Rüblük ədəbiyyat dərgisi №3 (11) Sentyabr 2014
Yüklə 472,06 Kb. Pdf görüntüsü
|
- Bu səhifədəki naviqasiya:
- Rüblük ədəbiyyat dərgisi 9 SÖZÜMÜZÜN YĠYƏLƏRĠ Epstolyar mətnlər Üzeyir Hacıbəylinin Müslüm
- Redaksiyadan: Üzeyir bəyin bu məktubunu çap etməyimizin bir çox səbəbi var. Əsas səbəb isə dahilərin kasıblıq
- Redaksiyadan
Rüblük ədəbiyyat dərgisi 9 SÖZÜMÜZÜN YĠYƏLƏRĠ Epstolyar mətnlər Üzeyir Hacıbəylinin Müslüm Maqomayevə məktubu ƏZİZİM MÜSLÜM! Bu gün necə olursa-olsun, sənə kağız yazmağı qət etmişəm. Əvvəla, təbriklər və pul üçün sənə və hamınıza təşəkkür edirəm; konservatoriyaya 126 man. 20 qəp. verdim, çünki yanvardan daxil olanlar artıq verməlidirlər. Bəli! Axır ki, konservatoriyanın tələbəsiyəm. Mən harmoniya sinfinə, yə'ni məhz nəzəriyyəçilərin qəbul olunduğu sinfə daxil olmuşam; əgər fortepianoda yaxşı çala bilsəydim, kontrapunkt sinfinə, yə'ni bir sinif yuxarı daxil ola bilərdim. Lakin birdən-birə kontrapunkt sinfinə qəbul olunmaq çox çətindir, mən elə bir adam tanımıram ki, kontrapunkt sinfinə daxil olsun, ən hazırlıqlı adamlara belə bir il harmoniya sinfində oxumağı məsləhət görürlər. Lakin mən buna da sevinirəm, çünki güman etdiyimin əksinə olaraq, harmoniya sinfində tələbkarlıq böyük, iş çoxdur, ümumiyyətlə bütün bunlar əvvəlcə mənə asan görünürdü, əslində isə qətiyyən belə deyil, konservatoriyaya daxil olmaq çox çətindir. Hazırda işim olduqca çoxdur: hər gün Konservatoriyaya gedirəm: həftədə 2 dəfə fortepianoya, 2 dəfə praktik harmoniyaya; özü də hər dəfə cavab verməli olduğum üçün hər bir dərsə hazırlaşmalıyam; gündə 6—7—8 saat işləyirəm! Mayın əvvəlində keçirmə imtahanlarıdır, ona görə də gərgin çalışmaq lazımdır! Bütün bu səbəblərə görə bu il yeni bir şey yaza bilməmişəm, başımın nə qədər qarışıq olduğuna Məleykə şahiddir. Əgər yeni bir şey yazsam, ancaq yayda yaza bilərəm; ümid edirəm ki, bu il bir təhər yola verər və əlavə qazanc xatirinə işdən ayrılmağıma razı olmazsınız. Bilmirəm, yayı necə və harada keçirim, bu məsələ ona görə çətinlik törədir ki, pianodan ayrıla bilmərəm, bütün yayı çalmalıyam, lakin yaylaqda piano nə gəzir? Bu məsələnin həllini maya saxlamışıq, onda fikirləşərik. Günlərimiz yekrəng keçir, doğrudur, bə'zən simfonik konsertlərə gedirik, bu mənim üçün vacibdir; bundan əlavə hər şənbə günü konservatoriyada ən yaxşı orkestrlərdən birini dinləyirəm, konservatoriyanın tələbəsi kimi, ildə bir neçə dəfə 50 qəpiklik biletlə Mariinsk teatrına gedə bilirəm; artıq bir dəfə gedib Vaqgerin «Loenqrin» əsərinə baxmışam. Əsil teatr belə olar! Buraya bilet tapmaq çox çətindir, yazıq tələbələr bilet almaq üçün bütün gecəni teatrın qapısı ağzında növbə çəkməli olurlar. Sabah Məleykə ilə birlikdə konservatoriyanın direktoru Qlazunovun idarə etdiyi simfonik konsertə gedirəm. Peterburqda yaşamağımıza baxmayaraq, hər gün sobada kabab bişirib yeyirik, çox dadlı, ləzzətlidir, həm də ucuz başa gəlir; çünki restoran xörəkləri adamı var-yoxdan çıxardır; həm pulun gedir, həm də sağlamlığın; bir sözlə, artıq tələbə kimi yaşamağı öyrənmişik; bununla belə xərcimiz çox çıxır, çünki burada hər addımda pul gedir, hətta qonaq getdikdə belə yol xərcindən başqa, qapıçıya da vermək lazımdır. Yaz görüm, necəsiniz, nədənsə bizə heç 10 № 3 (11) Sentyabr 2014 kəs kağız yazmır. Məktub gəlmədikdə, Məleykə darıxır. Yazıq İmranın 1 faciəli ölümü mənə çox pis tə'sir elədi, heyif ondan. Badyuşa və bizimkilərin hamısına salam, Camulu öp, kağız yaz. Sənin Üzeyrin. 7 fevral 1914-cü il SPb Redaksiyadan: Üzeyir bəyin bu məktubunu çap etməyimizin bir çox səbəbi var. Əsas səbəb isə dahilərin kasıblıq məngənəsində olmalarına baxmayaraq, gərgin zəhmət hesabına bilik və qabliyyətlərini necə inkiĢaf etdirdiklərini göstərməkdir. Gənclərin oxuması lazım. Rzaqulu Nəcəfovdan M.S.Ordubadiyə Məktub Əzizim Məhəmməd Səid! Gəlsənə sən bizdən bir az qəmişini çəkəsən! Son vaxtlar ―Molla Nəsrəddin‖ ―Yeni fikir‖i rahat qoymuyur. Bu da bilirəm, sənin işindir. Cəlil bilirəm ki, bizə sataşmaz. Pinəçinin şair deyil, mair olduğunu hamımız bilirdik. ―Yeni fikir‖ nəşr olunana kimi mən doğrusu Mehdi bəyin şair olduğundan xəbərim yox idi. Talıblının dövrəsində çox şairlər çıxıb ortalığa və bunların tartan-partanlarından ibarət proletar şairi deyərək nəşr etdiyi əşar məcmuəsi də hətta düşüb Məhəmmədəminin əlinə və o da haqlı olaraq bizi tənqidə başlamışdır. Mən ―Yeni fikir‖ə keçəndən bu yana bu şairlər ilə mübarizə edirəm və onların on şerindən birisini anjaq buraxıram və yainki heç buraxmayıb səbətə salıram. Bunların cərgəsinə təzəlikdə Çakərin də daxil olmasını ki, bilirsən. Axırda mən o qərara gəlmişəm ki, ümumən əşar buraxmayım. Pinəçinin tartan-partanı mənim xəbərim olmamış buraxılıb və bir-ikisini də mən özüm ancaq Tiflisdəki məsul yoldaşların xahişinə görə ona yol xərci çıxmaq üçün buraxmışam. Görürsən ki, ümumən işimiz zərafətə çıxıbdır. Anjaq səndən çox xahiş edirəm ki, ―Kommunist‖ idarəsində ―Yeni fikir‖ həqqində olan təmayilatı ―Molla Nəsrəddin‖ə keçirməyəsən. ―Kommunist‖in isə həqqimizdə kəmiltifat olmasının səbəbini bilməyirəm. ―Təəssübkeş‖in ―əsəbi‖ şerlərini mən Bakıda olanda buraxmışlar və şəxsi qərəzdən naşı yazıldığını duymamışlar. Sonralar bildim ki, hərif, Əliabbasa dolaşmaq niyyətilə o mənzum felyetonları göndərmişdir. Müxtəsər bu söhbətlər əlbəttə öz aramızda qalsın. Anjaq Ağ Seyidin uşaqlarına səni and verirəm, biz ilə işin olmasın və bundan sonra şer buraxmağı boşluyacağam... Təəssüf eyləyirəm ki, sən bizə şer gön-dərmirsən. Göndərsən, məmnuniyyət ilə buraxaram. Ancaq biz üç manatdan artıq verə bilmirik. Maddi cəhətinə baxmayaraq vaxtın olsa hərdən bir bizi də yada salmağını rica edib əllərini sıxıram. Həbibə,... Müznibə və Ağaya salamımı yetir. Mirzağaya de ki, öz qaydasınca. Bir də bizə ―Kommunist‖ gəlmir, deginən göndərsindər. Səni istəyən qardaşın Rzaqulu 10 yanvar 1920 Redaksiyadan: Bu məktubu niyə çap edirik? İş ondadır ki, sovet dövrünəcən, xüsusən də 20-ci yüzilin əvvəllərində ədiblərimiz sözün həqiqi mənasında vicdanla yazıb- yaratmış, bir növ rus və dünya ədəbiyyatına çıxmağa cəhd etmişlər. (Çünki Neft Bakısı da buna imkan verirdi. Fəqət, rus işğalı bu prosesi dayandırdı. ) Hətta ədiblərimiz bir-birinə həcv də yazmış, bir- birini kəskin, yaxud zarafatyana tənqid də etmişlər. Rzaqulu Nəcəfovun bu məktubu dediklərimiziə yaxşı nümunədir. (Nə yazıqlar ki, sovet vaxtı sağlam tənqidi danos və ifşa əvəz etdi. Gözəl yazıçılarımız bu yolla məhv edildi. İndi isə daha acınacaqlı vəziyyətdir. Bu gün birini tənqid etsən, həcvə tutsan, yaxud zarafatla dostluq şarjı yazsan, ya davaya düşərsən, ya məhkəməyə. Kiçik adamların iddası böyük olur axı.) Yüklə 472,06 Kb. Dostları ilə paylaş:
|