Nəticədə isə bir gecəyə toplanan bilik çox zaman semi‐
nar və ya imtahan bitdikdən sonra unudulur.
BEŞ ADAM VӘ PITSA
Әnənəvi olaraq, müəyyən universitetlərin təlim
metodlarının əsasında tədqiqatlar (case studies) təşkil
edir. Harvard buna yaxşı nümunədir. Roçester
Texnologiya İnstitutu da real və uydurma şirkətlərin
problemlərini həll etmək üçün fərqli keyfiyyətə və mil‐
liyətə mənsub olan tələbələri işə cəlb etmək kimi yaxşı
təcrübəyə malik idi. Mən “Global Marketing” dərsində
ikisi amerikan, biri türk və biri də puerto rikalı olan 5
tələbədən ibarət qrupda olduğumu xüsusilə xatır‐
layıram. Bu birgə qulaq asıb son qərarı qəbul edən,
müxtəlif mədəniyyətli olan komanda üzvləri ilə ilk iş
təcrübəm idi. Xatırlayıram ki, beşimiz də içkilərimiz və
iri pitsamız qarşımızda kitabxanada oturub mühüm bir
məsələ ətrafında müzakirə aparıb “dalaşırdıq” (daha
dəqiqi, dünya üzrə müxtəlif bazarlarda özümüzün uy‐
durduğumuz bir məhsula qiymət qoyma strategiyası
üzərində mübahisə edirdik) və birdən ağlıma gəldi ki,
bu cür çalışmağımız adi bir müəssisədəki işçi iclasına
bənzəyir. Professorlar təhsil təcrübəmizin həqiqi biznes
mühitinə oxşar olması üçün bizi qruplarda işləməyə
həvəsləndirirdilər.
Azərbaycanda heç vaxt tədqiqat metodundan isti‐
fadə etmədiyimə görə, iki yanaşmanı müqayisə etmə
imkanım yoxdur. Doğrudur, ölkəmizin bəzi özəl elm
müəssisələri bu metoddan istifadə etməyə başlayıblar.
Lakin buna baxmayaraq tədqiqat metodundan tam isti‐
fadə edilməsinə hələ çox var.
SӘN BUNU EDӘ BILMӘZSӘN!
Amerika məktəblərində qadağalar çox da müşahidə
olunmur. Әlbəttə, auditoriyaya çılpaq gəlib həyasızlıq
etmək olmaz, ancaq sən fikirləşdiyini deməkdə və
özünü rahat hiss etdiyin şəkildə aparmaqda sərbəstsən.
Tam başqa bir düşüncə tərzinə malik, fərqli təhsil sis‐
teminin məzunu kimi mən, bu yeni reallığa uyğunlaş‐
malı idim. Bu, çox xoşagələn bir keçid idi. Dəyişikliklər
sinfə soyuq alma şirəsi gətirmək, ayağını bir‐birinin
üzərinə aşıraraq stulda oturmaq, auditoriyaya sərbəst
şəkildə girib‐çıxmaqla başladı.
Amerikada müəllim‐tələbə münasibəti iki bərabər
tərəflər arasında olan münasibətdi. Azərbaycanda isə bu
münasibətləri xarakterizə edən müəllimin “üstünlüyü”
və tələbənin “əskikliyidir”. Amerikada professor sənə
sual verir və tələbələr arasında debata həvəs oyadır. Әl‐
bəttə, müəllimin hər zaman müdaxilə etməyə və ya bir
ideya təklif etməyə haqqı var. Lakin bu cür müdaxilələr
fikir sahibi olan şəxsi fikrindən daşındırmaq demək
deyil. Bu, qərar vermək deyil, əksinə, problemi həll et‐
məyin bir çox yolları olduğunun başa düşülməsi kimi
dəyərli müzakirəyə, yüksək hədəfə müəllimin də maraq
və sövq göstərdiyini nümayiş etdirir.
Bir çox dərslərdə mən, keçmiş Sovet İttifaqından
olan yeganə insan idim və bir çox məsələlərdə fikir
ayrılığı üstünlüyündən zövq alırdım. Mənim təcrübəm
köhnəlmiş hesab olunmurdu. Әksinə, bu unikal və
ciddi potensiala malik ideyalar kimi görünürdü. Bir
dəfə mən Azərbaycan televiziyasındakı reklamların
başlanma erası haqqında danışdım və auditoriyada
oyat dığım maraq məni təəccübləndirdi. Dinləyicilər, heç
bir mühakimə yürütmədən, sadəcə olaraq qulaq as‐
maqla unikal bir təcrübəni başa düşməyə çalışırdılar.
Azərbaycanda sən hər yerdə qadağalarla rastlaşır‐
san: dərsdə nə içə, nə də yeyə bilərsən, nə də icazəsiz
auditoriyanı tərk edə və yaxud da, istədiyin kimi
hərəkət edə bilərsən. Әn əsası isə, sən müəlliminin söz ‐
lərinin həqiqətə uyğun olub‐olmamasını açıq şəkildə
şübhə altına ala bilməzsən. “Müəllim, mən Sizinlə razı
deyiləm” ifadəsini əksər hallarda Azərbaycan univer‐
sitetlərinin auditoriyalarında səsləndirə bilməzsiniz. Bu‐
rada müəllimlərin fikirləri ilə bağlı sual yaratmaq
onların nüfuzlarını sual altına qoymaq deməkdir. “Bu‐
rada böyük mənəm, böyük isə hər zaman haqlıdır”
deyə müəllim özünə bəraət qazandırır.
“HÖRMӘT”: OKEANIN HӘR İKİ
TӘRӘFİNDӘ FӘRQLİ MӘNA
Təhsildə rüşvətxorluq dəhşətli bir fenomendir və
cəlb olunan bütün tərəfləri, hər şeydən əvvəl tələbə və
müəllimləri zəiflədir. Bu, isə çox vaxt müəllimləri
həvəslə işləmək, tələbələri isə həvəslə oxumaq
istəyindən uzaqlaşdırır.
Azərbaycanda tələbə müəllimə yaxınlaşarkən işlət‐
diyi “hörmət” sözü müəllimin tələbənin biliyinə verdiyi
qiymət və tələbəyə göstərdiyi münasibəti rüşvətlə ələ
almaq mənasını kəsb edir.
Müəllim və tələbələr heç bir mənfi əlaqələrlə bir‐biri ‐
nə bağlanmadıqlarına görə, onlar sərbəst şəkildə söhbət
və müzakirələr edə bilir. Әn vacib məsələ bundan
ibarətdir ki, onlar auditoriyanı öyrənmək və öyrənilən
bilikləri təcrübəyə tətbiq etmək üçün ən yaxşı mühit
hesab edirlər. Onlar bir‐birindən öyrənirlər və bu,
sadəcə gözəl sözlər deyil. Dərslərimin birində zəngin
mədəniyyət nümunəsi kimi Azərbaycan haqqında qısa
www.aaa.org.az
“MÜӘLLİM, MӘN RAZI DEYİLӘM!”. ATLANTİK OKEANIN O TAYINDA FӘRQLİ TӘLİM VӘ TӘHSİL
30
Amerikada eyni sözün tam fərqli mənası var:
müəllimlərə hörmət edirlər, çünki onlar bilik‐
lidirlər və tədris müəssisəsində tələbələrin
taleyinin üzərində müəyyən bir qüvvəyə sahib‐
dirlər. Hörmət, çox vaxt müəllimin sənin haqqında
fikrini yalnız tədris müəssisəsindəki perfoman‐
sına görə müəyyənləşdirməsi səbəbindən irəli
gəlir.