698
Barmaqlıqlara çatarkən yaxınlaşan maşınların işıqlarını
əsas götürüb yolun ilk bir neçə xəttini təhlükəsiz keçə
bildi. On beş saniyə içində Lenqdon adamı kor edən işıq
və acıqlı siqnal səslərinə baxmayaraq, bir xətdən digərinə
atıla-atıla keçə bildi. Nəhayət ki, o, sonuncu barmaqlığa -
dənizin otlu sahilinə çatdı.
Hələ də Siennanı görə bilməsinə rəğmən, o, çox
irəlidə idi. Sienna taksi dayanacağı və avtobusların
yanından keçib bərələrə tərəf qaçırdı. Orada cürbəcür
qayıqlar dayanmışdı - turist barjlan, su taksiləri, şəxsi
balıqçı qayıqları, sürətli təknələr. Sahil boyunca isə Qızılı
buynuzun qərb tərəfində şəhərin işıqları parlayırdı.
Sienna qarşı tərəfə keçə bilsə, Lenqdon bilirdi ki, onu bir
də tapa bilməyəcək.
Lenqdon sahilə çatar-çatmaz sola döndü, suyun
üzərində üzən taxtalara tərəf götürüldü. Məscidəbənzər
qübbəli, qızıl kimi parlaq və zövqsüz neon işləməli
flotiliyaya minmək üçün növbə gözləyən turistlər
təəccüblə ona baxırdılar.
Bosforun Las Veqası, Lenqdon qaçdıqca fikirləşdi. O,
uzaqda Siennanı gördü. Sienna daha qaçmırdı. Bərənin
şəxsi motorlu qayıqlarla dolu hissəsində dayanıb
sahiblərdən biri ilə danışırdı.
Onu qayığınıza buraxmayın!
downloaded from KitabYurdu.org
699
Yaxınlaşdıqca Lenqdon Siennanm üzməyə hazırlaşan
dar motorlu qayığın sahibi ilə - gənc oğlanla danışdığını
gördü. Kişi gülümsə də, nəzakətlə başını bulayıb “yox”
deyirdi. Sienna təkid etsə də, qayıqçı ona son dəfə “yox”
deyib çevrildi. Lenqdon yaxınlaşdıqca Sienna ona baxdı
və üzündəki qorxu geri qayıtdı. Siennadan aşağıda isə
qayığın qoşa mühərriki işə düşmüşdü, qayıq artıq
sahildən uzaqlaşmağa başlayırdı.
Birdən Sienna qıy vurub havaya qalxdı. Körpüdən
tullanıb qayığın şüşə sterninin üzərinə düşdü. Zərbəni
hiss edən sürücü çevrilib gördüyünə inanmadı. O,
qışqırıb sahildən iyirmi metr aralıda olan qayığı saxladı.
Acıqla qışqıraraq geriyə doğru addımladı. Onun
yaxınlaşdığını görən Sienna çox asanlıqla kənara çəkildi,
kişinin biləyindən yapışdı, nəbzindən sıxıb qayığın
falşbortu üzərinə yıxdı. Kişi başı üstə suya düşdü. Bir
neçə saniyədən sonra oğlan suyun üzünə çıxıb dəli kimi
çapalamağa başladı.
Sienna xilasedici yastığı ona sarı atıb qayığın qabaq
hissəsinə tərəf addımladı və qoşa drosseli sıxdı.
Mühərrik hərəkətə gəldi, qayıq sürət topladı.
Lenqdon təngnəfəs halda uzaqlaşan qayığın içindəki
parlaq ağ keçəl başa baxırdı. Lenqdonun nəzərləri üfüqə
sancıldı. Artıq Sienna nəinki uzaq sahillərə, həm də Qara
downloaded from KitabYurdu.org
700
dənizdən Aralıq dənizinə uzanan sonsuz su yollarına
çıxış əldə etmişdi.
Onu əldən buraxdım.
Bu vaxt qayığın sahibi sudan çıxdı və polisə zəng
vurmaq üçün tələsdi.
Oğurlanmış qayığın işıqları nöqtəyə döndükcə
Lenqdon özünü tənha hiss edirdi. Mühərrikin vıyıltısı da
uzaqlaşırdı.
Az sonra səs tamam kəsildi.
Lenqdon tez suya baxdı. Mühərriki saxladı?
Qayığın işıqları daha itmirdi. Hansı səbəbdənsə
Sienna Bruks dayanmışdı.
Görəsən, yanacağı qurtardı?
Lenqdon ovcunu qulaqlanna qoyub diqqətlə qulaq
asmağa başladı.
Yanacağı qurtarmayıbsa, nə məsələdir?
Lenqdon gözlədi.
On saniyə. On beş saniyə. Otuz saniyə.
Birdən mühərrik yenidən işə düşdü. Lenqdon gördüyü
mənzərəyə inanmırdı. Qayığın işıqları geniş çevrə cızıb
ona doğru gəlirdi.
O, geri qayıdır.
Qayıq yaxınlaşdıqca Lenqdon Siennanm sükan
arxasından boşluğa baxdığını görürdü. Otuz metr aralıda
downloaded from KitabYurdu.org
701
o, sürəti azaldıb qayığı ehmalca dayandığı yerdə saxladı.
Mühərriki söndürdü.
Sükut.
Lenqdon yuxandan təəccüb içində ona baxırdı.
Sienna bir dəfə belə yuxarı baxmadı.
Birdən üzünü əlləri arasına aldı. Titrəməyə başladı.
Çiyinləri qalxıb-düşürdü. Nəhayət ki, Lenqdona baxdı.
Gözlərindən yaş su kimi axırdı.
“Robert,” - o içini çəkə-çəkə dedi. - “Artıq qaça
bilmərəm. Gedəsi başqa yerim qalmayıb”.
g6 fəsil
İnfeksiya yayıldı.
Elizabet Sinskey sistemdə, pilləkənin aşağısında
dayanıb boş mağaraya baxırdı. Geyindiyi əleyhqaz onun
nəfəsini kəsirdi. Çox güman ki, yayılan hər nə idisə, ona
da yoluxmuşdu. Lakin MHD dəstəsinin ona verdiyi
kostyum və əleyhqazda Sinskey özünü rahat hiss edirdi.
Onlar ağ kostyum və möhkəm kaskalarda yadplanetli
gəmisini ələ keçirən astronavtlara bənzəyirdilər. Sinskey
bilirdi ki, yuxarıda küçədə konsertə gəlmiş yüzlərlə
adam, onlarla musiqiçi çaşqınlıq içində dayanıb nə
edəcəklərini bilmirdilər. Qarışıqlıqda əzilənlərə yardım
göstərilirdi. Çıxıb gedənlər də çox idi. Onun dizi də azca
sıyrılmışdı. Bir də həmaili parçalanmışdı.
downloaded from KitabYurdu.org
702
Virusdan daha sürətli yayılan, Sinskey fikirləşirdi,
yalnız qorxudur.
Yuxarıdakı qapılar artıq bağlanmışdı, indi yerli
mühafizə orqanları tərəfindən qorunurdu. Sinskey yerli
orqanların hədəsi
ilə üzləşəcəklərinə əmin idi, lakin türk polisinin hadisə
yerində MHD dəstəsinin biokostyumlarım görməsi və
Sinskeyin virusla bağlı xəbərdarlığını eşitməsilə ehtimal
edilən bütün münaqişələr havada əridi.
Biz yalnız özümüzə güvənməliyik. ÜST-nin direktoru
suda əks olunan sütun meşəliyinə baxdı. Heç kimi aşağı
düşmək istəmir.
Onun arxasında - pilləkənin aşağısında iki agent
böyük poliuretan parçanı açıb divara yapışdırırdılar.
Digər ikisi isə taxta lövhələrin üstündə elektron cihazlar
quraşdırırdılar.
Sanki qətl hadisəsini araşdıracaqdılar.
Elədir ki, var, Sinksey fikirləşdi. Qətl hadisəsi.
Onun yadına sistemdən qaçan nəm çadralı qadın
düşdü. Görünür ki, Sienna Bruks öz həyatını riskə ataraq
ÜST-nin cəhdlərinin qarşısını alıb və Zobristin
missiyasını tamamlamağa qərar verib. O, bura gəlib
solublon torbanı cırıb.
Lenqdon gecənin qaranlığında Siennanın arxasınca
downloaded from KitabYurdu.org
Dostları ilə paylaş: |