79
Në artikujt e botuar në numra të ndryshëm të gazetës, paraqiteshin të gjitha letrat e korrespondencat që
i vinin Lorekios përmes së cilave, krahas falënderimeve e vlerësimeve për punën, shprehej edhe gjendja e
përgjithshme në të cilën gjendej Shqipëria dhe Lëvizja Kombëtare Shqiptare. Paraqitej gjithashtu situata
ballkanike, qëndrimet e fqinjëve ndaj çështjes shqiptare. I tillë ishte artikulli
“Albanesi e Montenegrini”
Pellagario
(Katanzaro) i janarit 1900. Në këtë artikull, flitej për synimet e malazezëve për një marrëveshje
me shqiptarët, gjë e cila ishte e pamundur. Në një ndër rreshtat e artikullit shkruhej: ―
Italianët para
bashkimit të tyre dhe pavarësisë, shpreheshin për austriakët, gjermanët apo kroatët: “Le të na kthejnë Alpet
e do të ribëhemi vëllezër”. Në të njëjtën mënyrë shqiptarët iu përgjigjën malazezëve:
“Na riktheni
Podgoricën, Ulqinin, Tivarin, të cilat i morët padrejtësisht nga vendimet e Kongresit të Berlinit, dhe vetëm
atëherë mund të gjejmë rrugën e një marrëveshje e më pas të bëhemi vëllezër”.”
373
. Duket qartë gjendja në
të cilën gjendeshin popujt fqinjë, ku aleancat e bashkëpunimit ishin të pamundura mes tyre dhe ekuilibri
ballkanik ende ishte i lëkundur.
Në artikuj të tjerë përmendim artikullin me titull ―
Gli albanesi musulmani‖(
Shqiptarët myslimanë) ku
shkruhet për dëshirën e një bashkimi të të gjithë shqiptarëve pa dallim feje, sepse vetëm kjo mund ta
shpëtonte Shqipërinë dhe popullin shqiptar. Por sërish në këtë artikull shprehet dhe qëndrimi i sulltanit dhe
pashallarëve nga një telegram në tjetrin: ―
Na befason qëndrimi për të ndaluar publikimin e gazetës. Dhe ne,
u përgjigjemi vëllezërve tanë myslimanë, se nuk bëjmë gjë tjetër veçse publikojmë ngjarjet në Shqipëri ashtu
siç na vijnë përmes telegrameve tuaja. Ngjarje të cilat i publikojmë dhe bëjmë me dije dhe popujt e
Evropës.”
374
Në artikullin e publikuar në 15 janar 1900, në nr.1 të ―
La Nazione Albanese‖, ―
Ideja kombëtare
shqiptare‖, vihet në dukje qëndrimi që mbanin bashkatdhetarët shqiptarë të kudondodhur rreth çështjes dhe
idesë të bashkimit kombëtar. Në artikull, Lorekio shprehet: ―
Letrat që kanë ardhur këto ditë me frekuencë të
madhe nga qytete të ndryshme të mëmëdheut, nga Bukureshti, kolonitë në Itali, nga Kostandinopoja, Korfuzi,
Egjipti, paraqesin qëndrimin dashamirës të vëllezërve tanë të kudondodhur dhe kjo është prova më e mirë e
ecurisë së Lëvizjes kombëtare, pavarësisht pengesave të hasura herë pas here. ―
La Nazione Albanese” po
përpiqet të punojë për të forcuar idenë e bashkimit kombëtar dhe njohjen e të drejtave të popullit tonë.”
375
Artikujt e njëpasnjëshëm në vite të ndryshme të botimit të gazetës ―
La Nazione Albanese‖, vunë në dukje
situatën ballkanike të kohës, njëkohësisht dhe pozitën e Fuqive të Mëdha dhe qëndrimin e tyre rreth çështjes
shqiptare. ―
La Nazione Albanese‖, e cila botohej nën moton ―Përpara Shqipëria‖, mbrojti të drejtat
kombëtare pa asnjë ndikim të huaj dhe u bë, në një kohë të shkurtër, gazeta më popullore e kohës, në të cilën
u shprehën të gjithë shkrimtarët shqiptarë. Gazeta diti t`i bëjë ballë dhe t`i rezistojë çdo sulmi të jashtëm.
Vepra e Lorekios pati rëndësi, sepse lindi në një periudhë të vështirë për historinë politike të Shqipërisë dhe
373
―Albanesi e Montenegrini‖,
La Nazione Albanese,Nr.4, 31 janar 1900,.3
374
―Gli Albanesi muslimani‖,
La Nazione Albanese,Nr.5,15 gusht 1900
375
― L‘ Italia Nazionale Albanese‖,
La Nazione Albanese ,15 janar1900, 25