Nizami Tağısoy
Qaraqalpaq ədəbiyyatı
58
59
XVII-XVIII əsrlərdə baş verən
hadisələri çevrələməklə,
məzmunu qədim nağıl və əfsanələrlə zəngin olan mifoloji
elementləri özündə əks etdirməkdədir. «Yer Ziuar» das-
tanında kalmık xanı Taxtapolad Xarəzm xanı Həsənxanın
ölkəsi üzərinə hücum planlaşdırır. Ona 30 minlik ordu qar-
şı sında tablaya bilməyib məğlub olmağı təklif edirlər. Hə-
sən xanın əsabələri ölkəni döyüşsüz təslim etməyi məsləhət
bilsələr də, Həsənin oğulları Ziuar və Canay döyüşsüz təslim
olmaqdan boyun qaçırırlar. Xanlar və batırlar arasında
mübarizə başlayır. Taxtapoladın batırı Ağyunis Həsənin
batırı Ağgözü öldürür. Mübarizə dastanda müqayisələrlə
verilir: «Belleri jayday buqildi» («Belləri yay tək büküldü»),
«Manqlaydan terler toqildi» («Alından tər töküldü»).
Ziuar və Canay Həsənin ordusuna başçılıq edib kalmık
xanı Taxtapoladın üzərinə hücuma keçib qalib gəlirlər. Vəziy-
yətin ağırlığını görən kalmık xanının yaxınları Taxtapolada
qarşı çıxış edib müharibəni dayandırmağı təklif edirlər.
Xan razılaşmır. Belə olduqda kalmık bəyləri yolunu azmış
Taxtapoladı xanın yanına gətirirlər.
Həsənin əmri ilə
Taxtapolad edam olunur. Həsən kalmıklar ölkəsinə Abaxanı
şah, Canayı isə onun vəziri təyin edir. Canayla Aktamkeri
böyük toy məclisi qurub evləndirdikdən sonra Həsən xan
Xarəzmə qayıdır.
Yer Ziuar yolda bir dərvişə rast gəlir. Dərviş ona gözəlliyi
dünyaya səs salan Amanşahın qızı Aynacamal haqqında
danışır. Yer Ziuar ona vurulur və qızın axtarışına yollanır.
Yol boyu o, çoxsaylı çətinliklərlə üzləşir. Məsələn, sehrkar
qarı Yer Ziuarı kiikə çevirir. Qəhrəman sehrkar qarıdan qaçır.
Yer Ziuar kiik cildində Kanşayım adlı xanın qızının qəsrinə
daxil olur, o, orada meyvə yeyərkən kənizlər onu görür.
Kənizlər xan qızına bu barədə məlumat verirlər. Susıma adlı
qıza xan qızı kiiki onun yanına gətirməyi əmr edir. Susıma
kiikin gözünə baxarkən onda insana oxşarlığı hiss edir. Xan
qızı Zöhriyyə ruhları çağırmaqla onu insana çevirir. Bundan
sonra o, Yer Ziuardan oralarda nə etdiyini soruşur. O isə
Aynacamala vurulduğunu söyləyir. Zöhriyyə, Yer Ziyarı onu
dilə tutaraq saxlayıb onu özünə ər etməyə çalışsa da, Ziuar öz
sevgilisinin dalınca getməsində israrlıdır.
Ziuardan əlini üzən
Zöhriyyə onun Aynacamala qovuşması üçün onunla birgə
cinlər, divlər ilə vuruşa-vuruşa Aynacamal olduğu əyalətə
gəlib yetişirlər. Aynacamal Ziuara öz sevgi hissini bəyan edir.
Dastanın başlıca mövzusu ölkəni yadelli işğalçı xanlardan
azad etmək uğrunda mübarizədir. Hadisələr əsasən
Xarəzmdə cərəyan edir.
«Yer Ziuar» digər dastanlardan onunla fərqlənir ki, bura-
da hadisələr müharibənin başlaması ilə bağlı gələn infor ma-
siyayla ortaya çıxır. Belə başlanğıc qaraqalpaq dastanlarında
az təsadüf olunan element kimi maraqlıdır. Dastandakı xeyli
motiv və hadisələr nağıl və mifoloji ünsürlərlə əlaqəlidir.
Bu, dastanın süjetində, obrazlar
sistemində və kompozisiya
quruluşunda özünü yaxşı nümayiş etdirir.
«Yer Ziuar» digər qaraqalpaq dastanlarından xeyli
digər fərqli xüsusiyyətlərə malikdir. Digər qəhrəmanlıq
dastanlarında uşaqlar, övladlar ön planda olub, valideynlər
arxa planda durduğu halda, «Yer Ziuar»da oğulla ata (Ziuar,
Canay və Həsən) baş verən hadisələrdə bir yerdə vuruşur,
iştirak edirlər.
Ziuar və Aynacamal uzun müddət ərzində Zöhriyyənin
yaratdığı sarayda qalır. Div-pərilər Aynacamalı oğurlayıb
aparmaq istəyirlər. Lakin Aynacamal Ziuara görə öz şahlığını
qurban verməyə hazırdır. Aynacamal Ziuara cunqarların
(kalmıkların) Xarəzmi dağıtmaları haqqında məlumat
verməklə, ona doğma yurda yetişməyi məsləhət bilir. Ziuarın
kalmıklar üzərinə hücumunda Zöhriyyə də öz yaxın rəfiqələri
ilə iştirak edir. Xarəzmdə müharibənin yatırılmasında Ziuar,
Aynacamal və Zöhriyyə yaxından iştirak edirlər. Kalmıklarla
Nizami Tağısoy
Qaraqalpaq ədəbiyyatı
60
61
xarəzmlilər sülh bağlayır, əmin-amanlıq şəraitində yaşamağa
başlayırlar.
Dastanda bədii ifadə vasitələrindən
istifadə onun
başlıca ideyasının açılma sına xidmət edir. Qəhrəmanların
zahiri siması, iştirakçı şəxslərin portretləri və s. ustalıqla
işlənmişdir. Əsərdə atalar sözü və zərbi məsəllərdən geniş
istifadə olunmuşdur. Dastanın bədii dilində jırau məharəti
özünü kifayət qədər relyefli ifadə etməkdədir.
«Qurbanbəy» dastanı. Dastan 1938-ci ildə Sədirbəy
Mövlənov və Şəmşid Xocaniyazov tərəfindən yazıya
alınmışdır. Əlyazması Özbəkistan Elmlər Akademiyasının
Qaraqalpaq filialının kitabxanasında saxlanılan bu əsər
1962-ci ildə Nökisdə qaraqalpaq dilində nəşr olunmuşdur.
Dastanda noğaylı Qurbanbəy batırın cunqar Şeyirxana qarşı
mübarizəsi yer almışdır. Qurbanbəyin cunqarlara qarşı
yürüşündə onun xanımları, oğulları və kiçik qardaşı iştirak
edirlər.
Qurbanbəy xalq təəssübkeşidir. O, onun doğma
torpaqlarına göz dikən düşmənlərin hamısına qarşı amansız
olacağını və vətəni azad edib onları cəzalandıracağını deyir.
Başlıca ideyası istismarçılarla mübarizəni əks etdirən bu əsər
xalq ideallarının ifadə olunmasını ön plana çəkir. Dastanın
bir sıra yerləri “Qırx qız”la kifayət qədər yaxından səsləşir.
Təhkiyədə Qurbanbəyin qulağına qeybdən səs çatdığı
insanların cunqar xanı tərəfindən
min bir bəlalara məhkum
olub qula çevrilməklə əzablar içində məhv olduğu əksini
tapır. Dastanın bu yeri Surtayşanın qaraqalpaq torpaqlarına
soxulub xalqı qula çevirib apardığı və Gülayimin xalqın
köməyinə yetişdiyi mənzərəni əks etdirən səhnə ilə üst-
üstə düşür. Şeyirxanla mübarizədə qəhrəmanlıq göstərən
Qurbanbəyin əmisioğlu Sultan məhv olur və s.
«Qurbanbəy» ənənəvi qaraqalpaq dastanlarındandır.
Burada çoxsaylı coğ ra fi yer adlarına rast gəlinir ki, onlar
əsasən noğaylı dövrünü əks etdirməkdədir. Dastanda
«noğaylı» həm də hadisələrin getdiyi ərazinin göstəricisi
kimidir. Eyni zamanda dastanda elə yerlər də vardır ki,
onlar dastanın məzmunu ilə əlaqəli deyildir. Məsələn, Yaxın
Şərq ölkələrinin şəhərləri Qəndəhar,
Rat və başqa adlar
bu qəbildəndir. Bundan başqa burada jırau fantaziyasına
söykənən yer adlarına da rast gəlinir ki, onların içində
Abuzəmzəm, Qoyı Bulır, Abuhəyat, Ağböulay, Guhi-Kab
və s. vardır. Eyni zamanda dastanın elə yerləri də vardır ki,
hadisələrin bir yerdən başqa bir yerə keçməsi məntiqə söy-
kən mir. “Qurbanbəy”in özünəməxsus
süjet xüsusiy yətlərini
fərqləndirmək olar ki, məsələn, «Alpamıs»da, «Koblan»da
olduğu kimi qəhrəmanın doğuluşu, «Qırx qız»da cigitlərin
qız axtarışına çıxması və s. burada analogiyasını görmürük.
Bununla belə dastan üçün nağıl motivi daha çox səciyyəvidir.
Dastanın sehrli yuxu görmədən başlaması bunun bariz
sübutudur. Əgər «Koblan»da batırın köməkçisi qırx cigit,
«Qırx qız»da qırx qız, «Alpamıs»da onun dostlarıdırsa,
«Qurbanbəy»də onun köməkçiləri kimi düşmənə qarşı
arvadları və bacısı vuruşur. Əsərdə qəhrəmanlar iki cür haqq-
ədalət uğrunda mübarizə aparanlar, şah və onun əsabələri
kimi təsnif oluna bilərlər. Əgər qəhrəman və onun yaxınları
xalqın azadlığı, vətənin qorunması uğrunda mübarizə
aparırlarsa, şahlar öz dağıdıcı maraqlarını gözləməkdədirlər.
Onlar xalqın içinə nifaq salıb,
onu rəzil vəziyyətə salmaqla,
həm də təqsirsiz insanları qan girdabında boğdururlar.
Əsərin başlıca konfliktini də despot şahlarla xalq batırlarının
mübarizəsi təşkil edir.
Nağıl motivindən geniş istifadə bu dastanın fərqli
keyfiyyəti kimi ortada dayanır. Bu onu göstərir ki, noğaylı
dövründə nağıllar folklor janrlarının, o cümlədən dastanların
formalaşma və inkişafına nəzərəçarpacaq təsir göstərmişdir.
Nağıl priyomundan istifadə Qurbanbəyin bacısı Məqsim qızın