95
yenidən əsaslandırmağa çalışmış və qeyd etmişdir ki, o bütövlükdə
―cəmiyyətin mahiyyəti nədir?‖ sualına
cavab vermir və funksional
zəruri, faydalı anlayışları eyniləşdirmir. Belə olsaydı nəzəriyyə və
praktikanın uzlaşdırılmasını məhdudlaşdırmış olardı.
Mertona görə, funksionalizmin başlıca postulatı bunlardan
ibarətdir: bu sosial hadisə müxtəlif funksiyalara malik ola bilər və
eyni funksiya cəmiyyətin müxtəlif elementləri, sosial həyatın müxtəlif
hadisələri tərəfindən yerinə yetirilə bilər.
Bu zaman funksional nəticə ictimai münasibətlər sisteminin, eləcə
də cəmiyyətin davamlılığının
yüksəlməsinə, onun adaptasiyalılığının
artmasına şərait yaradır. Mənfi məzmunda belə nəticələr sosial
orqanizmin davamlılığını zəiflədə bilər. Bu halda söhbət
disfunksiyadan gedir. Bundan başqa R.Merton aşkar və gizli,
şüurlu
və
şüursuz funksiyaları, həmçinin hadisə və strukturların
polifunksiyalarını və monofunksiyalarını seçib ayırır. Bütün bunlar
funkionalizmi, sosiologiyanın müstəqil sahəsi olan struktur-
funksional analizə daha da yaxınlaşdırdı.
Tədqiqat nöqteyi-nəzərindən funksionalizm, sosial iş üçün səmərəli
olmaqla, onun metodoloji əsaslarını
zənginləşdirir, nəzəri və tətbiqi
sahələri üçün ümdə əhəmiyyət kəsb edir. Məsələn, sosial iş
təsisatlarını və sosial işçilər funksiyalarını nəzərdən keçirərkən,
tədqiqatçı, funksionalizm ideyalarına əsaslanmaqla, onların rollarını,
funksional vəzifələrini və həmin vəzifələrin
konkret şəraitlərdə
gerçəkləşdirilə bilmək qabiliyyət və imkanlarını sistemləşdirə bilər.
Sosial işdə həmçinin funksionalizmin aşkar və gizli, şüurlu və şüursuz
funksiyaları ilə əlaqədar müddəalar da xüsusi əhəmiyyət kəsb edir.
Eyni zamanda müxtəlif sosial sistemlərin bütövlüyü, davamlılığı və
disfunksiyalar ilə əlaqədar müddəaları da unutmaq olmaz.
Müvafiq problemlər öz nəzəri-konseptual davamını sosiologiyanın
struktur-funksional analizində də tapır.
Struktur-funksional üsul, ictimai həyatı, insanların çoxsaylı
qarşılıqlı əlaqəsi, onların sonsuz təması kim anlamağı nəzərdə tutur.
Bu əlaqələrin təhlili zamanı təkcə, həmin əlaqələrin baş verdiyi
sistemə istinad qənaətbəxş deyildir.
Bundan başqa, sistemin özündə
96
davamlı elementləri tapmaq, struktur kimi nəzərdən keçiriləcək
əlaqənin nisbətən sabit aspektlərini müəyyənləşdirmək lazımdır. Bu
strukturun rolları adətən funksiyalar kimi də xarakterizə olunur.
Dostları ilə paylaş: