142
Kryengritësit u ndihmuan edhe nga veprimtaria e klubeve patriotike si dhe veprimtaria e patriotëve
shqiptarë të kudondodhur brenda Shqipërisë si dhe diasporë. Krahas klubeve patriotike brenda Shqipërisë,
një rol me rëndësi në këtë moment historik luajtën dhe shoqëritë patriotike të kolonive shqiptare në Itali dhe
vende të ndryshme evropiane. Përmendim një thirrje dërguar nga klubi qendror i Manastirit të gjithë klubeve
shqiptare, që të ndihmonin në luftën për çështjen kombëtare. Letra vijon si më poshtë:
Klubeve shqiptare.
Përfaqësive të nderçme Manastir,21.02.1910
Vëllezër të dashur
Luftën e rreptë që kemi pasur me armiqtë e gjuhës sonë e dini. Klubi çentral ka luftuar ashpër. Sot
vendosi të ftojë të gjithë klubet në Shqipëri dhe të ndihmoni klubin çentral sipas fuqisë sikundër
gjithë shokët këtu. E dyta: Klubi çentral vendosi më 15 mars 1910 të bënte një mbledhje të
përgjithshme për të biseduar për shumë gjëra të nevojshme për kohët e sotme. Besojmë se çdo klub,
me të marrë letrën, do t’i japë rëndësinë e duhur sepse kështu e do puna dhe nevoja.
603
Siç thamë pak më lart, Terenc Toçi, duke u informuar për situatën në të cilën ndodhej Shqipëria, nisi
përgatitjen për të ndërtuar një politikë pro çështjes shqiptare. Ai, në bashkëpunim me figura patriotike
arbëreshe, së bashku me ndihmën e shoqërive dhe komuniteteve patriotike, nisi lëvizjet e para në favor të
çështjes shqiptare në gjysmën e dytë të vitit 1910. Në këtë periudhë, përkrah tij u vunë dhe macionistët
italianë në marrëveshje
dhe me Nikolla Ivanoj, duke nxitur shpërthimin e një kryengritjeje të përgjithshme në
vitin në vazhdim. Në fillim të vitit, më 17 janar 1911, u themelua në Romë komiteti italian ―
Pro Albania‖
nën drejtimin e Etore Ferrarit, kryetar i partisë republikane italiane. Rreth komitetit ―
Pro Albania‖ u
bashkuan krahas republikanëve dhe socialistë, demokratë e përparimtarë.
604
Komiteti ―
Pro Albania‖ kishte si
qëllim zhvillimin e një propaganda pro shqiptare, financimin e lëvizjes kryengritëse shqiptare, si dhe
organizimin e mjeteve dhe vullnetarëve për t‘u dërguar në momentin e duhur në anën tjetër të Adriatikut.
Komiteti ―
Pro Albania‖ si dhe nënkomitete të tjera të krijuara në këtë kohë u zgjeruan në të gjithë Italinë.
Në këtë komitet morën pjesë personalitete të rëndësishme të jetës politike dhe kulturore italiane si
deputetët republikan Etore Ferrari dhe S. Barzilai, avokati G. Guixardi, drejtori i gazetës ―
La Terza Italia‖
Feliçe Albani, etj. Në lëvizjen kombëtare shqiptare kontribuan arbëreshët, roli i të cilëve u vu re dhe në
organizimin e veprimtarive në favor të saj në gjirin e popullit italian. Ishte pikërisht Terenc Toçi, i cili
parashtroi idenë e krijimit të një komuniteti në Romë për të mbështetur kryengritjen shqiptare dhe për të
ndihmuar qeverinë, të cilën ai kishte projektuar të krijonte në vend. Për këtë arsye iu drejtua gjeneralit
Riçioti Garibaldi dhe figurave të njohura të politikës italiane si Feliçe Albani, Etore Ferrari, etj. Ndihma,
603
Po aty,f.23
604
AQSH,F.98,D.19,f.1-2