Təlimin təhsilləndirici, tərbiyələndirici
və inkişafetdirici prinsipi
Bu prinsip altında təlimin təhsilləndirici, tərbiyəedici və
inkişafetdirici funksiyaları dayanır. Bunlann hər biri qarşılıqlı əlaqədə
görülür. Təlim təhsili həyata keçirmək prosesidir, təhsil isə təlim üçün
həm əsas, həm də nəticə hesab edilir. Təhsilləndirici prinsip zamanı
şagirdlər proqram üzrə nəzərdə tutulmuş bilik, bacarıq və vərdişləri
mənimsəyirlərsə, tərbiyəedici funksiya zamanı şagirdlərlə əxlaqi,
mənəvi, estetik, əmək, ekoloji, iqtisadi tərbiyə üzrə iş aparılır, onlara
müsbət keyfiyyətlər aşılanır, müvafiq adət və vərdişlər yaradılır.
İnkişafetdirici prinsip deyəndə şagirdlərin fiziki və psixi qüvvələrinin
inkişafı nəzərdə tutulur. Fiziki qüvvələrə, yerimək, qaçmaq, üzmək,
tullanmaq və s. keyfiyyətlər daxildir. Psixi qüvvələrə isə duyğular,
qavrayış, təsəvvür, təfəkkür, diqqət və s. aid edilir. Bunların hər biri
şagirdlərə müəyyən tərbiyəvi təsir göstərə bilir. Ona görə də müəllim
həmişə təlimin tərbiyəvi gücündən səmərəli istifadə etməli, istiqaməti
düzgün müəyyənləşdirməlidir. Bu prinsipin tətbiqi zamanı
müəllim-şagird münasibətlərində xeyirxahlıq, insanpərvərlik, sadəlik,
qayğıkeşlik nümayiş etdirməli, hörmət və tələbkarlığm birləşdirilməsi
özünü göstərməlidir.
Ümumiyyətlə, təlim prosesində bu prinsipin istər təhsilləndirici,
istər tərbiyəedici və istərsə də inkişafetdirici əhəmiyyəti olduqca
genişdir.
Müəllim tədris prosesində bunların hər birindən səmərəli istifadə
etməli, şagirdlərin inkişafma nail olmalıdır.
Təlimin elmilik prinsipi
Müdriklər demişkən, “Elmsiz təlim, təlimsiz elm ola bilməz”.
Təlimdə elmlik prinsipi o deməkdir ki, şagirdlərə verilən məlumatlar,
müəllimin pedaqoji işdə atdığı hər bir addım, dərsin hər hansı bir
mərhələsində şagirdlərə aşılanacaq bilik, bacarıq və vərdişlər elmi
cəhətdən əsaslandırılır. Bu prinsipin köməyi ilə müxtəlif elmlər
sahəsindəki yeniliklər təlimin məzmununa gətirilir. Elmlik prinsipinə
bir sıra başlıca tələblər verilir.
152
1.
Şagirdlərin elmi biliklərə yiyələnmələri üçün öyrəndikləri
predmet və hadisələrin düzgün, obyektiv şəkildə qavramalarını təmin
etmək lazımdır.
2.
Şagirdlər predmetlərin mühüm əlamətlərini və xassələrini,
predmet və hadisələr arasındakı əlaqələri və münasibətləri dərindən
dərk etməlidirlər.
3.
Tədrisin elmiliyi həm də terminlərin dəqiq tətbiqinə əsaslanır.
Elmdə yalnız qəbul edilmiş terminlərdən istifadə etməli və köhnə
terminləri isə müqayisə edilməlidir.
4.
öyrənilən predmet və hadisələri düzgün mənimsəmək üçün
şagirdlər
onların
müasir
elmi
mahiyyətini,
daxili
qanunauyğunluqlarını dərk etməlidirlər. Öyrənilən hadisələrin inkişaf
mənzərəsi onların təsəvvürlərində canlandırılmalıdır. Elmlik prinsipi
tədris materiallarının öyrədilməsi ardıcıllığında nəzərə alınmalıdır.
İstər dərslikdə, istərsə də müəllimin şərhində şagirdə verilən biliklər
ardıcıl, əlaqəli, şagirdlərin başa düşəcəkləri səviyyədə təqdim
edilməlidir.
Elmin, elmi məlumatların sürətlə inkişaf etdiyi bir dövrdə
şagirdləri həddən artıq elmi-nəzəri məlumatlarla yükləmək olmaz.
Ancaq mövzunun tələb etdiyi ən zəruri məlumatlar şagirdə
çatdırılmalıdır.
Təcrübə və müşahidələr göstərir ki, fənlərin tədris prosesində
şagirdlərə verilən tapşırıqlar, təbiətdə, cəmiyyətdə baş verən
hadisələrin müşahidəsi, mənbələr üzərində işləmək, araşdırmalar
aparmaq kimi qabaqcıl müəllimlərin təcrüljəsi də şagirdlərdə
tədqiqatçılıq bacarığının inkişafına təkan verir. Şagirdləri ən yeni elmi
nəzəriyyələrlə tanış etmək, elm və texnikanın müasir ideyalarını
nəzərə alaraq şagirdlərin idrak imkanlarmm artmasını təmin etmək
müəllimdən geniş məlumatlılıq və pedaqoji ustalıq tələb edir.
Elmilik prinsipi müəllim hazırlığından asılıdır, əks təqdirdə
müəllim öz yetirmələrini mütərəqqi elmi metodlarla lazımi səviyyədə
silahlandıra bilməz.
153
Təlimin humanistləşdirilməsi prinsipi
Bu prinsip pedaqogikaya son zamanlar gətirilmişdir. Lakin
humanist ideyaların tarixi qədim dövrlərə gedib çıxır. Qətran
Təbrizinin, Nəsirəddin Tusinin, Saib Təbrizinin, Nizaminin əsərləri ilə
tanış olduqda orada humanist ideyalara dair çox dəyərli nümunələrin
şahidi oluruq. Hələ XII əsrdə humanist təhsilin böyük əhəmiyyətini
duyan Nizami təhsilin məzmunundan danışmasa da, müəllimin
mədəniyyətindən söz açmış, onu humanist ideyalar yaymağa və
kamilliyə çağırmışdır.
Təhsilin humanist prinsiplər əsasında qurulması ideyası
Avropada əsasən XIV-XVI əsrlərdə formalaşmışdır. Vaxtilə
Azərbaycanda S.Urməvi, Əssar Təbrizi, İngiltərədə T.Mor, Fransada
F.Rable, M.Pariciski və digər humanistlər təlim-tərbiyə verilməsi
prosesində humanist ideyaları yaymış, fiziki cəzaya qarşı çıxmışlar.
Humanistləşdirmə prinsipi müəllim və şagird fəaliyyətləri
arasında qarşılıqlı əlaqəyə, dərin ehtirama, rəğbətə, qayğıya əsaslanır.
Şagird şəxsiyyətinə hörmət, onunla əməkdaşlığa hazır olmaq,
xoş münasibət və ünsiyyət yaratmaq humanistləşdirmə prinsipinin
əsasını təşkil edir. Buna əməl edən müəllim həmişə uğur qazanır,
şagirdlər onu sevir, fənlərinə böyük maraq göstərirlər. Əks halda
müvəffəqiyyət qazanmaq mümkün deyil. Qorxuya, cəzaya əsaslanan
təlim istər müəllim, istərsə də şagirdə heç nə vermir.
Humanist pedaqoq Melonxton hər gün məktəbə gələrkən üzünü
uşaqlara tutub deyərmiş: “Sabahınız xeyir, gələcəyin həkimləri,
müəllimləri, kanslerləri, nazirləri. Sabahınız xeyir!” Bəzən
ətrafdakılar buna gülərmiş. Deyərmişlər ki;
- «Nə üçün belə deyirsiniz?»
O cavab verirdi ki: - «bəli, mən bunların hər birində gələcəyin o
insanlarını görürəm».
Göründüyü kimi, təlim-tərbiyə müəssisəsində şagirdin
şəxsiyyətinə, mənliyinə, ləyaqətinə hörmət edilməlidir. Müəllim öz
şagirdini sevməlidir. Şərq xalqlarının bir məsəlində deyildiyi kimi,
“Müəllimə hörmət etməklə müəllim ola bilərsən”. Müəllim hər bir
şagirdin cəmiyyətə yararlı, gərəkli adam olduğunu başa salmalı və
onda inam yaratmalıdır.
Humanist münasibətlər imkan verir ki, müəllimlə şagird arasında
söhbətlər açıq ürəklə aparılsın. Çünki sərbəst fikir müba-
154
Dostları ilə paylaş: |