83
KREU IV
ASPEKTE TË LËVIZJES ARSIMORE DHE KULTURORE NË RADHËT E ARBËRESHEVE
4.1 Kolegji arsimor Shën Adriani në Shën Benedhit (S. Benedeto Ullano)
Arbëreshët e Italisë, të shpërngulur në Gadishullin Apenin para dhe pas vdekjes së heroit tonë
kombëtar, Skënderbeut, kanë arritur të ruajnë gjënë më të çmuar si trashëgiminë më të shenjtë të të parëve
tanë, gjuhën amtare. Në kolonitë arbëreshe të vendosura në të gjithë Italinë e Jugut, dolën mjaft njerëz të
kulturuar, studiues dhe lëvrues të gjuhës shqipe, të cilët, me veprat e tyre letrare, i kanë dhënë popullit
arbëresh ushqim mendor dhe shpirtëror. Midis shkrimtarëve shqiptarë, nuk kanë munguar dhe përpjekjet për
të hapur shkolla të arsimit shqip, me qëllim që të ruajnë gjuhën, zakonet, doket e të parëve.
383
Lëvizja
kombëtare letraro-kulturore dhe arsimore e arbëreshëve do të ndihmonte në forcimin e kauzës kombëtare.
Fillimi i shekullit XX shënon një rritje të veprimtarisë kombëtare të italo-shqiptarëve. Në këto lëvizje, dhanë
kontributin e tyre kolonitë arbëreshe në rajone të ndryshme si në Sicili, Napoli, Kalabri, etj.
384
Këto koloni
shfaqën ndjeshmëri të madhe për të ardhmen e vendit të tyre. Të shqetësuar për të ardhmen e vendit dhe
pjesëmarrës aktivë në lëvizjet për autonomi dhe pavarësi të Shqipërisë, ishin shkrimtarë të shquar arbëreshë,
njëkohësisht dhe burra shteti si Françesko Krispi. Kontributi i atdhetarëve arbëreshë dhe lufta e tyre në
mbrojte të çështjes shqiptare u shpreh përmes veprimtarisë letrare, shtypit, protestave dhe memorandumeve.
Arbëreshët e Italisë luajtën rol të rëndësishëm në
zhvillimin e arsimit, hapjen e shkollave shqipe dhe lëvrimin
e gjuhës amtare. Zhvillimi arsimor është i lidhur gjithmonë me luftën e tyre për t‘u afirmuar si etnitet
kulturor dhe për t‘i bërë ballë asimilimit nga kultura italiane që i rrethonte. Arbëreshët e Italisë kanë tradita
të mira në historinë e arsimit kombëtar, të shkollës shqipe, të mendimit pedagogjik shqiptar.
385
Një vlerë të
padiskutueshme në arsimimin e të rinjve arbëreshë, duke u kthyer në vatra kulturore, ka dhënë hapja e dy
kolegjeve arbëreshe, institucione mësimore që u çelën në gjysmën e parë të shekullit XVIII në Sicili dhe
Kalabri.
386
Ato përbëjnë një pjesë të rëndësishme të kulturës së arbëreshëve të Italisë. Arbëreshët, përmes
hapjes së institucioneve arsimore të rëndësishme, që u bënë më pas dhe vatra kulturore, u siguruan
komuniteteve arbëreshe në Itali një zhvillim arsimor dhe kulturor. Njëkohësisht, hapja e institucioneve
arsimore si Kolegji i Shën Adrianit në Kalabri, Seminari arbëresh i Palermos,
387
apo kolegji në Sicili, krijuan
mundësinë e përgatitjes arsimore të shumë intelektualëve fetarë e laikë të kohës, por dhanë edhe kontribut
383
A. Haxhi,T.Topalli,
Kolegji i Shën Adrianit vatër e edukimit të dijeve,...9
384
Nikollë Loka,
Kuvendi i Fanit dhe pamundëisia e Piemontit Shqiptar, (Tiranë 2011), 4
385
Shih: ―Revista pedagogjike‖, nr. 3, 1977, 116
386
Shih: ―
Revista pedagogjike‖, nr. 2, 1974, 134
387
Loka,
Kuvendi i Fanit dhe pamundëisia e Piemontit Shqiptar, 42
84
me rëndësi për luftërat e bashkimit të Italisë, Rilindjes dhe kërkesave liridashëse e përparimtare të shoqërisë
italiane brenda së cilës jetonin arbëreshët.
388
Letërkëmbimet e kohës mes atdhetarëve të ndryshëm, ndër të
cilët dhe Dora d‘Istria, krahas të tjerave nxjerrin në pah përpjekjet e arbëreshëve të Kalabrisë dhe Sicilisë për
rimëkëmbjen e Shqipërisë. Lëvizjet kulturore-arsimore, d‘Istria i shihte si pjesë përbërëse e lëvizjes
kombëtare shqiptare. Në vitet ‗60 të shekullit XIX ishin krijuar kushtet për një lëvizje të organizuar për
mbarëvajtjen e arsimit dhe të diturisë. Kjo ishte kërkesë e domosdoshme e kohës, për të forcuar dhe nxitur
masat popullore shqiptare në nisjen e luftës së përbashkët për mbrojtjen e çlirimin e atdheut. Në këtë luftë,
nuk mungoi dhe nuk mund të mohohet kontributi i arbëreshëve ndaj vëllezërve të tyre të mëmëdheut përtej
Adriatikut. Nga fillimi i vitit 1867, intelektualë arbëreshë si Jeronim De Rada, Dhimitër Kamarda, Vinçens
Dorsa, etj., morën nismën të parashtronin në parlamentin italian një kërkesë për futjen e gjuhës shqipe në
programin e shkollave dhe institucioneve arsimore. Ishte koha kur organet drejtuese arsimore dhe kisha
katolike italiane kishin filluar të vinin dorë në institucionet arbëreshe dhe përpiqeshin t‘i kthenin ato në
qendra për shkombëtarizimin e popullsisë arbëreshe. Për këtë arsye, intelektualë dhe patriotë arbëreshë
kërkonin njohjen e të drejtave të tyre, sidomos për njohjen dhe përhapjen e gjuhës shqipe, si dhe për
gjallërimin e jetës në kolegjet arbëreshe.
389
Dora d‘Istria, përmes letrave, dëshmonte vlerën e atdhetarëve
arbëreshë në rilindjen e popullit shqiptar dhe bënte çmos për kthimin e kolegjeve në vatra arsimore
kombëtare shqiptare. Në një nga letrat e saj shkruante:
“Shqiptarët e Italisë së Jugut, nga vetë pozita e tyre,
nga patriotizmi i tyre i patundur, janë pikërisht ata që do të bëjnë të rilindë një popull që ka pasur fatkeqësi
në shekuj me radhë”.
390
Nevojën e zhvillimit të arsimit, Jeronim De Rada, një tjetër atdhetar shqiptar, e
konkretizon me themelimin e shoqërive patriotike në qendra të ndryshme, me daljen
e revistave dhe gazetave
dhe me botimin e disa veprave, gjë të cilën e konsideron zgjim kombëtar me shumë dobi për të ardhmen e
tërë popullin shqiptar.
391
Poeti ynë De Rada thotë se, në vitin 1736, për herë të parë, filloi të shkruhej gjuha
shqipe. Kësisoj, për arbëreshët filloi një epokë e re e arsimit kombëtar dhe një epokë e re e gjuhës shqipe. Në
gjysmën e dytë të shekullit XVIII, u ngritën dy institucione arsimore që mbushën zbrazëtinë e jetës
shpirtërore të arbëreshëve. Arbëreshët kërkonin t`i arsimonin bijtë e tyre me një kulturë të pasur, që të mos
mbeteshin prapa vendasve në arsim dhe qytetërim. Kultura arbëreshe ndjehej e kërcënuar nga fushata e
kishës katolike të Italisë së Jugut kundër ritit bizantin që ndiqej nga komunitetet arbëreshe.
Një kthesë vendimtare në historinë fetare-politike-kulturore dhe civile të arbëreshëve të Italisë shënoi
themelimi i dy qendrave arsimore, Kolegji Korsini në Shën Benedhit (S.benedeto Ullano) ose Shën Adriani
në Kalabri, si dhe Seminari arbëresh i Palermos në Sicili. Këto masa shërbyen për ruajtjen e traditës kishtare
bizantine ndër arbëreshët e Italisë. Në fakt, këto dy shkolla, krahas ndihmës për ruajtjen e ritit bizantin, u
388
Revista ―
Nëntori” nr. 3, 1983, f. 187.
389
Ahmet Kondo, ‗
Dora d”Istria për çështjen kombëtare shqiptare‖…, 29
390
Letër e Dora d‘Istrias, Livorno, 15 tetor 1868
391
Muhamed Hysaj, Veprimtaria publicistike e De Radës në revistën
“Flamuri i Arbrit”,
Jehona, Shkup,nr.6,1968, 38