Şərqşünaslıq fakültəsi İstiqaməti, şifri və adı: hsm- 040000 Dilşünaslıq İxtisası, şifri və adı: hsm- 040009 Ərəb dili

Ərəb işgüzar terminologiyasında istifadə olunan transnotasiya

Azərbaycanca ekvivalent	Ərəb mənşəli söz	Alınma sözün təsviri forması	Transliterasiya
bank	مصرف	---	بنك
viza	تأشيرة ,ٕسمّة	---	فيزة
kompyuter	---	آلة حاسبة	كمبيوتر
müqavilə	عقد, اتّفاقيّة, مقاولة	---	كونتراتو
surət	نسجة, صورة	---	كوبيا
kupon	قسيمة		كوبون
marka	علامة	---	ماركة
SİF	---		سيف
telefon	هاتف		تليفون
tranzit	مرور		ترانزيت
faks	---	---	فاكس
faktura	---	---	فاتورة
FOB	---		فوب
franko	تسليم	---	فرانكو
çek	صكّ	---	شيك

Ayların adı və rəqəmlərin ifadəsi zamanı da analoji vəziyyət yaranır.

Ərəb dilində ayların adlarının konnotasiyası

	Transliterasiya olunmuş və qismən də adaptasiya edilmiş Avropa adları	Ayların ərəb mənşəli adları
		Günəş təqvimi	Ay təqvimi
Yanvar	يناير	كنون الثّانى	محرّم
Fevral	فبراير	شباط	صفر
Mart	مارس	آذار	ربيع لاوّل
Aprel	ابريل	نيسان	ربيع الثانى
May	مايو	ايّار	جمادي الأولى
İyun	يونيو	حزيران	جمادي الآخرة
İyul	يوليو	تموّز	رجب
Avqust	اغسطس	آب	شعبان
Sentyabr	سبتمبر	ايلول	رمضان
Oktyabr	اكتوبر	تشرين الاوّل	شوال
Noyabr	نوفمبر	تشرين الثاني	ذو القعدة
Dekabr	ديسمبر	كانون الاوّل	ذو الحجة

3. 
   İşgüzar mətnlərin strukturunun tədqiqi onun elementlərinin tədqiqi ilə bağlıdır [29,56].
   
4. 
   Ərəb işgüzar yazışmalarının funksiyalarının öyrənilməsi özündə bu sənədlərin cəmiyyətdə rolunu cəmləşdirib. Məlumdur ki, nitq fəaliyyətinin bir neçə əsas funksiyalarını ayırırlar:
   

-kommunikativ funksiya (onun tərkib hissəsinə təsir etmə funksiyası, emosionallıq funksiyası və s. daxildir);
-koqnitiv funksiya (informativ, evristik, aksioloji, predikativlik funksiyaları ilə birlikdə) [29,57].
5. Nəhayət, sistemli yanaşma ərəb işgüzar yazışmalarının tarixi aspektdə də öyrənilməsini özündə əks edir. Belə ki, M.M.Quxmanın sözləri ilə desək, “yalnız diaxronik yanaşma dil sisteminin yaranmasını anlamağa kömək edə bilər.” [26,97].
Yuxarıda deyilənlərdən belə bir nəticəyə gəlmək olar ki, ərəb işgüzar mətnlərinin dilçilik baxımından kamil tədqiqi üçün sxematik yanaşma kifayət deyil. Hətta müasir ərəb sənədləri də özlərində tarixi və mədəni ənənələri birləşdiriblər. Verilmiş janrda olan sənədlərin mahiyyətini, təbiətini, tərkibini, strukturunu, funksiyalarını, formalaşmasının tarixi səbəblərini adekvat şəkildə anlamaq üçün onların xarakteristikasını bütün sadalanmış analitik aspektlərdə tədqiq etmək vacibdir.
İş sənədində sözün düzgün seçilməsinə böyük əhəmiyyət verilir. Söz əsaslı olmalı və ərəb ədəbi dilinin normalarına cavab verməlidir. Bu normalar lüğətlərdə, soraq kitabçalarında, dərsliklərdə, kitablarda qeyd olunmuşdur. Eyni zamanda, sözün danışıq, xüsusi, neytral, kitab və ya yazılı nitqə aid olduğunu da nəzərə almaq lazımdır. Terminlər müəyyən leksikanın istifadə sahəsini (məsələn, xüsusi), emosional-ekspressiv xarakteristikasını (danışıq), onların istifadə üsullarını (yazılı nitq) və sair xüsusiyyətlərini dəqiqliklə təyin etməyə kömək edir. Lakin sözün özü müəyyən sahə ilə kifayətlənmir, onlar həm elmi işlərdə, həm publisistik məqalələrdə, həm də işgüzar sənədlərdə geniş istifadə oluna bilərlər. İşgüzar sənədin tərtibi zamanı kitab sözlərinə, yazılı nitqə üstünlük vermək lazımdır. Belə ki, onlar danışıq dilindən fərqli olaraq, sənədi tərtib edənin emosiyalarını ifadə etmirlər. Bu sahədə xüsusi terminologiyadan da qismən istifadə olunur.
Ərəb sənədlərində ərəb sözləri ilə yanaşı, alınma sözlərdən də istifadə edilir (məlumdur ki, hər bir dildə əcnəbi leksikaya rast gəlmək olar).
Lakin qeyd etmək lazımdır ki, alınma sözlər yalnız beynəlxalq (həmçinin, ərəb ölkələrinin elmlər akademiyaları tərəfindən) təsdiqini aldıqdan sonra və ya onları ərəb dilində eyni mənanı verən ekvivalent sözlə əvəz etmək mümkün olmadıqda istifadə olunmalıdırlar. Beynəlxalq sözlərə maliyyə terminləri, mühasibat uçotunun, poçt-teleqraf əlaqəsinin terminləri, kargüzarlıq, xarici ticarət (məsələn, birja, faks,teleks, fototeleqramma,viza) terminləri daxildir. İşgüzar sənəddə əcnəbi sözlərin düzgün və yerində işlənməsi üçün onu tərtib edən şəxs bir neçə qaydaya əməl etməlidir:
-ərəb dilində eynimənalı ekvivalent olduqda alınma sözün istifadəsi məqsədə uyğun sayılmır;
-alınma sözləri düzgün və dəqiqliklə-alındıqları mənada və yalnız istifadəsi vacib olan yerdə istifadə etmək lazımdır;
-nəzərə almaq lazımdır ki, sənədi istifadə edənlərə bu sözlər anlaşıqlı olmalıdır;
-eyni mətndə bir məfhumu ifadə etmək üçün həm alınma, həm də yerli sözün istifadəsi yol verilməzdir;
-müəllif iki sözdən birini seçib istifadə etməlidir[26,44].
Göründüyü kimi, kargüzarlıqda əcnəbi sözlərin seçilib istifadə edilməsi konkret mətnin tələbləri ilə əlaqəlidir.
Sözün sinonimik seçimi də xüsusi əhəmiyyət kəsb edir. Ərəb dilində sinonimiya leksik-semantik resurs kimi geniş yayılmışdır. Yaxın və oxşar mənalı sözlərin bəzən iyirmidən artıq dil vahidini əhatə edən sinonimik sırası olur. Dilin sinonimik sırasının düzgün mənimsənilməməsi, bir çox hallarda konkret vəziyyətdə düzgün sözün seçilə bilməməsinə, bütün sahələrdə, o cümlədən də, epistolyar üslubda çoxsaylı səhvlərin əmələ gəlməsinə şərait yaradır.
İşgüzar sənədlərdə neytral leksikadan (danışıq sözləri) əlavə, terminlər də isifadə olunur ki, bu da predmet və anlayışı adlandırmaqla yanaşı, ona konkret məna da verir. Terminlər yalnız bir neçə sferada (elmi, publisistik, texniki, kargüzarlıq) istifadə olunurlar. Məsələn, import, eksport, akkreditiv, müqavilə və s.
Sənədin tərtibi zamanı yaranan çətinlik yalnız sözün deyil, həmçinin qrammatik formanın da düzgün seçilməsi ilə bağlıdır. Aşağıda ərəb mətnlərindəki nitq hissələri ilə bağlı rast gəlinən tipik leksik xüsusiyyətlər göstərilmişdir:
İsim . İşgüzar sənədlərdə isimlər-şəxslərin, əşyaların, anlayışların adı üstünlük təşkil edir. Buna görə də isimlərin ayrı-ayrı formalarına xüsusi diqqət yetirmək lazımdır. Məlumdur ki, ərəb dilində isimlərin-peşə, vəzifə, rütbə adlarının cins kateqoriyası bəzi çətinliklər yaradır. Buna görə də, aşağıdakı qaydalara əsaslanmaq lazımdır:

1. 
   ərəb işgüzar sənədlərində (digər ərəb mətnlərində olduğu kimi) vəzifə, rütbə adlarını ifadə etmək üçün əsasən müzəkkər isimlərdən istifadə olunur: professor, direktor, rəhbər ; ərəb iş dünyasında qadınlar əsasən katibə, stenoqrafçı vəzifələrini tuturlar, yəni xidmət personalına aid olurlar;
   
2. 
   vəzifənin adından asılı olan sözlər, qadınlar haqqında danışıldıqda belə, müzəkkərdə olarsa, mətn ciddi, rəsmi xarakter alar; lakin sənəddə qadının soyadı göstərildikdə o qrammatik göstəricilərlə bildirilir.
   

İsimlərin sayının tərtibi zamanı da çətinliklərlə rastlaşmaq olar. Blanklarda informasiya ilə doldurulması üçün hazır formada olan hissələrdə ismin tək forması qeyd olunur. Belə ki, ismin tək forması ümumiləşmənin nominativ vasitəsidir və eynicinsli predmetlərin vahidliyinə işarə edir; yəni ümumilik bildirir.
Xitab-sənədin ünvanlandığı şəxsi adlandıran söz və ya söz birləşməsinə deyilir. Xitab mətnin əvvəlində, ortasında və sonunda gələ bilər. Ərəb mətnində xitabdan bilavasitə əvvəl يا, أيّها, أيّتها ədatları gəlir [19, 78].
Qeyd etmək lazımdır ki, işgüzar sənədlərdə bu ədatların istifadəsi ciddi qaydalara əsaslanır. Adı çəkilmiş ədatlar yalnız mətnin ortasında və ya sonunda gəlir . Məsələn, ياآنسة, ياسيّدة .Mətnin əvvəlinə gəlincə isə, burada əsasən, ənənəvi-سيّدي ,سيّدتي ,الأستاذ, həmçinin, حضرة(adətən, titul və addan əvvəl gəlir)-sözləri istifadə olunur. Diqqət etmək lazımdır ki, ticarətin dövlət tənzimlənməsini əks etdirən sənədlərdə, ticari nümayəndəliklərin protokollarında, tenderlərdə mütləq şəkildə xüsusi titul olan جلالة الملك المعظّم ,جلالة الملك istifadə olunur [32,25;31,56].
Sifətin istifadəsi də bəzən müəyyən çətinliklər yaradır. Yadda saxlamaq lazımdır ki, işgüzar üslubda nisbi sifətlər üstünlük təşkil edir; keyfiyyət bildirən sifətlər azdır. Lakin bu sifətlərdən az da olsa istifadə olunduğu üçün (onlar ifadəni bəzən aydınlaşdırmağa xidmət edir) onlardan müqayisə dərəcəsi də düzəldilir. Ərəb dilində bu formalar həm bir sözdən, həm də iki sözdən ibarət ola bilər. Bir sözdən ibarət olanlar sintetik, iki sözdən ibarət olanlar isə analitik sifətlər adlanır. İşgüzar sənədlərdə müqayisə dərəcəsi əsasən daha, daha çox, daha az zərfləri vasitəsilə analitik-təsviri yolla düzəlir[19,52].
Say. Işgüzar sənədlərdə həddən artıq çox saylarla rastlaşmaq olar. Ərəb işgüzar sənədlərində rəqəmsal informasiya bir neçə variantda (ərəb, hind, əbcəd rəqəmləri, eləcə də hərflərlə) yazıla bilər. Bəzən rəqəmlərin bir neçə dəfə təkrar olunmaması üçün sonuncu rəqəmdən sonra فقط sözü yazılır [19,85].