119
PAHTEI
PROCEEDINGS OF AZERBAIJAN HIGH TECHNICAL EDUCATIONAL INSTITUTIONS
VOLUME 27 ISSUE 04 2023
E-ISSN: 2674-5224
İşğaldan azad edilmiş rayonlarda bərpaetmə işlərinin digər istiqamətini
qida və emal sənayesi
sahəsində aparılan tədbirlər təşkil edir. İşğaldan azad edilmiş ərazilərdə qida sənaye xammal
bazasının bərpasının əhəmiyyəti və imkanlarını araşdırmaq məqalənin əsas məqsədini təşkil edir.
Problemin aktuallığı və əlaqəli tədqiqatlar
İşğaldan azad olmuş ərazilərdə bərpa və yenidənqurma işlərinin aparılması müasir dövrün
aktuallıq tələb edən məsələsidir. Qida sənayesinin bu ərazilərdə
inkişaf etdirilməsi dövlət
tərəfindən tənzimlənir. Eyni zamanda bu ərazilərin əlverişli şəraiti kənd təsərrüfatı və yeyinti
sənayesinin inkişafına öz müsbət təsirini də göstərəcəkdir.
Metodlar
Tədqiqat zamanı bir neçə metodlardan istifadə olunmuşdur. İlk növbədə məntiqi, analiz və sintez
metodlarından istifadə etməklə məlumatlar toplanmış, daha sonra isə tədqiqatın məqsədləri üçün
tələb olunan qaydada birləşdirilmişdir. Empirik məlumatların tədqiqi vasitəsilə işğaldan azad
olunmuş ərazilərdə qida sənayesinin mövcud vəziyyətini öyrənmək
və problemlərin təhlilini
aparmaq, həmçinin regionun qida sənayesinin potensialını müəyyən etmək
mümkün olmuşdur.
Qida sənayesi emal sənayesinin mühüm sahələrindən biri olmaqla, ərzaq təhlükəsizliyinin təmin
edilməsində əsas resursdur. Müxtəlif texniki-texnoloji proseslərə və infrastruktura malik olan
yeyinti sənayesi kənd təsərrüfatı ilə birlikdə xalq təsərrüfatının formalaşmasında, iqtisadi və siyasi
müstəqilliyinin təmin edilməsində böyük əhəmiyyət kəsb edir. Əhalinin həyat səviyyəsi və onların
fiziki həyatı əsasən kənd təsərrüfatının və yeyinti sənayesinin inkişaf səviyyəsindən asılıdır. Qida
sənayesi tərəvəz, meyvə, şəkər, ət, süd, tütün, çörək, pivə, alkoqollu
və alkoqolsuz içkilər,
qənnadı məmulatları istehsalı və s. kimi xammalın ilkin və təkrar emalını əhatə edir. Bu, müxtəlif,
ekoloji cəhətdən təmiz qida fondunun yaradılması üçün strateji əhəmiyyətli sahədir. Sənayenin
əhəmiyyəti nəzərə alınaraq, kənd təsərrüfatı məhsulları istehsalı müəssisələrinin və yeyinti
sənayesi müəssisələrinin özəlləşdirilməsi
həyata keçirilmiş, müstəqilliyin ilk illərindən yeni
mülkiyyət münasibətlərinin formalaşdırılması istiqamətində ardıcıl və məqsədyönlü tədbirlər
həyata keçirilmişdir (Guliyev E.A., 2020:52 s).
01.01.2021-ci il tarixində
statistik məlumatlara əsasən, ərzaq məhsulları istehsalı üzrə 393, içki
istehsalı üzrə 120, tütün məmulatları istehsalı üzrə 10 müəssisə fəaliyyət göstərmişdir. Bu
müəssisələrin 44,5 faizini yeyinti məhsulları istehsalı üzrə orta və iri müəssisələr, 45,8 faizini içki
istehsalı müəssisələri, 60 faizini isə tütün məmulatlarının istehsalı üzrə müəssisələrin orta və iri
müəssisələri təşkil edib. Əgər 2014-cü ildə ərzaq məhsullarının istehsalı ilə məşğul olan
müəssisələrin 95,3 faizini qeyri-dövlət müəssisələri təşkil edirdisə, 2021-ci ildə onların
xüsusi
çəkisi 98,2 faiz təşkil edib. 2014-cü ildə yeyinti sənayesinə əsas kapitala yönəldilmiş
investisiyalar 2018-ci ildəki 92,6 milyon manatdan 196,6 milyon manata çatıb. İnvestisiyaların
91,6%-ni (180,1 mln. manat) daxili investisiyalar təşkil edib (Abbasov İ.M., Aliyev T.N., 2018:
60 s.).
Bildiyimiz kimi qida sənayesinin əsas xammal təminedicisi kənd təsərrüfatıdır. İşğaldan azad
olunan ərazilər Azərbaycan iqtisadiyyatında önəmli yer tutan iri kənd təsərrüfatı regionudur.
Regionda əlverişli torpaq-iqlim şəraitinin olması ərazidə kənd təsərrüfatının bitkiçilik və
heyvandarlıq sahələrinin inkişafına geniş imkanlar yaradır.
Hazırda yerli taxılçılığın və üzümçülüyün faktiki inkişaf dinamikasını
nəzərə alsaq, rayonun
taxılçılıq və üzümçülükdə payının təxminən eyni olacağı gözlənilir. Bundan əlavə, Qubadlı,
Zəngilan rayonlarında ənənəvi becərilən tütün, Ağdam və Füzuli rayonlarında pambıq, Cəbrayıl,