I tipli maqnetit seriyalı qranitoidlərlə assosiasiyada olan
filiz yataqları (mis porfir, polimetal, skarn)
subduksiya ilə
əlaqədar olan sahələrdə meydana çıxır. Bu sahələrdə həmçinin
başqa geodinamik şəraitlə əlaqədar olan digər tipli yataqlar da
(qalay, volfram, vulkanogen sulfid, molibden-porfir) təzahür
etmişdir. Buradan belə bir nəticəyə gəlinir ki, bu yataqlara
nəzarət edən maqmatik süxurlar müxtəlif geodinamik
şəraitlərdə əmələ gələ bilər.
Xromitlərin filiz kütlələri harsburgitlərin təmasına yaxın
dunitlərdə, ya da harsburgitlərin hüdudlarında olan dunitlərin
cib və yuvalarında qeyd edilir (Göydərə, İpək və s. yataqlar).
Qeyd etmək lazımdır ki, xromit və titanlı maqnetit
yataqlarının maqmatik təbiəti qəbul edilmişdir. Lakin onların
əmələgəlmə mexanizmi hələ də diskussiya edilir (likvasiya,
kristallaşma diferensiasiyası, metamaqmatizm və s.).
Adalar qövslərinin və kontinentlərin fəal kənarının filiz
yataqları. Mezozoy və kaynozoy yataqlarının bir çoxunun sub-
duksiya zonası ilə əlaqəsinə birinci dəfə R.Sillitoye Şimali və
Cənubi Amerikanın timsalında diqqət yetirmişdir. O,
göstərmişdir ki, Benyof zonasının
üzərində yataqlar dəqiq
vəziyyət tutur və lateral metallogenik zonallıqda iştirak edir.
Belə ki, kontinentin kənarından onun dərinliyinə doğru ABŞ-ın
qərbində endogen filiz yataqlarının aşağıdakı ardıcıllığı
müəyyən olunmuşdur: civə, mis, qızıl, gümüş, volfram, qur-
ğuşun və molibden. Britaniya Kolumbiyasında bu ardıcıllıq
belədir: mis, molibden, sink, qurğuşun; Peruda – dəmir, qızıllı
mis, gümüşlü və misli polimetallar, sonra qızıl, qurğuşun, mis,
qalay. Metallogenik xüsusiyyət müxtəlif rayonlarda
dəyişməsinə baxmayaraq, dəmir və misin (qızıllı və molibdenli)
qurğuşun, sink, gümüş, daha sonra yəqin ki, qalay və ya
molibdenlə əvəz olunması qanunauyğunluğu vardır.
Endogen yataqlar daha geniş inkişaf etmiş və yetkin adalar
qövslərində, And tipli kontinentlərin fəal kənarında və onların
paleoanaloqlarında təzahür etmişdir. Ada qövsləri (yetkin
qövslər) şəraitində əmələ gələn yataqlara xarakter misal Kuroko
və Besxi yataqları ola bilər.
Kuroko yatağı miosen yaşlı andezit, dasit,
riolit tərkibli su-
altı vulkanitlərə (Şimali Yaponiyanın «yaşıl tufları») aiddir.
Filizin əmələ gəlməsi filizli maqmatik məhlulların dəniz suyu
ilə qarşılıqlı təsirilə əlaqədardır.
Massiv sulfid yataqları (Kuroko tipli) ada qövslərində Benyof
zonasının nisbətən sərt gömülən hissələrində inkişaf etmişdir və
maqmatizmi nəzarət edən subduksiya zonası ilə məkanca
əlaqədardır.
Qafqazda (o cümlədən, Azərbaycanda) kolçedan yataqları
şimaldan cənuba doğru hersin, kimmeriy və alp yaşlıdırlar.
Kolçedan yataqları içərisində kükürdlü, kükürd-sink-misli,
kükürd-qurğuşun-sink-misli növlər ayrılır və çox zaman barit,
manqan və dəmirin hidrooksidlərilə assosiasiya təşkil edir.
Kolçedan yataqları adətən, ada qövslərinin erkən (cavan)
mərhələsilə əlaqədardır.
R.Sillitoye ada qövslərinin və qurşaqların kənarının metal-
logeniyasına subduksiyanın rejimindən asılı olaraq baxır. Belə
ki,
Cu, Fe, Mo, Au (+Ag) filizləşməsi olan maqmatik qurşaqlar
sərt və ya mülayim gömülən Benyof zonasının üzərində xətti
strukturlar əmələ gətirir.
Filizləşmə vaxt və məkanca I-tipli
qranitoidlərin qalxması ilə əlaqədardır. Subduksiyanın yatım
bucağı azaldıqda kənar qurşaqların arxa hissəsində gümüş-
qurğuşun-sink yataqları əmələ gəlir. Yüksək silisiumlu riolitlər
və onlarla assosiasiyada olan molibden-porfir filizləşməsi sub-
duksiyanın tez bir zamanda zəifləməsi və başa çatması zamanı
təzahür edir.
İnkişaf etmiş və yetkin adalar qövslərində
I tipli
qranodioritlərlə əlaqədar olan misin, ilmenitli qranitoidlərlə,
diorit və qab-broidlərlə isə dəmirin skarn yataqları məlumdur
(Yaponiya, Filippin, İndoneziya, Azərbaycan).
Epitermal damar, xüsusilə də qızıl-gümüş yataqları, adətən,
andezit tərkibli vulkanik süxurlarda inkişaf etmişdir. Polimetal
175
176
yataqlar əhəngli-qələvili orta və turş plutonik süxurlarla assosi-
asiya əmələ gətirir.
And tipli kontinentlərin fəal kənarı tipli
geodinamik şəraitin
bir tərəfdən porfir (mis, qızıl, molibden), digər tərəfdən hidro-
termal (qalay, volfram və nadir elementlər) əhəmiyyətli
yataqları məlumdur. Çox zaman bu yataqları əvvəlki fəsillərdə
qeyd etdiyimiz
I- və S tip qranitoidlərlə əlaqələndirirlər (Chap-
pell, White, 1974). Yada salaq ki, onlardan birinci tip diorit və
qranodiorit-qranit, ikinci isə qranit-leykoqranit qrupuna (və ya
standart və litium-flüorlu geokimyəvi tipə) aid edilir.
Porfir yataqlar, əsasən and tipli kontinentlərin fəal kənarında
əhəngli-qələvili vulkan-plutonik (maqmatik) qurşaqlarda yayılmışdır.
Mis porfir filizləşməsilə assosiasiyada olan maqmatik süxurlar
kvarslı dioritlərdən adamellitlərə qədər geniş spektrlə təmsil olun-
muşdur.
Ada qövslərində hornblendli, hornblend-biotitli və normal
qələvili kvarslı dioritlər, kontinental kənarda isə yüksək qələvili
qranodioritlər, kvarslı monsonitlər üstünlük təşkil edir.
R.Sillitoye belə nəticəyə gəlmişdir ki, mis porfir yataqların
əmələ gəlməsi andezit-dasit stratovulkanların altında subvul-
kanik şəraitdə baş verir. Ola bilsin ki, yataq iri intruziv
cisimlərin üstündə ştokların apikal hissələrində inkişaf etmişdir
və onun üstündəki vulkanitlərlə müşayiət olunur. Yatağın
əmələgəlmə dirinliyi 2-3 km-dir.
S.Kesler göstərmişdir ki, porfir yataqlar molibden və qızıl
saxlayan tiplərə bölünür. Qızılla zənginləşmə çox zaman ada
qövslərində təzahür etmişdir.
Əksər porfir yataqları hidrotermal
dəyişmiş plutonik və ya
subvulkanik əhəngli-qələvili riolit və qranodioritlərdə
yerləşmişdir. Dəyişmə mərkəzdə kaliumlu metasomatitlərin,
haşiyələrdə isə argillizit və propillitlərin əmələ gəlməsilə ifadə
olunmuşdur. İlkin filiz mineralı bornitli xalkopirit və çoxlu miq-
darda piritdən ibarətdir. Kalium metasomatozunun mərkəzi
zonası maqmatogen flüidlərin təsirilə, haşiyələri isə meteor su-
larının dövr etməsilə əlaqədardır. Mis və başqa metalların və
həmçinin kükürdün mənbəyi intruziv porfir süxurlardır.
Adalar qövslərində mis porfir yataqları ilə əlaqədar olan in-
truziv süxurlarda
I
Sr
0
0,703-0,704 təşkil edir ki, bu qiymət də
adalar qövslərinin filizsiz maqmatik süxurlarına yaxındır.
Kontinentlərin fəal kənarında filizli intruziv süxurlar daha kalium-
ludur və
I
Sr
0
= 0,704-0,709-a bərabərdir, yəni onların
mənbəyi
kontinental qabıqla əlaqədardır. Lakin başqa geokimyəvi
məlumatlar adalar qövsündə və kontinentlərin fəal kənarında yax-
ındır.
Qeyd etdiyimiz yataqlarla yanaşı, adalar qövsündə və
kontinentlərin fəal kənarında qalay, volfram, gümüş, polimetal,
mis, dəmir, maqnetit-hematit-apatit və bir çox başqa porfir,
hidrotermal yataqlar məlumdur. Onların maqmatizmlə əlaqəsi,
filiz cisimlərinin mənbəyi, geodinamik əmələgəlmə şəraiti uy-
ğun ədəbiyyatlarda kifayət qədər işıqlandırılmışdır.
Kolliziya şəraitindəki filiz yataqları. Himalay tipli sadə
müasir kolliziya şəraitində filiz yataqları məlum olmasa da,
başqa regionların qalay, volfram, nadir elementlər yataqlarını
məhz bu geodinamik şəraitlə əlaqələndirirlər (Mitçell, Qarson,
1984). Bu geodinamik şəraitdə
S-tip qranitoidlər formalaşmış-
dır.
Belə hesab edilir ki, burada qranitlər plitəyəbənzər for-
madadır, filiz əmələgəlmədə isə günbəzəbənzər strukturlar
əlverişlidir. Qeyd etmək lazımdır ki, Qafqazın Azərbaycan
hissəsində gec kolliziya dövründə bir sıra yataq və təzahürlər
vardır. Onlara Ağduzdaq qızıl, Ordubadda mis-porfir qrupu
yataqları, Darıdağ arsen-sürmə, Ağyataq civə və s. yataqları
misal göstərmək olar. Onlar əsasən orta və turş tərkibli əhəngli-
qələvili, subqələvi vulkan-plutonik assosiasiyalarla paragenetik
əlaqədardır.
Mürəkkəb geodinamik şəraitlərin filiz yataqları. Onlara
metallogenik aspektdə Monqol-Oxot və ya Kaliforniya və Ar-
alıq dənizi-Himalay geodinamik şəraitləri aid edilir. Müasir Ka-
liforniya şəraiti
üçün molibden, nadir litofil elementlər
(xüsusilə berillium), polimetal və nəcib metallar, sulfidlər, civə
177
178