. Gətirib çayçıya verib deyib: "Sən,
qardaş, qaytar, mənim adım olmasın. Mollaya da de ki, bir qələtdi eləmişəm,
bağışlasın məni".
Hamı gülüşdü. Gənclərdən bəzisinin simasında nə isə bir qürur duyulurdu.
"Bax, bizim Ağa belədir". Cin Cavad birdən nə isə xatırlayıb Seyid Əzimə
müraciətlə ciddi tərzdə dedi:
-Ağa, doğrudan sizə qonaq getdi... Əvvəli bu, ikincisi Məşədi səni axtarırdı.
Dedi ki, Kərbəlayı Vəli gəlib, səni görmək istəyir...
-İndi ki, evə qonaq gedib, onda gərək əvvəl evə dəyəm...
-Yox, elə mən də dedim: deyəsən, qonaqları var, bəlkə evdədi. yox, qonaq da
Kərbəlayı Vəliynəndi. Odu ki, əvvəl elə Qırmızı Qulamın qulluğuna buyursan
məsləhətdi...
Şair, Sarvan Kərbəlayı Vəlinin onu axtarmasına təəccüb eləmədi, çünki Bakı,
Gəncə, Təbriz, Ərdəbil dostları Ağa üçün bəzi tapılmayan bir əlyazması, ya
Xorasan kürkü, ya bir Misri əba, Şirazi qələm-
Dostları ilə paylaş: |