85
bënë dhe qendrat kryesore të formimit kulturor për intelektualët arbëreshë deri në fund të shekullit XIX.
Nevoja për t‘u dalluar nga grekët, i shtyu klerikët intelektualë arbëreshë të vinin në pah veçoritë gjuhësore,
fetare dhe kulturore të etnisë së tyre, duke i hapur rrugë çështjes kombëtare që do të lindte në dhjetëvjeçarët
më vonë. Përveç formimit të intelektualëve dhe klerikëve përparimtarë, që luajtën një rol me rëndësi në
rilindjen italiane, këto dy institucione arsimore favorizuan që në fillim lindjen e vetëdijes kombëtare mes
arbëreshëve, duke zhvilluar një traditë intelektuale.
392
Kështu, kërkesat dhe dëshirat e tyre për t‘u integruar
në jetën e vendit nisën, më së pari, në vitin 1577, kur Papa Gregori XIII mori nismën për hapjen në Romë të
kolegjit të Shën Atanasit, cili kishte për qëllim të përgatiste klerikë që të ushtronin meshtarin në ritin greko-
katolik në vise të ndryshme të Italisë. Këtu përfituan edhe disa nxënës arbëreshë si Stefano Rodota, bir i një
familje të përmendur bujare nga Shën Benedikt Ullanoja.
393
Pasi përfundoi studimet dhe nisi ushtrimin e
detyrës, ai filloi të mendonte për themelimin edhe në Kalabri të një kolegji të tillë, i cili do të mund të
formonte priftërinjtë e ardhshëm edhe në kolonitë italo-shqiptare, por njëkohësisht të shërbente edhe për
arsimimin e popullatës të kësaj zone. Për këtë qëllim, iu drejtua me një lutje Papa Klementit XI, kërkesë e
cila u pranua nga kryetari i kishës katolike dhe u caktua për këtë funksion ndërtesa e Badisë në katundin
arbëresh Shën Benedikt Ullano. Por Papa ndërroi jetë dhe qëllimi tij u realizua vetëm kur në krye të kishës
katolike u vendos Papa Klementi XII (1730-1740). Kjo kërkesë gjeti mbështetjen e Papës dhe, me vendim të
veçantë më 5 tetor 1732, u shpall krijimi i kolegjit italo-grek ―Korsini‖
394
në Shën Benedikt Ullano në
Kalabri. Kolegji u udhëhoq nga vëllezërit Stefano e Feliçe Rodota
395
nga familja Korsini e Firences. Kolegji
mori emrin Korsini, në nder të tij dhe familjes së tij. Ai siguroi prej thesarit papal shumën prej 12.000
skudesh
396
të arta, me të cilat ngriti kolegjin. Ferdinandi IV, me dekret të datës 1 mars 1794, vendosi që
Kolegji i Ullanos të transferohej në Manastirin e Shën Adrianit si dhe akreditoi pasuri të tjera veç atyre që
kishin në Ullano.
397
Emri i kolegjit u ndryshua nga Shën Ullano Korsini në kolegji Shën Adriani
398
. Qëllimi i
krijimit të kolegjit ishte të përgatiste të rinj të arsimuar dhe të kulturuar, të përgatisë programe arsimore për
të siguruar njohuri të të rinjve në drejtime të ndryshme si për gjuhën greke, në disiplina të lira, në shkenca,
edhe në teologji dhe në ritet fetare.
399
Në këtë mënyrë do të përgatiteshin klerikë të rinj italo-shqiptarë me
baza të thella katolike.
392
Françesco Altimari,
Urat e Arbrit ( Shtëpia botuese: Naimi,Tiranë,2015), 25
393
Artan Haxhi,Tefë Topalli,
Kolegji i Shën Adrianit vatër e edukimit të dijeve , 9
394
Don Salvatore Scura, ― Il colegio italo—albanese Corsini in Calabria,‖
Il Bolletino, 72
395
Altimari, ―Gli Arbëresh d‘Italia per la rinascita dell Albania tra XVIII-XIX Secolo: paralelizmo con altre diaspore
di area italo-balcanica‖ në Studia Albanica, 129-143
396
Dorsa,
Shqiptarët hulumtime dhe mendime,120
397
―Il colegio San Adriano Coriliano‖,
Flamuri i Arbrit, Calabro, viti I, nr. 30 prill 1884,16-161
398
Francesco Altimari,
Il ruolo degli intellettuali arbereshe nella "rilindja" albanesee nella storia culturale del
Mezzogiorno…në Rilesioni sull Messogiorno, a cura di Mario Bruneti , Collona del Istituto Mezzogiorno-
Mediterraneo, (Rubbetinbo Edittpre, Saveria Manelli, 2004.), 85
399
―L‘emigrazione in Italia.Il
colegio italo-albanese” ,
Popoli , Viti 1, Nr.10, shtator 1941.
86
Siç shprehej De Rada, ky kolegj u çel ―
si një derë e madhe drite të re e të butë, për të gjitha shtëpitë
arbëreshe, nga të cilat, ata që patën mundësi, menjëherë dërguan bijtë e tyre për të mësuar e për t’u
arsimuar‖
400
. Kolegji mori shumë shpejt emër, u njoh si vatër kulturore dhe arsimore duke përgatitur një
brez të tërë studentësh elitarë.
Kolegji i Shën Adrianit u bë shpejt një vatër që përgatiti dijetarë e shkrimtarë
të njohur, që i lanë nder e lavdi gjuhës amtare e letërsisë shqiptare. Ai qe vendi ku u bashkua dhe u fuqizua
kultura arbëreshe e personalitete shqiptare që kanë punuar e luftuar për t‘i ruajtur të pastra traditat
kombëtare, por ky kolegj luajti rol edhe në pasurimin e kulturës përparimtare italiane. Për çeljen e kolegjit,
pionierët e parë që ndihmuan qenë Stefan Rodotá dhe Samuel Rodotá, nga familja e shquar e Koronjeve të
Shën Benediktit. Për disa vjet, nga 1732 deri më 1740, kolegjin e drejtoi Samuel Rodotá. Ai u mundua të
fuqizonte institutin jo vetëm nga ana ekonomike, por dhe nga ana pedagogjike dhe arsimore. Vdiq në moshë
të re dhe, pas tij, drejtimin e mori Kolë de Markis nga Ungra, i pasuar më vonë nga Imzot Xhaçinto
Arkiopoli nga Shën Mitër Korona, i cili drejtoi me suksese këtë institucion për 18 vjet.
401
Më 1792, në krye
të kolegjit erdhi Françesko Buliari nga ShënvSofia, i cili e drejtoi me zotësi dhe i dha emër jo vetëm ndër
arbëreshët, por edhe në mbarë Kalabrinë. Pasi siguroi ndihma të konsiderueshme nga ana e qeverisë së
kohës, Kolegjit i kishte kaluar pasuria e themeluesve të Shën Adrianit, njëkohësisht i kaluan dhe të ardhura
të tjera që zotëronte kolegji në Shën Dhimitër Koronë, rreth 2 mijë maggiatë. Këtyre pasurive iu shtuan dhe
ato që zotëronin Kolegjet në Shën Benedeto, në Korolei, në Arki, Spexana Albaneze, etj.
402
Më 1 mars 1794,
Kolegji u vendos në manastirin e Basilianëve të Shën Adrianit dhe mori emrin ―
Kolegji i Shën Adrianit‖.
Gjatë këtyre viteve, kolegji pati arritje në të gjitha drejtimet duke e ngritur lart cilësinë e mësimdhënies, të
edukatës e disiplinës e duke pasuruar më tej bibliotekën e tij. Por, për fat të keq, pati kohë turbullirash e
trazirash në Itali dhe kolegji u bë objekt sulmi dhe shkatërrimi, ndërsa drejtuesi i saj humbi jetën. Kjo
shkaktoi mbylljen e tij për 8 vjet. Më 31 janar 1807, në krye të kolegjit vendoset Domeniko Belushi nga
Frashinetoja. Ai e drejtoi kolegjin për një çerek shekulli duke bërë që të rritej fama dhe autoriteti. Kolegji u
kthye në një fidanishte dijesh ku përgatiteshin dhe edukoheshin të rinj, të cilët do të bëhen veprimtarë të
shquar të rilindjes italiane, shumë prej të cilëve do të ishin pjesëmarrës në revolucionin e viteve 1844, 1848,
1860.
403
Përmendim Jeronim De Radën, Vinçens Dorsën, Domeniko Damisin, Domeniko Mauron, etj. Pas
vdekjes së Belushit, presidencën e mori Gabriele de Markis nga Ungra. Ky e rregulloi dhe e zbukuroi mjaft
kolegjin, duke e drejtuar për 25 vjet radhazi. Në vitin 1842, erdhi Anton Markianoi nga Maqi, mirëpo për
shkak të mendimeve të tij liridashëse u hoq si drejtues, më pas edhe u burgos. Të njëjtin fat pati edhe pasuesi
i tij, Vinçens Rodotá. Më 1854, mbreti Ferdinandi II jep urdhër që kolegji të mbyllet me akuzën se po
400
Kabashi,
Jeronim De Rada poetika e poemave, 92
401
A.Haxhi,T.Topalli,
Kolegji i Shën Adrianit vatër e edukimit të dijeve, 11
402
Mandalari,
Indipendenca Shqiptare, 23
403
Po aty