Şamaxı... Həmyəli... Düzlər... Ormanlar...
Hər səhər ayılır gözü yaş dolu.
O gündən açılmır göylərin üzü,
Çənli-çisəklidir qəbristan yolu!
1988
Gözəl insan kimi tanıdığım müəllim
dostum Teymur Qəniyevin xatirəsinə
Yaxşılar içindən getdi bir yaxşı,
Göyün bəzəyiydi, yerin naxışı.
Bəlkə kəsdi onu namərd baxışı,
Keçdi cavan ikən yeddi qtından!?
Bu ölüm nəyidi bəs birdən – birə,
Hələ getməliydi o, neçə yerə,
Bu yaz Baba dağa – o uca yerə,
Düşdü birdən – birə ömrün atından!
Demişdim gələrəm sizə bir kərə,
Getdi qayıtmayan o son səfərə.
Döndü xatirəsi qəlbimdə şerə,
Çox illər keçsə də çıxmaz yadımdan!..
2010
Nə bilim
Hər dəfə səninlə üzləşəndə mən
Hal-əhval tutardıq bir-birimizdən.
Danışıb gülərdik, söhbət edərdik,
Ürəkdən necəydik eləydik üzdən!
Sən ana vətəndən, mən doğma eldən,
Deyərdik həvəslə ürək dolusu.
Biz yaxşı bilirdik uca kürsüdür
Elin ağsaqqalı, elin ulusu!
Gözəllik aşiqi, el vurğunuyduq,
Sevirdik müqəddəs ana torpağı.
Qəlbimiz nə qədər qəhərlənərdi
Vətəndə gördükcə mən novrağı!
Ucalmaq, yüksəlmək ilk məqsədimiz,
Təmiz ad qazanmaq arzumuz idi.
Odur ki həvəslə biz çalışardıq,
Oxumaq ilk alın yazımız idi!
Mən dedim, bu günlər qutaracaqsan
Sən ali məktəbi xoş, gülər üzlə.
Nə bilim, həyatın bəd gətirəcək,
Ömrümün tuş gələcək qəfil əcələ!
1980
Yaşa oğul-bala
Ucqar dağ kəndində getdin cəbhəyə,
Bu vətən, bu torpaq, yurd deyə-deyə!
Çəkdin qılıncını felə, fitnəyə,
Nə qorxu, nə hürkü, təlaş bilmədən!
Yaşa oğul-bala, yaşa, can bala,
Etmədin nə fikir, həyəcan, bala.
Atıldın hər axşam, səhər, dan , bala,
Düşmənin üstünə çaşbaş bilmədən!
Düz yolun, əqidən tutdu əlindən,
Od yağdı pulemyot ağzı-dilindən,
Etdin neçə yağı şil-küt belindən,
Nə burun, nə göz-qaş, nə baş bilmədən!
Vətən qüdrətinə əhsən söylədi,
Mövlud şərəfinə sağlıq, tost dedi;
Hanı Şəhriyar tək bir igid dedi,
Nə yalan, nə tərif, nə çaş bilmədən!
2008
Dostum Ağaminin əziz oğlu
Vüqar Ağayevin nakam ömrünə
Xəbərsiz oldu ölüm xəbəri,
Qəlbi doğrandı, kəsdi xəncəri.
Cavan bir ömrü bitdi səfəri,
Bu bir dərd oldu bizə, Ağami!
Dərddən yaşardı, gölləndi gözlər,
Ağladı üzlər, soluxdu üzlər.
Bu qəmdən mənim ürəyim sızlar,
Bu bir dərd oldu bizə, Ağami!
Oğul böyüdüb, çinar edəsən,
Dözüm bəxş edib, vüqar edəsən.
Sonra da fəryad, ah-zar edəsən,
Bu bir dərd oldu bizə, Ağami!
Kaş olmayaydı ölüm, itki, qəm,
Xoş ömür, həyat sürəydi aləm.
İnsanı sıxır, ağrıdır ələm,
Bu bir dərd oldu bizə, Ağami!
Dərdimə şərik çıxdı dostlarım,
Düşüb içinə bu qışın-qarın.
Döndü xəzələ güllü baharın,
Bu bir dərd oldu bizə, Ağami!
Mövlud səbirə güc verək deyir,
Rəhmət diləyək hər ürək deyir.
Gedir haraya ərz görək deyir,
Bu bir dərd oldu bizə, Ağami!
Oktyabr, 2010
Misir Məhərrəmovun xatirəsinə
Misir misgər kimi ötkəm, saf idi,
Qəlbi təmiz, büllur, pak, şəffaf idi.
Vüqarda, dözümdə dağ idi, bir dağ,
Boyu çinar kimi şax idi, çox şax!
Hamıyla mehriban, şən dolanırdı,
Demə, başı üstə çən dolanırdı.
Fəqət birdən - birə düşdü, nə düşdü,
Yığıldı, çözəldi, həm də büzüşdü!
Bir axşam eşitdik halı dəyişdi
Susdu, oxumadı, valı dəyişdi!
Misir cavan getdi, cavan həyatdan,
Bu gözəl dünyadan, xoş kainatdan!
İyun, 2003
Sevimli müəllimimiz Müslüm
Mirzəyevin 100 illik xatirə yubileyinə
Yaxşı insanlardan Müslüm biriydi,
Qəlbi kövrək çox kövrək idi.
Nə bir ürək qırdı, nə bir qəlb əydi,
Bir ömür yaşadı düz ürəklə o!
Yalan söyləmədi, qeybət bilmədi,
Sevinc arzuladı, möhnət bilmədi.
Məhəbbət xoşladı, nifrət bilmədi,
Bir ömür yaşadı düz ürəklə o!
Halalıq, kamillik, zəhmət nuruydu,
Hər sözü, söhbəti, fikri duruydu.
Onu saxlayan da öz qüruruydu,
Bir ömür yaşadı saf diləklə o!
2002
Hörmətli müəllimimiz, gözəl ata
Müslüm Mirzəyevə
Şeiri, sənəti sevəndi Müslüm,
Hədiyyə, Cavidə güvəndi Müslüm.
Oxudu Rəsulu, Səmədi Müslüm,
Dedi Əsriyəm söz ustadının!
Yorulmaq bilmədi sözdən, sənətdən,
Güc aldı Tanrıdan, bir də ki eldən.
Nizami, Füzuli düşmədi dildən,
Bu da qüdrətidir yer övladının!
Əritdi odunda məhrumiyyəti,
Hər cür səfaləti, kin-kudurəti.
Çəkdi qoltuğuna düz – həqiqəti,
Çəkmədi adını pisin, nadanın!
Qəlbində nur kimi yandı yaxşılıq,
Nə itdi, nə də ki, söndü yaxşılıq.
Günəşdi, ulduzdu, gündü yaxşılıq,
Məramı bu oldu Müslüm atanın!
Məqsədi oxumaq, öyrənmək oldu.
Tarixə, keçmişə güvənmək oldu.
Heç zaman nə susdu, nə də yoruldu,
Sözü eldə qaldı Müslüm atanın!
Şeiri, sənəti sevəndi Müslüm,
Hadiyə, Cavidə güvəndi Müslüm
Oxudu Rəsulu, Səmədi Müslüm,
Dedi əsiriyəm söz ustadının!
İsmayıllı, 1994
O hara getdi
Xeyirxah insan, gözəl jurnalist
Rəşid Mahmudovun əziz xatirəsinə
İsti nəfəs idi, yanar od idi,
Çox kəsə o arxa, qol-qanad idi.
Xoş arzu, xoş niyyət, xoş murad idi,
O quş kimi gəldi, yel kimi getdi,
Kim imdad dilədi, imdada yetdi!
Böyük insan idi, köçdü dünyadan,
Çətin başa düşə bunu hər insan.
Deməyin əbədi getdi dünyadan,
Onun ruhu hər vaxt aramızdadır,
Cismi el-obada, yurdumuzdadır!
Elim canlı dağı, palıdıydı o,
Haqqın, ədalətim düz adıydı o.
Neçə kimsəsizin qanadıydı o,
Nəsildən-nəsilə yol salacaqdır,
Onun hər əməli yaşayacaqdır!
Dekabr, 2008
Dostları ilə paylaş: |