393
haq ibn İsmayılın üzərinə məşhur sərkərdə Buğa əl-Kəbiri göndərdi. Tiflisi ələ
keçirən Buğa əl-Kəbir burada sakitliyi bərpa etdi.
Bundan sonra Dərbənd şəhəri xəlifə Mütəvəkkil tərəfindən iqta olaraq, Mə-
həmməd ibn Xalidə verildi. Miladi 856-cı ildə (hicri 242) Dərbəndi özünə tabe
edən Məhəmməd ibn Xalid Azərbaycan, Ərməniyyə, Arran və Dərbənd hakim-
liyini əldə etdi.
Gəncə şəhərinin banisi hesab edilən Məhəmməd ibn Xalid, xəlifə Mütə-
vəkkil tərəfindən Gəncənin ilk hakimi vəzifəsinə də təyin edildi. Onun səyləri
nəticəsində inkişaf edən Gəncə qısa müddət ərzində Azərbaycanın ən iri ticarət
və mədəniyyət mərkəzlərindən birinə çevrildi.
Miladi 861-
ci ildə (hicri 247) xəlifə Mütəvəkkil qətlə yetirildikdən sonra
xila
fət ərazisində yaranmış qarışıqlıqdan istifadə edən Məzyədilər qolunun da-
ha bir nümayəndəsi Heysəm ibn Xalid ibn Yezid Şirvan torpaqlarını ələ keçi-
rib, müstəqillik elan etdi. Özünü “şirvanşah” adlandıran Heysəm ibn Xalid hö-
ku
mətlə əlaqəni kəsdi.
Məzyədilər müsəlman fəthlərindən sonra Şirvan torpaqlarında müstəqil
döv
lət yaradan ilk sülalə sayılır. Onlar formal olaraq, Bərdədə oturan valiyə ta-
be idilər, lakin bununla belə, Şirvan torpaqlarını demək olar ki, müstəqil şəkil-
də idarə edirdilər.
Miladi 880-
ci ildə Heysəm ibn Xalidin vəfatından sonra onu oğlu Məhəm-
məd ibn Heysəm (881-912) əvəz etdi. Bundan sonrakı beş il ərzində daha iki
şirvanşah hakimiyyət taxtında bir-birini əvəz etmişdir.
Bu müddət ərzində Layzan bölgəsini (indiki Lahıc) ilk şirvanşah Heysəmin
qar
daşı Yezir ibn Xalid idarə edirdi. Özünü “layzanşah” adlandıran Yezid əs-
lində qardaşına tabe idi. 917-ci ildə Yezidin ölümündən sonra onun varisi Əbu
Tahir Yezid ibn Məhəmməd qərara gəldi ki, şirvanşahların zəifləməsindən isti-
fadə edib, onların torpaqlarını ələ keçirsin. Bu məqsədlə o, Şirvana hücum
edib, Heysəmin nəslindən olanların hamısını qılıncdan keçirib, Şirvanla Lazyan
ərazilərini birləşdirdi. Məzyədilər bundan sonra təqribən daha yüz il hakimiy-
yətdə qaldılar və 1027-ci ildə onları Şirvanşahların başqa bir sülalasi Kəsranilər
(1027-
1382) əvəz etdi. Kəsranilərdən sonra Şirvanşahları Dərbəndlilər sülaləsi
(1382-
1538) idarə etməyə başladı.
Abbasilər dövründə Azərbaycanda hökm sürmüş digər sülalələr bunlardır:
1.
Sacilər dövləti (879-941);
2.
Salarilər dövləti (941-981);
3.
Rəvvadilər dövləti (981-1054);
4.
Şəddadilər dövləti (971-1066).
394
V FƏSİL
ABBASİ TORPAQLARINDA
QURULAN DÖVLƏTLƏR
1.
Əğləbilər dövləti hicri 184-296/miladi 800-909
Ab
basi xəlifəsi Harun ər-Rəşidin (786-809) dövründə Şimali Afrikada xila-
fətə qarşı tez-tez üsyanlar baş verirdi. Həmin vaxt xəlifə Harun Bizansla müha-
ribə apardığı üçün Şimali Afrikaya vaxt ayıra bilmirdi. Xəlifə Harun bu üsyan-
ları yatırmaq üçün İbrahim ibn Əğləb ət-Təmimini Şimali Afrikaya vali təyin
et
di. Qısa müddət ərzində Şimali Afrikada asayişi təmin edən İbrahim ibn Əğ-
ləb paytaxtı Qeyrəvan olan Əğləbilər dövlətinin əsasını qoydu. Bir müddət son-
ra İbrahim və oğulları Trablusqərb, Tunis, Cəzair və Fasın da bir qisminə sahib
ol
dular. Tunis tərsanələrində gəmilər düzəldən Əğləbilər Ağdənizdə fəaliyyətə
başlayaraq bir çox döyüşlərdə Bizans ordusunu məğlub etdilər.
Ağdənizdə fəthlərə başlayan Əğləbilər xəlifə Məmunun (813-833) dövrün-
də miladi 826-cı ildə (hicri 211) Qazi Əsad ibn Furatın başçılığı altında olan
ordu və Kritdə məskunlaşan müsəlmanların köməyi ilə Siciliya üzərinə hərəkət
edərək Palermonu ələ keçirdilər. Burada yollar və kanallar çəkərək kənd təsər-
rü
fatı və sənətkarlığın hər növünü inkişaf etdirdilər.
Siciliyanın ardınca Sardiniya, Korsika və Maltanı fəth edən Əğləbilər İtali-
ya
ya keçərək Romanı bir neçə dəfə mühasirəyə alsalar da, fəth edə bilmədilər
(846-
cı il xəlifə Vasiqin və 870-ci il xəlifə Mutəmidin dövründə). Bu arada bəzi
İtaliya şəhərlərini ələ keçirən Əğləbilər abadlıq işləri apararaq elm mərkəzləri
təşkil etdilər. Beləcə elmin İtaliya vasitəsilə Avropaya keçməsini təmin etdilər.
Əğləbilər dövləti Tunis, Qərbi Liviya və Siciliyada 108 il 8 ay 13 gün
hökmranlıq etmişlər. Bu müddət ərzində heç bir zaman müstəqillik iddiasında
olmamış, Abbasilərə tabe olaraq Abbasi xəlifələrinin adına xütbə oxumuşlar.
Şəcərə baxımından ərəb olan Əğləbilər Hənəfi qoluna mənsub olmuşlar. Əğlə-
bilər dövlətini on bir hökmdar idarə etmişdir və həmin hökmdarlar bunlardır:
1.
İbrahim ibn Əğləb (800-812);
2.
I Abdullah ibn İbrahim (812-817);
3.
I Ziyadətullah (817-838);
4.
əl-Əğləb (838-841);
5.
I Məhəmməd (841-856);
6.
Əhməd (856-863);
7.
II Ziyadətullah (863-864);
8.
II Məhəmməd (864-875);
395
9.
II İbrahim (875-902);
10. II Abdullah (902-903);
11.
III Ziyadətullah (903-909).
Əğləbilərdə hakimiyyət atadan oğula keçirdi. Şiə təmayüllü dövlət olan Fa-
ti
milər (909-1171) son Əğləbi hökmdarı III Ziyadətullahı miladi 909-cu ildə
(hic
ri 296) məğlub edərək bunların varlığına son qoymuşdur.
588
Samanilər dövləti hicri 279-389/miladi 892-999
Samanilər Əməvi dövlətinin son illərində islam dinini qəbul edən Saman
ad
lı İranın tanınmış şəxsiyyətlərindən birinə mənsubdurlar. Samanilər şiə əqi-
dəsində olan Samanilər dövlətini qurmuş və Yaxın Şərqin tarixində mühüm
rola ma
lik olmuşlar. Bəzi qaynaqlara görə isə Samanilər sünni-hənəfi məzhəbli
ol
muşlar.
589
İranda məşhur şəxs olan Saman oğluna Xorasan valisi Əsəd ibn
Abdul
lah əl-Qəsrinin adını verərək onu Əsəd adlandırdılar.
Samani hökmdarları “əmir” ünvanı ilə tanınırdı. Dövlətin paytaxtı Buxara
şəhəri olmuşdur. Mavəraun-nəhr, İran (Azərbaycan və Fars xaric olmaqla), Rey
və Qəzvin Samanilərə tabe idi.
Xəlifə Məmunun (813-833) zamanında etibar qazanan Samani ailəsi, onun
döv
ründə daim dövlət vəzifəsində çalışdılar. Xəlifə Məmun hicrətin 204-cü ili
(mi
ladi 819) Əsədin oğulları Əhməd ibn Əsədi Fərqanəyə, Nuh ibn Əsədi Sə-
mərqəndə, Yəhya ibn Əsədi Çaş və Eşrusnaya və İlyas ibn Əsədi də Herata vali
təyin etdi. Xorasan və Məşriq bölgələrinin idarəsi Tahir ibn Hüseynin əlinə ke-
çincə Əsəd ibn Samanın oğullarının ixtiyarında olan valilikləri tanıdı. Əhməd ibn
Əsədin ölümündən sonra yerinə oğlu Nəsr keçdi və Fərqanəyə hökmdarlıq etdi.
Miladi tarixi ilə 875-ci ildə (hicri 261) Abbasi xəlifəsi Mutəmid (870-892)
bü
tün Mavəraun-nəhr məmləkətinin idarəsini ona verdi. O da Səmərqənd şəhə-
rini ölkənin mərkəzi halına gətirdi, qardaşı İsmayılı isə Buxaraya əmir təyin et-
di. Lakin gözlənilmədən miladi tarixilə 888-ci ildə (hicri 275) bu iki qardaş
ara
sında döyüş baş verdi və bu döyüşdə Nəsr İsmayılın ordusu tərəfindən əsir
gö
türüldü. Ancaq qardaşını bağışlayan İsmail yenidən Səmərqənd valiliyini
ona verdi. 892-
ci ildə (miladi 279) Nəsrin ölümündən sonra liderlik İsmayıla
keçdi.
590
Bu arada İmam Əlinin (ə) nəslindən və Təbəristan şahzadəsi olan Məhəm-
məd ibn Zeyd Xorasana hücum etdi. Bundan xəbər tutan İsmail ona qarşı Mə-
həmməd ibn Harunun başçılığı altında olan böyük bir ordunu göndərdi. Miladi
900-
cü ildə (hicri 287) baş verən döyüşdə Məhəmməd ibn Zeydin ordusunu
məğlub edən Məhəmməd ibn Harun Təbəristana daxil oldu.
588
Yılmaz Öztuna, İslam dövlətləri, Ankara-1989, I cild, səh-212; Əbdürrəhman Şərəf, Zübdə-
tul-
Kısas, I cild, səh-331-337.
589
Yılmaz Öztuna, İslam dövlətləri, Ankara-1989, I cild, səh-711.
590
İbn Kəsir, əl-Bidayətu vən-Nihayə, VII cild, səh-381.
Dostları ilə paylaş: |