ifrat dərinlik quyusunda «qranit» qatının əsasi
tərkibli
proterozoy vulkanik süxurlarından ibarət olduğu, onun altda
yatan «qranulit-bazit» qatının üst hissəsinin isə qranitoid
süxurlarından ibarət olduğu müəyyən edildi. Azərbaycanda
qazılmış Saatlı ifrat dərinlikli quyuda isə geofiziki məlumatlarla
ayrılmış «qranulit-bazalt» qatının çıxışının səviyyəsində
yuxarıda yatan və «qranit» qatına aid edilən süxurlara nisbətən
silisiumla daha zəngin olan böyük qalınlıqlı yura yaşlı vulkanik
süxurlar açılmışdır. Hər iki quyuda şaquli
istiqamətdə seysmik
dalğaların paylanması ən əvvəl süxurların mexaniki xüsusiy-
yətlərilə – məsaməliliyilə, keçiriciliyilə, flüid faza ilə doyma
dərəcəsilə nəzarət olunur. Bu məlumatlar yer qabığının qlobal
yayılmış müxtəlif qatlara bölünməsinin şərti olduğuna dəlalət edir.
Üst və alt yer qabığının və ümumiyyətlə, tam yer qabığının
orta tərkibi haqqında bir neçə geokimyəvi model təklif
edilmişdir (cədvəl 2.1). Üst qabığın açılmış hissəsinə əsaslanan
orta tərkibinin qiymətləndirilməsi
bütün modellərdə eyni nəticə
vermişdir: üst qabıq orta hesabla qranodiorit tərkiblidir. Aşağı
qabığın model tərkibləri isə daha geniş dəyişir. A.A.Ya-
roşevskiyə (1985) görə qranulit-bazit qatı həqiqətən əsasi
tərkiblidir. S.R.Teylor və S.M.MakLennanın (1988) modeli isə
belə hesab edir ki, aşağı qabıqda bazitlərdən başqa, turş
süxurların müəyyən miqdarı iştirak edir; K.X.Vedepolun
(1991) modelində də bu süxurlar üstünlük təşkil edir.
Bütövlüklə götürsək kontinental qabığın orta tərkibi qabbro-
dioritdən (Yaroşevski modeli) kvarslı dioritə (Vedepolun
modeli) kimi dəyişir. A.A.Yaroşevskinin modelində əsasi, turş
və orta süxurların nisbəti 6:3:1-ə bərabərdir. K.X.Vedepolun
modelində isə əsasi süxurlar 23%, turş süxurlar isə 77% təşkil
edir.
K.X.Vedepolun modeli ona əsaslanır ki, kontinental qabı-
ğın altında yerləşən bazitlər üst mantiyanın materialından əri-
mişdir, yer qabığının üst hissəsində üstünlük təşkil edən turş
süxurlar isə onun aşağı hissəsinin qismən əriməsi nəticəsində
əmələ gəlmişdir. Turş ərintinin aşağı dərinliyə doğru
yerini də-
yişməsindən sonra aşağı qabıqda çətin əriyən qalıq materialın
(restitin) böyük miqdarı saxlanılır. Üst və alt qabıqlar arasında
sərhəd ondan yuxarıda yayılmış amfibolit fasiyasının süxurlarının
aşağıda yatan qranulit fasiyasının süxurlarına keçidlə üst-üstə
düşür.
Cədvəl 2.1
Kontinental yer qabığının orta kimyəvi tərkibi, kütlə% ilə
Oksidlər
Üst
qabıq
Alt
qabıq
Yer
qabığı
bütövlüklə
1
2
3
1
2
3
1
2
3
SiO
2
63,1
66,0
64,9
49,6
54,4
58,1
54,5
57,3
61,0
FeO
5,6
4,5
4,1
11,3
10,6
7,3
8,5
9,1
5,9
MgO
3,1
2,2
2,2
6,4
6,3
5,2
4,8
5,3
3,9
CaO
3,8
4,2
4,1
8,7
8,5
6,8
7,3
7,4
5,6
K
2
O
2,9
3,4
3,1
0,6
0,3
1,6
1,6
1,1
2,2
1 - A.A.Yaroşevski, 1985; 2 - S.R.Teylor, S.M.MacLennan, 1988;
3 - K.X.Vedepol, 1991.
Okeanlarda yer qabığı çöküntülərdən, bazaltlardan və əsasi-
ultraəsasi tərkibli maqmatik süxurlardan ibarət üç qatdan ibarət-
dir; Moxo sərhədi okeanın səthindən 12-15 km dərinlikdə yatır.
Okean qabığının I və II qatları kontinentlərin çökmə qatı ilə, III
qat isə böyük qalınlığa malik olub, kontinentlərin qranulit-bazit
qatı ilə müqayisə oluna bilər. Okeanların altında qranit-meta-
morfik qat yoxdur.
2.2. Üst mantiyanın geofiziki xüsusiyyətləri.
Seysmik məlumatlar
Moxo sərhədindən aşağıda
litosferin aşağı hissəsindən və
astenosferdən ibarət olan
üst mantiya yerləşir. Litosferin
qalınlığı Yerin müxtəlif sahələrində 50-dən 150-200 km-ə
qədər dəyişir və seysmik dalğaların yüksək sürətilə xarakterizə
olunur. Ümumiyyətlə, seysmik məlumatlara görə Yerin
13
14
həcminin çox hissəsi bərk maddədən təşkil olunmuşdur.
Astenosferin qalınlığı 250 km-ə çata bilir və seysmik
dalğaların aşağı sürətilə səciyyələnir. Elastik dalğaların
sürətinin azalmasını dənələr arasında kiçik həcmli (≤1%) silikat
ərintisinin olması ilə izah edirlər. Əgər bu belədirsə, onda aşağı
sürətli zonalarda temperatur mantiya peridotitinin solidus
temperaturuna çatmalıdır və 1200-1300
0
C təşkil etməlidir.
Astenosfer maddəsinin özlülüyü 10
18
-10
19
Pa•s kimi
qiymətləndirilir. Müasir tektonik modellər
litosfer plitələrinin
astenosfer qat üzrə yerdəyişməsinə böyük əhəmiyyət verir. Bu
prosesin hərəkətedici qüvvəsi mantiya maddəsinin konvektiv
yerdəyişməsi hesab edilir.
Lakin sonrakı geofiziki tədqiqatlar astenosfer haqqında
olan biliklərə kifayət qədər düzəlişlər etmişdir. Məlum oldu ki,
sürəti azalan zonaların qalınlığı və yatım dərinliyi müxtəlif
tektonik şəraitlərdə dəyişir. Belə zonalar kontinentlərin altında
50-dən 300 km-ə, okeanların altında 15-dən 100 km-ə qədər
intervalda dəyişə bilir. Qədim qalxanlarda isə fasiləsiz
astenosfer qat geofiziki üsullarla, ümumiyyətlə, qeyd olunmur.
Yerin seysmik tomoqrafiyası elastik dalğaların
həcmi ya-
yılmasının 500-700 km-ə qədər yayılmasını müəyyən etmişdir.
Müəyyən edilmişdir ki, nisbətən qızmış və az sıxlıqlı aşağı
sürətli maddələr tam qlobal qatlar əmələ gətirmir və mürəkkəb
morfologiyalı linzaya bənzər cisimlər şəklində olur. Q.F.Maka-
renkonun (1995) apardığı analiz nəticəsində belə
astenolinzaların kontinentlər və okeanların dibindəki bazalt
sahələrilə sahəcə əlaqəsi müəyyən edilmişdir. Kaynozoy yaşlı
bazaltlar yayılmış sahələrin altında belə linzalar 50 km
dərinlikdə qeyd olunur. Mezozoy və gec paleozoy bazaltlarının
örtüklərində isə 350-450 km dərinlikdə astenolinzalarla əlaqə
müəyyən edilmişdir. Seysmik tomoqrafiyanın nəticələri müasir
iri strukturları mantiya maddəsinin iri miqyaslı konveksiyası ilə
əlaqədar olan litosfer plitələrinin dreyfi ilə deyil, uzun sürən
geoloji proseslərin inkişafında onların törəmə olmasına dəlalət
edir.
2.3. Aşağı mantiya və Yerin nüvəsi
Aşağı mantiya yüksək təzyiqli minerallardan ibarət silikat
ultramafik süxurlardan ibarətdir. Bu sahənin seysmik sərhədləri
mineralların kristallik şəbəkəsinin strukturunun dəyişməsi və
təzyiqin funksiyası olan sıxlığın artması ilə əlaqədar faza
keçidindən irəli gəlir. Üst mantiyanın aşağı sərhədi 400 km də-
rinlikdə sıxlığı adi olivininkindən 8% yüksək olan olivinin
β
-
modifikasiyasının əmələ gəlməsilə izah edilir. 500-530 km də-
rinlikdə
β
-olivin şpinel strukturuna malik
γ
-olivinə keçir və mi-
neralın sıxlığı 2% artır. 650 km dərinlikdə dəqiq ifadə olunmuş
seysmik sərhəd maqneziovyustit:
(Mg, Fe) O və perovskit
strukturlu piroksenlə ifadə olunmuş daha sıx fazaların meydana
çıxması ilə əlaqədardır. Məhz bu sərhəd üst mantiyanın aşağı
haşiyəsi hesab edilir. 300-460
km dərinlikdə meydjorit adlanan
piroksen və qranatın sülb birləşməsi dayanıqlıdır.
Mantiya və Yerin xarici nüvəsi arasındakı sərhəd sıxlığın
və uzununa elastik dalğaların sürətinin kəskin artması ilə qeyd
edilir. Xarici nüvədə eninə dalğalar yayılmır və maddənin maye
halında olmasına dəlalət edir. Müasir modellərə görə Yerin
xarici nüvəsi nikel qatışığı olan ərinmiş dəmirdən və 5-15%
daha yüngül kimyəvi elementdən ibarətdir. Belə hesab edilir ki,
belə element kükürd, oksigen və ya silisium ola bilər. Yerin
daxili nüvəsi dəmir-nikel ərintisindən ibarətdir və xarici
nüvədən fərqli olaraq bərk halda yerləşir.
Yerin nüvəsi haqqındakı müasir təssəvürlər mübahisəli
olduğu üçün ona bir az dəqiqliklə diqqət yetirək.
Qeyd edildiyi kimi seysmik məlumatlara görə nüvə xarici
və daxili hissələrə bölünür.
Xarici nüvə ərimiş maye
vəziyyətində olan maddədən
ibarətdir. Onun əsasında qalınlığı 140 km-ə çatan keçid qat (
F
qatı) yerləşir.
Daxili nüvə bərk halda olan maddədən ibarətdir.
Yerin nüvəsinin kimyəvi və mineraloji tərkibi haqqında iki
15
16