Türkiyə - Azərbaycan əlaqələrində bir sıra qüsurlara da yol
verilmişdir. Əvvəla, Azərbaycan - Türkiyə münasibətlərinin yaxşı
olmasında istifadə edən bəzi qüvvələr hələ möhkəmlənməmiş
Azərbaycan Respublikasını cənub qonşumuz olan İran və şimal
qonşumuz olan Rusiyaya qarşı qoymağa çalışırdılar. Türkiyə ilə İran
arasında mövcud olan müəyyən ixtilaflardan istifadə edən bu qüvvələr
Azərbaycan - İran münasibətlərini soyuqlaşdırmağa səy edirdilər.
Bütün bu cəhdlər baxmayaraq Türkiyə Rusiya ilə münasibətlərini
kəskinləşdirmədi. O, ilk növbədə Rusiya ilə mehriban münasibətləri
qaydaya salmağa çalışdı.
İkincisi, “türkün türkdən başqa dostu yoxdur” kimi açıq-aşkar
şüarlar söyləyənlər nəticə etibarilə Azərbaycan anlayışına, türkçülüyə
Azərbaycançılığa və Azərbaycan dövlətçiliyinə zərbə vururdular.
Azərbaycan ərazisində əsrlər boyu bərabərhüquqlu yaşayan, özlərini
azərbaycanlı hesab edən və Azərbaycandan başqa heç bir vətən barədə
düşünməyən milli azlıqlar tədricən soyuqlaşmağa başladılar.
Ücüncüsü,
müstəqillik illərində Türkiyə ilə qarşılıqlı
münasibətlərdə diqqəti cəlb mənfi cəhətlərdən biri bəzi şəxslərin
əvvələr bir "böyük qardaş " olan Rusiyadan çılğınlıqla uzaqlaşıb, digər
bir "böyük qardaş "a - Türkiyəyə meyl etmələri ilə bağlı idi. Lakin
Türkiyə qətiyyətlə bildirdi ki, o, böyük qardaş deyildir, bütün türk
xalqları ilə ekiz və bərabər qardaşdır. Belə mövqenin böyük
əhəmiyyəti vardı. Əks təqdirdə süni surətdə “böyük qardaş” yaratmaq
cəhdləri xalqda ələ baxımlıq, öz qüvvələrinə və müstəqilliyə
inamsızlıq, dövlət quruculuğunda fəal iştirak etməmək, qul
psixologiyası yaradırdı.
Dördüncüsü, tarix sübut edir ki, türklük yüz illərlə davam
edən dəhşətli müstəmləkə zülmünə tab gətirdi, qədim dövlətçilik
ənənəsini, mədəniyyətini və mənəvi dünyasını qoruyub saxlaya bildi.
Türk xalqları arsında dirçəliş indi daha sürətlə gedir və onların
arasında hərtərəfli qarşılıqlı əlaqələrin genişləndirilməsi zəruridir.
Ancaq Adriatik dənizi sahillərindən Sakit okeana qədər yaşayan bütün
türkləri birləşməyə, özünə qayıtmağa dünyaya sahib olmağa, böyük
türk dövləti yaratmağa səsləyən açıq-aşkar emosional çağırışlar həm
türkçülüyə, həm də başqa ölkələrlə dövlətlərarası münasibətlərin
inkşafına xələl gətirirdi. Türkçülüyə belə bəsit və bayağı münasibət
dünya sivilizasiyası tarixində özünəməxsus yer tutmuş digər xalqlarda
türk xalqlarına qarşı xoş niyyət yaratmırdı və qısqanclığa artırırdı.
93
Diplomatiya tarixinin təcrübəsi sübut edir ki, dövlətlər arası
münasibətlərin etnik amillər üzərində qurulması cəhdləri çox vaxt
uzunmüddətli uğur qazandırmır və ona qarşı müxtəlif sərt bloklar
yaradılır. Türk xalqları arasında hərtərəfli, xüsusən mədəni, humanitar
əlaqələrin maneəsiz inkşafı vacibdir və təbii - tarixi prosesdir.
Beşincisi, Azərbaycanın bir qütbdən - Rusiyadan sürətlə
ayrılıb digər qütbə - Türkiyəyə meyl etməsi onsuzda strateji müttəfiq
olan Rusiya ilə Ermənistanı daha da yaxınlaşdırır. Rusiya Azərbaycanı
Ermənistan qarşısında aciz və zəif rəqib kimi qoymaqla ona dərs
vermək istəyir. Belə şəraitdə Ermənistanın təcavüzkarlığına qarşı
Türkiyənin hətta hərbi əməliyyatlara başlamasını, silahla qüvvə tətbiq
etməsini tələb edən bəzi dairələr də var idi. Ermənistan Qafqazda
Rusiyanın işğalçılıq siyasətində, milli-azadlıq hərəkatlarının
yaradılmasında, türk, müsəlman xalqlarının əsarət altında alınmasında
bir alət olmuşdur. Və bunun müqabilində Ermənistan Rusiyadan
istədiyini almağa, yəni yeni torpaqlar ələ keçirib dənizdən-dənizə
“Böyük Ermənistan” yaratmağa çalışır. Ermənistanla Rusiya arasında
bağlanan siyasi, iqtisadi, texniki və hərbi yardım haqqında
müqavilələr də məhz buna xidmət edir. Lakin ermənilərin əli ilə
azərbaycanlıları, gürcüləri və Şərqin digər xalqlarını vurmaq əslində
geniş mənada Rusiyanın mənafelərinə ziddir. Çünki Rusiyanın tarixən
yeritdiyi və yenə də əl çəkə bilmədiyi imperiya təfəkkürlü siyasət
Moskva ilə hətta keçmiş müttəfiqləri, indi isə yaxın qonşuları arasında
qarşıdurma, açıq-aşkar düşmənçilik yaratmışdır. Rusiyanın keçmişdə
eyni dövlətin daxilində olduğu Ukrayna, Latviya, Litva, Estoniya,
Moldova, Orta Asiya dövlətləri, Azərbaycan, Gürcüstan və b. ilə
münasibətləri rəvan deyildir. Rusiya yeritdiyi zorakı, iddialı və
təzyiqli xarici siyasəti sayəsində dost olmayan dövlətlər əhatəsində
qalmışdır. Digər tərəfdən, Rusiya Federasiyasının daxilindəki türk,
müsəlman xalqları amilini də nəzərdən qaçırmaq olmaz. Mövcud
reallıq Moskvanın yaxın qonşuları, o cümlədən, türk, müsəlman
xalqları ilə normal münasibətlərini tələb etsə də, Kreml bundan hələ
çox uzaqdır. Deməli , belə şəraitdə Ermənistan Rusiya - Türkiyə
qarşıdurmasını, hətta münaqişəsini törətmək, buna xristian -
müsəlman xarakteri verməklə Qərb dövlətlərini də cəlb etməyə səy
göstərir. Ermənistanın Azərbaycana qarşı təcavüzkarlıq siyasətində
Türkiyənin tutduğu mövqe mövcud şəraitdə onun dövlət və milli
mənafelərinə xidmət edir və hərbi əməliyyatlara qoşulmamaq
94
düzgündür. Ankaraya Qərb ölkələrinin, xüsusən ABŞ-ın etdiyi
müəyyən təsiri də unutmaq olmaz. Erməni diasporunun böyük olduğu
ölkələr Türkiyəyə ciddi diplomatik təzyiqlər göstərirlər.
Azərbaycan - Türkiyə münasibətlərinin geniş prespektivləri
vardır. Bu münasibətlərin deyişən dünya reallıqlarına uyğun olaraq iki
tərəfli siyasi (məsləhətləşmələr, beynəlxalq və regional təşkilatlarda
mövqelərin uyğunlaşdırılması, diplomatik-siyasi sənədlərin
imzalanması və s.), iqtisadi,hərbi, elmi-texniki, mədəni və humanitar
sahələrdə böyük potensialı toplanmışdır. Onların hərəkətə gətirilməsi,
münasibətlərin emosiyalardan uzaq, ciddi əsasda inkişaf etdirilməsi
zəruridir.
1991-ci il noyabrın 11-də Azərbaycanın dövlət
müstəqilliyini tanıyan ilk dövlət kimi Türkiyə 1992-ci il yanvarın 14-
də diplomatik münasibətlər qurdu və 1992-ci ilin martında Türkiyə
prezidenti Turqut Ozalın səfəri SSRİ tərkibində münasibətlərin
inkişafı üçün şərait yaratdısa da, bu münasibətlər xeyli məhdud idi.
Müstəqillik e’lan edildikdən sonrakı ilk vaxtlarda iki ölkə arasındakı
münasibətlər kifayət qədər səmərəli deyildi. Bu,əsasən SSRİ
dağıdıldıqdan sonra Azərbaycanda mövcud olan rejimlə bağlı idi.
Türkiyə ilə geniş əlaqələr 1992-ci il 14 may hadisələrindən sonra
qurulmağa başladı. 1992-ci ildə Türkiyənin baş naziri S.Dəmirəlin,
xarici işlər naziri H.Çətinin, Türkiyə Böyük Millət Məclisin
deputatlarına Azərbaycana səfərləri iki ölkə arasındakı çoxsahəli
münasibətləri yeni əsasda inkişafı üçün zəmin hazırladı.
Öz növbəsində 1992-ci ildə Azərbaycan Respublikası
prezidenti Ə.Elçibəyin və palamentin sədri İ.Qəmbərin Türkiyə
Respublikasına səfərləri bu dövr üçün qarşılıqlı siyasi münasibətlərin
inkişaf dinamikasını səciyyələndirən əsas amillərdən hesablana bilər.
1993-cü ilin dekabrında Respublika parlamentinin sədri
R.Quliyev Türkiyə Böyük Millət Məclisinin sədri H.Cindorukun
də’vəti ilə Türkiyəyə qısa müddəti rəsmi səfər etdi. Səfər zamanı
ikitərəfli münasibətlər, regionda sülh və təhlükəsizliyin qorunması
məsələləri müzakirə olundu.
Həmin ilin dekabrında Azərbaycanın nümayəndə hey’əti
Türkiyə Böyük Millət Məclisinin də’vəti ilə Türkiyəyə səfər etdi.
Səfər zamanı keçirilən çoxsaylı görüşlər ikitərəfli əlaqələrin
inkişafında müsbət rol oynadı. Siyasi münasibətlərin vəziyyəti iki
ölkə arasında ticarət-iqtisadi, elmi-texniki, mədəni və humanitar
95
Dostları ilə paylaş: |