Nizami Tağısoy
Qaraqalpaq ədəbiyyatı
74
75
kitabın da əsərin bir sıra keyfiyyətləri
təqdir edilsə də, nədənsə
alim «Qırx qız» eposunda digər dastanlarla müqayisədə dini
motivlər və inanc elementlərinin azlığından şikayətlənmişdir.
K. Maksetova görə qəhrəmanlar pirlərə, məsələn, «Koblan»
dastanındakı kimi öz gücsüzlüklərinə görə yox, oturaqlaşmış
ənənəyə görə səcdə qılırlar. Xalq qəhrəmanlarının cəsurluğu
və gücü allahın və peyğəmbərlərin «hər şeyə qadir ola
bildiklərini» arxada qoyur. «Qırx qız»da din insanların
taleyinə heç bir təsir göstərmir. Onlar qələbəni yalnız öz
ağıllarının gücünə söykənərək əldə edirlər. Üstəlik, allah
insanlarla real gerçəklikdə üz-üzə dayanarkən gücsüz olur.
5
Tədqiqatçı dinlə, allahla bağlı mülahizələrini bununla da
sonuclamır və daha sonra yazır: «Məsələn, söyləyicilər Jurın
çobanın başına gələnlərdən söhbət açarkən allaha ümidini
bağlayıb öz sürüsünü yiyəsiz, nəzarətsiz qoyub Gülayimin
ürəyinin ələ alınması ilə bağlı məqamı haqqında ironiya
ilə danışırlar».
6
Bu isə «Qırx qız» dastanının yuxarıda qeyd
etdiyimiz və K.Maksetovun
nəzərdən keçirdiyi Qurbanbəy
Tajıbəyov repertuarında mətnin onlarca yerlərində
qəhrəmanların (Gülayim, Arıslan, Sərfinaz, Altınay və
başqalarının) pirlərə, ziyarətgahlara, ocaqlara, övliyalara,
peyğəm bərlərə, Allaha yaxından müraciət etdiklərinin şahidi
oluruq. Deməli, dastanda dindən və inanc elementlərindən
istifadə heç də K.Maksetovun göstərdiyi kimi adda-budda
xarakter daşımamış, əksinə qəhrəman və personajların
müqəddəslərə müraciəti sistemli və şüurlu şəkildə əks
olunmuşdur. Elə buna görə də dastanı məhz dini motiv və
inanclar kontekstində araşdırmaq
da yetərincə səmərəli ola
bilər.
Qurbanbəy jıraunın mətnində dini müqəddəslərə mü-
raciətin yer alması təsadüfi hesab edilə bilməz. Öz xal qının
etnik-milli adət-ənənəsi, həyat tərzi, dini baxışları ilə dərindən
tanış olmayan söyləyici heç bir halda Xudaya, Allaha, Tanrıya
düşüncəsində bu qədər geniş yer də ayıra bilməzdi. Əgər
nəzərə almış olsaq ki, dastanın söylənilməsində mükəmməl
jırauçılıq ənənələri mövcud olmuş və bu XVIII-XIX əsrlərin
əvvəllərin də yaşayıb yaratmış xalq həyatına bütün yaradıcılığı
ilə bağlı olan Jien Jıraudan gəlir, belə olduqda müqəddəslərə
xalq düşüncəsində nə üçün bu qədər geniş yer verildiyini də
aydın şəkildə anlaya bilərik.
Allaha, Xudaya, Tanrıya müraciət dastanda planlı, ardıcıl
şəkildə olmaqla, həm də mətnin mühüm atributu kimi çıxış
edir:
Men jılayman bir qudayğa zar-zar, Mən ağlaram bir Xudaya zar-zar,
Qışlar bolsa üzgin ürip yawar qar, Qış olanda boran olub yağar qar.
Bağ içinde sayran etken qırq qızım, Bağ içində seyran edən qırx qızım
Az da bolsa aytatuğın sözüm bar.
7
Az da olsa söyləyəcək sözüm var.
Dastanın ikinci fəslində isə biz eyni müraciəti Altınayın dilindən eşidirik:
Men jılayman bir qudayğa zar-zar, Mən ağlaram bir Xudaya zar-zar,
Qışlar bolsa üzgin ürip yawar qar, Qış olanda boran olub yağar qar,
Bul maydanğa kelgen barlıq xalayıq Bu meydana gələn bütün xalqımız,
Az da bolsa aytatuğın sözim bar.
8
Az da olsa sözləyəcək sözüm var.
Dastanda bütün mətn boyu biz bu tipli müraciətlərin şahidi oluruq:
- Aşıwlansan berdim sağan ixtiyar, Öfkələnsən verdim sənə ixtiyar,
Sen jıladın bir qudayğa zar-zar, Sən ağladın bir Xudaya zar-zar,
Mülgiy berme kötirib tur basındı, Mürgüləmə, yuxarı tut başını
Bu Sarkopta atqa şıqqan Allayar!
9
Bu Sərkopda ad çıxaran Allahyar.
Bu, kalmık xanı Surtayşa
ilə Allahyar bəyin təkbətək
üz-üzə gəldiyi andır. «Allahyar «əlini açıb Allaha, sığındı
pirlərinə» və sonra Surtayşanın qarşısına çıxdı».
10
Surtayşa
Allahyarın yaxasını yırtıb ona zərbə endirərkən Allahyar
qəzəblənir və Surtayşanı lənətləməklə pirlərə acıqlanır və
“kalmık pirləri qədər yoxsunuzsa, sizə pir deyilərmi”, - deyə
soruşur.
Nizami Tağısoy
Qaraqalpaq ədəbiyyatı
76
77
Gərgin mübarizədə, əlbayaxa döyüşdə Allahyar Surtay-
şaya məğlub olduğunu görüb biçarə vəziyyətdə qalır, göz
yaşını axıdaraq yenə də zarıldayır:
Men jılayman bir qudayğa zar-zar, Mən ağlaram bir Xudaya zar-zar,
Qışlar bolsa ürgin ürip, jawar qar, Qış olanda boran olub yağar qar,
Öltirmey tur ötinişim Surtayşa, Öldürmə dur yalvarıram, Surtayşa,
El xalkıma aytatuğın sözüm bar.
11
El, xalqıma söyləyəcək sözüm var.
Gülayimin ən yaxın rəfiqəsi Sərfinaz da xalqın belə vəziyyətini gör-
dükcə dözə bilmir, göz yaşı axıda-axıda deyir:
Men jılayman bir qudayğa zar-zar, Mən ağlaram bir Xudaya zar-zar,
Qışlar bolsa ürgin ürip jawar qar, Qış olanda boran olub yağar qar,
Qulaq salın Gülayımday jan apa Qulaq verin Gülayım can apaya,
Az da bolsa aytatuğın sözüm bar.
12
Az da olsa söyləyəcək sözüm var.
Gülayim də vəziyyətin yetərincə ağır olduğunu anlayır
və Sərfinaza müraciət edərək aşağıdakıları söyləyir:
Men jılayman bir qudayğa zar-zar, Mən ağlaram bir Xudaya zar-zar,
Qazan urıp qırda qaldı qızıl nar, Xəzan vurub qırda qaldı qızıl nər,
Haw qızlarım qabağımdı üyiwdin, Hey qızlarım qaşımı çatmağımın,
Az da bolsa bul siyaqlı joni bar.
13
Az da olsa böylə bir səbəbi var.
Gətirdiyimiz nümunələrin hamısında yalnız Surtayşanın
Xudaya müraciəti deyilsə, bütün hallarda qaraqalpaqların
və qazaxların ailə-məişət poeziyasında fərdi, ailəvi, ictimai
kədəri daha relyefli ifadə edən tolqau tipli müraciətlər əksini
tapmışdır. Tolqau janrından yaradıcı insanlar müxtəlif kədərli
hadisələrdən, məsələn, xalq öz liderini, hökmdarını, doğma
eli-obanı, şəhəri, xalqın görkəmli oğullarını itirdiyi zaman
istifadə edirdilər. Elə buna görə də “Qırx qız” dastanında
kalmıklar və qızılbaşlarla müharibə zamanı dərd-kədəri ifadə
edən tolqaulara daha geniş yer verilirdi.
«Qırx qız» dastanının söyləyiciləri əsərin dilinə obrazlılıq,
emosionallıq və ekspressivlik gətirmək üçün rəngarəng bədii
priyomlardan, üslubi fiqurlardan bacarıqla istifadə etmiş və
poemanı məhz bu elementlərin köməyi ilə də xalqa sevdirə
bilmişlər. Dastanda yer almış belə elementləri üslubi fiqurlar
da adlandıra bilərik. Əsərdə bu tipli
elementlərin - təkrirlərin
üslubi-semantik funksiyaları və onların daşıdığı əlavə poetik
çalarlar da olduqca müxtəlifdir. «Qırx qız» dastanında onlar
mənanın qüvvətləndirilməsi, ekspressivliyin yüksəldilməsi
və s. üçün istifadə olunur. Burada biz həm də bu tipli
müraciət təkrirlərin epik təhkiyənin sürəkliliyini nəzərə
çarpdırmaq, onu təfsilatı ilə çatdırmaq, diqqəti daha çox
dastan mətninin əsas ideya və məzmununa yönəltmək üçün
işlədildiyinin şahidi oluruq. “Qırx qız” dastanında təkrirlər
mətnə yeni məlumat əlavə etməsə də, poetik dinamikanı,
onun ritmikliyini, melodikliyini və intensivliyini təmin edir.
Qeyd etməyə ehtiyac vardır ki, nəzmli dastanlarda təkrirli
kombinasiyadan istifadə etmə də əsərin dilinə xüsusi rəvanlıq
gətirir və bu, «Qırx qız» poemasında
Allaha müraciət və
dini inanc elementlərinin əks etdirilməsi üçün də olduqca
səciyyəvidir.
Dastanda dinə, Allaha, Xudaya münasibətin digər bir
bariz nümunəsini biz qırx qızın yaşadıqları, yarışdıqları
Meyvəli adasına yenidən döndükləri zaman qocaların əllərini
göyə açıb yalvardığı məqamda da yaxşı görürük:
Sonda turıp qarrılar,
Sonda qalxıb yaşlılar,
Qolların kökə jayadı,
Əlin göyə açdılar,
Awliye qoymay sıyındı:
Türbəyə yalvardılar:
-Jaratqan alla qudayım,
Yaradan Allahım, Xudam,
Mına turğa qızlarğa
Burda duran qızlara
Qəmxorlıq etegör
Sən yardımçı olginən!
Ajdarhanı at etken,
Əjdahanı at edən
Habjılandı qamçı etken,
İlanı qamçı edən
Bahavatdin pirlerim,
Bəhaəddin pirlərim,
Bularğa madet beregör,
Bunlara sən mədəd ver,