166
fillokseraya davamlı calaqaltılara calanmış əkin materialı ilə salmaq istəyir və bu
işdə müəyyən çətinliklərlə üzləşirlər. Calaq istehsal edən müəssisələr tamamilə
dağılmış və fillokseraya davamlı calaqaltılar məhv olmuşdur.
Bizim fikrimizcə gec-tez respublikada bu işlərə qayıdılacaq, ancaq yaxşı olar
ki, fillokseraya davamlı calaqaltı anaclıqların salınmasına indidən başlansın.
Amerikan tənəklərinin calaqaltı kimi istifadə edilməsinin təşəbbüskarı
amerikalı Rayli olmuşdur.
Sonralar bu fikri fransız Lyaliman müdafiə etmişdir. O, müşahidə etmişdir ki,
1850-1860-cı illərdə Amerikadan Fransaya gətirilən tənəklər fillokseranın
təsirindən məhv olmuş yerli tənəklər yanında salamat qalmışdır. Bu baxımdan
1869-cu ildə Lyalimanda belə bir fikir yaranmışdır ki, yerli sortları amerikan
sortlarına calamaq lazımdır. Bu fikir Planşonun amerikan üzümlərini hərtərəfli
öyrənməsindən sonra daha da inkişaf etdirilmişdir. Məşhur fransız üzümçüləri
Millyarde, Viala, Ravaz, Kuderk və başqalarının 1878-ci ildən sonra yaratdıqları
fillokseraya davamlı calaqaltı sortlar calaq işində böyük rol oynamışdır.
Amerikan tənəklərinin fillokseraya davamlılığı haqqında bir çox hipotezlər
vardır. Bu sahədə aparılan dəqiq tədqiqatlara qədər belə hesab edilirdi ki,
amerikan tənəklərinin yeraltı və yerüstü hissələri o qədər güclüdür ki, filloksera
onu (kökü) yeyib çatdıra bilmir, daha doğrusu, fillokseranın zədəsini bitki tezliklə
bərpa edir. Bu izahat üzümçüləri razı sala bilməzdi. Təcrübələr göstərirdi ki, zəif
gücə malik amerikan tənəklərinin bəzi sortları filloksera olan yerdə normal
böyüməkdə davam edir. Əksinə, bəzi hallarda güclü böyüyən yerli tənəklər
fillokseranın zədəsindən tezliklə sıradan çıxır.
Sonralar yeni hipotezlər meydana gəldi. Buten fillokseraya davamlılığı belə
izah edir ki, amerikan tənəklərinin kökündə xüsusi plastik maddələr davamlılığı
artırır.
Krimmer amerikan tənəklərinin fillokseraya davamlılığını kökün uducu
zonasının quruluşu ilə izah edir. O, qeyd edir ki, həmin hissədə interkutis amerika
tənəklərində iki qatlı, avropa tənəklərində bir qatlıdır.
Foeksə görə avropa tənəklərindən fərqli olaraq amerikan tənəklərinin kökləri
yüksək oduncaqlaşma qabiliyyətinə malikdir, qabığı nazik, özək şüaları düz və
çoxsaylıdır.
Milliardeyə görə amerikan tənəklərində köklərin regenerasiya qabiliyyəti
yüksəkdir. Kökün zədəli hissəsində mantar hüceyrələrindən ibarət qatın tez əmələ
gəlməsi daxili toxumaları çürüməkdən qoruyur.
Berner və Zodinner belə hesab edir ki, qida ixtisaslaşmasına görə filloksera
avropa tənəklərini xoşlayır.
İtaliya alimi Tsanottinin tədqiqatlarına görə qohumluq calaqaltı ilə
calaqüstündə az və ya çox dərəcədə mövcud olan anatomik quruluşu, proto
167
plazmatik təbiəti və fizioloji fəaliyyətinin hormonluq dərəcəsidir.
Alman üzümçülərindən K. Kryomer və V. Mooq belə hesab edirlər ki, calaq
vasitəsilə bir-birinə birləşdirilmiş bitki fizioloji cəhətdən bir-birinə uyğun gələrsə,
onda belə bitki hətta üzüm üçün az yararlı torpaqlarda bitər və məhsul verər.
L.Riv müxtəlif üzüm sortlarının çubuqlarından nümunələr götürüb analiz
etmiş və kimyəvi tərkiblə affinitetlik arasındakı əlaqəyə diqqət yetirmişdir və
müəyyən etmişdir ki, pis tutan calaqlarda kalium duzları və fosfor turşusu azdır.
Məşhur fransız alimi P. Qale belə hesab edir ki, eyni vegetasiya gücünə malik
olan kombinasiyalar calandıqda yaxşı tutur. Məsələn, əgər məhsulun yetişməsinin
tezləşdirilməsi nəzərdə tutularsa, onda belə sortları qısa vegetasiya müddətinə
malik olan calaqaltılarına calamaq lazımdır.
Argentina alimi A. Sluaqa affinitentlik məsələsini İtaliya alimi A. M. Tsanot
tinin əksinə olaraq anatomik quruluşa görə yox ( gövdənin yoğunlaşması), kombi
nasiyaların uzun ömürlü və onların məhsuldarlığı ilə izah edir.İspan alimi
Dalmasso affinitetliyin iki növünün mövcud olmasını qeyd edir:
1.Morfoloji (calaqaltında və calaqüstündə gövdənin nazik və yoğun olması).
2. Fizioloji (hər iki komponentdə maddələrin kimyəvi tərkibcə bir-birinə
yaxınlığı).
O, ikincini əsas götürür və komponentlərin məhsuldarlığı və uzun
ömürlülüyünü bu növ affinitetlikdən asılı edir. Bu nəzəriyyəni təsdiq etmək üçün
Amerikanın Mendoz İnstitutunda 5 sort 60 kombinasiyada 12 calaqaltına calan
mışdır. Üç il müddətində calaqaltının və calaqüstünün diametri ölçülmüşdür.
Riyazi olaraq müəyyən edilmişdir ki, gövdənin aşağıda və yuxarıda
yoğunlaşmasının məhsuldarlığa heç bir təsiri olmamışdır.
İ.V.Miçurin göstərmişdir ki, calağın tutması və ya pis tutması calaqaltı ilə
calaqüstündə qida maddələrinin xarakterindən asılıdır.
Moldova alimləri V.S.Selin, L.M.Maltabar və L.V.Kolesnikin tədqiqatları
nəticəsində müəyyən edilmişdir, üzümdə calaq işinin müvəffəqiyyətsizliyi
qidalanmanın uyğunsuzluğu ilə əlaqədardır. Onlar nişanlanmış fosfordan istifadə
etmişlər. L.V.Kolesnik affinitetliyi calaqaltı ilə calaqüstünün tərkibindəki
maddələrin kimyəvi tərkibcə uyğunluğu kimi izah edir.
50-60 il öncə fransız alimlərindən Y.Şankren və X.Lonqun fikrincə
affinitetlik calanan bitkilər arasında sıx əlaqə və ahəngdarlıqdır. Bunlar elə
olmalıdır ki, calaq nəticəsində alınmış yeni bitki gələcəkdə calağın təsirindən
zərər çəkməsin.
Ən yaxşı qohumluq ondan ibarətdir ki, calanmış bitki (calaqaltı +calaqüstü)
özünü
öz kökü üstündə bitən bitki kimi aparır. Əgər qohumluq yoxdursa, onda calaq
heç vaxt müvəffəqiyyətli ola bilməz.