Bütövlükdə Azərbaycanın tədiyyə balansının son illər ərzin-
dəki yekunları, xarici dövlətlərin və xarici təşkilatların ölkəmizə
olan etimadının artdığını göstərir. Hazırda ölkəmiz yüzdən çox
xarici dövlətlə iqtisadi əlaqələr yaratmışdır. Makroiqtisadi vəziy-
yətin sabitləşməsi, özəl sektorun möhkəmləndirilməsinə yönəl-
miş struktur islahatları, eləcə də iqtisadiyyatın neft sektorunun
inkişaf etdirilməsi Azərbaycanın maliyyə mərkəzlərində yüksək
investisiya reytinqi olması üçün geniş imkanlar yaradır.
50
II FƏSİL
AZƏRBAYCANDA BANK
FƏALİYYƏTİNİN MÜASİR VƏZİYYƏTİNİN
TƏHLİLİ VƏ İNKİŞAFININ ƏSAS XÜSUSİYYƏTLƏRİ
2.1. Bank fəaliyyətinin müasir vəziyyətinin təhlili
İqtisadiyyatın real sektoru ilə bank sisteminin daha fəal işlə-
məsindən ötrü, uzunmüddətli resurs bazasının yaradılması tələb
olunur. Bununla əlaqədar bank sisteminin strateji vəzifələrindən
biri əhalinin əmanətlərinin cəlb olunması üzrə işin fəallaşması dır.
Çünki əhalinin əmanətlərinin banklara cəlb olunmasını aşağıda-
kılar şərtləndirir:
– maliyyə vasitəçilərinə həm əhalinin, həm də iqtisadi sub-
yektlərin inamının artımı;
– real faiz dərəcəsinin dəyişməsi;
– əhalinin real gəlirlərinin getdikcə artması.
Ölkəmizdə əmanət işinin ənənəvi sahə olmasına baxmayaraq,
son illər ərzində sürətli artımı müşahidə olunsa da, lakin əmanət
işinin inkişafında hələ də görüləcək bir çox işlər var.
Cədvəl 2.1
Manatla müddətli əmanət və depozitlərin
müddət strukturu barədə məlumat (%-lə)
(Azərbaycan Mərkəzi Bankının illik statistik bülleteni)
01.01.11
Əmanət və depozitlərin müddəti
Faiz
1 ayadək
6,70
1 aydan 3 ayadək
4,82
3 aydan 6 ayadək
7,96
51
6 aydan 9 ayadək
8,70
9 aydan 1-ilədək
10,96
1 ildən 5 ilədək
12,67
5 ildən yuxarı
13,44
Qeyd edək ki, son dövrlər həm özəl sektor həm də fiziki şəxs-
lər tərəfindən banklara yerləşdirilən əmanət və depozitlərin həcmi
davamlı olaraq artmaqdadır. Bu isə iqtisadi subyektlər tərəfindən
bank sisteminə olan inamın artmasının davam etdiyini göstərir.
Manatla fiziki şəxslərin depozitləri manatla hüquqi şəxslərin
depozitlərinə nisbətən daha yüksək templə artmışdır. Bankların
daxili mənbələr hesabına formalaşan ümumi depozit bazası
(maliyyə təşkilatları istisna olmaqla) 794,6 mln. manat artaraq
(17,1%) 5448,8 mln. manat təşkil etmişdir. İl ərzində orta hesabla
depozit və əmanətlərin cəmi öhdəliklərin strukturunda payı
46,6%, cəmi resurs bazasında isə 38,6% olmuşdur. Məcmu öhdə-
liklərin strukturunda cəmi depozitlərin payı 01.01.11 tarixinə
49% (01.01.10-48,2%) təşkil etmişdir. 2010-cu ildə fiziki
şəxslərin əmanətləri 29,8% artaraq ilin sonuna 3029,8 mln.
manata çatmış (2009-cu ildə artım tempi 22,5% olmuşdur), hüquqi
şəxslərin depozitləri (dövlət idarəetmə orqanları daxil olmaqla)
isə 4,3% artaraq 2419 mln.manat təşkil etmişdir. 2011-ci ilin
1 yanvar tarixinə əhalinin əmanətlərinin bankların öhdəliklərində
payı 27,2% təşkil etmişdir (2010-cu ilin 1 yanvar tarixinə 24,2%).
Depozit bazasının mütləq artımı ilə yanaşı onun keyfiyyətində
də müsbət dəyişikliklər baş vermişdir. Əhalinin əmanətlərinin
strukturunda müddətli əmanətlərin payının artması müşahidə
olunmuşdur. Cari hesablarda əhalinin əmanətləri 10,4% artdığı
halda, müddətli əmanətlər 35,3% artmışdır.
Depozitlərin müddət strukturunun yaxşılaşması ilə yanaşı
onun valyuta strukturunda da müsbət meyllər müşahidə olun-
muşdur. Manatın məzənnəsinin sabitliyi şəraitində il ərzində
dollarlaşma səviyyəsi azalmışdır. Belə ki, fiziki şəxslərin milli
valyutada depozitləri il ərzində 46% artmış, ümumi əmanətlərdə
52
payı 46,5%-ə yüksəlmişdir. Əmanətçi strukturunda ciddi dəyi-
şikliklər baş verməmiş, rezident fiziki şəxslərin əmanətlərinin
ümumi həcmdə payı 91%, qeyri-rezident əmanətçilərin payı isə
9% təşkil etmişdir. Bankların öhdəliklərində Mərkəzi Bankın
bank sisteminə qarşı tələblərinin payı il ərzində 15,2%-dən
13,9%-dək azalmışdır. 2010-cu ildə maliyyə institutlarından cəlb
edilmiş vəsaitlərin həcmi (digər bankların və digər maliyyə
institutlarının kreditləri, depozitləri və digər vəsaitləri) 1 yanvar
2011-ci il tarixinə 3,6 mlrd. Manat (bank öhdəliklərinin 32%-i)
təşkil etmişdir. Qeyri-rezidentlərdən (fiziki şəxslərin əmanətləri
istisna olmaqla) cəlb olunmuş müddətli vəsaitlərin xalis artımı
111,4 mln. manat (6,4%) olmuşdur. Müddətli xarici borcların
həcmi 1,85 mlrd. manat təşkil etmiş, ümumi bank öhdəliklərində
payı 16,6% olmuşdur.
Əhalinin əmanətlərinin valyuta strukturu
(dövrün sonuna %-lə)
0
20
40
60
80
100
78
75
81
25 22
19
54
41
47
46
59
53
2008
2009
2010
Bu gün Azərbaycanda əhali öz vəsaitlərini əmanətə yerləş-
dirməmişdən əvvəl, bankların seçilməsində əsasən bir sıra amil-
53
ləri nəzərdən keçirir. Bu amillərdən əsasən aşağıdakıları qeyd
etmək olar:
1. Bankın etibarlılığı və möhkəmliyi.
2. Cəlb olunmuş vəsaitlər üzrə aparılan faiz siyasəti.
3. Bank tərəfindən təklif edilən əməliyyatların çeşidinin geniş
olmaması.
Ölkəmizdə bu gün bank əməliyyatları bazarının inkişafı istə-
nilən səviyyəyə çatmamış, bank xidmətinin keyfiyyət və kəmiy-
yət göstəriciləri hələ ki beynəlxalq standartların tələblərinə cavab
vermir və bankların əksəriyyəti öz işlərini ssuda, depozit, kassa-
hesablaşma əməliyyatları üzərində qurmaqla kifayətlə nirlər.
Müqayisə üçün qeyd edək ki, bu gün inkişaf etmiş ölkələrin
bankları öz müştərilərinə 300-ə yaxın bank xidməti, əməliyyatı
və məhsulu təklif edirlər.
Kredit təşkilatları, həmçinin banklar əmanətlər üzrə faiz
dərəcəsini və əməliyyatlar üzrə komisyon haqqlarının miqdarını
özləri müstəqil olaraq müəyyən edirlər. Lakin buna baxmayaraq,
kommersiya banklarının əmanət
əməliyyatları üzrə faiz dərəcə-
sinə müəyyən amillər təsir göstərir. Belə amillərdən biri pul-kredit
siyasətinin klassik alətləridir (xüsusilə də məcburi ehtiyat norma-
larının müəyyən edilməsi). Bu baxımdan da fiziki şəxslərin
müddətli vəsaitlərini daha geniş cəlb etmək məqsədilə, Mərkəzi
Bank tərəfindən əmanətlər diferensiallaşdırılmalı və müd dətli
əmanətlər üzrə ehtiyat normalarına ayırmalar ləğv edilmə lidir.
Belə tədbirlərin reallaşması nəticəsində müddətli vəsaitləri cəlb
etməkdə kommersiya banklarının manevr imkanları artmış olar.
Qeyd etmək lazımdır ki, 90-cı illərin əvvəllərində yerli bank
təcrübəsində öhdəliklərin belə diferensiallaşdırılması həyata keçi-
rilirdi. Yəni, banklar müddətli öhdəliklər üzrə ehtiyat normala-
rına ayırmalardan azad idilər. Lakin o zaman kommersiya bank-
larında müəyyən qanunsuzluqlara (cəlb olunmuş öhdəliklərin
əksər hissəsi müddətli öhdəliklər adı altında ehtiyat normalarına
ayırmalardan yayındırılırdı) yol verilmiş və Milli Bankın buna
nəzarəti kifayət qədər olmamışdır. Əmanətlərin diferensiallaş-
ması həyata keçirilərkən əmanət hesablarının bankın balansının
ayrı-ayrı hesablarında uçota alınması bu problemin aradan qal-
dırılmasını təmin etmişdir.
Dostları ilə paylaş: |