60
etdiyi rəsmi məzənnələr əsasında hesablanmış çarpaz məzənnə
üzrə hesablanır və ödənilir.
Hazırki şəraitdə yeni növ bank məhsullarının meydana
gəlməsi və tətbiqi ilə əlaqədar onların rentabelliyinin müəyyən
edilməsinin mahiyyəti də mühüm əhəmiyyət kəsb edir. Müxtəlif
növ bank əməliyyatlarında hər bir əməliyyatın xüsusiyyətləri
nəzərə alınmaqla rentabellik göstəricilərindən istifadə edilə bilər.
Cəlb olunmuş vəsaitlər üzrə rentabellik göstəricisi aşağıdakı
kimi xarakterizə olunmalıdır:
Gəlirlər (yerləşdirilən resurslara görə alınan faizlər)
Xərclər (cəlb olunmuş vəsaitlərlə hesablanan faizlər + vəsaitlərin cəlb
olunmasına çəkilən məsrəflər)
Bu göstərici müxtəlif növ bank əməliyyatları üzrə rentabellik
səviyyəsini əldə etməyə imkan vermiş olur.
Hər bir bank əməliyyatında olduğu kimi, bankın əmanət
əməliyyatı da riskli əməliyyat sayılır. Bunu, ilk növbədə, bankın
müştəriləri tərəfindən əmanətlərin kütləvi tələb olunması, əma-
nət bazarında baş verə biləcək arzu olunmayan vəziyyət və s. ilə
izah etmək olar. Bu baxımdan hər bir bankın likvidliyinin,
etibarlılığının və gəlirliliyinin təmin edilməsində bankın əmanət
portfelinin səmərəli idarə edilməsinə xüsusi diqqət yetirilməlidir.
Bu proses əmanət əməliyyatları üzrə risklərin düzgün idarə
edilməsi ilə şərtlənməlidir. Dünya bank təcrübəsində əmanət
əməliyyatları üzrə riskliliyin minimum səviyyəyə qədər azaldıl-
ması məqsədilə istifadə olunan müxtəlif metod və üsullardan
istifadə edilir.
Müasir dövrdə yerli bankların əmanət əməliyyatları üzrə
riskin qiymətləndirilməsində mühüm metodu kimi, cəlb edilmiş
vəsaitlərin strukturunun müqayisəli təhlili sayılmalıdır.
Cəlb olunmuş vəsaitlərin strukturunun müqayisəli təhlilini,
müştəri qruplarına və müddətlərinə görə həyata keçirmək olar.
Bu metod vasitəsilə bank, cəlb olunmuş vəsaitlərin əksər hissə-
sinin hansı müştərilər və hansı müddətə aid olduğunu müəyyən
etmiş olar. Bu cür müqayisəli təhlili rus iqtisadçısı Q.S.Panovanın
61
“Kreditnaya politika kommerçeskoqo banka” kitabında göstər-
diyi cədvəllər maketindən istifadə etməklə həyata keçirmək daha
məqsədəuyğundur. Çünki bu cür yanaşma hər bir iqtisadi sub-
yektin bankın passiv əməliyyatlarının inkişafındakı rolunu müəy-
yən etməklə yanaşı, bu əməliyyatın həcmindəki dəyişiklikləri və
onların bankın likvidliyinə təsir dərəcəsini müəyyən etmiş olur.
Əmanət əməliyyatı üzrə riskliliyin qiymətləndirilməsində
digər bir üsul bankın cəlb etdiyi vəsaitlərdə iri məbləğdə olan
əmanətlərin payının müəyyən edilməsidir. İri məbləğdə əmanət-
lərin xüsusi çəkisinin artması bankın resurs bazasının sabitli-
yinin azaldılmasını şərtləndirirsə, baza öhdəlikli banka, ölkənin
iqtisadi konyukturasında baş vermiş hər hansı bir dəyişikliklər
nəticəsində onun sərəncamında qalacağı vəsaitin həcmini müəy-
yən etməyə də imkan verir. Belə ki, baza öhdəlikləri bankın cəlb
etdikləri vəsaitlərin özülünü təşkil edir. Məsələn, ABŞ və bir sıra
Qərb ölkələrinin metodikasında baza öhdəlikləri bütün öhdəlik-
lərdən iri məbləğli müddətli öhdəliklərin məbləğini (100 min
ABŞ dollarından yuxarı) çıxmaqla müəyyən edilir.
Öz növbəsində baza öhdəliklərinin ümumi cəlb olunmuş bütün
öhdəliklərin məbləğlərinə nisbəti, öhdəlik bazasının etibarlılığını
müəyyən etməyə imkan verir.
Baza öhdəlikləri
Bütün öhdəliklər
Müasir dövrdə bankların əmanət bazarında fəaliyyət aktiv-
liyinin genişləndirilməsinin prioritet istiqamətlərindən biri qeyri-
ənənəvi əməliyyatların tətbiqi sayılmalıdır. Qeyri-ənənəvi bank
əməliyyatları digər maliyyə-kredit təşkilatlarının və ixtisaslaşdı-
rılmış bankların fəaliyyətlərində mövcud olan və bank fəaliyyəti
üçün klassik əməliyyatlar hesab edilməyən əməliyyatlar başa
düşülür.
Son dövrlər dünya bank təcrübəsində bankların əldə etdikləri
gəlirlərdə qeyri-ənənəvi bank əməliyyatlarının xüsusi çəkisi
artmaqdadır. Keçən əsrin sonlarında bu göstərici ABŞ-da, Böyük
Britaniyada, Almaniyada məcmu gəlirlərin üçdə bir hissəsindən
çoxunu təşkil etmişdir.
62
Azərbaycanda hələlik geniş tətbiq edilməyən əməliyyatlar-
dan biri də trast əməliyyatıdır. Bank sistemində trast əməliyya-
tının tətbiqinin və inkişaf etdirilməsinin zəruriliyini bir sıra
amillərlə izah etmək olar:
1. Bank əməliyyatlarından gələn gəlirlərin tədricən azalması;
2. Vəsaitlərin cəlb edilməsi bazarında rəqabətin tədricən güc-
lənməsi;
3. Bankların məcmu passivlərində əhalinin pul vəsaitlərinin
xüsusi çəkisinin nisbətən aşağı səviyyədə olması;
4. Müştərilərin banklardan daha geniş çeşiddə xidmət növlərini
əldə etməsi marağının artması.
5. Trast əməliyyatlarının başqa növ əməliyyatlarla müqayisədə
banklar üçün üstün olması:
– bank xərclərinin yüksək olmaması;
– vəsaitlərin cəlb edilməsi üçün imkanların qeyri-məhdudluğu;
– bankların müxbir münasibətlərinin genişlənməsi;
– bankın başqa kapitaldan istifadə etməsi və s.
Trast əməliyyatını həyata keçirmək üçün kommersiya
bankları Mərkəzi Bankdan raziliğı ilə bu əməliyyat ilə məşğul
olan xüsusi şöbə – trast şöbəsi təşkil etməlidirlər.
Bankların əmanət əməliyyatından fərqli olaraq trast əməliy-
yatının özünəməxsus xüsusiyyəti vardır. Xüsusi əmanətçilər üçün
trast əməliyyatının əhəmiyyəti onun anonimliyidir. Belə ki, trastı
idarə edən sazişçi trastı öz adından həyata keçirmək hüququna
malikdir. Adətən, kapitalın kimə məxsus olduğu haqqında heç
bir məlumat verilmir. Əgər əhalinin banklarda yerləşdirdiyi əma-
nətlərə görə faiz dərəcəsini bank müəyyən edirsə, trast əməliy-
yatında isə əksinə, əhali bu əməliyyatdan əldə etdiyi gəlirə görə
banka yalnız müəyyən haqq ödəyir.
Qiymətli kağızlarla aparılan əməliyyatlar trastın əsas obyekt-
lərindən biridir. Qeyd etmək olar ki, indiki dövrdə əhalinin əksə-
riyyətinin firma və müəssisələr haqqında düzgün məlumatları
olmadığına görə, onların səhmlərinin alınması əhali üçün riskli
xarakter daşıyır. Bu halda, trast əməliyyatı investora pul vəsait-
lərini daha risksiz investisiyalara yönəltməyə imkan vermiş olur.
Dostları ilə paylaş: |